This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ეტაკრინის მჟავა
Etacrynic acid
ა.თ.ქ. კლასიფიკაცია:
	
 
C03CC01	
C გულ-სისხლძარღვთა სისტემა
	
03 დიურეზული საშუალებები
	
C "მარყუჟოვანი" დიურეზული საშუალებები
	
C არილოქსიძმარნჟავას წარმოებულები
ანოტაცია:
	
	
ფარმაკოლოგიური თვისება:
	
იგი წარმოადგენს დიქლორფენოქსიძმარმჟავას ნაწარმს და მიეკუთვნება ”მარყუჟზე” მოქმედ დიურეზულ საშუალებებს. პრეპარატს გააჩნია გამოხატული სალურეზული ეფექტი. იგი აძლიერებს შარდთან ერთად ნატრიუმის, ქლორის, კალიუმის, მაგნიუმის და კალციუმის ექსკრეციას. მისი მოქმედების მექანიზმი განპირობებულია ჰენლეს მარყუჟის აღმავალი ნაწილის მსხვილ სეგმენტში და თირკმლის პროქსიმალურ მილაკებში ნატრიუმისა და წყლის რეაბსორბციის შემცირებით. პრეპარატი არ მოქმედებს ფერმენტ კარბოანჰიდრაზას აქტივობაზე და ზრდის ბიკარბონატების ექსსეკრეციას, აქვეითებს სისხლის არტერიულ წნევას. მისი დიურეზული ეფექტი აღინიშნება ერთჯერადი მიღებისას 20-40 წთ-ის შემდეგ, რომელიც აღწევს მაქსიმუმს 1-2 სთ-ში და გრძელდება 8-10 სთ-ის განმავლობაში. პრეპარატს არ გააჩნია დიაბეტოგენური აქტივობა.
ჩვენება:
	
პრეპარატი გამოიყენება გულის ფუნქციის დარღვევისას შეგუბებებითი უკმარისობით გამოწვეული შეშუპების, ფილტვების შეშუპების, ღვიძლის ფუნქციის დარღვევის, პოსტთრომბოზურ პერიოდში, აგრეთვე სუსტად და ზომიერად გამოხატული თირკმელების უკმარისობის დროს, არტერიული ჰიპერტენზიის შემთხვევაში (კომბინირებული თერაპიის შემადგენლობაში).
დოზირება და მიღების წესი:
	
მოზრდილებში პრეპარატის საწყისი დღე-ღამური დოზა შეადგენს 50 მგ-ს (1 აბი), რომელიც აუცილებლობის შემთხვევაში შესაძლოა გავზარდოთ მაქსიმალურად 200 მგ-მდე (4 აბი). თერაპიული ეფექტის ხანგრძლივობა შეადგენს 8-10 სთ-ს. ამგვარად, დღეღამური დოზა რეკომენდებულია მივიღოთ ერთხელ დილით საუზმის შემდეგ. ბავშვებში საწყისი დოზა შეადგენს 25 მგ-ს. პრეპარატის მიღება შესაძლებელია სხვა დიურეზულ პრეპარატებთან კომბინაციაში.
გვერდითი მოვლენები:
	
პრეპარატის ხანგრძლივად და მაღალი დოზით მიღებამ, აგრეთვე ამ უკანასკნელის დიურეზულმა ეფექტმა შესაძლოა გამოიწვიოს ორგანიზმის მიერ წყლისა და ელექტროლიტების დაკარგვა (ჰიპანატრიემია, ჰიპომაგნიემია, ჰიპოკალციემია, დეჰიდრატაცია, მეტაბოლური ალკოლოზი). ზემოთაღნიშნული მდგომარეობის გამოვლენის შემთხვევაში საჭიროა პრეპარატის მიღების შეწყვეტა ან წყალ-მარილოვანი ცვლის კორეგირება. პრეპარატის მიღებისას შესაძლოა გვერდითი მოვლენების მანიფესტირება კუჭ-ნაწლავის ტრაქტის მხრივ: გულისრევა, ღებინება, დისფაგია, ანორექსია, ტკივილი მუცლის არეში, დიარეა; აგრეთვე ოტოტოქსიკური მოქმედება, თავბრუსხვევა, თავის ტკივილი, კუნთების სისუსტე, იშვიათად - მწვავე პანკრეატიტი, ცალკეულ შემთხვევებში ორთოსტატული ჰიპოტენზია, ტაქიკარდია, არითმია.
უკუჩვენება:
	
პრეპარატის მიღება წინააღმდეგნაჩვენებია ანურიის დროს, წყალ-ელექტროლიტური ბალანსის და მჟავა-ტუტოვანი წონასწორობის დარღვევისას, ღვიძლის კომის, პრეპარატის მიმართ მომატებული მგრძნობელობის დროს. მისი მიღება არ არის რეკომენდებული 2 წლამდე ასაკის ბავშვებში, ორსულობისა და ლაქტაციის პერიოდში.
განსაკუთრებული მითითებები:
	
ეთაკრინის მჟავას და სხვა ჰიპოტენზიური პრეპარატების კომბინაციისას საჭიროა ამ უკანასკნელთა დოზის შემცირება, რათა თავიდან ავიცილოთ ორთოსტატული ჰიპოტენზია. პაციენტებმა, რომლებიც დაავადებულნი არიან ღვიძლის ციროზით, პრეპარატი უნდა მიიღონ ექიმის კონსულტაციით. პრეპარატის დოზირება დგინდება მხოლოდ მეტაბოლური პროცესების და ელექტროლიტური ბალანსის კორექციის შემდეგ. საჭიროა სისხლის პლაზმაში ელექტროლიტების რეგულარული კონტროლი, კალიუმით მდიდარი საკვების მიღება, აუცილებლობისას - კალიუმის პრეპარატები. დიარეის ან დეჰიდრატაციის შემთხვევაში პრეპარატის მიღებას წყვეტენ. პაციენტებს, რომლებიც ასრულებენ ისეთ სამუშაოს, რომელიც მოითხოვს ყურადღების მაღალ კონცენტრაციას, პრეპარატის დღეღამური დოზა ენიშნებათ ინდივიდუალური მგრძნობელობის შესაბამისად.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020929364 sec.