This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
კლონიდინი
Clonidine
ა.თ.ქ. კლასიფიკაცია:
	
 
S01EA04
S პრეპარატები გრძნობის ორგანოების დაავადებების მკურნალობისათვის
01 პრეპარატები თვალის დაავადებების მკურნალობისათვის
E გლაუკომის საწინააღმდეგო პრეპარატები და მიოზური საშუალებები
A სიმპატომიმეტური საშუალებები გლაუკომის მკურნალობისათვის
N02CX02
N ნერვული სისტემა
02 ანალგეზიური საშუალებები
C შაკიკის საწინააღმდეგო პრეპარატები
X შაკიკის საწინააღმდეგო სხვა პრეპარატები
C02AC01
C გულ-სისხლძარღვთა სისტემა
02 ანტიჰიპერტენზიული პრეპარატები
A ადრენერგული ინერვაციის მასტიმულირებელი ზემოქმედების შემამცირებელი ცენტრალური მოქმედების პრეპარატები
C იმიდაზოლინური რეცეპტორების აგონისტები
ანოტაცია:
ფარმაკოლოგიური თვისება:
პრეპარატი მიეკუთვნება ვაზომოტორული ცენტრების ტონუსის დამაქვეითებელ საშუალებას. იგი ახდენს გამოხატულ ჰიპოტენზიურ მოქმედებას, რომელიც განპირობებულია სისხლძარღვების საერთო პერიფერიული წინააღმდეგობის, გულის შეკუმშვის სიხშირის შემცირებით და გულის სისტოლური მოცულობის დაქვეითებით. პრეპარატის მოქმედების მექანიზმი რეალიზდება თავის ტვინის შემაკავებელი სტრუქტურით პოსტსინაფსური ალფა2-ადრენორეცეპტორების სტიმულაციით და გულზე და სისხლძარღვებზე ეფერენტული სიმპათიკური იმპულსაციის შემცირებით. პრეპარატის ვენაში სწრაფი ინექციის დროს შესაძლებელია არტერიული წნევის ხანმოკლე მომატება, რომელიც განპირობებულია სისხლძარღვების ალფა-1 ადრენორეცეპტორების სტიმულაციით. იგი ახდენს გამოხატულ სედატიურ მოქმედებას.
ჩვენება:
პრეპარატი გამოიყენება არტერიული ჰიპერტონიის, ჰიპერტონული კრიზის სამკურნალოდ.
დოზირება და მიღების წესი:
პრეპარატის მიღების წესი და დოზირება დგინდება ინდივიდუალურად. იგი ინიშნება საწყისი დოზით 75 მკგ 3-ჯერ დღეში. აუცილებლობის შემთხვევაში დოზას თანდათანობით ზრდიან საშუალო სადღეღამისო დოზამდე - 900 მკგ. მაქსიმალური ერთჯერადი დოზა შეადგენს 300 მკგ-ს, ხოლო მაქსიმალური სადღეღამისო - 2,4 მგ. ხანდაზმულ პაციენტებში, რომლებსაც აღენიშნებათ ცერებროვასკულური დარღვევები, ინიშნება საწყისი დოზით 37,5 მკგ 3-ჯერ დღეღამეში. მკურნალობის კურსის ხანგრძლივობა დგინდება ინდივიდუალურად, რომელიც საშუალოდ შეადგენს 1-2 თვეს. ჰიპერტონული კრიზის კუპირების-თვის კლონიდინი შეჰყავთ ვენაში ან კუნ-თებში დოზით 150 მკგ.
გვერდითი მოვლენები:
პირის ღრუს სიმშრალე, ცხვირით სუნთქვის გაძნელება, დაღლილობის შეგრძნება, ძილიანობა, ფსიქიური და მოტორული რეაქციების სიჩქარის შენელება. იშვიათად - ნევროზული მდგომარეობა, მოუსვენრობა, ყაბზობა, კუჭის წვენის სეკრეციის დაქვეითება, დეპრესია, ბრადიკარდია, ლიბიდოს დაქვეითება, იმპოტენცია. პრეპარატის ვენაში შეყვანისას შესაძლებელია ორთოსტატული ჰიპოტონია.
უკუჩვენება:
დეპრესია, თავის ტვინის სისხლძარღვების გამოხატული ათეროსკლეროზი, პერიფერიული არტერიების მაობლიტირებელი დაავადება, გამოხატული სინუსური ბრადიკარდია, სინუსური კვანძის სისუსტის სინდრომი, II და III ხარისხის ატრიოვენტრიკულური ბლოკადა, აგრეთვე პრეპარატისა და ტრიციკლური ანტიდეპრესანტების ერთდროული გამოყენება, პრეპარატის მიმართ მომატებული მგრძნობელობა.
განსაკუთრებული მითითებები:
პრეპარატის გამოყენება ორსულობისა და ლაქტაციის პერიოდში დასაშვებია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე შესაძლო მოქმედების პოტენციურ რისკს. პრეპარატის მიღების უეცარმა შეწყვეტამ შესაძლებელია გამოიწვიოს ჰიპერტონული კრიზის განვითარება (მოხსნის სინდრომი). პრეპარატის გამოყენებისას თავი უნდა შევიკავოთ იმ სამუშაოების შესრულებისაგან, რომლებიც მოითხოვენ ყურადღების მაქსიმალურ კონცენტრაციას. ორთოსტატული ჰიპოტონიის პროფილაქტიკისათვის კლონიდინის ვენაში შეყვანის და მის შემდეგ 1,5-2 სთ-ის განმავლობაში პაციენტი უნდა იმყოფებოდეს წოლით მდგომარეობაში.
ორსულობა და ლაქტაცია:
პრეპარატის გამოყენება ორსულობისა და ლაქტაციის პერიოდში დასაშვებია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე შესაძლო მოქმედების პოტენციურ რისკს. პრეპარატის მიღების უეცარმა შეწყვეტამ შესაძლებელია გამოიწვიოს ჰიპერტონული კრიზის განვითარება (მოხსნის სინდრომი). პრეპარატის გამოყენებისას თავი უნდა შევიკავოთ იმ სამუშაოების შესრულებისაგან, რომლებიც მოითხოვენ ყურადღების მაქსიმალურ კონცენტრაციას. ორთოსტატული ჰიპოტონიის პროფილაქტიკისათვის კლონიდინის ვენაში შეყვანის და მის შემდეგ 1,5-2 სთ-ის განმავლობაში პაციენტი უნდა იმყოფებოდეს წოლით მდგომარეობაში.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022849384 sec.