This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ბრომოკრიპტინი
Bromocriptine
ა.თ.ქ. კლასიფიკაცია:
	
 
N04BC01	
N ნერვული სისტემა
	
04 პარკინსონიზმის საწინააღმდეგო პრეპარატები
	
B დოპამინერგული პრეპარატები
	
C დოპამინის რეცეპტორების სტიმულატორები
G02CB01	
G შარდსასქესო სისტემა და სასქესო ჰორმონები
	
02 სხვა პრეპარატები გინეკოლოგიური დაავადებების მკურნალობისათვის
	
C სხვა პრეპარატები გინეკოლოგიური დაავადებების მკურნალობისათვის
	
B პროლაქტინის სეკრეციის ინჰიბიტორები
ანოტაცია:
	
	
ფარმაკოლოგიური თვისება:
	
ბრომოკრიპტინი არის ცენტრალური და პერიფერიული დოფამინური D2-რეცეპტორების სტიმულატორი, სპორინის ალკალოიდის წარმოებული. ამცირებს, როგორც პროლაქტინის, ასევე მომატებული სომატოტროპული ჰორმონის სეკრეციას და არ მოქმედებს ჰიპოფიზის სხვა ჰორმონების ნორმალურ დონეზე. თრგუნავს ფიზიოლოგიურ ლაქტაციას, უზრუნველყოფს მენსტრუალური ფუნქციის ნორმალიზებას, ამცირებს სარძევე ჯირკვლებში კვანძების ზომებსა და რაოდენობას (პროგესტერონსა და ესტროგენებს შორის დისბალანსის აღმოფხვრის ხარჯზე). უფრო მაღალ დოზებში, ვიდრე საჭიროა პროლაქტინის სეკრეციის დათრგუნისათვის ბრომოკრიპტინი იწვევს დოპამინური რეცეპტორების გამოხატულ სტიმულაციას, კერძოდ ზოლიანი სხეულის, ტვინის შავი ბირთვის, ჰიპოთალამუსისა და მეზოლიმბური სისტემის მიდამოებში. ახდენს პარკინსონის საწინააღმდეგო მოქმედებას, თრგუნავს სომატოტროპული ჰორმონისა და ადრენოკორტიკოტროპული ჰორმონის სეკრეციას. ერთჯერადი დოზის მიღების შემდეგ სისხლში პროლაქტინის დონის დაქვეითება ხდება 2 სთ-ის შემდეგ, მაქსიმალური ეფექტი - 8 სთ-ის შემდეგ; პარკინსონის საწინააღმდეგო ეფექტი ვითარდება 30-90 წთ-ში, მაქსიმალური ეფექტი - 2 სთ-ის შემდეგ; სომატოტროპული ჰორმონის დონის დაქვეითება ხდება 1-2 სთ-ში, მაქსიმალური ეფექტი - 4 - 8 კვირის შემდეგ.
ფარმაკოკინეტიკა:
	
პერორალურად მიღების შემდეგ კნტ-დან ბრომოკრიპტინის აბსორბცია შეადგენს 28%. ექვემდებარება ღვიძლში „პირველადი გასვლის ეფექტს“. ბიოშეღწევადობა - 6%. სისხლის პლაზმაში მაქსიმალური კონცენტრაციის მიღწევის დრო -1-3 სთ. T1/2 ორფაზიანია: 4-4.5 სთ α- ფაზაში, 1 სთ - ტერმინალურ ფაზაში. სისხლის პლზმის ალბუმინებთან შეკავშირება - 90-96%. გამოიყოფა უპირატესად განავლით - 85.6% და უმნიშვნელო ხარისხით შარდით - 2.5-5.5%.
ჩვენება:
	
