This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
პოლიმიქსინ B სულფატი
Polymyxini B sulfas
ა.თ.ქ. კლასიფიკაცია:
	
 
A07AA05	
A საჭმლის მომნელებელი ტრაქტი და ნივთიერებათა ცვლა
	
07 ფაღარათის საწინააღმდეგო, ნაწლავის ანთების და მიკრობების საწინააღმდეგო პრეპარატები
	
A ნაწლავის მიკრობების საწინააღმდეგო პრეპარატები
	
A ანტიბიოტიკები
S01AA18	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
A მიკრობების საწინააღმდეგო პრეპარატები
	
A ანტიბიოტიკები
S03AA03	
S პრეპარატები გრძნობის ორგანოების დაავადებების მკურნალობისათვის
	
03 პრეპარატები თვალის და ყურის დაავადებების მკურნალობისათვის
	
A მიკრობების საწინააღმდეგო პრეპარატები
	
A მიკრობების საწინააღმდეგო პრეპარატები
S02AA11	
S პრეპარატები გრძნობის ორგანოების დაავადებების მკურნალობისათვის
	
02 პრეპარატები ყურის დაავადებების მკურნალობისათვის
	
A მიკრობების საწინააღმდეგო პრეპარატები
	
A მიკრობების საწინააღმდეგო პრეპარატები
J01XB02	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
X ანტიბაქტერიული სხვა პრეპარატები
	
B პოლიმიქსინები
ანოტაცია:
	
	
ფარმაკოლოგიური თვისება:
	
პოლიმიქსინი B წარმოადგენს პოლიპეპტიდური სტრუქტურის მქონე ანტიბიოტიკს. პრეპარატის მოქმედების მექანიზმი ძირითადად განპირობებულია მის მიერ მიკრობის უჯრედში ცილის სინთეზის ინჰიბირებით. იგი აქტიურია მრავალი გრამუარყოფითი ბაქტერიების მიმართ, მათ შორის Escherichia coli, Enterobacter, Klebsiella spp., Haemophilus influenzae, Bordetella pertussis, Salmonella spp., Shigella spp., განსაკუთრებით Pseudomonas aeruginosa-ის მიმართ, არააქტიურია Proteus spp.-ის მიმართ. პოლიმიქსინის მიმართ მგრძნობიარეა Vibrio cholerae (eltor ქვეტიპის გარდა); აქტიურია Coccidioides immitis. ძირითადად მხოლოდ სოკოები ხასიათდებიან რეზისტენტობით აღნიშნული ანტიბიოტიკის მიმართ. პრეპარატი ჩვეულებრივ მდგრადია Serratia marcescens, Providencia sp., Bacteroides Fragilis-ის მიმართ. იგი ასევე არააქტიურია Neisseria spp.-ის, ობლიგატური ანაერობული და გრამდადებითი ბაქტერიების მიმართ. ხასიათდება ჯვარედინი რეზისტენტობით კოლისტინის მიმართ. ფარმაკოკინეტიკა: პრეპარატის კუნთებში შეყვანისას მისი მაქსიმალური კონცენტრაცია სისხლის პლაზმაში აღინიშნება 2სთ-ის შემდეგ. იგი კარგად ნაწილდება ორგანიზმის ორგანოებში და ქსოვილებში. პრეპარატის განმეორებითი შეყვანისას შესაძლებელია კუმულაცია. პრეპარატი არ გაივლის ჰემატოენცეფალურ ბარიერს, მისი ნახევარგამოყოფის პერიოდი შეადგენს 6სთ-ს. გამოიყოფა შარდთან ერთად.
ჩვენება:
	
პოლიმიქსინ “ბ”-ს მიმართ მგრძნობიარე მიკროორგანიზმებით გამოწვეული ინფექციურ-ანთებითი დაავადებები, მათ შორის კანის, ყურების, თვალების, კუჭ-ნაწლავის ტრაქტის ინფექციები.
დოზირება და მიღების წესი:
	
პრეპარატს იყენებენ ადგილობრივად, კუნთებში, ვენაში ინექციების სახით, ინტრათეკალურად. კუნთებში და ვენაში შეყვანისას პრეპარატის დღეღამური დოზა შეადგენს 1,52,5მგ-ს/კგ წონაზე, ხოლო სხვა გზით შეყვანისას პოლიმიქსინის დოზის განსაზღვრა ხდება ინდივიდუალურად.
გვერდითი მოვლენები:
	
ცენტრალური და პერიფერიული ნერვული სისტემისის მხრივ: პარესთეზიები, მხედველობის დარღვევა, თავბრუსხვევა, ატაქსია, ცნობიერების დაბინდვა, ძილიანობა; დაავადების მიმართ მიდრეკილების მქონე პაციენტებში-ნერვ-კუნთოვანი ბლოკადა, სუნთქვის დამბლა და აპნოე. შარდ-გამომყოფი სისტემის მხრივ: თირკმელების ფუნქციის დარღვევა, ჰემატურია, პროტეინურია, ტუბულარული ნეკროზი (პრეპარატის ვენაში შეყვანისას). ალერგიული რეაქციები: კანზე გამონაყარი, ქავილი. ადგილობრივი რეაქციები: გაღიზიანება და ტკივილი ინექციის ადგილზე (კუნთებში ინექციის დროს), ტვინის გარსების გაღიზიანება (პრეპარატის ინტრათეკალური შეყვანისას).
უკუჩვენება:
	
პრეპარატის მიმართ მომატებული მგრძნობელობა. დაფის აპკის პერფორაცია, კანის ზედაპირის ვრცელი დაზიანებები (პრეპარატის გარეგანი გამოყენების დროს).
ორსულობა და ლაქტაცია:
	
ორსულობის დროს პრეპარატის გამოყენება მხოლოდ იმ შემთხვევაშია შესაძლებელი, როდესაც დედისათვის სასარგებლო შედეგი მკვეთრად სჭარბობს ნაყოფზე მოქმედების პოტენციურ რისკს. ლაქტაციის პერიოდში პრეპარატის დანიშვნის აუცილებლობის შემთხვევაში საჭიროა ძუძუთი კვების შეწყვეტა.
განსაკუთრებული მითითებები:
	
პრეპარატი განსაკუთრებული სიფრთხილით ინიშნება პაციენტებში თირკმელების ფუნქციის დარღვევით, აგრეთვე ნერვ-კუნთოვანი გადაცემის დარღვევით მიმდინარე დაავადებების (მათ შორის მიასთენიის) დროს. აღნიშნულ შემთხვევებში აუცილებელია პრეპარატის დოზის კორექცია და თირკმელების ფუნქციის კონტროლი. პრეპარატის პარენტერულად გამოყენებისას აუცილებელია პოლიმიქსინ B ”ბ”-ს კონცენტრაციის პერიოდული კონტროლი სისხლის პლაზმაში.
ურთიერთქმედება სხვა მედიკამენტებთან:
	
პოლიმიქსინ ბ-ს კომბინაცია შესაძლებელია ნეომიცინთან, ბაციტრაცინთან, ნისტატინთან, ტრიმეტოპრიმთან. ქლორამფენიკოლთან, ტეტრაციკლინთან, სულფანილამიდებთან და ტრიმეტოპრიმთან პრეპარატის კომბინაციით ადგილი აქვს სინერგიზმს. პოლიმიქსინის კომბინაცით ზოგად სანარკოზო საშუალებებთან, ნოვოკაინამიდთან, პერიფერიული მოქმედების მიორელაქსანტებთან აღინიშნება ნერვ-კუნთოვანი ბლოკადის გაძლიერება.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 025764974 sec.