This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ალპრაზოლამი
Alprazolam
ა.თ.ქ. კლასიფიკაცია:
	
 
N05BA12	
N ნერვული სისტემა
	
05 ფსიქოლეფსიური საშუალებები
	
B ანქსიოლიზური საშუალებები
	
A ბენზოდიაზეპინის წარმოებულები
ანოტაცია:
	
	
ფარმაკოლოგიური თვისება:
	
ალპრაზოლამი წარმოადგენს ტრიაზოლობენზოდიაზეპინის წარმოებულს. მისი მოქმედების მექანიზმი დაკავშირებულია ბენზოდიაზეპინურ რეცეპტორებზე მოქმედების შედეგად გაემ (გამაამინოერბომჟავა) რეცეპტორების აქტივაციასთან ალოსტერული მექანიზმით, რაც იწვევს ცნს-ში შემაკავებელი მედიატორის - გაემ-ის დაგროვებას, ქლორის იონების არხების გახსნას და ქლორის ანიონების უჯრედში შეღწევის შედეგად ნეირონების ჰიპერპოლარიზაციას, რომლის შედეგიცაა აგზნებითი ნერვული იმპულსების გადაცემის ინჰიბირება ცნს-ის სხვადასხვა სტრუქტურებში. იგი ავლენს ანქსიოლიზურ, ტრანკვილიზურ, ანტიკონვულსიურ, ატარაქსიულ, სედატიურ, მიორელაქსაციურ, ანტიფობურ მოქმედებას. პრეპარატი ამცირებს მოუსვენრობის, შიშის, განგაშისა და დაძაბულობის შეგრძნებას. არსებობს აგრეთვე მონაცემები პრეპარატის ანტიდეპრესიული აქტივობის შესახებ. ალპრაზოლამს გააჩნია ზომიერად გამოხატული საძილე მოქმედება.
ჩვენება:
	
- განგაშის მდგომარეობა და ნევროზი, რომელსაც თან ახლავს შიშის შეგრძნება, მოუსვენრობა, დაძაბულობა, ძილის გაუარესება, გაღიზიანებადობა, ასევე სომატური დარღვევები; განგაშისა და დეპრესიის შერეული მდგომარეობა; ნევროზული რეაქტიულ-დეპრესიული მდგომარეობა, რომლის თანმხლებია ხასიათის შეცვლა, გარე სამყაროს მიმართ ინდეფერენტულობა, მოუსვენრობა, ძილის დარღვევა, მადის დაქვეითება, სომატური დარღვევები; განგაშის მდგომარეობა, განგაშისა და დეპრესიის შერეული-მდგომარეობა, ასევე როდესაც დეპრესია ვითარდება სომატური დაავადებების ფონზე.
დოზირება და მიღების წესი:
	
დოზა დგინდება ინდივიდუალურად. დოზის მომატება ხდება სიფრთხილით, თავდაპირველად ზრდიან დღის, შემდეგ - საღამოს დოზას. რეკომენდებულია მინიმალური ეფექტური დოზის მიღება მოუსვენრობისა და შიშის სამკურნალოდ. მოზრდილებში საწყისი დოზა შეადგენს 3-ჯერ დღეღამეში 0,25-0,5 მგ-ს. საშუალო შემანარჩუნებელი დოზაა დღეღამეში 0,5-4 მგ რამდენიმე მი-ღებაზე. დეპრესიის სამკურნალოდ საწყისი დოზა შეადგენს 0,5 მგ-ს 3-ჯერ დღეღამე-ში. საჭიროების შემთხვევაში დოზას თანდათან ზრდიან დღეღამეში 1-4 მგ-მდე. ხანდაზმულ ან დასუსტებულ პაციენტებში სა-ჭიროა პრეპარატის დაბალი დოზით გამო ყენება: საწყისი - 0,25 მგ 2-3-ჯერ დღე-ღამეში, ხოლო საჭიროებისას და კარგი ამტანობის დროს დოზას დღეღამეში თანდა-თან ზრდიან 0,5-დან 0,75 მგ-მდე. ალპრაზოლამის დოზის შემცირება ან მიღების შეწყვეტა ხდება თანდათანობით დღეღამური დოზის შემცირებით - 3 დღის განმავლობა-ში არაუმეტეს 0,5 მგ-ით.
გვერდითი მოვლენები:
	
ცნს-ის მხრივ: ძალიან ხშირად ძილიანობა და თავბრუსხვევა. იშვიათად მხედველობის დარღვევა, თავის ტკივილი, დეპრესია, ნევროზული მდგომარეობა, ტრემორი, კოორდინაციისა და მეხსიერების დაქვეითება. ასევე აგზნება, ყურადღების კონცენტრაციის მობილიზაციის დაქვეითება, გაღიზიანებადობა, ანორექსია, მეტყველების მოშლა. არსებობს მონაცემები თვალშიდა წნევის მომატების შესახებ. კუჭ-ნაწლავის ტრაქტის და ღვიძლის მხრივ: გულისრევა, ღებინება, სიყვითლის ნიშნები, ღვიძლის ტრანსამინაზების აქტივობის მომატება. შარდგამომყოფი სისტემის მხრივ: შარდის შეკავება და/ან შეუკავებლობა. სხვადასხვა: სხეულის წონის ცვლილება, ვეგეტატური ნერვული სისტემების მხრივ დარღვევები, ლიბიდოს დაქვეითება, არარეგულარული მენსტრუალური ციკლი.
უკუჩვენება:
	
