This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ბრომაზეპამი
Bromazepam
ა.თ.ქ. კლასიფიკაცია:
	
 
N05BA08	
N ნერვული სისტემა
	
05 ფსიქოლეფსიური საშუალებები
	
B ანქსიოლიზური საშუალებები
	
A ბენზოდიაზეპინის წარმოებულები
ანოტაცია:
	
	
ფარმაკოლოგიური თვისება:
	
მცირე დოზებში ბრომაზეპამი სელექტიურად ამცირებს დაძაბულობას და განგაშის შეგრძნებას, ხოლო დიდ დოზებში ხასიათდება სედატიური და ცენტრალური მიორელაქსაციური მოქმედებით. იგი წარმოადგენს ბენზოდიაზეპინების ჯგუფის ტრანკვილიზურ საშუალებას. ხასიათდება ანქსიოლიზური, სედატიური, საძილე, კრუნჩხვების საწინააღმდეგო და ცენტრალური მიორელაქსაციური ეფექტებით. მისი მოქმედების მექანიზმი დაკავშირებულია ბენზოდიაზეპინური რეცეპტორების აგზნების შედეგად ცნს-ში გაემ რეცეპტორების მგრძნობელობის მომატებასთან გაემ-ის მიმართ, რაც იწვევს ქლორის ანიონის არხების გახსნას, მისი იონების შეღწევას ნერვულ უჯრედებში და ნეირონული მემბრანის ჰიპერპოლარიზაციის შედეგად შემაკავებელი პროცესების გაძლიერებას ცნს-ში. ფარმაკოკინეტიკა შეწოვა: პერორალური მიღებისას ბრომაზეპამი მაქსიმალურ კონცენტრაციას სისხლის პლაზმაში აღწევს 2.0სთ-ის შემდეგ. პრეპარატის აბსოლუტური (ვენაში ინექციის დროს) და შედარებითი (აბის პერორალური მიღებისას) ბიოშეღწევადობა შეადგენს შესაბამისად 100% და 60%-ს. განაწილება: პრეპარატის მნიშვნელოვანი ნაწილი უკავ-შირდება სისხლის პლაზმის ცილებს საშუალოდ 70%-ით. ბრომაზეპამის განაწილების მოცულობა შეადგენს 50ლ-ს. მეტაბოლიზმი და გამოყოფა: ბრომაზეპამი მეტაბოლიზდება ღვიძლში ძირითადად ორი მეტაბოლიტის-3-ჰიდროქსიბრომაზეპამის და 2-(2-ამინო-5-ბრომო-3ჰიდროქსიბენზოილ)-პირიდინის წარმოქმნით. უცვლელი ბრომაზეპამის და მისი მეტაბოლიტების გლუკურონიდების შემცველობა შარდში შესაბამისად შეადგენს მიღებული დოზის 2%, 27%, და 40%-ს. პრეპარატის ნახევრადგამოყოფის პერიოდი საშუალოდ შეადგენს 20სთ-ს, ხოლო კლირენსი - 40მლ/წთ-ში. ხანდაზმულ პაცინტებში პრეპარატის ნახევრადგამოყოფის პერიოდი შედარებით უფრო ხანგრძლივია.
ჩვენება:
	
პრეპარატს იყენებენ ნევროზებისა და ფსიქოპათიების დროს შიშის, განგაშის, მოუსვენრობის, ემოციური დაძაბვის, უძილობის, და სხვა ფსიქოსომატური დაავადებების დროს. როგორც დამატებითი სამკურნალო საშუალება იგი გამოიყენება ფსიქიური დაავადებების და აგზნების სამკურნალოდ, მაგ. შიზოფრენიისა და ხასიათის ცვლილებების დროს. მას უნიშნავენ ვაზოსპასტიური სტენოკარდიის, არტერიული ჰიპერტენზიის (ემოციური გენეზის), დისმენორეის, თავის ფსიქოგენური ტკივილის და დერმატოზების კომპლექსური თერაპიის სახით.
გვერდითი მოვლენები:
	
