| უნიფიცირებული დასახელება: | ქლორამფენიკოლიChloramphenicol | ||
| ა.თ.ქ. კლასიფიკაცია: | |||
S02AA01 | S პრეპარატები გრძნობის ორგანოების დაავადებების მკურნალობისათვის | ||
| 02 პრეპარატები ყურის დაავადებების მკურნალობისათვის | |||
| A მიკრობების საწინააღმდეგო პრეპარატები | |||
| A მიკრობების საწინააღმდეგო პრეპარატები | |||
S01AA01 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| A მიკრობების საწინააღმდეგო პრეპარატები | |||
| A ანტიბიოტიკები | |||
S03AA08 | S პრეპარატები გრძნობის ორგანოების დაავადებების მკურნალობისათვის | ||
| 03 პრეპარატები თვალის და ყურის დაავადებების მკურნალობისათვის | |||
| A მიკრობების საწინააღმდეგო პრეპარატები | |||
| A მიკრობების საწინააღმდეგო პრეპარატები | |||
G01AA05 | G შარდსასქესო სისტემა და სასქესო ჰორმონები | ||
| 01 ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის | |||
| A ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის (კორტიკოსტეროიდებთან კომბინაციის გარდა) | |||
| A ანტიბიოტიკები | |||
D10AF03 | D დერმატოლოგია | ||
| 10 პრეპარატები ფერიმჭამელების მკურნალობისათვის | |||
| A პრეპარატები გარეგანი გამოყენებისათვის ფერიმჭამელების მკურნალობისათვის | |||
| F მიკრობების საწინააღმდეგო პრეპარატები გარეგანი გამოყენებისათვის ფერიმჭამელების მკურნალობისათვის | |||
D06AX02 | D დერმატოლოგია | ||
| 06 ანტიმიკრობული პრეპარატები კანის დაავადებების მკურნალობისათვის | |||
| A ანტიბიოტიკები გარეგანი გამოყენებისათვის | |||
| X სხვა ანტიბიოტიკები გარეგანი გამოყენებისათვის | |||
J01BA01 | J მიკრობების საწინააღმდეგო პრეპარატები სისტემური გამოყენებისათვის | ||
| 01 მიკრობების საწინააღმდეგო პრეპარატები სისტემური გამოყენებისათვის | |||
| B ამფენიკოლები | |||
| A ამფენიკოლები | |||
| ანოტაცია: | |||
| ფარმაკოლოგიური თვისება: | ქლორამფენიკოლი წარმოადგენს მოქმედების ფართო სპექტრის მქონე ანტიბიოტიკს. იგი ეფექტურია როგორც გრამდადებითი, ასევე გრამუარყოფითი ბაქტერიების (ჩირქოვანი ინფექციების გამომწვევები, მუცლის ტიფი, დიზინტერია, მენინგოკოკური ინფექციები, ჰემოფილური ბაქტერიები, ბრუცელოზი და სხვა), რიკეტსიების, ქლამიდიების, სპიროქეტების, ზოგიერთ მსხვილი ვირუსების მიმართ. პრეპარატი მოქმედებს ბაქტერიების იმ შტამებზე, რომლებიც მდგრადია პენიცილინის, სტრეპტომიცინის, სულფანილამიდების მიმართ. იგი სუსტ აქტივობას იჩენს მჟავაში მდგრადი ბაქტერიების, ლურჯ-ჩირქოვანი ჩხირის, კლოსტრიდიებისა და უმარტივესების მიმართ. თერაპიულ კონცენტრაციებში ხასიათდება ბაქტერიოსტატული ეფექტით, მიკროორგანიზმების უჯრედში არღვევს ცილების სინთეზს. მიკროორგანიზმების მდგრადობა პრეპარატის მიმართ ვითარდება შედარებით ნელა და როგორც წესი არ ვლინდება ჯვარედინი რეზისტენტობა სხვა ქიმიოთერაპიული საშუალებების მიმართ. | ||
