| უნიფიცირებული დასახელება: | მიფეპრისტონიMifepristone | ||
| ა.თ.ქ. კლასიფიკაცია: | |||
G03XB01 | G შარდსასქესო სისტემა და სასქესო ჰორმონები | ||
| 03 სასქესო ჰორმონები და სასქესო სისტემის მოდულატორები | |||
| X სხვა სასქესო ჰორმონები და სასქესო სისტემის მოდულატორები | |||
| B ანტიპროგესტაგენები | |||
| ანოტაცია: | |||
| ჩვენება: | საშვილოსნო ორსულობის შეწყვეტა ადრეულ ვადაზე (ამენორეის 42 დღემდე); მშობიარობის ინდუქცია სრულვადიანი ორსულობისას; პოსტკოიტური ექსტრემალური კონტრაცეფცია (დაუცველი სქესობრივი აქტის ან არასაიმედოდ ჩატარებული კონტრაცეფციის შემთხვევაში); საშვილოსნოს ლეიომიომა (ზომით ორსულობის 12 კვირამდე). | ||
| გვერდითი მოვლენები: | ცნს-ის მხრივ: თავბრუსხვევა, თავის ტკივილი. სასქესო ორგანოების სისტემის მხრივ: სისხლიანი გამონადენი სასქესო გზებიდან, მენსტრუალური ციკლის დარღვევა, ამენორეა, საშვილოსნოსა და მისი დანამატების ანთებითი პროცესის გამწვავება, ლოქიომეტრა, საშვილოსნოს სუბინვოლუცია. ალერგიული რეაქცია: ჭინჭრის ციება. სხვა: დისკომფორტი და ტკივილი მუცლის ქვედა ნაწილში, სისუსტე, ჰიპერთერმია. | ||
| ფარმაკოლოგიური თვისება: | მიფეპრისტონი არის სინთეზურ სტეროიდული ანტიჰესტაგენური საშუალება. იგი ბლოკავს პროგესტერონის მოქმედებას ჰესტაგენური რეცეპტორების დონეზე. არ გააჩნია ჰესტაგენური აქტივობა, აღინიშნება ანტაგონიზმი გლუკოკორტიკოსტეროიდებთან (კონკურენციის ხარჯზე რეცეპტორებთან კავშირის დონეზე). მენსტრუალური ციკლის ფაზის მიხედვით, იწვევს მიომეტრიუმის შეკუმშვის უნარის ზრდას ქორიოდეციდუალურ უჯრედებში ინტერლეიკინ–8-ის გამონთავისუფლების სტიმულირებითა და პროსტოგლანდინების მიმართ მიომეტრიუმის მგრძნობელობის მომატებით (ეფექტის გაძლიერების მიზნით გამოიყენება პროსტოგლანდინის სინთეზურ ანალოგებთან კომბინაციაში), რის შედეგადაც ხდება დეციდუალური გარსის დესქვამაცია და სანაყოფე კვერცხის გამოდევნა. იწვევს ოვულაციის პროცესის დამუხრუჭებას, ენდომეტრიუმის შეცვლას და ხელს უშლის განაყოფიერებული კვერცხუჯრედის იმპლანტაციას. საშვილოსნოს ლეიომიომის პათოგენეზში გადამწყვეტ როლს თამაშობენ სასქესო ჰორმონები, განსაკუთრებით პროგესტერონი. პროგესტერონის რეცეპტორების ბლოკადას შეუძლია განაპირობოს როგორც სიმსივნის ზრდის შენელება, ასევე საშვილოსნოსა და მიომატოზური კვანძების ზომის შემცირება. | ||
| დოზირება და მიღების წესი: | ორსულობის მედიკამენტოზური შეწყვეტისათვის: პრეპარატს იღებენ პერორალურად, ექიმის თანდასწრებით, ერთჯერადად დოზით 600მგ (ჭამიდან 1-1.5სთ შემდეგ, 100მლ წყლის მიყოლებით). მიფეპრისტონის ეფექტის გაძლიერების მიზნით ნიშნავენ პროსტოგლანდინ E1-ის სინთეტურ ანალოგს - მიზოპროსტოლს დოზით 400მგ. პაციენტს ესაჭიროება სამედიცინო მეთვალყურეობა პრეპარატის მირებიდან სულ მცირე 2 საათის განმავლობაში, ხოლო მიფეპრისტონის მიღებიდან 36-48 საათის შემდეგ პაციენტმა უნდა გაიაროს ულტრაბგერითი გამოკვლევის კონტროლი. 8-14 დღის შემდეგ განმეორებით ტარდება კლინიკურ გამოკვლევა და ულტრაბგერითი კონტროლი, ასევე საზღვრავენ ქორიონული გონადოტროპინის დონეს იმის დასადასტურებლად, რომ ორსულობა შეწყვეტილია. მიფეპრისტონის მიღებიდან მე-14 დღეს ეფექტის არარსებობის შემთხვევაში (არასრული აბორტი ან ორსულობის შენარჩუნება) ტარდება ვაკუუმასპირაცია, ასპირატის შემდგომი ჰისტოლოგიური გამოკვლევით. მშობიარობის მომზადებისა და ინდუქციისათვის: პერორალურად მიიღება 200მგ მიფეპრისტონი ერთჯერადად ექიმის თანდასწრებით. 24 საათის შემდეგ - განმეორებით 200მგ. 48-72 საათის შემდეგ ტარდება სამშობიარო გზების მდგომარეობის შეფასება და საჭიროებისამებრ ინიშნება პროსტაგლანდინები ან ოქსიტოცინი. პოსტკოიტური კონტრაცეფციის დროს: პრეპერატი ინიშნება პერორალურად 10მგ (მენსტრუალური ციკლის ფაზებისაგან დამოუკიდებლად), ჭამამდე 2 საათით ადრე ან ჭამიდან 2 საათის შემდეგ (კონტრაცეფციით დაუცავი სქესობრივი აქტიდან უახლოესი 72 საათის განმავლობაში). საშვილოსნოს ლეიომიომა: პერორალურად 50მგ 1-ჯერ, მკურნალობის ხანგრძლივობა 3 თვე. | ||
