| უნიფიცირებული დასახელება: | ნიტროფურანტოინიNitrofurantoin | ||
| ა.თ.ქ. კლასიფიკაცია: | |||
J01XE01 | J მიკრობების საწინააღმდეგო პრეპარატები სისტემური გამოყენებისათვის | ||
| 01 მიკრობების საწინააღმდეგო პრეპარატები სისტემური გამოყენებისათვის | |||
| X ანტიბაქტერიული სხვა პრეპარატები | |||
| E ნიტროფურანის წარმოებულები | |||
G04AC01 | G შარდსასქესო სისტემა და სასქესო ჰორმონები | ||
| 04 პრეპარატები უროლოგიური დაავადებების მკურნალობისათვის | |||
| A უროანტისეპტიკური საშუალებები | |||
| C ნიტროფურანის წარმოებულები | |||
| ანოტაცია: | |||
| ფარმაკოლოგიური თვისება: | ნიტროფურანტოინი წარმოადგენს ნიტროფურანების წარმოებულ ანტიბაქტერიულ საშუალებას ბაქტერიოსტატური და ბაქტერიციდული ეფექტით, რომელიც გამოიყენება საშარდე გზების ინფექციების სამკურნალოდ. პრეპარატს ახასიათებს ბაქტერიოსტატური ეფექტი (ბაქტერიციდული - მაღალი კონცენტრაციით). მისი მოქმედების სპექტრი მოიცავს მიკროორგანიზმებს, რომლებიც იწვევენ საშარდე გზების ინფექციებს, როგორიცაა: E. coli, Klebsiella, Enterobacter, enterococci, Staphylococcus. მის მიმართ ასევე მგრძნობიარე მიკროორგანიზმებია: Citrobacter spp., group B. streptococci, Staphylococcus aureus, Staphylococcus epidermidis; საშარდე გზების ინფექციებს იშვიათად იწვევს Salmonella spp., Bacteroides spp., Streptococcus pneumoniae. პრეპარატის მიმართ ნაწილობრივ ან ზომიერად მგრძნობიარე მიკროორგანიზმებია: Klebsiella pneumoniae, Proteus spp., Providencia spp., Serratia spპ. რეზისტენტულია - Pseudomonas aeruginosa, Proteus mirabilis, Pseudomonas cepacia, Acinetobacter. ნიტროფურანტოინით მკურნალობის დროს იშვიათად აღინიშნება რეზისტენტობა მის მიმართ, ისევე როგორც ჯვარედინი რეზისტენტობის შემთხვევები სხვადასხვა ანტიბიოტიკებთან. | ||
| ურთიერთქმედება სხვა მედიკამენტებთან: | სულფინპირაზონის მიღებამ შეიძლება შეასუსტოს პრეპარატის მოქმედება, ან გაზარდოს მისი ტოქსიკურობა. პრობენეციდი ანელებს ნიტროფურანტოინის ორგანიზმიდან გამოყოფას. | ||
| ფარმაკოკინეტიკა: | პერორალური მიღებისას პრეპარატი სრულად აბსორბირდება კუჭ-ნაწლავის ტრაქტიდან. მისი სწრაფი ელიმინაცია თირკმელებით ხელს უშლის ნიტროფურანტოინის მაღალი კონცენტრაციის მიღწევას სისხლში და ქსოვილებში. მიკროკრისტალური ნიტროფურანტოინის ერთჯერადი დოზის - 100 მგ-ის მიღებისას, მისი მაქსიმალური კონცენტრაცია შარდში 50-150 µგ/მლ აღინიშნება 30 წუთის შემდეგ. ნიტროფურანტოინის 50% უკავშირდება სისხლის პლაზმის ცილებს. ნახევრადგამოყოფის პერიოდი შეადგენს - 25-35 წუთს. ერთჯერადი დოზის მიღების შემდეგ პრეპარატის კონცენტრაცია შარდში მცირდება თანდათანობით და რჩება ეფექტური კონცენტრაციით 8-10 საათის განმავლობაში. ნიტროფურანტოინის სრული ექსკრეცია წარმოებს თირკმელებით 24 საათის განმავლობაში: 17% - ფილტრაციით, ხოლო - 83% პროქსიმალური მილაკოვანი სეკრეციის მეშვეობით. პრეპარატის 50% გამოიყოფა მეტაბოლიტების სახით, ხოლო 2-3% - განავალით. პრეპარატი გაივლის პლაცენტურ ბარიერს და გადადის დედის რძეში. ანურიის ან თირკმელების უკმარისობის დროს, როდესაც კრეატინინის დონე შრატში მაღალია, ან როდესაც აღინიშნება ტოქსიკური ეფექტები, პრეპარატის კონცენტრაცია შარდში არ შეესაბამება მისი ანტიბაქტერიული მოქმედების დონეს. | ||
