| უნიფიცირებული დასახელება: | ბუტამირატიButamirate | ||
| ა.თ.ქ. კლასიფიკაცია: | |||
R05DB13 | R სასუნთქი სისტემა | ||
| 05 ხველებისა და გაციების დროს გამოსაყენებელი პრეპარატები | |||
| D ხველების საწინააღმდეგო პრეპარატები (ამოსახველებელ პრეპარატებთან კომბინაციის გარდა) | |||
| B ხველების საწინააღმდეგო სხვა პრეპარატები | |||
| ანოტაცია: | |||
| დოზირება და მიღების წესი: | დოზები დგინდება პაციენტის ასაკის და მისი მდგომარეობის მიხედვით, ინდივიდუალურად, ექიმის რეკომენდაციით. ჩვეულებრივი დღეღამის დოზირების რეჟიმი მითითებულია ქვემოთ: აბები: მოზრდილებში: 20მგ - 2 აბი 2-ჯერ, 50მგ - 1 აბი 2-3-ჯერ; ბავშვებში 12 წლის ასაკის ზევით: 20მგ - 1 აბი 3-ჯერ, 50მგ - 1 აბი 1-2-ჯერ; ბავშვებში 9 წლის ასაკის ზევით: 20მგ - 1 აბი 2-ჯერ; ბავშვებში 6-დან 9 წლამდე ასაკის: 20მგ - 1 აბი 2-ჯერ. აბი მიიღება მთლიანად, მცირეოდენი სითხის მიყოლებით. სიროფი: მოზრდილებში: 5მლ/4მგ - 30მლ (6 დ. კ. ) 3-4-ჯერ, 5მლ/7.5მგ - 15მლ (3 დ. კ.) 4-ჯერ; ბავშვებში 12 წლის ასაკის ზევით: 5მლ/4მგ - 15მლ (3 დ. კ.) 4-ჯერ, 5მლ/7.5მგ - 15მლ (3 დ. კ.) 3-ჯერ; ბავშვებში 9 წლის ასაკის ზევით: 5მლ/4მგ - 15მლ (3 დ. კ.) 4-ჯერ, 5მლ/7.5მგ - 10მლ (2 დ. კ.) 3-ჯერ; ბავშვებში 6-დან 9 წლის ასაკის: 5მლ/4მგ - 15მლ (3 დ. კ.) 3-ჯერ, 5მლ/7.5მგ - 10მლ (2 დ. კ.) 3-ჯერ; ბავშვებში 3-დან 6 წლის ასაკის: 5მლ/4მგ - 10მლ (2 დ. კ.) 3-ჯერ, 5მლ/7.5მგ - 5მლ (1 დ. კ.) 3-ჯერ; ბავშვებში 1-დან 3 წლის ასაკის: 5მლ/4მგ - 5მლ (1 დ. კ.) 3-ჯერ; ბავშვებში 6 თვიდან 1 წლამდე ასაკის: 5მლ/4მგ - 2.5მლ (ნახევარი კოვზი) 4-ჯერ; * დ.კ. - დოზირებული კოვზი. ერთი დოზირებული კოვზი ტოლია 5 მლ-ის. | ||
| გვერდითი მოვლენები: | გვერდითი მოვლენები - კანზე გამონაყარი ეგზანთემის სახით, კუჭ-ნაწლავის ტრაქტის მხრივ დარღვევები (გულისრევა, ღებინება, დიარეა) და თავბრუსხვევით იშვიათია და ისინი ატარებენ ძალიან სუსტ ხასიათს. | ||
| უკუჩვენება: | პრეპარატის მიღება წინააღმდეგნაჩვენებია ბუტამირატის ან მასში შემავალი რომელიმე კომპონენტის მიმართ მომატებული მგრძნობელობის დროს. | ||
| ფარმაკოლოგიური თვისება: | ბუტამირატი წარმოადგენს ხველების საწინააღმდეგო სიმპტომატურ საშუალებას, რომელიც თრგუნავს ცენტრალური გენეზის ხველებას. იგი თრგუნავს მშრალ და პროდუქტიულ ხველას, ამცირებს ბრონქების კუნთების სპაზმს, ერთდროულად ამცირებს სუნთქვას, აუმჯობესებს ნახველის ევაკუაციასა და გულმკერდში ტკივილებს, აუმჯობესებს ფილტვების ფუნქციას, ხელს უწყობს სისხლის აიროვანი შემადგენლობის ნორმალიზაციას. პრეპარატი ასევე ხასიათდება ზომიერი ბრონქოდილატაციური და ანთების საწინააღმდეგო ეფექტით. თავისი ქიმიური შემადგენლობითა და ფარმაკოლოგიური თვისებებით იგი არ მიეკუთვნება ოპიოიდურ, ხველების საწინააღმდეგო საშუალებას და არ იწვევს შეჩვევას. | ||