| უკუჩვენება: | საერთო უკუჩვენება: თირკმელზედა ჯირკვლის უკმარისობა, გლუკოკორტიკოსტეროიდების ხანგრძლივი მიღება, თირკმლის მწვავე ან ქრონიკული უკმარისობა, ღვიძლის მწვავე ან ქრონიკული უკმარისობა, პორფირია, საშვილოსნოს მიომა, მძიმე ანემია, ჰემოსტაზის დარღვევა (მათ შორის ანტიკოაგულანტებით მკურნალობა) ქალის სასქესო ორგანოების ანთებითი დაავადებები, მძიმე ექსტრაგენიტალური პათოლოგია (თერაპევტის კონსულტაციის გარეშე), მწეველი ქალები 35 წელს ზემოთ, ანამნეზში მომატებული მგრძნობელობა პრეპარატის კომპონენტების მიმართ. ორსულობის მედიკამენტოზური შეწყვწტის დროს: ეჭვი საშვილოსნოსგარე ორსულობაზე; ორსულობა, რომელიც არ არის დადასტურებული კლინიკური გამოკვლევებით; ორსულობა ამენორიის 42 დღეზე მეტი ვადით; ორსულობა, რომელიც დაიწყო საშვილოსნოსშიდა კონტრაცეფციის ფონზე ან ჰორმონული კონტრაცეფციის მოხსნის შემდეგ. მშობიარობის მომზადების ან ინდუქციის დროს: მძიმე ხარისხის ჰესტოზი, პრეეკლამფსია, ეკლამფსია, ნაადრევი ან ვადაგადაცილებული ორსულობა, შეუსაბამობა დედის მენჯსა და ნაყოფის თავის ზომას შორის, ნაყოფის ანომალიური მდებარეობა, ორსულობის დროს სასქესო გზებიდან დაუზუსტებელი ეტიოლოგიის სისხლიანი გამონადენი. ლეიომიომის დროს: მიომატოზური კვანძების სუბმიკოზური მდებარეობა, საშვილოსნოს ლეიომიომის ზომა, რომელიც აჭარბებს 12 კვირიანი ორსულობის შესაბამის ზომას, საკვერცხეების სიმსივნე, ენდომეტრიუმის ჰიპერპლაზია. | ||
| სიფრთხილის ზომები: | პრეპარატი სიფრთხილით ინიშნება ფილტვების ქრონიკული ობსტრუქციული დაავადებების, ბრონქული ასთმის, არტერიული ჰიპერტენზიის, არითმიის, გულის ქრონიკული უკმარისობის, გულის რითმის დარღვევის დროს. | ||
| ორსულობა და ლაქტაცია: | მიფეპრისტონის დანიშვნის აუცილებლობის შემთხვევაში ძუძუთი კვება უნდა შეწყდეს 14 დღით. მშობიარობის დროს საშვილოსნოს ყელის მოსამზადებლად მიფეპრისტონის გამოყენება არ მოქმედებს შემდგომ ლაქტაციაზე. | ||
| განსაკუთრებული მითითებები: | პაციენტები, რომლებმაც გამოიყენეს მიფეპრისტონი ორსულობის შესაწყვეტად მის ადრეულ სტადიაზე, უნდა იყვნენ ინფორმირებულები, რომ თუ მე-10-14 დღეზე ეფექტი არ დასტურდება (არასრული აბორტი ან ორსულობის შენარჩუნება), ორსულობა აუცილებლად უნდა შეწყდეს სხვა გზით, ნაყოფში თანდაყოლილი პათოლოგიის განვითარების რისკის გამო. მიფეპრისტონის გამოყენება მოითხოვს რეზუს-ალოიმუნიზაციის პრევენციისა და აბორტის თანმხლები სხვა ზოგადი ღონისძიებების ჩატარებას. პაციენტებს გულის ხელოვნური სარქველებით ან ინფექციური ენდოკარდიტით მიფეპროსტონის მიღებისას უნდა ჩაუტარდეთ პროფილაქტიკური ანტიბაქტერიული თერაპია. პოსტკოიტური კონტრაცეფციის დროს მიფეპრისტონის გამოყენება ვერ უზრუნველყოფს პაციენტის დაცვას შიდსისა და სქესობრივი გზით გადამდები სხვა დაავადებებისაგან. არ არის რეკომენდებული მისი რეგულარული მიღება, როგორც გეგმიური, მუდმივი კონტრაცეფციული საშუალება. | ||
| ურთიერთქმედება სხვა მედიკამენტებთან: | უნდა მოვერიდოთ მიფეპრისტონისა და არასტეროიდული ანთების საწინააღმდეგო პრეპარატების ერთდროულად მიღებას. მიფეპრისტონისა და გლუკოკორტიკოსტეროიდების ერთდროულად მიღების დროს აუცილებელია გ.კ.ს-ის დოზის გაზრდა. |
Page generation time: 0. 021186471 sec.
