This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ტერფენადინი
Terfenadine
ა.თ.ქ. კლასიფიკაცია:
	
 
R06AX12	
R სასუნთქი სისტემა
	
06 ანტიჰისტამინური პრეპარატები სისტემური გამოყენებისათვის
	
A ანტიჰისტამინური პრეპარატები სისტემური გამოყენებისათვის
	
X სხვა ანტიჰისტამინური პრეპარატები სისტემური გამოყენებისათვის
ანოტაცია:
	
	
ჩვენება:
	
ანტიჰისტამინური საშუალება ალერგიის სამკურნალოდ. გამოიყენება ალერგიული სურდოსა და კონიუნქტივიტის დროს ანთების მოვლენების შესამცირებლად, ასევე, კანის ალერგიული დაავადებების დროს.
დოზირება და მიღების წესი:
	
მოზრდილთათვის და 12 წლის ასაკის ზევით ბავშევბში, რომელთა სხეულის წონაც 50 კგ-ზე მეტია შემდეგი დოზირებით: ალერგიული სურდო და ალერგიული კონიუნქტივიტი: საწყისი დოზაა დღეში 1 ტაბ. (60 მგ). შესაძლებელია, საჭიროების შემთხვევაში დღეში ორ აბამდე (120 მგ) გავზარდოთ. შესაძლებელია სადღეღამისო დოზის ერთდროულად ან დღეში ორჯერ მიღება. კანის ალერგიული დაავადებები: საშუალოდ დღეში ორჯერ 1 ტაბ. (60 მგ). შესაძლებელია 2 აბის (120 მგ) მიღება დილას. ტკივილის არასაკმარისი გაყუჩების შემთხვევაში არ უნდა გადავაჭარბოთ რეკომენდირებულ დოზას და დამატებით არ უნდა მივიღოთ არანაირი სხვა ანტიჰისტამინური საშუალება (იმ პრეპარატების ჩათვლით, რომელიც გაიცემა რეცეპტის გარეშე). აბი მიიღება ჭამის შემდეგ დაუღეჭავად, საკმარისი რაოდენობის სითხის მიყოლებით (1/2-1 ჭიქა) დაუშვებელია მისი გრეიპფრუტის წვენთან ერთად მიღება. თირკმლების ფუნქციის მნიშვნელოვანი დარღვევისას (განსაკუთრებით, როდესაც კრეატინინის კლირენსი ნაკლებია ვიდრე 40 მლ/წთ-ში) საჭიროა დოზის 50%-ით შემცირება. ასაკთან დაკავშირებით თირკმლების ფუნქციის დარღვევისას ტერფენადინის დოზის ცვლილება არ არის აუცილებელი.
გვერდითი მოვლენები:
	
გულ-სისხლძარღვთა სისტემის მხრივ ყველაზე მძიმე, მაგრამ იშვიათ გვერდით მოვლენას წარმოადგენს QT-ინტერვალის გახანგრძლივება. შესაძლებელია განვითარდეს პარკუჭოვანი, მათ შორის სიცოცხლისათვის სახიფათო რითმის დარღვევა (პარკუჭოვანი ტაქიარითმია), როგორიცაა მაგალითად, პარკუჭოვან-პაროქსიზმული ტაქიკარდია, თორსადეს დე პოინტეს, მოციმციმე არითმია და გულის გაჩერება. გულის ფრიალი შეიძლება წინამორბედი ნიშანი იყოს. პრეპარატის მიღებას შეიძლება თან მოჰყვეს სისხლის წნევის დაქვეითება, თავბრუსხვევა, ცნობიერების გარდამავალი დაკარგვა და კრუნჩხვითი შეტევები. სხვა გვერდითი მოვლენები: ცნობიერების დაბინდვა, უძილობა, დეპრესია, გაბრუება, დაღლილობა, თავის ტკივილი, თავბრუსხვევა, ტრემორი, ოფლიანობა, არასასიამოვნო შეგრძნებები, მხედველობის დარღვევები ზემგრძნობიარობის რეაქციები, ანგიოშეშუპებები (კანის ან ლორწოვანი გარსის შეშუპება), ბრონქოსპაზმი, ქავილი, კანის სიმპტომები (გამონაყარი, ურტიკარია, მულტიფორმული ერითემა და ფოტოსენსიბილიზაცია), თმის ცვენა, ალოპეცია, პირის, ცხვირის და ყელის სიმშრალე, კუჭ-ნაწლავის ტრაქტის მხრივ ტკივილები, ღვიძლის ფერმენტების დონის მომატება, ნაღვლდენის შეფერხება, სიყვითლე, ჰეპატიტი, თრომბოციტების რაოდენობის შემცირება (თრომბოციტოპენია), გალაქტორეა, დისმენორეა, ხშირი დიურეზი, ტკივილები საყრდენ-მამოძრავებელი აპარატის მხრივ.
უკუჩვენება:
	