| ფარმაკოკინეტიკა: | პერორალურად მიღებისას ის სწრაფად და მთლიანად აბსორბირდება კუჭ-ნაწლავის ტრაქტიდან. პრეპარატის კონცენტრაცია სისხლში აღინიშნება მიღებიდან ერთი საათის შემდეგ. იგი მეტაბოლიზს განიცდის სისხლის პლაზმაში ჰიდროლიზის გზით, რომლის პროდუქტებიც ავლენენ ხველების საწინააღმდეგო მოქმედებას. ბუტამირატი და მისი ჰიდროლიზის პროდუქტები უკავშირდებიან პლაზმის ცილებს, რასაც თან სდევს საბოლოო ჯამში ხველების საწინააღმდეგო გახანგრძლივებული ეფექტი. პრეპარატი ელიმინირდება ძირითადად თირკმელებით. იგი გამოიყენება აგრეთვე ბავშვებში და შაქრიანი დიაბეტით დაავადებულ პაციენტებში. | ||
| ჩვენება: | პრეპარატი გამოიყენება მწვავე და ქრონიკული ნებისმიერი ეტიოლოგიის ხველების დროს, ოპერაციის წინა და შემდგომი პერიოდის ხველების დათრგუნვისათვის, ყივანახველას, ბრონქებზე ქირურგიული და დიაგნოსტიკური ჩარევის დროს. | ||
| ორსულობა და ლაქტაცია: | ორსულობის I ტრიმესტრში პრეპარატის გამოყენება არ არის რეკომენდებული, ხოლო მომდევნო პერიოდში გამოიყენება მხოლოდ ექიმის რეკომენდაციით. მიუხედავად იმისა, რომ არ არსებობს მონაცემები პრეპარატის დედის რძეში გამოყოფის შესახებ, მისი გამოყენება ლაქტაციის პერიოდში არ არის რეკომენდებული. | ||
| განსაკუთრებული მითითებები: | პრეპარატის აბირებული ფორმის მაღალი დოზით (აბი 50 მგ) მიღება 12 წლამდე ასაკის ბავშვებში წინააღმდეგნაჩვენებია. 6 თვემდე ასაკის ბავშვებში მისი გამოყენებისას ეფექტურობა და უსაფრთხოება არ არის დადგენილი, ამიტომ ამ ასაკის ბავშვებში პრეპარატის გამოყენება არ არის რეკომენდებული. თირკმელების უკმარისობით შეპყრობილ პაციენტებში პრეპარატი გამოიყენება სიფრთხილით. იმ შემთხვევაში, როდესაც პაციენტი ექიმის რეკომენდაციის გარეშე იღებს პრეპარატს და 5-7 დღის შემდეგ სასურველი შედეგი არ აღინიშნება, მან საჭიროა მიმართოს ექიმს. მკურნალობის პერიოდში ალკოჰოლური სასმელების გამოყენება არ არის მიზანშეწონილი. პრეპარატი რეკომენდებულ დოზებში არ მოქმედებს პაციენტის ფსიქოფიზიკურ უნარზე. | ||
| ჭარბი დოზირება: | ძალიან ხშირად ჭარბი დოზირების სიმპტომებს წარმოადგენს ძილიანობა, ღებინება, მოძრაობის კოორდინაციის დარღვევა, ტკივილები ეპიგასტრალურ მიდამოში, დიარეა, წნევის დაქვეითება. მსუბუქი ფორმის ჭარბი დოზირება მკურნალობას არ საჭიროებს. მძიმე შემთხვევის დროს, როდესაც პაციენტს მიღებული აქვს პრეპარატი დიდი რაოდენობით, აუცილებელია ღებინების გამოწვევა და ექიმთან კონსულტაცია. | ||
| ურთიერთქმედება სხვა მედიკამენტებთან: | სხვა სამკურნალო საშუალებებთან პრეპარატის არასასურველი ურთიერთქმედების შესახებ მონაცემები არ არსებობს. |
Page generation time: 0. 021693345 sec.
