| უნიფიცირებული დასახელება: | ეპირუბიცინიEpirubicin | ||
| ა.თ.ქ. კლასიფიკაცია: | |||
L01DB03 | L სიმსივნის საწინააღმდეგო პრეპარატები და იმუნომოდულატორები | ||
| 01 სიმსივნის საწინააღმდეგო პრეპარატები | |||
| D სიმსივნის საწინააღმდეგო ანტიბიოტიკები | |||
| B ანტრაციკლინები | |||
| ანოტაცია: | |||
| ფარმაკოლოგიური თვისება: | პრეპარატი წარმოადგენს სინთეზურ, ანტრაციკლინური ანტიბიოტიკების ჯგუფის ავთვისებიანი სიმსივნის საწინააღმდეგო საშუალებას, რომლის მოქმედების მექანიზმი განპირობებულია სიმსივნური უჯრედის დნმ-ზე მოქმედების შედეგად მასში სტრუქტურულ ცვლილებებით და ნუკლეინის მჟავების სინთეზის ინჰიბირებით. | ||
| ფარმაკოკინეტიკა: | პაციენტებში თირკმელებისა და ღვიძლის ნორმალური ფუნქციით პრეპარატის ვენაში შეყვანის შემდეგ ფარმაკოკინეტური მაჩვენებლებლები აღიწერება სამფაზიაანი მოდელით, ძალიან სწრაფი პირველი და ნელი ტერმინული ფაზებით. ნახევრადგამოყოფის პერიოდის საშუალო სიდიდე შეადგენს დაახლოვებით 40 სთ-ს. ეპირუბიცინი ძირითადათ გამოიყოფა ნაღველით. პრეპარატი ნაწილდება ორგანიზმის ქსოვილებში და არ აღწევს ჰემატოენცეფალურ ბარიერში. მისი საერთო კლირენსი შეადგენს 0,9 ლ/წთ-ში. | ||
| ჩვენება: | - სარძევე ჯირკვლის კიბო; - ავთვისებიანი ლიმფომები; - რბილი ქსოვილების სარკომა; - კუჭის, კუჭქვეშა ჯირკვლის, სიგმოიდური და სწორი ნაწლავის სიმსივნე; - თავისა და ყელის სიმსივნე; - ფილტვის კიბო; - საკვერცხეების სიმსივნე; - ლეიკოზი. | ||
| დოზირება და მიღების წესი: | მოზრდილებში მონოთერაპიის სახით რეკომენდებული დოზა შეადგენს 60-90 მგ/მ 2. ვენაში პრეპარატი შეყავთ 3-5 წთის განმავლობაში. განმეორებითი დოზა შეჰყავთ 21 დღის შემდეგ. პაციენტებში ძვლის ტვინის ფუნქციის დაზიანებით რეკომენდებულია დოზა შევამციროთ 60-75 მგ/მ3-მდე. საერთო დოზა შესაძლებელია შევიყვანოთ 2-3 დღის განმავლობაში ზედიზედ. პაციენტებში ღვიძლის ფუნქციის დაზიანებით დოზა დგინდება ინდივიდუალურად და დამოკიდებულია ღვიძლის ფუნქციის ლაბორატორიულ მაჩვენებლებზე. იმ შემთხვევაში, როდესაც პლაზმაში ბილირუბინის კონცენტრაცია შეადგენს 1,4 - 3 მგ/100 მლ-ს, ხოლო ბრომსულფალეინის რეტენცია - 9-15%, აუცილებელია პრეპარატის დოზის 50%-ით შემცირება. თუკი პლაზმაში ბილირუბინის კონცენტრაცია 3 მგ/100 მლ-ზე მეტია, ხოლო ბრომსულფალეინის რეტენცია - 9-15% შეადგენს, მაშინ დოზას ამცირებენ 75 %-ით. პრეპარატის კომბინაციისას სხვა სიმსივნის საწინააღმდეგო საშუალებებთან საჭიროა დოზის შესაბამისად დაქვეითება. მკურნალობის კურსობრივი დოზა არ უნდა აჭარბებდეს 1000 მგ/მ2. პრეპარატის მაქსიმალურ კუმულაციურ დოზას ადგენენ სხვა ნებისმიერი თანმხლები თერაპიის გათვალისწინებით პოტენციურად კარდიოტოქსიური პრეპარატებით მკურნალობის დროს. ხსნარის მომზადების და შენახვის წესი: პრეპარატს ხსნიან სტერილურ საინექციო წყალში. ლიოფილიზირებული მშრალი 10მგ, გამხსნელის რაოდენობა 5მლ, საბოლოო კონცენტრატი 2მგ/მლ; ლიოფილიზირებული მშრალი 50მგ, გამხსნელის რაოდენობა 25მლ, საბოლოო კონცენტრატი 2მგ/მლ; სტერილური საინექციო წყლის დამატების შემდეგ ფლაკონი უნდა შევანჯღრიოთ შიგთავსის საბოლოო გახსნამდე. პრეპარატი შეჰყავთ ვენაში, ფიზიოლოგიური ხსნარის შეყვანის შემდეგ. დარწმუნებული უნდა ვიყოთ, რომ ნემსი სწორად არის შეყვანილი ვენაში. მომზადებული ხსნარი ინახება სინათლისაგან დაცულ ადგილას 24 სთ-ის განმავლობაში, ოთახის ტემპერატურაზე ან 48 სთ-ის განმავლობაში 4-10’C. | ||