დაუშვებელია პრეპარატის გამოყენება მის ან მასში შემევალი კომპონენტების მიმართ მომატებული მგრძნობელობისას. ღვიძლის ფუნქციის მნიშვნელოვანი ხარისხით დარღვევისას ტერფენადინის ინაქტივაცია შეიძლება საგრძნობლად იქნას შენელებული, განსაკუთრებით იმ პრეპარატებთან კომბინაციის დროს, რომლებიც იწვევენ ღვიძლის ფერმენტების ინჰიბირებას. ტერფენადინმა შეიძლება გამოიწვიოს გულის კუნთში აგზნების გატარების შეფერხება (QT-ინტერვალის გახანგრძლივება), გულის რითმის სიცოცხლისათვის საშიში დარღვევით. დაუშვებელია ტერფენადინის გამოყენება შემეგდ შემთხვევებში: ღვიძლის ფუნქციის მძიმე დარღვევისას, მაგალითად - სიყვითლე, ჰეპატიტი ან ღვიძლის ციროზი; კომბინირებული დანიშვნა (აგრეთვე, გარეგანი გამოყენებისას) სოკოს ან ანტიმიკრობულ გარკვეულ პრეპარატებთან, მაგალითად მიკონაზოლი, კეტოკონაზოლი, იტრაკონაზოლი ან ერითრომიცინი, კლარითრომიცინი, ჟოზამიცინი ან ტროლეანდომიცინი; მიბეფრადილის დიჰიდროქლორიდით (გულსისხლძარღვთა დაავადების საწინააღმდეგო საშუალება) კომბინირებული მკურნალობის დროს; იმ მედიკამენტებით მკურნალობის დროს, რომლებიც ღვიძლში ტერფენადინის დაშლას აფერხებენ; მკურნალობის დროს არ შეიძლება გრეიფრუტის წვენის მიღება; დაუშვებელია პრეპარატის მიღება გულის კუნთში აგზნების გატარების ცნობილი თანდაყოლილი დარღვევის დროს (QT-ინტერვალის გახანგრძლივება ელექტროკარდიოგრამაზე, რასაც შეუძლია გულის არითმიის გამოწვევა). იგივე ეხება იმ შემ-თხვევებს, როდესაც შესაძლებელია QT-ინტერვალის გახანგრძლივება, მაგალითად: პაციენტისათვის შემაწუხებელი ბრადიკარდია; გულის რითმის დარღვევები ანამნეზში; გულის ყველა სხვა დაავადება, რომელიც ტკივილს იწვევს; კომბინირებული გამოყენება გულის რითმის დარღვევის საწინააღმდეგო საშუალებებთან ერთად (I და III ჯგუფის ანტიარითმული პრეპარატები); ერთდროული მკურნალობა სხვა საშუალებებთან, რომლებიც QT-ინტერვალს ახანგრძლივებენ; ელექტროლიტური ბალანსის დარღვევა, განსაკუთრებით კალიუმისა და მაგნიუმის დაბალი დონე პლაზმაში; თანმხლები დაავადებები (მაგალითად, კვების დარღვევა, ხშირი ღებინება ან დიარეა) ან ისეთი მედიკამენტებით მკურნალობა, რომლებმაც შეიძლება გამოიწვიონ ელექტროლიტური ცვლის დარღვევა.
ორსულობა და ლაქტაცია:
	
ორსულობისა და ლაქტაციის პერიოდში ტერფენადინი არ ინიშნება, გარდა იმ შემთხევევბისა, როდესაც შესაძლო სარგებელი სჭარბობს პოტენციურ რისკს. არ მოიპოვება მონაცემები ნაყოფზე მისი მოქმედების უსაფრთხოების შესახებ. დადგენილია, რომ ტერფენადინი გადადის დედის რძეში.
განსაკუთრებული მითითებები:
	
ტერფენადინი არ არის განკუთვნილი 12 წლის ასაკამდე, ან სხეულის 50 კგ-ზე ნაკლები წონის ბავშვებისათვის. ტერფენადინის მაღალმა კონცენტრაციამ შეიძლება გაახანგრძლივოს QT-ინტერვალი სიცოცხლისათვის საშიში პარკუჭოვანი რითმის დარღვევებით (ვენტრიკულური ტაქიარითმია, პარკუჭოვანი პარაქსიზმული ტაქიკარდია, თორსადეს დე პოინტეს და პარკუჭების ციმციმი), შემდეგ შემთხვევებში, ჭარბი დოზირება; პაციენტები ღვიძლის ფუნქციის დარღვევით; სხვა მედიკამენტებთან კომბინაციისას, რომლებიც ღვიძლში ნივთიერებათა ცვლას აბრკოლებენ. დაუშვებელია პრეპარატის გამოყენება პაციენტებში, რომლებსაც სხვადასხვა მიზეზის გამო აღენიშნებათ QT-ინტერვალის გახანგრძლივება. მიუხედავად იმისა, რომ კონტროლირებად კლინიკურ კვლევებში არიქნა დადგენილი ტერფენადინის მომადუნებელი ზემოქმედება, ყურადსაღებია შემდეგი ჩივილები: პროსტრაციის მდგომარეობა, სისუსტე, დაღლილობა და თავბრუსხვევა, ოფლიანობა, ცახცახი, ძილის დარღევევა და ღამის შიშები, რომლებიც ტერფენადინის არაპირდაპირი მოქმედებით უნდა იყოს გამოწვეული. აღნიშნული სიმპტომების გამო შესაძლებე ლია ყურადღების კონცენტრაციისა და რეაგირების უნარის დაქვეითება, რასაც შეუძლია საფრთხე შექმნას ტრანსპორტის მართვის, ან მექანიზმების მომსახურებისას. ალკოჰოლი ზრდის აღნიშნულ საშიშროებას.
ჭარბი დოზირება:
	