მენსტრუალური ციკლის მოშლა, ქალის უნაყოფობა: პროლაქტინდამოკიდებული დაავადებები და მდგომარეობები, თანმხლები ან არა თანმხლები ჰიპერპროლაქტინემიით (ამენორეა, თანმხლები ან არათანმხლები გალაკტორეით; ოლიგომენორეა; ლუტეინის ფაზის უკმარისობა; სამკურნალო საშუალებებით ინდუცირებული მეორადი ჰიპერპროლაქტინემია); პროლაქტინდამოუკიდებელი ქალის უნაყოფობა (პოლიკისტოზური საკვერცხის სინდრომი; ანოვულაციური ციკლები - ანტიესტროგენებთან დამატებითი თერაპიის სახით). პრედმენსტრუალური სინდრომი: სარძევე ჯირკვლების მტკივნეულობა; ციკლის ფაზასთან დაკავშირებული შეშუპება; მეტეორიზმი; ხასიათის შეცვლა. ჰიპერპროლაქტინემია მამაკაცებში: პროლაქტინდამოკიდებული ჰიპოგონადიზმი (ოლიგოსპერმია, ლიბიდოს დაკარგვა, იმპოტენცია). პროლაქტინომები: პროლაკტინგამომყოფი ჰიპოფიზის მიკრო- და მაკროადენომის კონსერვატული მკურნალობა; ოპერაციის წინა პერიოდში სიმსივნის შესამცირებლად მისი ადვილად მოშორებისთვის; ოპერაციის შემდგომი მკურნალობა, თუკი პროლაქტინის დონე კვლავ მაღალია. ლაქტაციის დათრგუნვა: მშობიარობის შემდგომი ლაქტაციის აღკვეთა ან შეჩერება სამედიცინო ჩვენებით - აბორტის შემდგომი ლაქტაციის აღკვეთა; სარძევე ჯირკვლის მშობიარობის შემგგომი გამაგრება; მშობიარობის შემდგომი მასტიტის დასაწყისი. სარძევე ჯირკვლის კეთილთვისებიანი დაავადებები: მასტალგია იზოლირებული სახით ან პრედმენსტრუალური სინდრომისას ან კეთილთვისებიანი კვანძოვანი ან კისტოზური ცვლილებებისას; კეთილთვისებიანი კვანძოვანი და/ან კისტოზური ცვლილებები, განსაკუთრებით ფიბროზულ-კისტოზური მასტოპათია. პარკინსონის დაავადება და პარკინსონიზმის სინდრომი, მ. შ. ენცეფალიტის შემდგომი (მონოთერაპიისას ან პარკინსონიზმის საწინააღმდეგო სხვა საშუალებებთან კომბინაციაში).
დოზირება და მიღების წესი:
	
ინდივიდუალური. შინაგანად - 1,25-2,5 მგ 2-3 მამაკაცური ჰიპოგონადიზმის, პროლაქტინომის, სარძევე ჯირკვლების კეთილთვისებიანი დაავადებების, აკრომეგალიის დროს დოზას თანდათან ზრდიან 5-20მგ-მდე; პარკინსინიზმის დროს - 10-40მგ-მდე. თუ დოზის შერჩევისას ვითარდება გვერდითი მოვლენები, საჭიროა სადღრამისო დოზის შემცირება და ასე შენარჩუნება ერთი კვირის მანძილზე; გვერდითი მოვლენების გაქრობის შემდეგ შესაძლებელია დოზის კვლავ გაზრდა.
გვერდითი მოვლენები:
	
საჭმლის მომნელებელი სისტემის მხრივ: გულისრევა, ღებინება, პირის სიმშრალე, ყაბსობა, დიარეა, ღვიძლის ფუნქციის მოშლა. ცნს-ს მხრივ: თავბრუსხვევა (ჩვეულებრივ მკურნალობის პირველ კვირას), თავის ტკივილი, ძილიანობა, ფსიქომოტორული აგზნება, დისკინეზია, მხედველობის სიმკვეთრის შემცირება, ჰალუცინაცია. გულ-სისხლძარღვთა სისტემის მხრივ: ორთოსტატიკური ჰიპოტენზია, არითმია; ცალკეულ შემთხვევებში, ხანგრძლივი გამოყენებისას - რეინოს სინდრომი (განსაკუთრებით წინასწარგანწყობილ პაციენტებში). ალერგიული რეაქციები: გამონაყარი კანზე. სხვადასხვა: ცხვირის გაჭედვა, წვივის კუნთების კრუნჩხვა.
უკუჩვენება:
	
ესენციალური ტრემორი, ჰენტინგტონის ქორეა, გულ-სისხლძარღვთა დაავადებების მძიმე ფორმები, არტერიული ჰიპერტენზია, ენდოგენული ფსიქოზი, არტერიული ჰიპერტენზია მშობიარობის შემდგომ პერიოდში, ორსულობის ტოქსიკოზი, ჭვავის რქის ალკალოიდებისადმი მომატებული მგრძნობელობა.
ორსულობა და ლაქტაცია:
	
ორსულობის დროს ბრომოკრიპტინი სასურველია მოიხსნას ჩასახვიდან რაც შეიძლება მალე, გარდა იმ შემთხვევებისა, როდესაც არსებობს თერაპიის გაგრძელების სამედიცინო ჩვენება. შესაძლებელია გამოყენება ლაქტაციის პერიოდში ჩვენების შესაბამისად. გასათვალისწინებელია, რომ ბრომოკრიპტინი გამოიყოფა დედის რძით.
განსაკუთრებული მითითებები:
	
