This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
სარეკლამო ადგილი







უნიფიცირებული
დასახელება:
	
მეტამიზოლ ნატრიუმი
Metamizole sodium
ა.თ.ქ. კლასიფიკაცია:
	
 
N02BB02	
N ნერვული სისტემა
	
02 ანალგეზიური საშუალებები
	
B ანალგეზიური ანტიპირექსიული საშუალებები
	
B პირაზოლონები
ანოტაცია:
	
	
ფარმაკოლოგიური თვისება:
	
მეტამიზოლი - პირაზოლონის წარმოებული, მიეკუთვნება არანარკოტიკულ ანალგეზიურ საშუალებას. ახასიათებს ტკივილგამაყუჩებელი, სიცხის დამწევი და ანთების საწინააღმდეგო მოქმედება.
ჩვენება:
	
ტკივილის სინდრომი (მწვავე ან ქრონიკული), აგრეთვე თავის, კბილის ან შაკიკის დროს არსებული ტკივილები, ნევრალგია, ღეროვანი სინდრომი. ტკივილები კუნთებსა და სახსრებში, ტკივილები სიმსივნისა და დისმენორეის დროს. მიიღება ვისცერული წარმოშობის ტკივილებისას (თირკმელების, ღვიძლის ან ნაწლავების ჭვალის დროს) სპაზმოლიზურ საშუალებებთან ერთად. იგი შეიძლება გამოყენებული იქნას, როგორც ტკივილგამაყუჩებელი საშუალება, ქირურგიული და დიაგნოსტიკური ჩარევის შემდეგ. ორგანიზმის მომატებული ტემპერატურის, გაციებისა და სხვა ინფექციურანთებითი დაავადებების დროს. პრეპარატის მიზანმიმართული გამოყენება თითოეულ შემთხვევაში დამოკიდებულია ტემპერატურის ხასიათსა და მის მიმართ ტოლერანტობაზე.
დოზირება და მიღების წესი:
	
აბები: ერთჯერადი დოზა მოზრდილებში და მოზარდებისათვის 15 წლის ასაკის ზევით შეადგენს 1 აბს. მაქსიმალური სადღეღამისო დოზა 4 აბს. მიღების ხანგრძლივობა არაუმეტეს 5 დღისა. აბი უნდა მივიღოთ წყლის საკმარისი რაოდენობის მიყოლებით. პრეპარატის სადღეღამისო დოზის მომატება ან მკურნალობის გახანგრძლივება შესაძლებელია მხოლოდ ექიმის მეთვალყურეობის ქვეშ. საინექციო ხსნარი: მოზრდილები და 15 წელზე მეტი ასაკის მოზარდები: ერთჯერად დოზად რეკომენდებულია 1-2 მლ 50%-იანი ხსნარი (500 მგ 1 მლ-ში, ი/მ ან ი/ვ). სადღეღამისო დოზამ შეიძლება შეადგინოს საინექციო ხსნარის 4 მლ (არაუმეტეს 2 გ), დაყოფილი 2-3 მიღებაზე. ბავშვები და ახალშობილები: იგი არ შეიძლება დაენიშნოს 3 თვემდე ახალშობილს ან 5 კგ-ზე ნაკლები წონის ბავშვებს. ბავშვებს ენიშნებათ 50-100 მგ სხეულის წონის ყოველ 10 კგ-ზე გადაანგარიშებით (0.1-0.2 მლ 50% ხსნარი) 23ჯერ დღეში. ერთჯერადი დოზა ინიშნება 2-3ჯერ დღე-ში. შეყვანის წინ რეკომენდებულია ხსნარი შევათბოთ სხეულის ტემპერატურამდე. 3-დან 12თვემდე ასაკის ბავშვებში პრეპარატის შეყვანა ხორციელდება მხოლოდ ინტრამუსკულურად (ბავშვის წონა 5-დან 5 კგ-მდე). პრეპარატის ი/ვ სწრაფმა შეყვანამ შეიძლება გამოიწვიოს არტერიული წნევის კრიტიკული დაცემა და შოკი. ი/ვ შეყვანა უნდა განხორციელდეს ნელა (შეყვანის სიჩქარე არაუმეტეს 1 მლ/წთ-ში) წოლით მდგომარეობაში, არტერიული წნევის, პულსის და სუნთქვის სიხშირის კონტროლით. ვინაიდან არსებობს იმის საშიშროება, რომ არაალერგიული გენეზის არტერიული წნევის დაცემა არის დოზადამოკიდებული, პრეპარატის 2 მლ-ზე (1 გ) მეტი შეყვანა უნდა განხორციელდეს განსაკუთრებული სიფრთხილით.
გვერდითი მოვლენები:
	
