This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
დესმოპრესინი
Desmopressin
ა.თ.ქ. კლასიფიკაცია:
	
 
H01BA02	
H ჰორმონები სისტემური გამოყენებისათვის (სასქესო ჰორმონების გარდა)
	
01 ჰიპოთალამუსის და ჰიპოფიზის ჰორმონები და მათი ანალოგები
	
B ჰიპოფიზის უკანა წილის ჰორმონები
	
A ვაზოპრესინი და მისი ანალოგები
ანოტაცია:
	
	
გვერდითი მოვლენები:
	
თავის ტკივილი, თავბრუსხვევა, ნაწლავების ჭვალი, გულისრევა, არტერიული წნევის მომატება, რინიტი, ცხვირის ლორწოვანის შეშუპება, კონიუქტივიტი, ნერწყვის გამოყოფის დარღვევა, კანზე გამონაყარი, ალგოდისმენორეა.
უკუჩვენება:
	
დესმოპრესინის ან მასში შემავალი ინგრედიენტების მიმართ მომატებული მგრძნობელობა; თანდაყოლილი ან ფსიქოგენური პოლიდიფსია, ანურია, სხვადასხვა ეტიოლოგიის სითხის შეკავება, პლაზმის ჰიპოოსმოლარობა, გულის უკმარისობა და სხვა მდგომარეობები, რომლებიც მოითხოვს დიურეზული საშუალებებით მკურნალობას. ინტრავენური შეყვანისათვის - არასტაბილური სტენოკარდია, ვილებრანდის დაავადების II B ტიპი.
ორსულობა და ლაქტაცია:
	
დესმოპრესინი სიფრთხილით ინიშნება ორსულობის პერიოდში. ორსულობის დროს უშაქრო დიაბეტით შეპყრობილი პაციენტების დესმოპრესინით მკურნალობისას ერთეულ შემთხვევებში შესაძლებელია ახალშობილების განვითარების მხრივ დარღვევები. ლაქტაციის პერიოდში დესმოპრესინი გამოიყოფა დედის რძეში რაოდენობით, რომელიც არ ახდენს გავლენას ბავშვის დიურეზზე და ჰემოსტაზზე.
განსაკუთრებული მითითებები:
	
ცხვირის ლორწოვანი გარსის შეშუპების დროს, გამოხატული რინიტისას შესაძლებელია დესმოპრესინის შეწოვის დარღვევა მისი ინტრანაზალური გამოყენებისას. ასეთ შემთხვევაში რეკომენდებულია პრეპარატის სუბლინგვალური გამოყენება. მოცულობით გადატვირთვის პრევენციისათვის საჭიროა პაციენტების შემდეგი ჯგუფების განსაკუთრებული კონტროლი: ბავშვები და მოზარდები, ხანდაზმულები, წყლის ან მინერალური ცვლის მოშლის მქონე პირები და პაციენტები ქალასშიდა წნევის მომატების რისკით. პრეპარატს სიფრთხილით უნიშნავენ თირკმელების ფუნქციის დარღვევით, გულ-სისხლძარღვთა სისტემის დაავადებებისას სადიაგნოსტიკო საშუალების სახით, აგრეთვე მისი განმეორებითი დოზების ვენაში შეყვანისას არ არის მიზანშეწონილი ფორსირებული ჰიდრატაციის ჩატარება (შიგნით ან პარენტერულად), პაციენტმა უნდა მიიღოს სითხის ის რაოდენობა, რომელიც საჭიროა წყურვილის მოსაკლავად. ბავშვებში ასაკით 1 წლამდე პრეპარატის გამოყენება მიზანშეწონილია მხოლოდ სტაციონარის პირობებში.
ჭარბი დოზირება:
	
სიმპტომები: სითხის გამოყოფის შეფერხების და ჰიპონატრიემიის განვითარების მომატებული რისკი. მკურნალობა: მიუხედავად იმისა, რომ ჰიპონატრიემიის მკურნალობა ინდივიდუალურია, საჭიროა საერთო რეკომენდაციების გამოყენება. ჰიპონატრიემიის მკურნალობა შესაძლებელია დესმოპრესინის გამოყენების შეწყვეტით, სითხის მიღების შეზღუდვით და აუცილებლობის შემთხვევაში სიმპტომატური მკურნალობით.
ურთიერთქმედება სხვა მედიკამენტებთან:
	
