| უნიფიცირებული დასახელება: | ტიბოლონიTibolone | ||
| ა.თ.ქ. კლასიფიკაცია: | |||
G03DC05 | G შარდსასქესო სისტემა და სასქესო ჰორმონები | ||
| 03 სასქესო ჰორმონები და სასქესო სისტემის მოდულატორები | |||
| D პროგესტაგენები | |||
| C ესტრენის წარმოებულები | |||
| ანოტაცია: | |||
| გვერდითი მოვლენები: | პრეპარატის მიღებისას ენდოკრინული სისტემის მხრივ იშვიათად აღინიშნება სხეულის წონის ცვლილება, სისხლდენა საშოდან, წვივების შეშუპება. ცნს-ის მხრივ: აღინიშნება თავბრუსხვევა, თავის ტკივილი. საჭმლისმომნელებელი სისტემის მხრივ: იშვიათად ადგილი აქვს დიარეას, ღვიძლის ფუნქციური მაჩვენებელების ცვლილებას. | ||
| უკუჩვენება: | პრეპარატის მიღება წინააღმდეგნაჩვენებია ორსულობის დროს, აგრეთვე ჰორმონდამოკიდებული სიმსივნის არსებობის ან მასზე ეჭვის არსებობისას. პრეპარატის მიღება არ არის რეკომენდებული თრომბოზებისა და თრომბოემბოლიების დროს (ან ანამნეზში), რომლებიც აღინიშნება ორსულობის ან ესტროგენების შემცვლელი პრეპარატების გამოყენებისას. პრეპარატი არ მიიღება საშოდან უცნობი ეტიოლოგიის სისხლდენის დროს. | ||
| განსაკუთრებული მითითებები: | ტიბილონი არ წარმოადგენს კონტრაცეპტივს. პრეპარატის გამოყენება საჭიროა ქირურგიული და ბუნებრივი მენოპაუზის შემდეგ არანაკლებ 1 წლის შემდეგ (ბოლო მენსტრუაცია). არ არის რეკომენდებული ყოველდღიური დოზის გადაჭარბება (1 აბი დღეში), ვინაიდან შესაძლებელია საშვილოსნოდან სისხლდენის განვითარება. პრეპარატით მკურნალობისას საჭიროა იმ პაციენტების მეთვალყურეობა, რომლებსაც აღენიშნებათ შაკიკი, ეპილეფსია, შაქრიანი დიაბეტი, თირკმელების ფუნქციის დარღვევა და ჰიპერქოლესტერინემია, აგრეთვე აღნიშნული დაავადებების არსებობა ანამნეზში. | ||
| ორსულობა და ლაქტაცია: | აღნიშნულ პერიოდში პრეპარატის მიღება წინააღმდეგნაჩვენებია. | ||
| ურთიერთქმედება სხვა მედიკამენტებთან: | პრეპარატისა და ანტიკოაგულანტების კომბინაცია იწვევს ამ უკანასკნელის მოქმედების გაძლიერებას (ფიბრინოგენის დონის დაქვეითება, ანტითრომბინ III-ის და პლაზმინოგენის კონცენტრაციის მომატება, აგრეთვე პლაზმის ფიბრინოლიზური აქტივობის გაზრდა). ტიბილონის მეტაბოლიზმი შესაძლოა დაჩქარდეს, შესაბამისად შესაძლებელია მისი მოქმედების აქტივობა შემცირდეს ფერმენტული სისტემების მაინდუცირებელ საშუალებებთან მისი კომბინირების შემთხვევაში. | ||
| ჭარბი დოზირება: | პრეპარატის ჭარბი დოზით მიღებისას ინტოქსიკაცია გამოხატულია სუსტად. ჩვეულებრივ რამოდენიმე აბის მიღების შემდეგ ზემოთ აღნიშნული მდგომარეობა არ აღინიშნება. შესაძლებელია საჭმლისმომნელებელი ტრაქტის ფუნქციის დარღვევა. სპეციფიკურ მკურნალობას არ საჭიროებს. | ||
