This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
კლობეტაზოლი
Clobetasol
ა.თ.ქ. კლასიფიკაცია:
	
 
D07AD01	
D დერმატოლოგია
	
07 კორტიკოსტეროიდები გარეგანი გამოყენებისათვის კანის დაავადებების მკურნალობისათვის
	
A კორტიკოსტეროიდები
	
D კორტიკოსტეროიდები ძალიან მაღალი აქტივობით (IV ჯგუფი)
ანოტაცია:
	
	
ფარმაკოლოგიური თვისება:
	
პრეპარატი წარმოადგენს გარეგანი მოქმედების გლუკოკორტიკოიდულ საშუალებას, რომელიც ავლენს ანთების საწინააღმდეგო და ანტიალერგიულ მოქმედებას. გამოყენების ადგილას იგი ამცირებს შეშუპებას, ჰიპერემიას და ქავილს.
ფარმაკოკინეტიკა:
	
ადგილობრივად ხმარებისას, განსაკუთრებით დაზიანებულ კანზე დამწოლი ნახვევის გამოყენების შემთხვევაში, შესაძლებელია პრეპარატის შეწოვა გლუკოკორტიკოსტეროიდებისათვის დამახასიათებელი სისტემური გვერდითი ეფექტების განვითარებით. ჰიდროკორტიზონთან შედარებით იგი ნაკლებად უკავშირდება პლაზმის ცილებს, თუმცა გააჩნია ხანგრძლივი ნახევრადგამოყოფის პერიოდი. იგი მეტაბოლიზმს განიცდის ძირითადათ ღვიძლში, ნაწილობრივ კი - თირკმელების მეშვეობით. ორგანიზმიდან გამოიყოფა შარდით.
ჩვენება:
	
- ფსორიაზი (გავრცელებული ფოლაქისებრი ფსორიაზის გარდა); - ეკზემა (რეფრაქტერული ფორმა); - წითელი ბრტყელი ლიქენი; - დისკოიდური წითელი მგლურა; - კანის სხვა დაავადებები, რომლებიც რეზისტენტულია შედარებით აქტიური გლუკოკორტიკოიდული საშუალებებით თერაპიის მიმართ.
დოზირება და მიღების წესი:
	
მალამო ან კრემი თხელ ფენად დაიტანება დაზიანებულ უბანზე დღეში 1-2-ჯერ სასურველი ეფექტის მიღებამდე. კანის შედარებით მძიმე ფორმის დაზიანებისას, განსაკუთრებით ჰიპერკერატოზის შემთხვევაში მისი ანთების საწინააღმდეგო მოქმედება შესაძლოა გავაძლიეროთ დამწოლი ნახვევის (ერთ ღამეში შესაძლებელია მივიღოთ სასურველი შედეგი) გამოყენებისას. პრეპარატის მიღებიდან 2-4 კვირის შემდეგ სასურველი ეფექტის არ არსებობის შემთხვევაში აუცილებელია ექიმთან კონსულტაცია დიაგნოზის დაზუსტების მიზნით. პრეპარატი რეკომენდებულია ხანმოკლე მიღებისათვის. აუცილებლობის შემთხვევაში შესაძლებელია ხანმოკლე ვადით პრეპარატის განმეორებითი მიღება. იმ შემთხვევაშა, თუ აუცილებელია ხანგრძლივი ვადით მკურნალობა, რეკომენდებულია შედარებით სუსტად მოქმედი საშუალებების გამოყენება.
გვერდითი მოვლენები:
	
ადგილობრივი რეაქციების მხრივ: ხანგრძლივი და ინტენსიური მკურნალობისას -კანზე ატროფიული ცვლილებები - სტრიები, კანის ზედაპირის გათხელება, სისხლძარღვების გაფართოვება, პიგმენტაციის დარღვეეა, ჰიპერტრიქოზი. სისტემური რეაქციები: პრეპარატის ხანგრძლივი დროით და მაღალი დოზით გამოყენებისას, განსაკუთრებით ბავშვებში, მოსალოდნელია ჰიპერკორტიციზმის სიმპტომების განვითარება.
უკუჩვენება:
	
- მარტივი ჰერპესი, ვარდისფერი ფერიმჭამელები; - პერიორალური დერმატიტი; - კანის პირველადი ვირუსული ინფექციური დაავადებები (მარტივი ჰერპესი, ჩუტყვავილა); - კანის პირველადი ბაქტერიული ინფექციები; - კანის პირველადი სოკოვანი ეტიოლოგიის დაზიანებები; 1 წლამდე ასაკის ბავშვებში დერმატოზები, დერმატიტისა და გაღიზიანების ჩათვლით, რომლებიც გამოწვეულია საფენებით. პრეპარატის მიმართ მომატებული მგრძნობელობა.
განსაკუთრებული მითითებები:
	
პრეპარატის თვალის ქუთუთოზე გამოყენებისას სიფრთხილეა საჭირო, რათა იგი არ მოხვდეს თვალში. ისეთი დაავადებების მკურნალობის დროს, როგორიცაა: ფსორიაზი, წითელი დისკოიდური მგლურა, ეკზემა, საჭიროა მხედველობაში მივიღოთ, რომ სახის კანზე, სხეულის სხვა ნაწილებთან შედარებით შეიძლება ადგილი ჰქონდეს გამოხატულ ატროფიულ ცვლილებებს.. ფსორიაზის მკურნალობისას საჭიროა მონიტორინგი რეციდივის პრევენციისათვის, ტოლერანტობის განვითარების, გავრცელებული პუსტულოზური ფსორიაზის და კანის ბარიერული ფუნქციის დარღვევით გამოწვეული ადგილობრივი და სისტემური რეაქციების გამო. დამწოლი ნახვევის მოხსნის შემდეგ აუცილებელია კანის გასუფთავება. ინფექციის არსებობისას და პრეპარატის მიმართ მომატებული მგრძნობელობის დროს აუცილებელია მისი მიღების შეწყვეტა. პრეპარატის ხანგრძლივი დროით გამოყენებისას მოსალოდნელია ჰიპოფიზისა და თირკმელზედა ჯირკვლის ქერქის ფუნქციის დათრგუნვა. იმ შემთხვევაში, როდესაც მოზრდილებში ერთი კვირის დოზა არ აჭარბებს 50 გ, ზემოთაღნიშნული გვერდითი მოვლენები ატარებენ დროებით ხასიათს და სტეროიდული თერაპიის კურსის შეწყვეტისთანავე ქრება. აღნიშნული ეხება ბავშვების მკურნალობას შემცირებული დოზებით. დამწოლი ნახვევის ხმარება ზრდის ადგილობრივი გამოყენების გლუკოკორტიკოიდული საშუალებების აბსორბციას. ჩვილ ბავშვებში საფენები ასრულებენ დამწოლი ნახვევის ფუნქციას. ორსულობის პერიოდში პრეპარატის უსაფრთხოების შესახებ მონაცემები არ არსებობს.
ჭარბი დოზირება:
	
მწვავე ფორმის ჭარბი დოზირების განვითარება ნაკლებადაა მოსალოდნელი. ქრონიკული ჭარბი დოზირების ან პრეპარატის არასწორი გამოყენებისას შესაძლებელია ჰიპერკორტიციზმის ნიშნების განვითარება, რაც მოითხოვს პრეპარატის მიღების შეწყვეტას.
ურთიერთქმედება სხვა მედიკამენტებთან:
	
არ არის აღწერილი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020864367 sec.