ბენზოდიაზეპინების წარმოებულების მიმართ მომატებული მგრძნობელობა.
ფარმაკოკინეტიკა:
	
პერორალურად მიღების შემდეგ პრეპარატი სწრაფად და მთლიანად აბსორბირდება კუჭ-ნაწლავის ტრაქტიდან. სისხლის პლაზმაში პრეპარატის მაქსიმალური კონცენტრაცია აღინიშნება 1-2 სთ-ის შემდეგ. სისხლის პლაზმის ცილებთან მისი კავშირი შეადგენს 80%-ს. პრეპარატი მეტაბოლიზდება ღვიძლში. მისი ნახევრადგამოყოფის პერიოდი შეადგენს საშუალოდ 12-15 სთ-ს. ქსანაქსი და მისი მეტაბოლიტები გამოიყოფა ძირითადათ თირკმელებით.
განსაკუთრებული მითითებები:
	
პრეპარატი სიფრთხლით ინიშნება ღვიძლის და/ან თირკმელების ფუნქციის დარღვევისას, ასევე სუნთქვის მწვავე უკმარისობის და გლაუკომის მწვავე შეტევის მქონე პაციენტებში. ალპრაზოლამის გამოყენება არ არის რეკომენდებული დეპრესიით, ბიპოლარული დეპრესიით და ფსიქოზური სიმპტომებით შეპყრობილ პაციენტებში. პრეპარატი განსაკუთრებული სიფრთხილით ინიშნება მძიმე დეპრესიით ან სუიციდისადმი მიდრეკილების მქონე პაციენტებში, რომლებიც საჭიროებენ მუდმივ მონიტორინგს და მინიმალურ საწყის დოზებს. განსაკუთრებით სიფრთხილეა საჭირო პაციენტებში, რომლებსაც გააჩნიათ წამლების ბოროტად გამოყენებისადმი მიდრეკილება მათში შეჩვევისა და დამოკიდებულების განვითარების გამო. პაციენტებში, რომლებიც ადრე არ იღებდნენ ფსიქოტროპულ საშუალებებს ალპრაზოლამი ეფექტურია მცირე დოზებში იმ პირებთან შედარებით, რომლებიც მანამდე ღებულობდნენ ანტიდეპრესანტებსა და ტრანკვილიზატორებს, ასევე ქრონიკული ალკოჰოლიზმით შეპყრობილ პირებთან შედარებით. ალპრაზოლამის გამოყენებისას თავი უნდა შევიკავოთ სატრანსპორტო საშუალებების მართვისა და იმ სამუშაოების შესრულებისაგან, რომლებიც მოითხოვენ ყურადღების მაქსიმალურ კონცენტრაციას. პრეპარატის დოზის სწრაფი დაქვეითების ან მისი მოხსნის შემთხვევაში შესაძლებელია განვითარდეს მოხსნის სინდრომი მცირედ გამოხატული დისფორიითა და უძილობით, რაც შეიძლება გადაიზარდოს მძიმე სინდრომში-სპაზმებით მუცელში, ჩონჩხის კუნთების ოფლიანობით, ტრემორით და კრუნჩხვებით. ორსულობისა და ლაქტაციის პერიოდში, ასევე 18 წლამდე ასაკის ბავშვებში ქსანაქსის მიღების უსაფრთხოების შესახებ მონაცემები არ არსებობს.
ჭარბი დოზირება:
	
ალპრაზოლამით გამოწვეული ჭარბი დოზირება ვლინდება ატაქსიითა და ძილიანობით. ასეთ შემთხვევაში აუცილებელია ხელოვნური ღებინების გამოწვევა და კუჭის ამორეცხვა. მნიშვნელოვანია ყურადღება მიექცეს პაციენტის ცენტრალურ ჰემოდინამიკასა და სუნთქვას. ჭარბი დოზირების შემთხვევაში ეფექტურია ვენაში დიდი რაოდენობით სითხის შეყვანა, აუცილებლობის შემთხვევაში კი ფილტვების ხელოვნური ვენტილაცია, ლევარტერენოლის ვენაში შეყვანა. ფორსირებული დიურეზი და ჰემოდიალიზი ნაკლებად ეფექტურია ჭარბი დოზირების სიმპტომების აღმოსაფხვრელად.
ურთიერთქმედება სხვა მედიკამენტებთან:
	
პრეპარატისა და ფსიქოტროპული, ანტიჰისტამინური საშუალებებისა და ეთილის სპირტის ერთდროული გამოყენება აძლიერებს ალპრაზოლამის ცნს-ზე დამთრგუნველ მოქმედებას. იმიპრამინისა და დეზიპრამინის წონასწორული კონცენტრაციები პლაზმაში იზრდება შესაბამისად 31%-ით და 20%-ით ალპრაზოლამთან ერთდროული მიღების შემთხვევაში. ორალური კონტრაცეპტოვები ახანგრძლივებენ ალპრაზოლამის ნახევრადგამოყოფის პერიოდს ორგანიზმიდან.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021819990 sec.