მოთენთილობა, ძილიანობა, კუნთების სისუსტე, ყურადღების დაქვეითება, მეტყველების მოშლა, ცნობიერების დაბინდვა, თავის ტკივილი, თავბრუსხვევა, ატაქსია და დიპლოპია. აღნიშნული მოვლენები ძირითადად ვითარდება მკურნალობის დასაწყისში, რომლებიც პრეპარატის შემდგომი გამოყენებისას მალე ქრება. ზოგჯერ ადგილი აქვს კუჭ-ნაწლავის ტრაქტის ფუნქციის მხრივ ცვლილებებს, ლიბიდოს დაქვეითებას, კანის მხრივ რეაქციებს, ღვიძლის და თირკმელების ფუნქციის დარღვევას და პერიფერიული სისხლის სურათის ცვლილებას. მკურნალობის პროცესში შესაძლებელია ანტეროგრადული ამნეზიის განვითარება, რომლის რისკი ძლიერდება პრეპარატის მაღალი დოზებით მიღების დროს და რომელსაც თან ერთვის არაადექვატური ქცევითი რეაქციები. ბენზოდიაზეპინების მიღების დროს შესაძლებელია ადრე არსებული ფარული დეპრესიის მანიფესტირება. ბრომაზეპამის და მისი მსგავსი სამკურნალო საშუალებების მიღებას ზოგჯერ თან ახლავს პარადოქსული რეაქციები შფოთვის, აგზნების, გაღიზიანების, აგრესიის, ბოდვის, “კოშმარული” სიზმრების, ჰალუცინაციების, ფსიქოზების, არაადექვატური ქცევის და სხვა ანომალური ქცევითი რეაქციების სახით, რომლის დოსაც საჭიროა პრეპარატით მკურნალობის შეწყვეტა. აღნიშნულ რეაქციებს უფრო მეტად ადგილი აქვს ბავშვებში და ხანდაზმული ასაკის ავადმყოფებში. ბრომაზეპამის ხანგრძლივი გამოყენებით შესაძლებელია წამლისმიერი დამოკიდებულების განვითარება, ხოლო პრეპარატით მკურნალობის უეცარი შეწყვეტა იწვევს აბსტინენციის და უკუგების (რაბაუნდ)-სინდრომის განვითარებას. შესაძლებელია აგრეთვე ბრომაზეპამისადმი ფსიქიური დამოკიდებულების განვითარება. აღწერილია ბენზოდიაზეპინური ტოქსიკომანიის შემთხვევები.
უკუჩვენება:
	
მომატებული მგრძნობელობა ბენზოდიაზეპინების მიმართ ანამნეზში, სუნთქვის უკმარისობა, ღვიძლის მძიმე დაზიანება (ბენზოდიაზეპინები იწვევენ ენცეფალოპათიის განვითარებას), აპნოეს სინდრომი ძილის დროს, მიასთენია, წამლისადმი ან ალკოჰოლის მიმართ დამოკიდებულება, ორსულობა და ლაქტაციის პერიოდი.
განსაკუთრებული მითითებები:
	
