This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ჰიმეკრომონი
Hymecromone
ა.თ.ქ. კლასიფიკაცია:
	
 
A05AX02	
A საჭმლის მომნელებელი ტრაქტი და ნივთიერებათა ცვლა
	
05 პრეპარატები ღვიძლისა და ნაღვლმდენი გზების დაავადებების მკურნალობისათვის
	
A პრეპარატები ღვიძლისა და ნაღვლმდენი გზების დაავადებების მკურნალობისათვის
	
X სხვა პრეპარატები ნაღვლმდენი გზების დაავადებების მკურნალობისათვის
ანოტაცია:
	
	
ფარმაკოლოგიური თვისება:
	
წარმოადგენს ნაღვლმდენ და სპაზმოლიზურ საშუალოებას. ჰიმეკრომონი სანაღვლე გზებზე ახდენს უშუალო მიოტროპულ სპაზმოლიზურ ზემოქმედებას. იგი აძლიერებს ნაღვლის წარმოქმნას და ნაღვლდენას, აუმჯობესებს ნაღვლის სადინარების გლუვი მუსკულატურის ფუნქციურ მდგომარეობას, რაც ხელს უწყობს ნაღვლის ბუშტიდან და ნაღვლის საერთო სადინარიდან ნაღვლდენას. ოდის სფინქტერის სპაზმის მოხსნით ამცირებს მასში ქოლესტაზით გამოწვეულ წნევას. იგი არ ახდენს ზეგავლენას ნაღვლის ბუშტის კუმშვადობაზე, თუმცა ზრდის სეკრეტირებული ნაღვლის რაოდენობას. ამის შედეგად აქტივირდება პანკრეასის ლიპაზა, რაც ხელს უწყობს ცხიმების ემულგირებას და მათ შეწოვას.
ფარმაკოკინეტიკა:
	
პრეპარატი პერორალური მიღების შემდეგ სწრაფად შეიწოვება კუჭ-ნაწლავის ტრაქტიდან. მისი მაქსიმალური კონცენტრაცია სისხლის პლაზმაში ვლინდება 2-3 საათის შემდეგ. პრეპარატის განაწილების მოცულობა მერყეობს 20.8-36.4 ლ-ის ფარგლებში. ნახევრადგამოყოფის პერიოდი პლაზმაში შეადგენს საშუალოდ 1 სთ-ს. იგი კუმულირდება ნაღველში, ამასთანავე მისი ელიმინირების ხარისხი დამოკიდებულია ნაღვლის სეკრეციაზე. საერთო კლირენსი შეადგენს 1413 მლ/წთ-ში-1. პრეპარატი ორგანიზმიდან გამოიყოფა შარდის მეშვეობით, 93 % გლუკურონიდის, 1.4% სულფატის, ხოლო 0.3 % უცვლელი სახით.
ჩვენება:
	
ნაღვლმდენი გზების ჰიპერკინეტური დისკინეზია, ქრონიკული ქოლეცისტიტი და ქოლანგიტი, ქვემწვავე და ქრონიკული ქოლედოქოქოლელითიაზი; არაობსტრუქციული ქოლესტაზი; ნაღვლის სეკრეციის უკმარისობით გამოწვეული ყაბზობა, მადის დაქვეითება, გულისრევა.
დოზირება და მიღების წესი:
	
პრეპარატი შიგნით მისაღებად ინიშნება 200-400 მგ-მდე 3-ჯერ დღეში 30 წთ-ით ადრე ჭამამდე. მკურნალობის კურსი შეადგენს 2-3 კვირას. ბავშვებში 200-600 მგ დღეში დაყოფილი სახით.
გვერდითი მოვლენები:
	
აღწერილია შემდეგი გვერდითი მოვლენები: ჰიპერმგრძნობელობა - ქავილი, ერითემა, გამონაყარი, ჭინჭრის ციება. კუჭ-ნაწლავის ტრაქტის მხრივ: - დიარეა, რომელიც დოზის შემცირების შემდეგ ქრება; ძალიან იშვიათად გვხვდება - მძიმე ალერგიული რეაქციები.
უკუჩვენება:
	
- პრეპარატის მიღება არ არის რეკომენდებული მასში შემავალი რომელიმე კომპონენტის მიმართ მომატებული მგრძნობელობის გამო; - ღვიძლის მძიმე დაავადებები, მათ შორის მწვავე ჰეპატიტი და ქოლანგიტი; - თირკმელების ფუნქციის მძიმე დარღვევა; - ნაღვლმდენი გზების მთლიანი ან ნაწილობრივი მექანიკური დაცობა; - წყლულოვანი და ჰემორაგიული კოლიტი; - კრონის დაავადება; - ნაღვლის ბუშტის მწვავე ჭვალი; - მწვავე ქოლეცისტიტი და ქოლანგიტი; - ნაღვლის ბუშტის ემპიემა.
ორსულობა და ლაქტაცია:
	
ორსულობისა და ლაქტაციის პერიოდში ჰიმეკრომონის გამოყენების უსაფრთხოების შესახებ არ არსებობს მონაცემები. ლაქტაციის პერიოდში თუ აუცილებელია პრეპარატით მკურნალობა, მაშინ საჭიროა ძუძუთი კვების შეწყვეტა.
განსაკუთრებული მითითებები:
	
ჰიმეკრომონი არ აქვეითებს საჭმლისმომნელებელი ტრაქტის ჯირკვლების სეკრეტულ ფუნქციას და ნაწლავებში შეწოვის პროცესებს. მისი ინტრავენური ფორმა გამოიყენება, როგორც ნაღვლის სეკრეციის მარეგულირებელი საშუალება ნაღვლის ბუშტზე და სანაღვლე გზებზე ოპერაციის შემდეგ, აგრეთვე დიაგნოსტიკური პროცედურების დროს. სატრანსპორტო საშუალებების მართვის უნარზე ზემოქმედება: პრეპარატის მიღებისას არასასურველი ზეგავლენა ყურადღების კონცენტრაციაზე, რეფლექსებსა და მოძრაობით აქტივობაზე არ არის აღწერილი.
ჭარბი დოზირება:
	
ჰიმეკრომონის მიღებისას მისი ჭარბი დოზირების მონაცემები არ მოიპოვება.
ურთიერთქმედება სხვა მედიკამენტებთან:
	
ჰიმეკრომონის მეტოკლოპრამიდთან ერთდროულმა მიღებამ შესაძლოა გამოიწვიოს მათი ეფექტების შემცირება. ჰიმეკრომონი სიფრთხილით ენიშნებათ პაციენტებს, რომლებიც იღებენ საგულე გლიკოზიდებს, ვინაიდან პრეპარატს შეუძლია გამოიწვიოს დიარეა, შემდგომი ჰიპოკალიემიით, რის გამოც იზრდება პაციენტის მგრძნობელობა საგულე გლიკოზიდებისადმი. ჰიმეკრომონი შესაძლებელია გამოყენებულ იქნას სხვა სპაზმოლიზურ და ანალგეზიურ საშუალებებთან კომბინაციაში.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020997806 sec.