| უნიფიცირებული დასახელება: | ლევამიზოლიLevamisole | ||
| ა.თ.ქ. კლასიფიკაცია: | |||
P02CE01 | P პარაზიტების საწინააღმდეგო პრეპარატები, ინსექტიციდები და რეპელენტები | ||
| 02 ჰელმინტების საწინააღმდეგო პრეპარატები | |||
| C სხვა პრეპარატები ნემატოდოზის მკურნალობისათავის | |||
| E იმიდაზოთიაზოლის წარმოებულები | |||
| ანოტაცია: | |||
| ფარმაკოლოგიური თვისება: | ლევამიზოლი სწრაფად მოქმედი ანტიჰელმინთური საშუალებაა. იგი მაღალეფექტურია ასკარიდოზის დროს და ნაკლებად იჩენს აქტივობას ანკილოსტომიდოზის, სტრონგილოიდოზის, ნეკატოროზის და ტრიქოსტრონგილოიდოზის დროს. ჰელმინტთან კონტაქტისას იგი იწვევს ნერვული განგლიების ბლოკადასა და მათი კუნთების დამბლას. გარდა ამისა იგი თრგუნავს ფერმენტ ფუმარატ რედუქტაზას აქტივობას და არღვევს ჰელმინთებში მიმდინარე ბიოენერგეტიკულ პროცესებს. ამის შედეგად პარალიზებული ჰელმინთები 24 სთ-ში გამოიყოფიან ორგანიზმიდან. პრეპარატი ავლენს ასევე იმუნომოდულატორულ თვისებებსაც, რაც გამოიხატება მის უნარში მოახდინოს T-ლიმფოციტების და მაკროფაგების სტიმულირება. | ||
| ფარმაკოკინეტიკა: | პერორალური მიღების შემდეგ პრეპარატი სწრაფად აბსორბირდება კუჭ-ნაწლავის ტრაქტიდან. მაქსიმალური კონცენტრაცია პლაზმაში აღინიშნება 1-2 სთ-ის შემდეგ, ხოლო ნახევარგამოყოფის პერიოდი შეადგენს 4 სთ-ს. პრეპარატი მეტაბოლიზდება ღვიძლში და 2 დღის განმავლობაში მთლიანად გამოიყოფა ორგანიზმიდან. | ||
| ჩვენება: | ჭიებით ინვაზიის საწინააღმდეგოდ: ასკარიდოზი, ანკილოსტომიდოზი, სტრონგილოიდაზი, ტრიქოსტრონგილოიდოზი, ნეკატოროზი. იმუნომამოდულირებელი მიზნით: ინფექციური დაავადებები, მორეციდივე მარტივი ჰერპესი, ჰერპეს ზოსტერი, ბავშვებში ზედა სასუნთქი გზების რეციდივული ინფექციურ-ანთებითი დაავადებები, მორეციდივე სინუსიტები, ქრონიკული აქტიური ჰეპატიტი, პერსისტიული ვირუსული ჰეპატიტი, რომლის დროსაც ავსტრალიური ანტიგენი RBTFp სისხლში 3 თვეზე მეტ ხანს რჩება. იმუნოდეფიციტური მდგომარეობები და აუტოიმუნური დაავადებები: რევმატოიდული ართრიტი, კრონის დაავადება, მორეციდივე აფტოზური სტომატიტი, რეიტერის დაავადება, სისტემური წითელი მგლურას დროს სხვა საშუალებებით მიღწეული რემისიის შესანარჩუნებლად. ავთვისებიანი წარმონაქმნები (ქირურგიული, სხივური და ქიმიოთერაპიული მკურნალობის შემდეგ) ბრონქებში, ფილტვებში, მსხვილ ნაწლავში, სარძევე ჯირკვალში; ლიმფოგრანულემატოზი და ლეიკოზები რემისიის პერიოდში ქიმიოთერაპიის კურსებს შორის. | ||
| დოზირება და მიღების წესი: | როგორც ანტიჰელმინთური საშუალება მოზრდილებში ინიშნება 150- მგ ერთჯერადი დოზით საღამოს. ბავშვებში პრეპარატი ინიშნება ერთჯერადად 2.5 მგ/კგ საღამოს. როგორც იმუნომოდულატორი: ინიშნება 150 მგ დღეში ერთჯერადად, ან 3 მიღებაზე (50 მგ 3-ჯერ) 3 დღის განმავლობაში ყოველ 2 კვირაში ერთხელ, ან 150მგ დღეში, კვირაში ერთხელ. მკურნალობის კურსი ინდივიდუალურია. | ||
| გვერდითი მოვლენები: | ანტიჰელმინთური მოქმედების მიზნით მისი ერთჯერადი მიღებისას იშვიათ შემთხვევებში შეიძლება ადგილი ჰქონდეს გულისრევას, ღებინებას, დიარეას, მუცლის ტკივილს. ხანგრძლივი მიღებისას იმუნომოდულატორის სახით შეიძლება აგრეთვე გამოვლინდეს კანზე გამონაყარი, ჭინჭრის ციება, გრიპისმაგვარი სიმპტომები, ნევროლოგიური მოშლილობები. უფრო საშიშია ლეიკოპენია, თრომბოციტოპენია ან აგრანულოციტოზი, რომელიც ხშირად ვითარდება რევმატოიდული ართრიტის მქონე ქალებში. ზოგჯერ ადგილი აქვს უძილობას, დეპრესიას, იშვიათად ატაქსიას, პარესთეზიებს, ცნობიერების დაბინდვას. | ||
| უკუჩვენება: | ორსულობა, ლაქტაციის პერიოდი. ანამნეზში წამლისმიერი აგრანულოციტოზის არსებობა, მომატებული მგრძნობელობა პრეპარატის მიმართ. | ||
| განსაკუთრებული მითითებები: | ინფექციური დაავადებების დროს პრეპარატის იმუნომოდულატორის სახით დანიშვნის შემთხვევაში გათვალისწინებული უნდა იქნას, რომ პრეპარატი არ ცვლის ამ დაავადებების დროს ნაჩვენებ ანტიბიოტიკებს, ან სხვა ანტიმიკრობულ საშუალებებს. მკურნალობის დაწყებამდე საჭიროა პერიფერიული სისხლის კონტროლი ლეიკოციტების რაოდენობისა და სისხლის ფორმულის შემოწმების მიზნით პირველი დოზის-150 მგ მიღებიდან 10 სთ-ის შემდეგ. თუკი ლეიკოციტების რაოდენობა 1 მკლ-ში 3-ზე ნაკლებია ან თუ ნეიტროფილების რიცხვი მცირდება 1-მდე 1 მკლ-ში, აუცილებელია პრეპარატის მიღების შეწყვეტა ზემოთ მოყვანილი მაჩვენებლების ნორმალიზაციამდე. ამის შემდეგ შეიძლება პრეპარატის მიღების გაგრძელება. თუკი ლეიკოციტების ან ნეიტროფილების რაოდენობის დაქვეითება კვლავ გრძელდება, პრეპარატს ხსნიან. მკურნალობის პროცესში იკრძალება ალკოჰოლის მიღება. პრეპარატი სიფრთხილით ინიშნება ღვიძლის, თირკმლების, სისხლის სისტემის დაავადებების, ცერებროვასკულური დარღვევების დროს. | ||
| ურთიერთქმედება სხვა მედიკამენტებთან: | ლევამიზოლის დანიშვნა არ შეიძლება ლეიკოპენიის გამომწვევ პრეპარატებთან ერთად, მაგალითად პირაზოლონის წარმოებულებთან კომბინაციაში. |
Page generation time: 0. 021018057 sec.