ბენზოდიაზეპინების და მისი მსგავსი პრეპარატების გამოყენებით ვითარდება მათ მიმართ ფიზიკური და ფსიქიური დამოკიდებულება, რომლის რისკი იზრდება პრეპარატის მაღალი დოზებით მიღების და მკურნალობის გახანგრძლივების შემთხვევაში. იგი აგრეთვე იზრდება იმ ავადმყოფებში, რომლებიც ბოროტად იყენებენ ალკოჰოლურ სასმელებს და სამკურნალო პრეპარატებს. მოხსნა: პრეპარატით მკურნალობის შეწყვეტის დროს, საჭიროა დოზის თანდათანობითი შემცირება, ვინაიდან ბრომაზეპამის მიღების უეცარი შეწყვეტის დროს ადგილი აქვს მოხსნის ფენომენის განვითარებას, რომლისთვისაც დამახასიათებელია თავისა და კუნთების ტკივილი, მკვეთრად გამოხატული განგაშის შეგრძნება, დაძაბულობა, ცნობიერების დაბინდვა და გაღიზიანება. მძიმე შემთხვევებში ვითარდება შემდეგი სიმპტომები: დერეალიზაცია, დეპერსონალიზაცია, ჰიპერაკუზია, დაბუჟების და ჩხვლეტის შეგრძნება კიდურებში, მომატებული მგრძნობელობა სინათლისა და ხმაურის მიმართ, ჰალუცინაციები და ეპილეფსიური გულყრები. “Rebound”-ტრანზიტორული სინდრომია, რომელიც ვითარდება პრეპარატის მოხსნის შემდეგ და შედარებით უფრო მკვეთრი ფორმით ვლინდება. აღნიშნულ რეაქციებს მიეკუთვნება ქცევის ცვლილება, ძილის დარღვევა, მოუსვენრად ყოფნა. რადგან “Rebound”-სინდრომის განვითარების რისკი მაღალია პრეპარატის მკვეთრად მოხსნის დროს, რეკომენდებულია ბრომაზეპამის დოზის თანდათანობითი შემცირება. მოხსნის ფენომენი შეიძლება განვითარდეს ბენზოდიაზეპინების ჯგუფის ერთი პრეპარატიდან ამავე ჯგუფის სხვა პრეპარატზე გადასვლის დროს, რომელიც ხასიათდება შედარებით ხანმოკლე ნახევრად გამოყოფის პერიოდით. ბენზოდიაზეპინები იწვევენ ანტეროგრადულ ამნეზიას, რომელიც ვითარდება პრეპარატის თერაპიული დიაპაზონის ზედა ზღვართან ახლოს მყოფი დოზების გამოყენებისას, (დოკუმენტირებულია 6მგ ბრომაზეპამის დოზისათვის); პრეპარატის შედარებით უფრო მაღალ დოზებში გამოყენებისას ამნეზიის განვითარების რისკი იზრდება. მკურნალობის დასაწყისში მიზანშეწონილია ავადმყოფის ინფორმირება მკურნალობის პერიოდის, დოზის შემცირების და პრეპარატის მოხსნით გამოწვეული სიმპტომების შესახებ. მკურნალობის დასაწყისში აუცილებელია ავადმყოფის მდგომარეობის რეგულარული კონტროლი, მინიმალური დოზის შერჩევით და კუმულაციით გამოწვეული ჭარბი დოზირების თავიდან აცილების მიზნით. დეპრესიის და განგაშით მიმდინარე დეპრესიის დროს ბენზოდიაზეპინების დანიშვნა მონოთერაპიის სახით ნებადართული არ არის. ბენზოდიაზეპინების დანიშვნა ფსიქოზების პირველადი მკურნალობის მიზნით რეკომენდებული არ არის. ალკოჰოლური, წამლისადმი ან ნარკოტიკული საშუალებების მიმართ დამოკიდებულების მქონე ავადმყოფებში ბენზოდიაზეპინების დანიშვნა ნებადართული არ არის. ბრომაზეპამი myasthenia gravis-ით, დაავადებულებში იწვევს კუნთების სისუსტის გაძლიერებას. იგი განსაკუთრებული სიფრთხილით ენიშნებათ სუნთქვის ქრონიკული უკმარისობით შეპყრობილ ავადმყოფებს, ვინაიდან პრეპარატს შეუძლია გამოიწვიოს სუნთქვის ცენტრის ფუნქციის დათრგუნვა.
ორსულობა და ლაქტაცია:
	