ძირითადი გვერდითი მოვლენები მისი გამოყენებისას გამოწვეულია ჰიპერმგრძობელობის რეაქციით. მათგან განსაკუთრებით სერიოზულია: აგრანულოციტოზი, ლეიკოპენია, თრომბოციტოპენია და ანაფილაქსიური შოკი. აღნიშნული რეაქციები ვლინდება საკმაოდ იშვიათად, თუმცა სიცოცხლისათვის სახიფათოა და შეიძლება განვითარდეს მისი ხანგრძლივი გამოყენების შემდეგაც. აგრანულოციტოზის კლინიკური ნიშნები მოიცავს მაღალ ტემპერატურას, შემცივნებას, ყელის ტკივილს, ყლაპვის გაძნელებას, პირის ღრუს, ცხვირის ან ცხვირ-ხახის ლორწოვანი გარსის, სასქესო ორგანოების და ანალური ხვრელის ანთებას. ამ დროს აუცილებელია პრეპარატის მიღების დაუყოვნებლივი შეწყვეტა და ექიმთან კონსულტაცია. თრომბოციტოპენია ვლინდება სისხლდენისადმი მომატებული მიდრეკილებით, შესაძლებელი ჰემორაგიული სინდრომის განვითარებით კანსა და ლორწოვანზე. ანაფილაქსიურ/ანაფილაქტოიდურ რეაქციებს შეიძლება წინ უსწრებდეს შემდეგი სიმპტომები: ცივი ოფლი, თავბრუსხვევა, გულისრევა, ღებინება, კანის ზედაპირის სიფერმკრთალე და სუნთქვის გაძნელება. გარდა ამისა, შეიძლება ადგილი ჰქონდეს სახის შესიებას და ქავილს, სიმძიმის შეგრძნებას გულის არეში, ტაქიკარდიას, სიცივის შეგრძნებას ზემო და ქვემო კიდურებში. აღნიშნული სიმპტომები შეიძლება გამოვლინდეს დაუყოვნებლივ, ან პრეპარატის მიღებიდან ერთი საათის განმავლობა-ში. მათი განვითარების შემთხვევაში აუცილებელია სპეციალური ზომების მიღებამდე პირველადი დახმარების სტანდარტული პროცედურების ჩატარება. ცალკეულ შემთხვევებში, განსაკუთრებით პაციენტებში, რომელთაც ანამნეზში აღენიშნებათ თირკმელების დაავადება, პრეპარატის დოზის გადაჭარბების შედეგად შეიძლება ადგილი ჰქონდეს თირკმელების ფუნქციის დარღვევას ოლიგურიის ან ანურიის სახით, თანხმლები პროტეინურიით ან ინტერსტიციული ნეფრიტით. სხვა არასასურველი სიმპტომებია ჰიპერმგრძნობელობის რეაქციები ურტიკარიის, კონიუქტივიტის და ნაზოფარინგიტის სახით. ძალიან იშვიათ შემთხვევებში შეიძლება განვითარდეს სიცოცხლისათვის ისეთი სახიფათო მდგომარეობა, როგორიცაა: სტივენ ჯონსონის ან ლაელის სინდრომი. ასეთ შემთხვევებში პრეპარატის მიღება დაუყოვნებლივ უნდა შეწყდეს. შესაძლებელია ასე-თი მდგომარეობისადმი მიდრეკილ პირებში ასთმის შეტევის პროვოცირება.
უკუჩვენება:
	