პრეპარატები, რომლებიც გავლენას ახდენენ ანტიდიურეზული ჰორმონის სეკრეციაზე, როგორიცაა: ანტიდეპრესანტები, სეროტონინის სელექტიური ინჰიბიტორები, ქლორპრომაზინი, კარბამაზეპინი, იწვევენ ანტიდიურეზული ეფექტის გაძლიერებას და წყლის შეკავებისას - ჰიპონატრიემიის რისკის გაზრდას. არასტეროიდულ ანთების საწინააღმდეგო პრეპარატებთან დესმოპრესინის კომბინაცია აგრეთვე იწვევს ორგანიზმში წყლის შეკავებისას - ჰიპონატრიემიას. მონაცემები დესმოპრესინის ურთიერთქმედების შესახებ ღვიძლის მეტაბოლიზმის პროცესზე მოქმედ პრეპარატებთან არ მოიპოვება. პრეპარატის უარყოფითი მოქმედების შესახებ ავტოტრანსპორტის მძღოლებში და იმ პირებში, რომელთა მუშაობა ტექნიკასთან მოითხოვს გაძლიერებულ ყურადღებას არ არსებობს მონაცემები.
ფარმაკოლოგიური თვისება:
	
პრეპარატი წარმოადგენს არგინინვაზოპრესინს, ჰიპოფიზის ბუნებრივი ჰორმონის - ვაზოპრესინის სინთეზურ ანალოგს, რომლისგანაც განსხვავებით იგი ნაკლებად მოქმედებს სისხლძარღვთა გლუვ კუნთოვან ელემენტებზე და შინაგან ორგანოებზე. პრეპარატი ხასიათდება გამოხატული ანტიდიურეზული და უმნიშვნელო პრესორული ეფექტით. დადგენილია, რომ პრეპარატით მკურნალობა ნიქტურიით შეპყრობილ პაციენტებში იწვევს მოშარდვის მიზნით ადგომის საშუალო რაოდენობის 45%-ით და ღამის საშუალო დიურეზის დაახლოვებით 0.6 მლ/წთ-ში შემცირებას. აღნიშნულის გამო მშვიდი ძილის პირველი პერიოდის ხანგრძლივობა იზრდება საშუალოდ 2 სთ-ით.
ჩვენება:
	
ჰიპოფიზის ჰორმონის ვაზოპრესინის გამოყოფის შემცირებით გამოწვეული უშაქრო დიაბეტის და ღამის პირველადი ენურეზის დიაგნოსტიკა და მკურნალობა. დროებითი პოლიურიის და პოლიდიფსიის მკურნალობა ჰიპოფიზზე ჩატარებული ოპერაციის შემდეგ. ნიქტურიის სამკურნალოდ როგორც მონო, ასევე კომპლექსური თერაპიის შემადგენლობაში. თირკმელების კონცენტრაციული უნარის განსაზღვრის მიზნით, როგორც დიაგნოსტიკური საშუალება.
დოზირება და მიღების წესი:
	
ვენაში შესაყვანად: ტრავმები და ქირურგიული ჩარევები ჰემოფილიის მსუბუქი და ზომიერი ფორმით შეპყრობილ პაციენტებ-ში (ვილებრანდის დაავადება). დოზირების რეჟიმი ინდივიდუალურია. ინტრანაზალური გამოყენებისათვის მოზრდილებში დოზა შეადგენს 10-40 მკგ/დღეღამეში 1 ან რამოდენიმე მიღებაზე. ბავშვებში ასაკით 3 თვიდან 12 წლამდე - 5-30 მკგ/დღეღამეში; კანქვეშ, კუნთებში ან ვენაში შესაყვანად დოზა მოზრდილებში შეადგენს 1-4 მკგ/დღეღამეში, ხოლო ბავშვებში - 0,4-დან 2 მკგ-მდე დღეღამეში.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020858439 sec.