სიფრთხილის გამოიყენება პარკინსონიზმისა და დემენციის ნიშნების დროს ერთდროული ანტიჰიპერტენზიული თერაპიისას, პაციენტებთან კნტ-ს ეროზიულ-წყლულოვანი დაზიანებით, კნტ-დან სისხლდენის დროს. რამდენადაც მკურნალობის დაწყებისას შესაძლებელია ჰიპოტენზიური რეაქციები, შფოთვის შეგრძნება, საჭიროა აწ-სა და პაციენტის მდგომარეობის რეგულარული კონტროლი. ბრომოკრიპტინის გვერდითი მოვლენების უმეტესობა ჩვეულებრივ მცირდება ან ქრება დოზის შემცირებისას. მკურნალობის დასაწყისში რეკომენდებულია ღებინების საწინააღმდეგო საშუალების დანიშვნა ბრომოკრიპტინის მიღებამდე 1 სთ-ით ადრე. რეგულარული მენსტრუალური ციკლის მქონე ქალებისთვის, რომლებიც ხანგრძლივად ღებულობენ ბრომოკრიპტინს, ნაჩვენებია რეგულარული გინეკოლოგიური გამოკვლევა (წელიწადში ერთხელ), სასურველია საშვილოსნოს ყელისს და ენდომეტრიუმის ციტოლოგიური გამოკვლევით. მენოპაუზის შემდგომ ასეთი გამოკვლევები ტარდება თვეში ერთხელ. ჰიპოფიზის ადენომის დროს, რომელსაც თან სდევს თურქული კეხის გადიდება და მხედველობის არის დარღვევა, ბრომოკრიპტინი ინიშნება მხოლოდ იმ შემთხვევაში, როდესაც ქირურგიული მკურნალობა და სხივური თერაპია არაეფექტური აღმოჩნდა. ბრომოკრიპტინით მკურნალობამ შეიძლება აღადგინოს ნორმალური რეპროდუქციული ფუნქცია. არასასურველი ორსულობის თავიდან ასაცილებლად საჭიროა სანდო კონტრაცეფციის გამოყენება (ჰორმონულის გარდა). მასტოპათიის დროს ბრომოკრიპტინის დანიშვნისას უნდა გამოირიცხოს ავთვისებიანი სიმსივნე. პარკინსონის დაავადებისა და პარკინსონიზმის სინდრომის დროს ბრომიკრიპტინისა და ლევოდოპას გამოყენება იწვევს კლინიკური ეფექტის ზრდას, რაც ლევოდოპის დოზის შემცირების და სულ მოხსნის საშუალებას იძლევა. ეს განსაკუთრების მნიშვნელოვანია ავადმყოფებისათვის, რომელთაც ლევოდოპას მკურნალობის ფონზე მოტორული დარღვევები უნვითარდებათ, ასევე არ არსებობს სტაბილური თერაპიული ეფექტი. გავლენას ახდენს ავტოტრანსპორტისა და სხვა მექანიზმების მართვაზე. მკურნალობის პერიოდში საჭიროა თავის შეკავება ისეთი საქმიანობისგან, რომელთაც ჭირდება ყურადღების მომატებული კონცენტრაცია აუცილებლობასა და ფსიქომოტორული რეაქციების მაღალი სიჩქარე.
ურთიერთქმედება სხვა მედიკამენტებთან:
	
ბრომოკრიპტინთან ერთდოული მოხმარებისას მცირდება დოპამინური რეცეპტორების ანტაგონისტი ანტიფსიქოტური საშულებების ეფექტურობა. ბუტიფერონის წარმოებულებთან ერთდროულმა გამოყენებამ შეიძლება შეამციროს ბრომოკრიპტინის ეფექტურობა. პაციენტებს, რომლების ერთდროულად ღებულობენ ბრომოკრიპტინსა და სიმპატომიმეტიკებს, აღენიშნებათ ძლიერი თავის ტკივილი, არტერიული ჰიპერტენზია, გულის ფუნქციის დარღვევა, ფსიქოზი. დიმპერიდონთან ერთდროული მიღებისას შესაძლებელია ბრომოკრიპტინის ეფექტის შემცირება მისი პროლაქტინის დონის დასაწევად დანიშვნისას. ლევოდოპასთან ერთდროული გამოყენებისას ძლიერდება ანტიპარკინსონული მოქმედება; ანტიჰიპერტენზიულ პრეპარატებთან - ძლიერდება ჰიპოტენზიური მოქმედება. ერითრომიცინთან, ჯოზამიცინთან, სხვა მაკროლიდურ ანტიბიოტიკებთან, ოკრეოტიდთან ერთდროული გამოყენებისას შესაძლებელია სისხლის პლაზმაში ბრომოკრიპტინის მომატებული კონცენტრაცია; ეთანოლთან ერთად - შესაძლოა ბრომოკრიპტინის გვერდითი მოვლენების გაძლიერება. ბრომოკრიპტინის ამცირებს პირორალური კონტრაცეფციაების ეფექტურობას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022188108 sec.