პრეპარატის მიღება არ შეიძლება პირაზოლონებისადმი (მეტამიზოლი, იზოპროპილამინოფენაზოლი, პროპიფენაზონი, ფენაზონი ან ფენილბუტაზონი) ჰიპერმგრძნობიარე პირებისათვის, პორფირიის, გლუკოზა-6ფოსფატ-დეჰიდროგენაზას გენეტიკური დეფიციტის, ორსულობის პირველი და ბოლო სამი თვის პერიოდში, ღვიძლისა და თირკმელების ფუნქციების გამოხატული დარღვევების დროს, სისხლმბადი სისტემის დაზიანებისას. აბის მიღება არ არის რეკომენდებული 15 წლამდე ასაკის ბავშვებისათვის.
ორსულობა და ლაქტაცია:
	
ორსულობის პირველი და ბოლო სამი თვის პერიოდში პრეპარატის მიღება არ შეიძლება. ორსულობის 4-დან 6 თვის ჩათვლით ბარალგინ მ-ის მიღება უნდა განხორციელდეს მკაცრი სამედიცინო ჩვენებების მიხედვით. პრეპარატის მიღების შემდეგ ძუძუთი კვება უნდა შეწყდეს 48 საათით.
განსაკუთრებული მითითებები:
	
პაციენტებმა ჰემოპოეზის დარღვევით (მაგალითად ციტოსტატური თერაპიის შედეგად) ბარალგინ მ უნდა მიიღონ მუდმივი სამედიცინო კონტროლის ქვეშ. პაციენტები, რომლებიც დაავადებულნი არიან ბრონქული ასთმით ან სასუნთქი ორგანოების ქრონიკული ინფექციებით (ალერგიული კომპონენტებით) და აგრეთვე ჰიპერმგრძნობიარე ავადმყოფები ნებისმიერი ტიპის ტკივილგამაყუჩებელი ან ანტირევმატული პრეპარატებისადმი, პრეპარატის დანიშვნის დროს მიეკუთვნებიან ბრონქული ასთმის შეტევის ან შოკის შესაძლებელი განვითარების რისკ ჯგუფს. ამგვარი პრეპარატის დანიშვნამდე აუცილებელია ექიმთან კონსულტაცია. აღნიშნული აგრეთვე ეხება პაციენტებს, რომელთაც გააჩნიათ რეაქცია უმნიშვნელო რაოდენობის ალკოჰოლურ სასმელებზე -ცემინებით, ცრემლდენით და სახის გამოხატული ჰიპერემიით, აგრეთვე განსაკუთრებით მრძნობიარე პაციენტებს, რომლებსაც რეაქცია აღენიშნებათ საკვებ პროდუქტებზე, ბეწვზე, თმის საღებავებზე ან კონსერვანტებზე, ან კანის მხრივ რეაქციის მქონე პირებს, გამოხატული ქავილით ან ურტიკარიით.
ჭარბი დოზირება:
	
დოზის გადაჭარბების შემთხვევაში შესაძლებელია ღებინება, გულისრევა და მუცლის არეში ტკივილების წარმოშობა. დახმარების ზომები - კუჭის ამორეცხვა, ენტეროსორბენტების დანიშვნა, სიმპტომატური მკურნალობა. მეტაბოლიზმის უსაფრთხო პროდუქტების გამოყოფისას (რუბაზონის მჟავა) შესაძლებელია შარდის გაწითლება, რომელიც ქრება მკურნალობის კურსის დასრულებისას.
ურთიერთქმედება სხვა მედიკამენტებთან:
	
ალკოჰოლისა და მეთამიზოლი ერთდროული მიღება აძლიერებს მათ ტოქსიკურობას. ციკლოსპორინთან ერთად მისი მიღებისას შესაძლებელია სისხლის პლაზმაში ციკლოსპორინის დონის დაქვეითება. მისმა არანარკოტიკულ ანალგეტიკებთან ერთად მიღებამ შეიძლება გამოიწვიოს ტოქსიკური ეფექტების გაძლიერება. სამციკლიანი ანტიდეპრესანტები, ორალური კონტრაცეპტივები, ალოპურინოლი არღვევენ მეტაბოლიზმს ღვიძლში და ზრდიან მის ტოქსიკურობას. ბარბიტურატები, ფენილბუტაზონი და ღვიძლის მიკროსომული ფერმენტების სხვა ინდუქტორები ასუსტებენ პრეპარატის მოქმედებას. სედატიური საშუალებები და ტრანკვილიზატორები აძლიერებენ პრეპარატის ტკივილგამაყუჩებელ ეფექტს.








Page generation time: 0. 024726463 sec.