დაუშვებელია რეკომენდებული დოზის (როგორც ერთჯერადი, ასევე სადღეღამისოს) გადაჭარბება. საჭიროების შემთხვევაში ტარდება QT-ინტერვალის ელექტროკარდიოგრაფიული კონტროლი და სხვა ჩვეულებრივი ზომები, როგორიცაა: კუჭის ამორეცხვა და ა. შ. დოზის გადაჭარბების ნიშნებია: პირის სიმშრალე, დისკომფორტი, ღებინება, დაღლილობა, თავბრუსხვევა, დაბნეულობა, თავის ტკივილი, ცახცახი, ცალკეულ შემთხვევებში კრუნჩხვითი შეტევები, გულის აჩქარება და ფრიალი, სისხლის წნევის დაქვეითება და გულის რითმის დარღვევა. პრეპარატის დოზის გამოტოვების შემთხვევაში მკურნალობა გრძელდება დანიშნულების მიხედვით, გაორმაგებული დოზის განმორებითი მიღების გარეშე.
ურთიერთქმედება სხვა მედიკამენტებთან:
	
სხვა პრეპარატების ერთდროულმა მიღებამ შესაძლებელია შეანელოს ტერფენადინის მეტაბოლიზმი. დაუშლელი ტერფენადინის დაგროვებამ კი შეიძლება ელექტროკარდიოგრამაზე QT-ინტერვალის ზრდა გამოიწვიოს გულის რითმის სიცოცხლისათვის საშიში დარღვევებით. შემდეგმა საშუალებებმა შეიძლება შეანელონ პრეპარატის ინაქტივაცია (დაუშვებელია მათი მიღება ტერფენადინთან ერთად): სოკოს საწინააღმდეგო ან ანტიმიკრობული (აგრეთვე, გარეგანი) პრეპარატები: მიკონაზოლი, კეტოკონაზოლი, იტრაკონაზოლი ან ერითრომიცინი, კლარითრომიცინი, ჟოსამიცინი ან ტროლეანდომიცინი; მიბეფრადილის დიჰიდროქლორიდი (გულსისხლძარღვთა დაავადების საკურნალო საშუალება) მკურნალობის დროს სეროტონინის ცვლაზე მოქმედი ფლუვოქსამინი, ფლუოქსეტინი, ნეფაზოდონი, პაროქსეტინი, ციტალოგრამი (ზოგიერთი ფსიქიური დაავადებების საწინააღმდეგო საშუალება) IV-პროტეაზ-ინჰიბიტორები ინდინავირი, რიტონავირი, საკვინავირი, ნელფინავირი (შიდსის ვირუსის საწინააღმდეგო საშუალებები); გრეიფრუტის წვენის მიღება, ვინაიდან მან შეიძლება შეაფერხოს ტერფენადინის დაშლა. გულზე მოქმედება შეიძლება გაძლიერდეს ტერფენადინის სხვა მედიკამენტებთან კომბინაციის დროს, რომლებსაც პოტენციურად გულის რითმის დარღვევები შეუძლია გამოიწვიონ. ამგვარი საშუალებებია: ანტიჰისტამინური პრეპარატები ალერგიებისა და თივის ციებცხელების სამკურნალოდ, რომლებსაც QT-ინტერვალს ახანგრძლივებენ; ანტიარითმული პრეპარატები (განსაკუთრებით I და III ჯგუფის); ბეპრიდილი (სტენოკარდიის საწინააღმდეგო საშუალება); ტრიმეტოპრიმი, ოფლოქსაცინი (ბაქტერიული ინფექციის საწინააღმდეგო საშუალებები); ციზაპრიდი (კუჭ-ნაწლავის ფუნქციის დარღვევების საწინააღმდეგო საშუალება); დეპრესიებისა და სხვა ფსიქიური დაავადებების (ტრიციკლური ანტიდეპრესანტები, ნეიროლეპსიური საშუალებები, ლითიუმი) საწინააღმდეგო გარკვეული მედიკამენტები; პრობუცილი (სისხლში ლიპიდების დამწევი საშუალება); პენტამიდინი, ჰალოფანტრინი (გარკვეული ინფექციური დაავადებების საწინააღმდეგო საშუალება) - მედიკამენტები, რომლებიც მოქმედებენ ელექტროლიტურ ცვლაზე და იწვევენ QT-ინტერვალის გაზრდას: ზოგიერთი დიურეული, საფაღარათო საშუალებები და სტეროიდული ჰორმონები მაღალ დოზებში.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021020269 sec.