| ფარმაკოკინეტიკა: | იგი კარგად და სწრაფად შეიწოვება პერორალურად მიღების შემდეგ. პრეპარატის მაქსიმალური კონცენტრაცია სისხლის შრატში აღინიშნება 2-3 სთ-ის შემდეგ, ხოლო მისი თერაპიული კონცენტრაცია სისხლში შენარჩუნებულია მიღებიდან 4-5 სთ-ის განმავლობაში. პრეპარატი კარგად აღწევს ორგანიზმის სითხეებში, ორგანოებსა და ქსოვილებში, აგრეთვე ჰემატოენცეფალურ ბარიერში. ზურგის ტვინის სითხეში (სისხლში მისი კონცენტრაციის 50%მდე). იგი გაივლის პლაცენტას და ექსკრეტირდება დედის რძეში. თერაპიულ დოზებში პერორალურად მიღების შემდეგ აღინიშნება მინისებრი სხეულში, რქოვანაში, ფერად გარსში, თვალის წყლიან არეში (პრეპარატი თვალის ბროლში არ აღწევს). ქლორამფენიკოლი ძირითადად გამოიყოფა შარდით (ძირითადად არააქტიური მეტაბოლიტების სახით), ნაწილობრივ - ნაღველითა და ფეკალიებით. ნაწლავში ნაწლავური ბაქტერიების მოქმედებით ჰიდროლიზდება არააქტიური მატაბოლიტების წარმოქმნით. | ||
| ჩვენება: | პრეპარატი გამოიყენება იმ ინფექციურ-ანთებითი დაავადებების სამკურნალოდ, რომლებიც გამოწვეულია პრეპარატისასადმი მგრძნობიარე მიკროორგანიზმებით კერძოდ, მუცლის ტიფის, პარაფიტის, სალმონელოზის გენერალიზებული ფორმების, დიზინტერიის, ბრუცელოზის, ტულარემიის, პარტახტიანი ტიფის და სხვა რეკეტსიოზების, ტრაქომის და ა. შ. სხვა ეტიოლოგიის ინფექციური პროცესების დროს გამოიყენება იმ შემთხვევაში, როდესაც მათი გამომწვევი მიკროორგანიზმები არ ხასიათდებიან მგრძნობელობით სხვა ქიმიოთერაპიული საშუალებების მიმართ, ან როდესაც ამ უკანასკნელთა გამოყენება შეუძლებელია. მიღების წესი და დოზირება პრეპარატი მიიღება ჭამამდე 30 წთ-ით ადრე (გულისრევის და ღებინების შემთხვევაში - ჭამიდან 1 სთ-ის შემდეგ პერორალურად. მოზრდილებში გამოიყენება 0,25-0,5 გ 3-4-ჯერ დღეში; დღეღამური დოზა შეადგენს - 2 გ-ს. შედარებით მძიმე შემთხვევების დროს (მუცლის ტიფი, პერიტონიტი და სხვა) პრეპარატი მიიღება დღეღამეში 4 გ-ის ოდენობით (მაქსიმალური დღეღამური დოზა მოზრდილებისთვის) სისხლის, ღვიძლისა და თირკმელების მდგომარეობის მკაცრი კონტროლის შემდეგ. დღეღამური დოზა დაყოფილია 3-4 მიღებაზე. პრეპარატის ერთჯერადი დოზა 3 წლამდე ასაკის ბავშვებში შეადგენს 10-15 მგ/კგ სხეულის წონის მიხედვით; 3-დან 8 წლამდე ასაკის ბავშვებში 0,15-0,2 გ, 8 წლის ასაკის ზევით ბავშვებში - 0,2გ-0,3 გ; მიღების სიხშირე - 3-4-ჯერ დღეღამეში. მკურნალობის კურსი შეადგენს 7-10 დღეს. იმ შემთხვევაში, როდესაც პრეპარატი კარგად გადაიტანება და სისხლმბადი სისტემის მხრივ არ აღინიშნება ცვლილებები, მაშინ შესაძლებელია მკურნალობის კურსის გახანგრძლივება 2 კვირამდე. | ||