| ჩვენება: | - საშარდე გზების მწვავე და ქრონიკული ანთებები: - ცისტიტი, პიელიტი, პიელონეფრიტი; - საშარდე გზების ინფექციების პროფილაქტიკა ოპერაციის წინ. | ||
| დოზირება და მიღების წესი: | მწვავე ინფექციების დროს: მოზრდილებში: პერორალურად 50-100 მგ 4-ჯერ დღეში, 4-7 დღე, არაუმეტეს 10 დღისა. პრეპარატი ინიშნება ჭამის შემდეგ. ბავშვებში: 5-7 მგ/კგ წონაზე დაყოფილი 4 მიღებაზე დღეში, 4-7 დღის განმავლობაში. ქრონიკული ინფექციების დროს: უფრო ხანგრძლივი თერაპიისას მოზრდილებში: 50-100 მგ დღეში. | ||
| გვერდითი მოვლენები: | სასუნთქი სისტემის მხრივ: გრიპის მაგვარი სიმპტომები, ტკივილი გულმკერდის მიდამოში, ხველა, ქოშინი, ინტერსტიციული პნევმონიტი ან ფიბროზი. კუჭ-ნაწლავის ტრაქტის მხრივ დარღვევები აღინიშნება 13-15%: დისკომფორტი, დიარეა, გულისრევა, ღებინება, ანორექსია, ჰეპატიტი, ქოლესტაზური სიყვითლე. ცენტრალური ნერვული სისტემის მხრივ: თავის ტკივილი, თავბრუსხვევა, ნისტაგმი. პერიფერილი ნეიროპათიები აღინიშნება ავადმყოფებში თირკმელების უკმარისობით, ელექტროლიტური დისბალანსით, B ჯგუფის ვიტამინების დეფიციტით. რომლის პირველადი სიმპტომებია: პარესთეზია, მოძრაობის დაქვეითება. ალერგიული რეაქციები: ეკზანთემა, ეოზინოფილია, სხეულის ტემპერატურის მომატება, ქოლესტაზური ჰეპატიტი, ბრონქული ასთმის შეტევები, პაციენტებში ასთმური ანამნეზით, მულტიფორმული ერითემა, ურტიკარია, ექსფოლიატური დერმატიტი, კვინკეს შეშუპება, იშვიათად ანაფილაქსიური შოკი. სისხლის მხრივ: ლეიკოპენია, გრანულოციტოპენია თრომბოციტოპენია, ჰემოლიზური ანემია (ავადმყოფებში გლუკოზა-6-ფოსფატდეჰიდროგენაზას დეფიციტის დროს), აგრანულოციტოზი, მეგალობლასტური ანემია. შესაძლებელია ლურჯ-მწვანე ჩხირით გამოწვეული საშარდე გზების ინფექციის განვითარება. | ||
| უკუჩვენება: | - მომატებული მგრძნობელობა პრეპარატისმიმართ; - ორსულობის დროს; - ანურია; - თირკმელების უკმარისობა პაციენტებში კრეატინინის კლირენსით 40 მლ/წუთში უფრო ნაკლები, ოლიგურია; - გლუკოზა-6- ფოსფატდეჰიდროგენაზასდეფიციტი; - ნევრიტები; - ელექტროლიტური დისბალანსი; - B ჯგუფის ვიტამინების დეფიციტი; - ჰემოლიზური ანემია; - შაქრიანი დიაბეტი; - ბავშვებში 1 თვემდე ასაკის; - ალკოჰოლიზმი. | ||
| განსაკუთრებული მითითებები: | პერიფერიული ნეიროპათიების განვითარების რისკი იზრდება: შაქრიანი დიაბეტის, ანემიის, ელექტროლიტური დისბალანსის, B ჯგუფის ვიტამინების დეფიციტის, თირკმელების უკმარისობის დროს.ნიტროფურანტოინი არ ინიშნება: ჩირქოვანი პარანეფრიტის და პროსტატის დროს, აგრეთვე იმ საშუალებებთან, რომლებიც აზიანებენ თირკმელების ფუნქციას. |
Page generation time: 0. 021665346 sec.
