This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
პენტოქსიფილინი
Pentoxifylline
ა.თ.ქ. კლასიფიკაცია:
	
 
C04AD03	
C გულ-სისხლძარღვთა სისტემა
	
04 პერიფერიული ვაზოდილატატორები
	
A პერიფერიული ვაზოდილატატორები
	
D პურინები
ანოტაცია:
	
	
ფარმაკოლოგიური თვისება:
	
პენტოქსიფილინი აუმჯობესებს სისხლმიმოქცევას და ერითროციტების დეფორმირებულობის ხარისხს. იგი აინჰიბირებს თრომბოციტების აგრეგაციას და ამცირებს სისხლის სიბლანტეს. მკურნალობის შედეგი დასტურდება პერიფერიული ობტურაციული არტერიული დაავადების მძიმე სიმპტომების რეგრესიით. მისი ზემოქმედებით ადგილი აქვს თვალის ცირკულატორული და შიგნითა ყურის დარღვევების, ასევე ცერებროვასკულური დაავადებების დროს მდგომარეობის გაუმჯობესება.
ჩვენება:
	
აბები: პათოლოგიური მდგომარეობები, რომლებსაც თან ახლავთ თავის ტვინის სისხლით მომარაგების დარღვევა, როგორიცაა; მეხსიერების დარღვევა და ყურადღების კონცენტრაციის დაქვეითება, ძილის დარღვევა, თავის ტკივილი და ყურებში შუილი. პერიფერიული არტერიების ოკლუზიური დაზიანება და არტერიოვენური სისხლმომარაგების დარღვევა, ათეროსკლეროზული ან დიაბეტური გენეზის (მაგ. ხანგამოშვებითი კოჭლობა და მოსვენების დროს ტკივილი) ტროფიკის მოშლა (მაგ. წვივის წყლულები და განგრენა), თვალის სისხლმომარაგების დარღვევა, სისხლძარღვების დეგენერაციული ცვლილებების შედეგად. ცერებრული ცირკულატორული დარღვევები (ცერებრული ათეროსკლეროზის შედეგი, როგორიცაა: ყურადღების დაქვეითება, თავბრუსხვევა, მეხსიერების დაქვეითება), იშემიური და პოსტაპოპლექსიური მდგომარეობები. თვალის და შიგნითა ყურის ცირკულატორული დარღვევები, რომლებიც თვალის და ყურის დეგენერაციული ვასკულური პროცესის შედეგია.
დოზირება და მიღების წესი:
	