| გვერდითი მოვლენები: | სისხლმბადი ორგანოების მხრივ: ლეიკოპენია, (ჩვეულებრივ გარდამავალია, რომელიც ყველაზე დაბალ მაჩვენებელს აღწევს 10-14 დღეებს შორის. ლეიკოციტების ნორმალური დონე აღდგება 21 დღეს) თრომბოციტოპენია, ანემია. გულ-სისხლძარღვთა სისტემების მხრივ: იშვიათად - მიოკარდიუმზე ტოქსიური მოქმედება. საჭმლისმომნელებელი ტრაქტის და ღვიძლის მხრივ: სტომატიტი, გულისრევა, ღებინება, დიარეა, ღვიძლის ტრანსამინაზების აქტივობის მომატება. ადგილობრივი რეაქციები: ექსტრავაზაციის დროს შესაძლებელია ირგვლივ მდებარე ქსოვილების ნეკროზი. სხვადასხვა: ალოპეცია, ჰიპერთერმია. | ||
| უკუჩვენება: | - ჰემოპოეზის სისტემის მიელოიდური დეპრესია მანამდე ჩატარებული ანტიკანცეროგენური ან სხივური თერაპიის შედეგად; - დოქსორუბუცინისა და დაუნორუბიცინის კუმულაციური დოზებით ადრე ჩატარებული თერაპია. - გულის უკმარისობა (მათ შორის ანამნეზში); - პრეპარატის მიმართ მომატებული მგრძნობელობა. | ||
| განსაკუთრებული მითითებები: | პრეპარატი გამოიყენება მხოლოდ იმ სპეციალისტების მიერ, რომელთაც გააჩნიათ ციტოსტატური პრეპარატების გამოყენების გამოცდილება. მკურნალობის დაწყებამდე და მისი მიმდინარეობის დროს საჭიროა რეგულარულად პერიფერიული სისხლის სურათის კონტროლი. მკურნალობის პერიოდში საჭიროა მიოკარდიუმის ფუნქციური მდგომარეობის კონტროლი, რათა თავიდან ავიცილოთ გულის უკმარისობის განვითარება. მკურნალობისას რეკომენდებულია რეგულარული ელექტროკარდიოგრაფული კონტროლის ჩატარება, გულის ფუნქციის არაინვაზიური მეთოდებით მონიტორინგი და აუცილებლობისას გულის წუთმოცულობის გაანგარიშება რადიოიზოტოპური ანგიოგრაფიის მეთოდით. მკურნალობის დამთავრებიდან რამოდენიმე კვირის შემდეგ მოსალოდნელია გულის უკმარისობის განვითარება, ამავე დროს გულის უკმარისობის მკურნალობის ტრადიციული მეთოდი შესაძლოა არაეფექტური იყოს. მკურნალობის დაწყებამდე და მისი მსვლელობისას რეკომენდებულია ღვიძლის ფუნქციის მაჩვენებლების კონტროლი. ეპირუბიცინმა შესაძლოა გამოიწვიოს ჰიპერურიკემია სიმსივნური უჯრედების სწრაფი ლიზისის გამო, ამიტომ საჭიროა სისხლში შარდმჟავას საგულდაგულო მონიტორინგი. თირკმელების ფუნქციის საშუალო სიმძიმის დაზიანების მქონე პაციენტებში, როგორც წესი დოზირების რეჟიმი არ საჭიროებს კორექციას. პრეპარატს გააჩნია უფრო მაღალი თერაპიული ინდექსი, ვიდრე დოქსორუბიცინს, რაც განპირობებულია ეპირუბიცინის ნაკლები სისტემური და კარდიოტოქსიური მოქმედებით. ექპერიმენტული კვლევის შედეგად დადგენილია, რომ პრეპარატს გააჩნია მუტაგენური, კანცეროგენული და ემბრიოტოქსიური თვისებები. ორსულობის პერიოდში პრეპარატის გამოყენება არ არის რეკომენდებული. რეპროდუქციულ ასაკში მყოფმა ქალებმა, რომლებიც იყენებენ ეპირუბიცინს თავიდან უნდა აიცილონ ორსულობა. ეპირუბიცინი შეყვანიდან 1-2 დღის განმავლობაში ფერს უცვლის შარდს. პრეპარატის ხსნარის შემთხვევით კანზე ან ლორწოვან გარსზე მოხვედრისას საჭიროა იგი მოვიშოროთ საპნისა და წყლის მეშვეობით. კონიუქტივა უნდა მოვიბანოთ ფიზიოლოგიური ხსნარით. პრეპარატთან მომუშავე პერსონალი საჭიროებს დაცვითი ხელთათმანების გამოყენებას. ექსრავაზაციის შემთხვევაში შესაძლებელია ქსოვილთა მძIმე ნეკროზის განვითარება. | ||
| ჭარბი დოზირება: | მოსალოდნელია დიარეა და ალოპეცია. | ||
| ურთიერთქმედება სხვა მედიკამენტებთან: | პრეპარატის შერევა ჰეპარინის ხსნართან პრეციპიტაციის თავიდან აცილების მიზნით არ არის რეკომენდებული ქიმიური შეუთავსებლობის გამო. პრეპარატის ხსნარის სხვა სიმსივნის საწინააღმდეგო საშუალებებთან შერევა ერთ შპრიცში წინააღმდეგნაჩვენებია. |
Page generation time: 0. 021625496 sec.
