| უნიფიცირებული დასახელება: | აკარბოზიAcarbose | ||
| ა.თ.ქ. კლასიფიკაცია: | |||
A10BF01 | A საჭმლის მომნელებელი ტრაქტი და ნივთიერებათა ცვლა | ||
| 10 პრეპარატები შაქრიანი დიაბეტის მკურნალობისათვის | |||
| B პერორალური ჰიპოგლიკემიური პრეპარატები | |||
| F ალფა გლუკოზიდაზის ინჰიბიტორები | |||
| ანოტაცია: | |||
| ფარმაკოლოგიური თვისება: | პრეპარატი ფერმენტ ალფა-გლუკოზიდაზას ინჰიბირების შედეგად ამცირებს ნახშირწყლების აბსორბციას ნაწლავებიდან. | ||
| ჩვენება: | აკარბოზა გამოიყენება დიეტასთან ერთად, როგორც დამატებითი თერაპიული საშუალება შაქრიანი დიაბეტის დროს. | ||
| გვერდითი მოვლენები: | მეტეორიზმი, ხანდახან დიარეა, ძალიან იშვიად ტკივილი მუცლის არეში. ანტიდიაბეტური დიეტის დაუცველობის დროს შეიძლება გაიზარდოს პრეპარატის გვერდითი მოვლენები ნაწლავების მხრივ. თუ დიეტის შენარჩუნების მიუხედავად, აკარბოზას მიღების ფონზე აღინიშნება არასასურველი სიმპტომები ნაწლავების მხრივ, აუცილებელია ექიმთან კონსულტაცია და დროებით ან ხანგრძლივი დროით დოზის შემცირება. ზოგ შემთხვევაში აღინიშნება კანის მომატებული მგრძნობელობის რეაქციები: ერი-თემა, ეგზანთემა და ურტიკარია. ძალიან იშვიათად შესაძლებელია ჰეპატიტის და/ან სიყვითლის სიმპტომების განვითარება. | ||
| უკუჩვენება: | მომატებული მგრძნობელობა აკარბოზას და/ან პრეპარატის სხვა შემადგენელი ნივ-თიერებებისადმი. არ არის მიზანშეწონილი მისი გამოყენება 18 წლამდე. პრეპარატი უკუნაჩვენებია შემდეგი დაავადებების დროს: - ნაწლავების ფუნქციის ქრონიკული დარ-ღვევა; -მდგომარეობები, რომლებიც შეიძლება დამძიმდეს მეტეორიზმის შედეგად. (მაგალი-თად, როხმელდის სინდრომი, დიდი ზომის თიაქარი, ნაწლავების ობსტრუქციული გაუვალობა, ნაწლავის წყლული); -ორსულობა და ლაქტაცია; -თირკმელების ფუნქციის მწვავე უკმარისობა (კრეატინინის კლირენსი <25 მლ/წუთში). | ||
| განსაკუთრებული მითითებები: | ცალკეულ შემთხვევებში აკარბოზით თერაპიის ფონზე შეიძლება ადგილი ჰქონდეს ღვიძლის ფერმენტების აქტივობის (კლინიკური სიმპტომების გარეშე) მომატებას, განსაკუთრებით პრეპარატის ჭარბი დოზით მიღების დროს, რის გამოც მკურნალობის პირველი 6-12 თვის განმავლობაში აუცილებელია ღვიძლის ფერმენტების კონტრო ლი. მკურნალობის შეწყვეტის შემდეგ ღვიძლის აღნიშნული სინჯები ნორმალიზდება. | ||