| ფარმაკოლოგიური თვისება: | ტიბილონი წარმოადგენს კლიმაქტერული სინდრომის სამკურნალო პრეპარატს, რომელიც არ იწვევს მის მოხსნასთან დაკავშირებულ სისხლდენას. ხელს უწყობს ჰიპოთალამო-ჰიპოფიზური სისტემის ფუნქციის სტაბილიზაციას კლიმაქტერულ პერიოდში, რომელიც ვლინდება პრეპარატის ესტროგენული, პროგესტაგენური და სუსტად გამოხატული ანდროგენული თვისებების ხარჯზე. ქალებში პოსტმენოპაუზის დროს ტიბილონი დღეღამური დოზით 2,5მგ თრგუნავს ჰონადოტროპინების სეკრეციას, არ ასტიმულირებს ენდომეტრიუმის პროლიფერაციას, ხელს უშლის პოსტმენოპაუზის პერიოდში ძვლოვანი მასის შემცირებას, ამცირებს ვაზომოტორული დარღვევების ხარისხს, ახდენს დადებით გავლენას, როგორც ლიპიდებზე, ასევე გუნება-განწყობაზე და ავლენს აღმდგენ ზემოქმედებას შარდსასქესო ტრაქტის ქვედა ნაწილის ატროფიის დროს. ფერტილურ ქალებში პრეპარატი აინჰიბირებს ოვულაციას. ლივიალს ქსოვილების მიმართ ახასიათებს სხვადასხვა სპეციფიკური ეფექტები. კერძოდ, საშოს, ძვლებისა და თავის ტვინის თერმორეგულაციის ცენტრების მიმართ იგი ამჟღავნებს ესტროგენულ ეფექტებს, ხოლო სარძევე ჯირკვლების ქსოვილის მიმართ იგი ხასიათდება უპირატესად პროგესტაგენული ეფექტით. პრეპარატს გააჩნია აგრეთვე აქტივობა სხვადასხვა მეტაბოლური და ჰემატოლოგიური მაჩვენებლების მიმართ. იგი იწვევს პლაზმაში მაღალი სიმკვრივის ლიპოპროტეინების, ტრიგლიცერიდების და ლიპოპროტეინ-αს შემცირებას და სისხლის ფიბრინოლიზური აქტივობის მომატებას. | ||
| ფარმაკოკინეტიკა: | პერორალური მიღებისას ტიბოლონი სწრაფად მეტაბოლიზდება 3 ნაერთად, რომლებიც გამოირჩევიან ტიბილონისათვის დამახასიათებელი ფარმაკოლოგიური აქტივობით. ორ მეტაბოლიტს (3α-OH 3βOH-ტიბოლონი) უპირატესად გააჩნია ესტროგენული აქტივობა, ხოლო მესამე-4-ტიბოლონის იზომერი) ხასიათდება პროგესტაგენური და ანდროგენული აქტივობით. პრეპარატი მეტაბოლიზდება ღვიძლში. ზოგიერთ მეტაბოლიტებს გააჩნიათ ფარმაკოლოგიური აქტივობა და შესწევთ უნარი გააძლიერონ პრეპარატის ბიოლოგიური ეფექტი. მეტაბოლიტები გამოიყოფა ძირითადად შარდითა და ფეკალიებით. | ||
| ჩვენება: | კლიმაქტერული სინდრომის სამკურნალო ჰორმონული საშუალება. პრეპარატი გამოიყენება ბუნებრივი და ქირურგიული მენოპაუზის სიმპტომების სამკურნალოდ, აგრეთვე ოსტეოპოროზის პროფილაქტიკისათვის ესტროგენების უკმარისობის შემთხვევაში. დოზირების რეჟიმი ტიბილონი მიიღება 2,5მგ-ის ოდენობით დღეღამეში, სასურველია ერთსა და იმავე დროს. თერაპიული ეფექტი აღინიშნება რამოდენიმე კვირის შემდეგ, თუმცა საუკეთესო შედეგი აღინიშნება მკურნალობიდან 3 თვის შემდეგ. რეკომენდებულ დოზებში პრეპარატის მიღება შესაძლებელია გაგრძელდეს ხანგრძლივად. პრეპარატის გამოყენებას იწყებენ შეფუთვის ზედა რიგიდან, რომელიც შეესაბამება კვირის დღეს. მომდევნო დღეებში მიიღება დღეღამეშიაბი შეფუთვიდან, ისრით მითითებული მიმართულებით, მთელი შეფუთვის დამთავრებამდე. |
Page generation time: 0. 020668134 sec.