| გვერდითი მოვლენები: | პრეპარატის გამოყენების შემთხვევაში მოსალოდნელია თრომბოციტოპენია, რეტიკულოციტოპენია, სისხლში ჰემოგლობინის დონის შემცირება, ადრეული ერითროციტული ფორმების ციტოპლაზმური ვაკუოლიზაცია. ეს მოვლენები, როგორც წესი პრეპარატის მიღების შეწყვეტასთან ერთად ქრება. იშვიათად შესაძლებელია აპლასტიური ანემიის განვითარება. პრეპარატის მაღალი დოზით მიღებისას მოსალოდნელია სისხლმბადი სისტემის მხრივ მძიმე სახის გართულებები. პრეპარატის მაღალი დოზით მიღებამ შესაძლებელია გამოიწვიოს ფსიქომოტორული დარღვევები, ცნობიერების დაბინდვა, მხედველობითი და სმენითი ჰალუცინაციები, მხედველობის და სმენის სიმახვილის დაქვეითება, დისპეფსიური მოვლენები (გულისრევა, ღებინება, ფაღარათი), პირის ღრუს ლორწოვანი გარსის, სასქესო ორგანოების, ანუსის გაღიზიანება, აგრეთვე ალერგიული რეაქციები კანზე გამონაყარის სახით, რომლებიც პრეპარატის მიღების შეწყვეტასთან ერთად ქრება. ჩვილი ბავშვები პრეპარატის მიმართ მგრძნობიარენი არიან. 1 წლამდე ასაკის ბავშვებში იშვიათად შესაძლებელია კარდიოვასკულური კოლაფსის ე. წ. “რუხი სინდრომის” (გრეის სინდრომი) განვითარება. მისი გამოყენებისას მოსალოდნელია ნაწლავის მიკროფლორის დათრგუნვა, დისბაქტერიოზისა და მეორადი სოკოვანი განვითარება. | ||
| უკუჩვენება: | ჰემოპოეზის დათრგუნვა, პრეპარატის ინდივიდუალური აუტანლობა, კანის დაავადებები (ფსორიაზი, ეგზემა, სოკოვანი დაავადებები), ორსულობის პერიოდი, ახალშობილები. პრეპარატის დანიშვნა არ არის რეკომენდებული მწვავე რესპირატორული დაავადებების, ანგინის პროფილაქტიკის მიზნით. დაუშვებელია ქლორამფენიკოლის გამოყენება მსუბუქად მიმდინარე ინფექციების დროს და პედიატრიულ პრაქტიკაში ექიმთან კონსულტაციის გარეშე. წინააღმდეგნაჩვენებია ორსულობისა და ლაქტაციის დროს. | ||
| ურთიერთქმედება სხვა მედიკამენტებთან: | პრეპარატის ერთდროული დანიშვნა იმ პრეპარატებთან, რომლებიც თრგუნავენ ჰემოპოეზის (სულფანილამიდები, პირაზოლონის წარმოებულები, ციტოსტატიური საშუალებები), სხივური თერაპიის დროს. პრეპარატისა და დიფენინის, ნეოდიკუმარინისა და სხვა არაპირდაპირი ანტიკოაგულანტების, აგრეთვე ბუტამიდის, ბარბიტურატების ერთდროული გამოყენება არ არის რეკომენდებული ქლორამფენიკოლის მიერ მათი მეტაბოლიზმის შესაძლო ცვლილების გამო. | ||
| განსაკუთრებული მითითებები: | პრეპარატით მკურნალობისას აუცილებელია სისხლის სურათის კონტროლი, ღვიძლისა და თირკმელების ფუნქციური მდგომარეობის შემოწმება. პრეპარატით მკურნალობა რეკომენდებულია მხოლოდ ექიმთან კონსულტაციის შემდეგ. |
Page generation time: 0. 026879371 sec.