| ურთიერთქმედება სხვა მედიკამენტებთან: | აკარბოზას, საქაროზის და სხვა შაქრის შემცველი საკვები დანამატების ერთდროული მიღებისას შეიძლება აღინიშნოს დისკომფორტი ეპიგასტრიუმის მიღებაში და დიარეა, მსხვილ ნაწლავში ნახშირწყლების გაძლიერებული ფერმენტაციის გამო. აკარბოზას გააჩნია ანტი-ჰიპერგლიკემიური ეფექტი, მაგრამ თვით იგი არ იწვევს ჰიპოგლიკემიას. მისი ანტიჰიპერგლიკემიური მოქმედება ვლინდება სხვა პრეპარატებთან ურთიერთქმედებისას, მაგალითად სულფანილშარდოვანას შემცველ საშუალებებთან, მეტფორმინთან ან ინსულინთან კომბინირებისას. მწვავე ჰიპოგლიკემიის განვითარების შემთხვევაში უნდა იქნას გათვალისწინებული, რომ აკარბოზა ამცირებს საქაროზის დაშლას ფრუქტოზად და გლუკოზად, რის გამოც არ შეიძლება საქაროზას გამოყენება ჰიპოგლიკემიის სწრაფი შემცირების მიზნით. ასეთ შემთხვევაში იყენებენ გლუკოზას. | ||
| დოზირება და მიღების წესი: | პრეპარატის დოზა ინდივიდუალურია, რის გამოც რეკომენდებულია მისი გამოყენება ექიმთან კონსულტაციის შემდეგ. სხვა დანიშნულების არ არსებობის დროს, მოწოდებულია პრეპარატის გამოყენების შემდეგი სქემა: მკურნალობის დასაწყისში: აკარბოზას ერთი აბი 50 მგ 3-ჯერ დღეში ან 1/2 აბი 100 მგ 3-ჯერ დღეში. შემდგომში: 2 აბი (50 მგ) 3-ჯერ დღეში ან 1 აბი (100 მგ) 3-ჯერ დღეში შემდგომში საჭიროების შემთხვევაში დოზა შეიძლება გაიზარდოს 200 მგ-მდე 3-ჯერ დღეში პრეპარატის მიღებიდან 4-8 კვირაში და იმ შემთხვევაში, როდესაც მკურნალობის გაგრძელება არ იძლევა ადექვატურ შედეგს. თუ დიეტის დაცვის მიუხედავად, პაციენტს აღენიშნება სერიოზული სახის ჩივილები, რეკომენდებულია პრეპარატის დოზის შემცირება. მისი საშუალო დოზა შეადგენს 300 მგ დღეში (რაც შეესაბამება 2 ტაბლეტ 50 მგ პრეპარატს 3-ჯერ დღეში ან 1 აბი 100 მგ გლუკობაის 3-ჯერ დღეში.) აუცილებელია ექიმის მიერ კონტროლი იმ შემთხვევაში, თუ პაციენტი იღებს 200 მგ აკარბოზას 3-ჯერ დღეში. გამოყენება: პრეპარატის გამოყენება მიზანშეწონილია უშუალოდ საჭმლის მიღების წინ, მცირე რაოდენობა წყალთან ერთად ან მისი და-ღეჭვა საჭმლის პირველ ლუკმასთან ერ-თად. პრეპარატის ხანგრძლივი მიღება არ არის შეზღუდული. რეკომენდაციები: აკარბოზას მიღებისას საჭიროა დიეტის მკაცრი დაცვა. პრეპარატის რეგულარული მიღების შეწყვეტა არ არის რეკომენდებული ექიმთან კონსულტაციის გარეშე, ვინაიდან ამ დროს შესაძლებელია გლუკოზის კონცენტრაციის მომატება სისხლში. პაციენტებში, რომელთაც უტარდებათ მხოლოდ დიეტოთერაპია, იგი არ იწვევს ჰიპოგლიკემიას. მკურნალობის კურსის ჩატარების შემდეგ, ინსულინზე მოთხოვნილების შემცირებისას, ამ უკანასკნელის, ან მეტფორმინის და სულფანილშარდოვანას ნაწარმების მიღებისას ჰიპოგლიკემიის განვი-თარების შემთხვევასში რეკომენდებულია გლუკოზის და არა საქაროზის გამოყენება. |
Page generation time: 0. 021544694 sec.