თუ არ არის სხვა დანიშნულება, უნიშნავენ დასაწყისში პენტოქსიფილინის 2 აბს სამჯერ დღეში, შემდგომში უკვე შემანარჩუნებელ დოზას ან 1 აბს სამჯერ დღეში. გარსით დაფარული აბები მიიღება მთლიანად, ჭამის შემდეგ დაუღეჭავად სითხის მიყოლებით. ავადმყოფებში დაბალი ან ლაბილური წნევით ან თირკმელების ფუნქციის მკვეთრი დაქვეითებით მიზანშეწონილია დოზის ადაპტაცია. პენტოქსიფილინის გამოყენება შეიძლება ვენაში ინფუზიის ან ინექციის გზით. ფარტო კლინიკურმა გამოცდილებამ ცხადყო, რომ ვენაში ინფუზიური მკურნალობის უპირატესობა ეფექტურობის თვალსაზრისით. ინფუზიური მკურნალობა: პრეპარატის ვენაში შეყვანა სისხლძარღვოვანი დაავადების სიმძიმის, ავადმყოფის წონის და ამტანობის ფაქტორის გათვალისწინებით შემდეგი სქემით ხორციელდება: დილით და საღამოს ვენაში პენტოქსიფილინის 200-300 მგ (100 მგ შემცველი 5 მლ-იანი 2 ან 3 ამპულა) შეყვანა საინფუზიო ხსნარის 250 ან 500 მლ-თან ერთად 120-180 წუთის განმავლობაში. საღამოს შეყვანის შემდეგ დამატებით ინიშნება რეტარდის 2 დრაჟე. თუ პრეპარატის დილის და საღამოს მიღებებს შორის დიდი ინტერვალია, ერთი რეტარდ აბის გამოყენება შეიძლება შუადღისას. სხვა შემ-თხვევაში, თუ პაციენტის მდგომარეობა მხოლოდ ერთი ინფუზიის საშუალებას იძლევა რეკომენდებულია 3 რეტარდ დრაჟე: 2 სადილობისას და 1 საღამოს (ვენაში შეყვანის შემდეგ 24 სთ-იანი წვეთოვანი ინფუზია შეიძლება გახდეს საჭირო). განსაკუთრებით მძიმე შემთხვევებში, მოსვენების დროს მწვავე ტკივილებით, განგრენით და წყლულებით (III და IV სტადია ფონტეინით). როგორც წესი, პარენტერული პენტოქსიფილინის დღიური დოზა არ უნდა აღემატებოდეს პენტოქსიფილინის 1200 მგ-ს. ინდივიდუალური დოზის გამოანგარი-შება შემდეგი ფორმულით შეიძლება: პენტოქსიფილინის 0,6 მგ ერთ საათში ავადმყოფის 1 კგ წონაზე. დღეღამური დოზა ამ ფორმულით 70 კგ-ზე შეადგენს პენტოქსიფილინის 1000 მგ და პენტოქსიფილინის 1500 მგ 80 კგ-ზე. საინფუზიო ხსნარის მოცულობის დადგენა ხდება თანმხლები დაავადებების გათვალისწინებით და შეადგენს 1000-1500 მლ-ს. პარენტერული მკურნალობა: ვენაში ინექცია: ინექციური მკურნალობისათვის არსებობს 5 მლ-იანი ამპულები, რომლებიც პენტოქსიფილინის 100 მგ-ს შეიცავს. შეყვანა ხორციელდება ავადმყოფის მწოლიარე მდგომარეობაში 5 წთ-ის განმავლობაში. ვენაში ინექციის გამეორება არ შეიძლება უშუალოდ პირველი შეყვანის შემდეგ. დამხმარე და შემდგომი თერაპია: პენტოქსიფილინი 400-ის პერორალური ფორმის დამატებითი დანიშვნა შეიძლება ვენაში ინფუზიის და ინექციური თერაპიისას. მდგომარეობის გაუმჯობესების შემთხვევაში მკურნალობის გაგრძელება შეიძლება პერორალური გზით. გამოყენება: საინფუზიო და ინექციის დრო მკაცრად უნდა იყოს დაცული. შეიძლება შემდეგი საინფუზიო ხსნარების გამოყეენბა: ფიზიოლოგიური ხსნარი, რინგერის ხსნარი, ლევულოზის 5% ხსნარი, გლუკოზის ხსნარი და ასევე პლაზმის შემცვლელი სხვა ხსნარები. შეყვანამდე აუცილებელია ყველა ცალკეულ შემთხვევაში თითოეულ ხსნართან შეთავსებაზე სინჯის გაკეთება. ავადმყოფებში, ჰიპოტენზიით და ცირკულატორული დისტონიით, ინექციის და საინფუზიო თერაპიის დაწყება ნელ-ნელა ხორციელდება. შესაძლებელია ჰიპოტენზიის განვითარება კოლაფსით, ხოლო ცალკეულ შემთხვევებში სტენოკარდიის განვითარება. გულის უკმარისობით დაავადებული პაციენტები საჭიროებენ შესაბამის მკურნალობას, რის დროსაც თავი უნდა ავარიდოთ დიდი რაოდენობით სითხის გამოყენებას. თირკმელების უკმარისობით შეპყრობილ პაცინტებში საჭიროა სამკურნალო საშუალებების ინდივიდუალური შერჩევა.
გვერდითი მოვლენები:
	