პრეპარატის უსაფრთხოება ორსულობის და ლაქტაციის პერიოდში არ არის დადგენილი, რის გამოც ბრომაზეპამის მიღება ამ დროს ნებადართული არ არის. გამოკვლევებით დადგენილია, რომ ტრანკვილიზატორები (დიაზეპამი, ქლორდიაზეპოქსიდი) ზრდიან ახალშობილთა ანომალური განვითარების რისკს. ორსულობის დროს საჭიროა ბრომაზეპამის მიღებისაგან თავის შეკავება, სანამ არსებობს შედარებით უფრო უსაფრთხო პრეპარატის გამოყენების შესაძლებლობა. რეპროდუქციის ასაკში მყოფ ქალებში პრეპარატის დანიშვნისას აუცილებელია მათი ექიმთან კონსულტაცია მისი მოხსნის შესახებ ორსულობის დაგეგმვის შემთხვევაში ან მასზე ეჭვის დროს. ბრომაზეპამის მიღება ორსულობის ბოლო ტრიმესტრში ან მშობიარობის დროს ნებადართულია მხოლოდ აბსოლუტური ჩვენების მიხედვით, ვინაიდან პრეპარატის ფარმაკოლოგიური თვისებებიდან გამომდინარე იგი იწვევს ახალშობილთა ჰიპოთერმიას, არტერიულ ჰიპოტენზიას და სუნთქვის ზომიერ დათრგუნვას. ახალშობილებში, რომელთა მშობლებიც ორსულობის ბოლო თვეებში სისტემატურად იღებდნენ ბენზოდიაზეპინებს, ადგილი აქვს წამლისადმი ფიზიკური დამოკიდებულების განვითარებას, ხოლო მოხსნის ფენომენის სიმპტომების განვითარების რისკი პოსტნატალურ პერიოდში იზრდება. ვინაიდან ბენზოდიაზეპინები გადადიან დედის რძეში, ამიტომ ბრომაზეპამის გამოყენება ლაქტაციის პერიოდში ნებადართული არ არის. სედაცია, ამნეზია და კუნთოვანი ქსოვილის ფუნქციის დარღვევა უარყოფითად მოქმედებს ავტოტრანსპორტის მძღოლებზე და იმ პირებზე, რომელთა მუშაობა ტექნიკასთან მოითხოვს გაძლიერებულ ყურადღებას. აღნიშნული ეფექტი ძლიერდება ალკოჰოლის მიღებით.
დოზირება და მიღების წესი:
	
პრეპარატის საშუალო დოზა ამბულატორიული მკურნალობის დროს შეადგენს 1.53მგ 2-3-ჯერ დღეში. მძიმე შემთხვევებში, განსაკუთრებით სტაციონარულ პირობებში: 6-12მგ 2-3-ჯერ დღეში. აღნიშნული დოზები წარმოადგენს საერთო რეკომენდაციებს და თითოეულ განსაკუთრებულ შემთხვევაში საჭიროებს ინდივიდუალურ შერჩევას. მკურნალობის კურსი გრძელდება 3-6 კვირას, ბრომაზეპამის თანდათანობით მოხსნით ან შემანარჩუნებელ დოზაზე გადასვლით. ამბულატორული ავადმყოფების მკურნალობას იწყებენ მცირე დოზებით, რომელსაც თანდათანობით ზრდიან ოპტიმალურ დოზამდე. მკურნალობის ხანგრძლივობა ხანმოკლეა. საჭიროა სისტემატური კონტროლი ავადმყოფის მდგომარეობაზე, რათა დადგინდეს მკურნალობის განმეორების აუცილებლობა, განსაკუთრებით დაავადების სიმპტომატიკის გაქრობის შემთხვევაში. მკურნალობის კურსი არ უნდა აღემატებოდეს 8-12 კვირას, დოზის თანდათანობით შემცირების პერიოდის ჩათვლით. მხოლოდ ავადმყოფის მდგომარეობის სისტემატური კონტროლის შემდეგ, შესაძლებელია მკურნალობის კურსის გაგრძელება. ბრომაზეპამი ბავშვებს ჩვეულებრივად არ ენიშნებათ. მიუხედავად ამისა, იმ შემთხვევაში, როდესაც ექიმი საჭიროდ ჩათვლის პრეპარატის დანიშვნას, დოზის დადგენა ხდება ინდივიდუალურად ექიმის მიერ ბავშვის სხეულის წონასთან და ასაკთან დამოკიდებულებით. ბრომაზეპამი ენიშნებათ ბავშვებს 1 წლის ასაკის ზემოთ (დაახლოებით 0.1-0.3მგ/კგ სხეულის წონაზე). პრეპარატის მიმართ მგრძნობელობის და მისი ფარმაკოკინეტიკის ცვლილებების მიხედვით, ხანდაზმულ და ღვიძლის ფუნქციის დარღვევით შეპყრობილ პაციენტებს ბრომაზეპამი ენიშნებათ მცირე დოზებში.
ურთიერთქმედება სხვა მედიკამენტებთან:
	
