| უნიფიცირებული დასახელება: | ბენზილბენზოატიBenzyl benzoate | ||
| ა.თ.ქ. კლასიფიკაცია: | |||
P03AX01 | P პარაზიტების საწინააღმდეგო პრეპარატები, ინსექტიციდები და რეპელენტები | ||
| 03 ექტოპარაზიტების (მათ შორის მუნის ტკიპას) გასანადგურებელი პრეპარატები, ინსექტიციდები და რეპელენტები | |||
| A ექტოპარაზიტების (მათ შორის მუნის ტკიპას) გასანადგურებელი პრეპარატები | |||
| X ექტოპარაზიტების გასანადგურებელი სხვა პრეპარატები | |||
| ანოტაცია: | |||
| ფარმაკოკინეტიკა: | პრეპარატი კანზე დატანების შემდეგ აღწევს ეპიდერმისის ზედა შრეში. მას რეზორბციული მოქმედება პრაქტიკულად არ გააჩნია. | ||
| ჩვენება: | პრეპარატი გამოიყენება პედიკულოზის და მუნის (ექიმის მეთვალყურეობის ქვეშ), წითელი ფერიმჭამელების მქონე გამონაყარის და დემოდეკოზის, აგრეთვე ქატოსებრი ლიქენისა და ცხიმოვანი სებორეის სამკურნალოდ. | ||
| ფარმაკოლოგიური თვისება: | ექტოპარაზიტების საწინააღმდეგო სამკურნალო საშუალება. პრეპარატს გააჩნია აკარიციდული მოქმედება სხვადასხვა სახის ტკიპების, მათ შორის მუნის (Acarus scabiei) მიმართ, აგრეთვე პედიკულოზის საწინააღმდეგო გამოხატული აქტივობა. პრეპარატის მოქმედების შედეგად ტკიპების დაღუპვა ხდება 7-32 წთ-ის შემდეგ, ხოლო ტილების - 2-5 სთ-ის შემდეგ. იგი არ მოქმედებს ტკიპებისა და ტილების კვერცხებზე. | ||
| დოზირება და მიღების წესი: | ბენზილბენზოატის 25%-იანი კრემი გამოიყენება გარეგანად. მუნისა და ქატოსებრი ლიქენის სამკურნალოდ, მკურნალობის წინ რეკომენდებულია შხაპის მიღება. ტუბიდან გამოდევნილი კრემი დაიტანება კანის ზედაპირზე. მუნის სამკურნალოდ თავდაპირველად დაიმუშავებენ მარცხენა და მარჯვენა ხელს, შემდეგ სხეულის ზედაპირს (სახის კანისა და თავის თმიანი ნაწილის გამოკლებით), აგრეთვე ფეხის კანის ზედაპირს, ტერფს და ფეხის თითებს. ბავშვებში მალამო დაიტანება მთლიანად კანის ზედაპირზე იმავე თანმიმდევრობით. ხელების დამუშავების შემდეგ მისი დაბანა 3 სთ-ის განმავლობაში არ არის რეკომენდებული. პრეპარატით სხეულის დამუშავების შემდეგ მიზანშეწონილია სუფთა თეთრეულის გამოყენება. დამუშავება ტარდება ერთხელ დღეში 3 დღის განმავლობაში. მკურნალობის კურსის დასრულების შემდეგ პაციენტი იღებს შხაპს და იყენებს სუფთა თეთრეულს. აუცილებლობის შემთხვევაში მკურნალობის კურსს იმეორებენ. წითელი ფერიმჭამელების და დემოდეკოზის მკურნალობისას სახის კანის ზედაპირზე ოდნავ შეიზელენ კრემს 3-5-ჯერ დღეში. თავიდან უნდა ავიცილოთ კრემის თვალში მოხვედრა. მკურნალობის კურსის ხანგრძლივობა განისაზღვრება გასუფთავებული კანის ზედაპირის დინამიკის, ანთებითი პროცესის შემცირების და ქავილის შეწყვეტის მიხედვით. ცხიმოვანი სებორეის სამკურნალოდ პრეპარატი თხელ ფენად დაიტანება თავის თმიან ნაწილზე 30-40 წთ-ის განმავლობაში, რის შემდეგაც რეკომენდებულია თავის დაბანა. აღნიშნული პროცედურა ტარდება კვირაში 2-3-ჯერ. პედიკულოზის სამკურნალოდ კრემი მსუბუქად შეიზილება თავის თმიან ნაწილსა და თმებში, ამის შემდეგ თავზე იფარებენ თავსაბურავს. 30 წთ-ის შემდეგ პრეპარატს ჩამოიბანენ გამდინარე წყლით და თმას გაავლებენ 5%-იანი თბილი ძმრით. აღნიშნული პროცედურის შემდეგ თმას იბანენ საპნითა და შამპუნით და ივარცხნიან ხშირი სავარცხლით, რათა მოიშორონ წილები. ბოქვენის პედიკულოზის დროს კრემი დაიტანება ბოქვენის კანის ზედაპირზე, მუცლის მიდამოში, საზარდულის ნაოჭებსა და ბარძაყის შიგნითა ზედაპირზე. პრეპარატის მოქმედების ეფექტურობა განისაზღვრება დღეღამის განმავლობაში, ხოლო აუცილებლობის შემთხვევაში პროცედურას იმეორებენ. | ||
| გვერდითი მოვლენები: | კრემის დატანების შემთხვევაში მოსალოდნელია წვის შეგრძნება, რომელიც რამდენიმე წუთში ქრება. მოსალოდნელია კანის გაღიზიანება, ეგზემის, პიოდერმიის განვითარება. აღნიშნული სიმპტომები არ წარმოადგენენ პრეპარატის მიღების შეწყვეტის აუცილებლობას. | ||
| უკუჩვენება: | პრეპარატის მიმართ ინდივიდუალური მომატებული მგრძნობელობა, ორსულობისა და ლაქტაციის პერიოდი. | ||
| ჭარბი დოზირება: | მოქმედებს ადგილობრივად და არ გააჩნია რეზორბციული ეფექტი. | ||
| განსაკუთრებული მითითებები: | პრეპარატის გამოყენებისას თავიდან უნდა ავიცილოთ მისი თვალსა და ლორწოვან გარსზე მოხვედრა. მკურნალობის კურსის დასრულების შემდეგ საჭიროა ექიმთან კონსულტაცია 14 დღის განმავლობაში. პაციენტისა და მასთან კონტაქტში მყოფი პირის პრეპარატით დამუშავება ხდება ერთდროულად. რეკომენდებულია ეგზემებისა და პიოდერმიის - მუნთან (პედიკულოზთან) ერთდროული მკურნალობა. | ||
| ურთიერთქმედება სხვა მედიკამენტებთან: | არ არის შესწავლილი. |
Page generation time: 0. 021331000 sec.
