| უნიფიცირებული დასახელება: | ფლუოროურაცილიFluorouracil | ||
| ა.თ.ქ. კლასიფიკაცია: | |||
L01BC02 | L სიმსივნის საწინააღმდეგო პრეპარატები და იმუნომოდულატორები | ||
| 01 სიმსივნის საწინააღმდეგო პრეპარატები | |||
| B ანტიმეტაბოლიტები | |||
| C პირიმიდინის ანალოგები | |||
| ანოტაცია: | |||
| ფარმაკოლოგიური თვისება: | ყველა არსებული ანტიბლასტომური საშუალება ციტოტოქსიურია ნორმალური უჯრედის მიმართ და იწვევს მძაფრ გვერდით მოვლენებს მათი გამოყენებისას. განკურნება აღინიშნება შემთხვევათა მცირე ნაწილში, მაგრამ სამაგიეროდ ადგილი აქვს რემისიას და დაავადებისათვის დამახასიათებელ სიმპტომთა შემცირებას. ციტოტოქსიური პრეპარატებით მკურნალობა ჩვეულებრივ ტარდება რადიოთერაპიულ და ქირურგიულ მკურნალობასთან ერთად. კომბინირებული ქიმიოთერაპია ფართოდ გამოიყენება რეზისტენტობის თავიდან აცილების და დამატებითი ან სინერგიული თერაპიული ეფექტის მისაღწევად მინიმალური ტოქსიკური გამოვლინებით, თუმცა ზოგიერთი სიმსივნეების შემთხვევაში აღნიშნული მეთოდი დამოუკიდებლადაც ეფექტურია. ავთვისებიან უჯრედთა რეზისტენტობა ციტოტოქსიკური საშუალებების მიმართ წარმოადგენს ქიმიოთერაპიის ჩატარების ძირითად შემზღუდველ ფაქტორს. | ||
| ჩვენება: | სოლიდური სიმსივნეები (კოლინჯის, სწორი ნაწლავის, მუცლის ღრუს, პანკრეასის და სარძევე ჯირკვლის კიბო); აგრეთვე შესაძლებელია მისი გამოყენება ადგილობრივად კანის ავთვისებიანი წარმონაქმნების სამკურნალოდ. | ||
| დოზირება და მიღების წესი: | მოზრდილებში და ბავშვებში თავდაპირველად ინტრავენური ინექციის სახით განზავების გარეშე 6-12 მგ/კგ/დღეში 4 დღის მანძილზე; ეფექტის შემანარჩუნებელი დოზა- 15 მგ/კგ კვირის განმავლობაში (მაქს. 800მგ/დღეში) ან ინტრავენური ინფუზიის სახით განზავებული 500 მლ 5% გლუკოზის ხსნარში. | ||
| გვერდითი მოვლენები: | ყველაზე ხშირად ავადმყოფებს აღენიშნებათ გულისრევა და პირღებინება, რომლის შესამცირებლად იყენებენ მეტოკლოპრამიდს (პერორალურად ან ინტრავენურად), პრომეთაზინს (ინტრავენურად) და დამატებით დექსამეთაზონს (პერორალურად ან ინტრავენურად); ძვლის ტვინის დათრგუნვა (სისხლდენის საშიშროებით და ინფექციის გააქტივებით) გარდა ბლეომიცინის და ვინკრისტინისა; შეუქცევადი ალოპეცია. ტემპერატურის მომატების ან ნეიტროპენიის შემთხვევაში აუცილებელია მკურნალობის შეწყვეტა. ასიმპტომური ნეიტროპენიის შემთხვევაში მკურნალობა დროებით წყდება ან მცირდება დოზა. დოზის შემცირება საჭიროა აგრეთვე თირკმლების და ღვიძლის უკმარისობის დროს. აუცილებელია სისხლის სურათისა, ღვიძლის და თირკმლების ფუნქციური მდგომარეობის კონტროლი. გარდა ამისა შესაძლებელია საჭმლის მომნელებელი ტრაქტის ულცერაცია (პირის ღრუს ჩათვლით), ამენორეა, სპერმატოგენეზის შემცირება, ჰიპერურიკემია, ალერგია და ანაფილაქსია. ყველაზე ხშირია ძვლის ტვინის ფუნქციის დათრგუნვა და გასტროენტერალური ტრაქტის ლორწოვანის ანთება; მოვლენები ცნს-ის მხრივ (ლეთარგია, სისუსტე, ატაქსია). | ||
| ორსულობა და ლაქტაცია: | ყველა ციტოტოქსიური პრეპარატი ტერატოგენურია, ამიტომ ორსულობა უნდა იყოს შეწყვეტილი, თუ მკურნალობის დაწყების გადადება საფრთხეს უქმნის ორსული ქალის სიცოცხლეს. | ||
| განსაკუთრებული მითითებები: | ყველა ციტოტოქსიური პრეპარატი იწვევს ლოკალურ ნეკროზს ექსტრავაზალურად მოხვედრის დროს და ამ შემთხვევაში რაიმე ანტიდოტი არ არის ცნობილი. |
Page generation time: 0. 021044106 sec.