ალკოჰოლი აძლიერებს ბრომაზეპამის და სხვა მსგავსი ფსიქოტროპული საშუალებების მოქმედების ეფექტს, რის გამოც მკურნალობის პროცესში საჭიროა ალკოჰოლური სასმელებისაგან თავის შეკავება. ბრომაზეპამის კომბინაციით ც.ნ.ს-ზე დამთრგუნველად მოქმედ პრეპარატებთან (ანტიდეპრესანტები, საძილე საშუალებები, ნარკოტიკული ანალგეტიკები, ანტიფსიქოზური საშუალებები, ანქსიოლიზური და სედატიური, კრუნჩხვების საწინააღმდეგო, სედატიური თვისებების მქონე ანტიჰისტამინური პრეპარატები და ზოგადი საანესთეზიო საშუალებები) ძლიერდება მისი სედატიური ეფექტი. ბრომაზეპამის და ნარკოტიკული ანალგეტიკების ერთდროული მიღება აძლიერებს ეიფორიას, რაც იწვევს წამლისადმი დამოკიდებულების განვითარებას. დადგენილია, რომ ღვიძლის ციტოქრომ P450 გარკვეული ფერმენტული სისტემის დამთრგუნველი პრეპარატები აძლიერებენ ბენზოდიაზეპინების აქტივობას, რომლებიც აღნიშნული ფერმენტების მიერ მეტაბოლიზდებიან. ციმეტიდინთან კომბინაცია ახანგრძლივებს ბრომაზეპამის ნახევრადგამოყოფის პერიოდს.
ჭარბი დოზირება:
	
ბრომაზეპამის, ისევე როგორც სხვა ბენზოდიაზეპინებით დოზის შემთხვევითი ან განზრახ გადაჭარბება იშვიათად წარმოადგენს სიცოცხლისათვის საშიშროებას, როდესაც ავადმყოფი ერთდროულად არ იღებს ც.ნ.სზე დამთრგუნველად მოქმედ სხვა პრეპარატებს (ალკოჰოლის ჩათვლით). ბენზოდიაზეპინებით დოზის გადაჭარბება ძირითადად ვლინდება ც.ნ.ს-ის ფუნქციის სხვადასხვა ხარისხის დათრგუნვით, ძილიანობიდან კომამდე. მსუბუქ შემთხვევებში ვითარდება ძილიანობა, ცნობიერების დაბინდვა და ლეთარგია. მკვეთრად გამოხატული ჭარბი დოზირებისას, განსაკუთრებით ცენტრალური მოქმედების სხვა პრეპარატებთან კომბინაციის დროს, ვითარდება ატაქსია, ჰიპოტონია, კუნთოვანი ტონუსის სისუსტე, სუნთქვის დათრგუნვა, იშვიათად ადგილი აქვს ლეტალურ გამოსავალს. თუ პაციენტს შენარჩუნებული აქვს ცნობიერება, საჭიროა ღებინების გამოწვევა (პრეპარატის მიღებიდან დაახლოებით 1 სთ-ის განმავლობაში), ხოლო უგონო მდგომარეობაში ყოფნის დროს საჭიროა კუჭის ამორეცხვა, ფრთხილად რათა სითხე არ მოხვდეს სასუნთქ გზებში. შემდგომში შეწოვის პროცესის შეფერხების მიზნით მიზანშეწონილია გააქტივებული ნახშირის გამოყენება. ინტენსიური თერაპიის დროს განსაკუთრებული ყურადღება ექცევა სუნთქვისა და გულ-სისხლძარღვთა სისტემის ფუნქციებს. სპეციფიკური ანტაგონისტის სახით შესაძლებელია ფლუმაზენილის გამოყენება. მისი დანიშვნა ეპილეფსიით შეპყრობილ ავადმყოფებში, რომლებიც იყენებდნენ ბენზოდიაზეპინებს, ნებადართული არ არის, ვინაიდან ფლუმაზენილის ანტაგონისტური მოქმედება მათში იწვევს კრუნჩხვების პროვოცირებას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021802830 sec.