ჩივილები კუჭ-ნაწლავის ტრაქტის მხრივ: სიმძიმე კუჭის არეში, გადავსების შეგრძნება, გულისრევა, ღებინება, ფაღარათი, თავის ტკივილი ან თავბრუსხვევა, რომლებიც ზოგ შემთხვევაში განაპირობებს მკურნალობის შეწყვეტას. ცალკეულ შემთხვევებში აღინიშნება ძილის დარღვევა და მოუსვენრობა. იშვიათად მომატებული დოზის შემთხვევაში, აღინიშნება სახის ჰიპერემია და სიმხურვალე (ალები), გულის რითმის დარღვევა (მაგ, ტაქიკარდია), გულის არეში მოჭერის შეგრძნება ან სისხლის არტერიული წნევის მკვეთრი დაქვეითება. საჭიროების შემთხვევაში ასეთ დროს დოზა უნდა შემცირდეს ან პრეპარატის მიღება უნდა შეწყდეს. ჰიპერმგრძნობელობის ისეთი რეაქციები, როგორიცაა ქავილი, კანის სიწითლე, ურტიკარია და ანგიონვროზული შეშუპება აღინიშნება ძალიან იშვიათად და როგორც წესი პრეპარატის მიღების შეწყვეტის შემ-თხვევაში სწრაფად ქრება. ინდივიდუალულრ შემთხვევაში აღინიშნება მომატებული მგრძნობელობის რეაქციები შოკის განვითარებით. ძალიან იშვიათ შემთხვევაში პენტოქსიფილინით მკურნალობის დროს, ანტიკოაგულანტების გამოყენების ან არ გამოყენებისას, ან პრეპარატების დანიშვნისას, რომლებიც თრომბოციტების აგრეგაციას თრგუნავენ, აღინიშნება სისხლჩაქცევები (მაგ. კანში, ლორწოვან გარსში, კუჭში, ნაწლავებში). კავშირი ასეთ სისხლჩაქცევებსა და პენტოქსიფილინის მიღებას შორის დადგენილი არ არის, თუმცა მისი სრულიად უარყოფაც არ შეიძლება. ცალკეულ შემთხვევებში აღინიშნება სისხლის ფორმიანი ელემენტების რაოდენობის შემცირება (თრომბოციტოპენია).
უკუჩვენება:
	
პენტოქსიფილინი უკუნაჩვენებია პაციენტებში, რომელთაც აღენიშნებათ პენტოქსიფილინისადმი ჰიპერმგრძნობელობა, ბადურაში მასიური სისხლჩაქცევების დროს დიდი ზედაპირით. მიოკარდიუმის ინფარქტი დროს საჭიროა პენტოქსიფილინის მიღების ჩვენებების მკაცრი დადგენა თანმხლები მოვლენების გათვალისწინებით. პრეპარატი უკუნაჩვენებია ორსულობის დროს.
ურთიერთქმედება სხვა მედიკამენტებთან:
	
პენტოქსიფილინით მკურნალობისას ჰიპოტენზიური საშუალებების მოქმედება შეიძლება გაძლიერდეს. ასეთ დროს საჭიროა დოზის ადაპტორება. პენტოქსიფილინის მაღალი დოზების პარენტერულად გამოყენებამ შაქრიანი დიაბეტით დაავადებულებში, რომელბიც ინსულინით ან პერორალური ანტიდიაბეტური საშუალებებით მკურნალობენ, შეიძლება გამოიწვვიოს ამ პრეპარატების ჰიპოგლიკემიური ეფექტის გაძლიერება. ასეთ დროს საჭიროა ინსულინის ან პერორალური ანტიდიაბეტური საშუალებების დოზის შემცირება. სიფრთხილეა საჭირო: სიფრთხილით ინიშნება ცერებრული და კორონარული სისხლძარღვების გამოხატული ათეროსკლეროზის მქონე პაციენტებში არტერიული ჰიპერტონიითა და გულის რითმის დარღვევებით, მათში პრეპარატმა შესაძლოა გამოიწვიოს არტერიული ჰიპოტონია, სტენოკარდიის და არითმიის შეტევები. სიფრთხილეა საჭირო წყლულოვანი ანამნეზის მქონე პაციენტებში და ოპერაციის შემდეგომი სისხლდენისას.








Page generation time: 0. 020853850 sec.