This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
მოლსიდომინი
Molsidomine
ა.თ.ქ. კლასიფიკაცია:
	
 
C01DX12	
C გულ-სისხლძარღვთა სისტემა
	
01 პრეპერატები გულის დაავადებების მკურნალობისათვის
	
D პერიფერიული ვაზოდილატატორები გულის დაავადებების მკურნალობისათვის
	
X პერიფერიული სხვა ვაზოდილატატორები გულის დაავადებების მკურნალობისათვის
ანოტაცია:
	
	
განსაკუთრებული მითითებები:
	
მოლსიდომინი მოქმედებს ფსიქომოტორულ რეაქციებზე და ამიტომ სიფრთხილით გამოიყენება მანქანის მართვის დროს. აღნიშნული მდგომარეობა უმეტესად აღინიშნება მკურნალობის დასაწყისში ან ალკოჰოლის მიღების დროს.
ფარმაკოლოგიური თვისება:
	
პრეპარატი წარმოადგენს ანტიანგინალურ პრეპარატს სიდნონიმინების ჯგუფიდან. მისი მოქმედების მექანიზმი განპირობებულია პრეპარატის მეტაბოლიზმის პროცესში აზოტის ოქსიდი წარმოქმნით, რომელიც ასტიმულირებს ხსნად გუანილატციკლაზას. ამის შედეგად ადგილი აქვს ციკლური გუანოზინმონოფოსფატის (ცგმფ) დაგროვებას და სისხლძარღვების გლუვი კუნთოვანი ელემენტების რელაქსაციას. მოლსიდომინი აქვეითებს ვენურ და ენდოდიასტოლურ წნევას პარკუჭებში და წნევას ფილტვის არტერიაში, ამცირებს გულის სისტოლურ მოცულობას, მიოკარდის მოთხოვნილებას ჟანგბადის მიმართ, ხელს უწყობს კორონაროდილატაციას, აუმჯობესებს კოლატერალურ სისხლმიმოქცევას, ამცირებს თრომბოციტების აგრეგაციას თრომბოქსანის ბიოსინთეზის დათრგუნვის გამო.
ჩვენება:
	
- სტენოკარდიის შეტევის პროფილაქტიკა (შიგნით მისაღებად); - სტენოკარდიის შეტევის კუპირებისათვის (მხოლოდ სუბლინგვალურადი 2 მგ) უკუნაჩვენებია სხვა პრეპარატების გამოყენება, მათ მიმართ ტოლერანტობის დაქვეითების ან არასაკმარისი ეფექტურობის შემთხვევაში, ასევე ხანდაზმულ პაციენტებში; - გულის ქრონიკული უკმარისობის დროს სხვა პრეპარატებთან ერთად კომპლექსურ თერაპიაში.
დოზირება და მიღების წესი:
	
დამოკიდებულია დავადების სიმძიმის ხარისხზე. ჩვეულებრივ ინიშნება მოლსიდომინის 1-4 მგ 1-2 ჯერ დღეში. განსაკუთრებულ შემთხვევებში შესაძლებელია 4 მგ მოლსიდომინის დანიშვნა 3 ჯერ დღეში. მსუბუქ შემთხვევებში ინიშნება 1/2 (1 მგ) აბი 2-ჯერ დღეში. მოლსიდომინის აბი მიიღება დილას და საღამოს.
გვერდითი მოვლენები:
	
იშვიათ შემთხვევებში მკურნალობის დაწყებისას შესაძლებელია თავის ტკივილი, რომელიც როგორც წესი ქრება მკურნალობის გაგრძელების ან პრეპარატის ინდივიდუალური დოზის შერჩევისას დროს. მოლსიდომინით მკურნალობისას მოსვენების მდგომარეობაში არტერიული წნევა ქვეითდება, პირველ რიგში მისი სისტოლური მაჩვენებლები, რაც უფრო გამოხატულია მომატებული წნევის ვიდრე ნორმოტონიის დროს. მოლსიდომინით მკურნალობის დროს შესაძლებელია არტერიული წნევის მკვეთრი დაქვეითება, კოლაფსის და შოკის განვითარებით. იშვიათად აღინიშნება თავბრუსხვევა, გულისრევა და მომატებული მგრძნობელობის რეაქციები (მაგ. გამონაყარი კანზე, ბრონქოსპაზმი).
უკუჩვენება:
	
დახურულკუთხოვანი გლაუკომა; ხანდაზმულებში ღვიძლის და თირკმელების ფუნქციის მძიმე დარღვევისას, სისხლმიმოქცევის მწვავე დარღვევის დროს (შოკი, სისხლძარღვოვანი კოლაფსი) და გამოხატული არტერიული ჰიპოტონიის შემთხვევაში (სისტოლური არტერიული წნევა დაბალია 100 მმ. ვწყ. სვ.). ინფარქტის შემდგომ დღეებში პრეპარატი გამოიყენება მხოლოდ ექიმის მკაცრი მეთვალყურეობის ქვეშ სისხლმიმოქცევის რეგულარული კონტროლით.
ორსულობა და ლაქტაცია:
	
ორსულობის პირველ 3 თვის განმავლობაში და ლაქტაციის პერიოდში მოლსიდომინის გამოყენება წინააღმდეგნაჩვენებია.
ურთიერთქმედება სხვა მედიკამენტებთან:
	
მოლსიდომინის და სისხლძარღვთა სხვა გამაფართოვებელი საშუალებების (ვაზოდილატატორები, კალციუმის ანტაგონისტები) კომბინირებისას შესაძლებელია ვაზოდილატაციური ეფექტის გაძლიერება. სისხლძარღვთა გამაფართოვებელი ეფექტის გაძლიერება აგრეთვე აღინიშნება ანტიჰიპერტენზიულ საშუალებებთან და ალკოჰოლთან მისი კომბინირების დროს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021629465 sec.