| უნიფიცირებული დასახელება: | ადემეტიონინიAdemetionine | ||
| ა.თ.ქ. კლასიფიკაცია: | |||
A16AA02 | A საჭმლის მომნელებელი ტრაქტი და ნივთიერებათა ცვლა | ||
| 16 სხვა პრეპარატები კუჭნაწლავის ტრაქტის დაავადებებისა და ნივთიერებათა ცვლის მოშლის მკურნალობისათვის | |||
| A სხვა პრეპარატები კუჭნაწლავის ტრაქტის დაავადებებისა და ნივთიერებათა ცვლის მოშლის მკურნალობისათვის | |||
| A ამინომჟავები და მათი წარმოებულები | |||
| ანოტაცია: | |||
| ორსულობა და ლაქტაცია: | უკუნაჩვენებია ორსულობის I და II ტრიმესტრში და ლაქტაციის პერიოდში (ძუძუთი კვება). | ||
| ფარმაკოლოგიური თვისება: | ადემეთიონინი ჰეპატოპროტექტორია, ახასიათებს ანტიდეპრესიული აქტივობა. ახდენს ქოლერეტიულ და ქოლეკინეტიურ მოქმედებას. აქვს დეტოქსიკაციური, რეგენერაციული, ანტიოქსიდანტური, ანტიფიბროზული და ნეიროპროტექტორული თვისებები. ავსებს ადემეთიონინის დეფიციტს და ასტიმულირებს მის გამომუშავებას ორგანიზმში, პირველ რიგში ღვიძლსა და ტვინში. მონაწილეობს ტრანსმეთილირების ბიოლოგიურ რეაქციებში (მეთილის ჯგუფის დონატორი) S-ადენოზილ–L–მეთიონინის მოლეკულა (ადემეთიონინი), არის მეთილის ჯგუფის დონატორი უჯრედების მემბრანის, ცილების, ჰორმონების, ნეირომედიატორების ფოსფოლიპიდების მეთილირების რეაქციაში. მონაწილეობს ტრანსსულფატირების რეაქციებში, როგორც ცისტეინის, ტაურინის, გლუტათიონის (უზრუნველყოფს უჯრედული დეტოქსიკაციის ჟანგვა–აღდგენით მექანიზმს), აცეტილირების კოენზიმის წინამორბედი. ღვიძლში ზრდის გლუტამინის, ხოლო პლაზმაში ცისტეინისა და ტაურინის შემცველობას. შრატში ამცირებს მეთიონინის რაოდენობას, ღვიძლში მეტაბოლური რეაქციების ნორმალიზებით. დეკარბოქსილირების გარდა მონაწილეობს ამინოპროპილირების პროცესში, როგორც რიბოსომის სტრუქტურაში შემავალი პოლიამინების -პუტრესცინის (უჯრედების რეგენერაციისა და ჰეპატოციტების პროლიფერაციის სტიმულატორი), სპერმიდინის და სპერმინის წინამორბედი. ახდენს ქოლერეტულ მოქმედებას, რაც განპირობებულია ჰეპატოციტების მემბრანის მოძრაობისა და პოლარიზაციის გააქტიურებით, მათში ფოსფატიდილქოლინის სინთეზის სტიმულაციის შედეგად. ეს აუმჯობესებს ჰეპატოციტების მემბრანასთან ასოცირებული ნაღვლის მჟავების ტრანსპორტული სისტემის ფუნქციას და განაპირობებს ნაღვლის მჟავების პასაჟს ნაღვლის გამომყოფ სისტემაში. ეფექტურია ქოლესტაზის შიდაწილოვანი ვარიანტის დროს (როდესაც დარღვეულია ნაღველის სინთეზი და გადმოდინება). ხელს უწყობს ნაღვლის მჟავების დეტოქსიკაციას, ჰეპატოციტებში ზრდის კონიუგირებული და სულფატირებული ნაღვლის მჟავების შემადგენლობას. ტაურინთან კონიუგაცია აძლიარებს ნაღვლის მჟავების ხსნადობას და ჰეპატოციტებიდან მათ გამოყოფას. ნაღვლის მჟავების სულფატირების პროცესი უზრუნველყოფს თირკმელებით მათი ელიმინაციის შესაძლებლობას, აადვილებს ჰეპატოციტის მემბრანაში გასვლას და ნაღველთან ერთად გამოყოფას. გარდა ამისა, სულფატირებული ნაღვლის მჟავები იცავენ ღვიძლის უჯრედების მემბრანებს არასულფატირებული ნაღვლის მჟავების (რომლებიც დიდი კონცეტრაციით არიან ჰეპატოციტებში ღვიძლშიდა ქოლესტაზის დროს) ტოქსიკური მოქმედებისაგან. ღვიძლის დიფუზური დაავადებების მქონე პაციენტებში (ციროზი, ჰეპატიტი), რომლებსაც აღენიშნებათ ღვიძლშიდა ქოლესტაზის სინდრომი ამცირებს გამოხატულ კანის ქავილს და ბიოქიმიური მაჩვენებლების ცვლილებებს, მათ შორის პირდაპირი ბილირუბინის დონეს, ტუტე ფოსფატაზისა და ამინოტრანსფერაზის აქტივობას. | ||
| ფარმაკოკინეტიკა: | 400მგ დოზით პერორალურად ერთჯერადად მიღების დროს პლაზმაში ადემეთიონინის Cmax მიიღწევა 2-6 საათის შემდეგ და შეადგენს 0.7მგ/ლ. ბიოშეღწევადობა პრეპარატის შინაგანად მიღებისას არის 5%, ი/მ შეყვანისას კი 95%. პრეპარატის შეკავშირება სისხლის შრატის ცილებთან უმნიშვნელოა. პრეპარატი აღწევს ჰემატო-ენცეფალურ ბარიერში. ორგანიზმში შეყვანის გზების მიუხედავად თავ-ზურგდტვინის სითხეში აღენიშნება ადემეთიონინის კონცეტრაციის მნიშვნელოვანი მატება. მისი მეტაბილიზირება ხდება ღვიძლში. T1/2 - 1.5 საათი. გამოიყოფა თირკმელებით. | ||
| ჩვენება: | ქრონიკული არაკალკულოზური ქოლეცისტიტი, ქოლანგიტი, ღვიძლშიდა ქოლესტაზი, ღვიძლის სხვადასვა ეტიოლოგიის ტოქსიური დაზიანებები (მათ შორის ალკოჰოლური, ვირუსული, წამლისმიერი), ღვიძლის ცხიმოვანი დისტროფია, ქრონიკული ჰეპატიტი, ღვიძლის ციროზი, ენცეფალოპათია, მათ შორის ღვიძლის უკმარისობასთან ასოცირებილი (ალკოჰოლურის ჩათვლით). დეპრესია (მათ შორის მეორადი), აბსტინენციის სინდრომი(მათ შორის ალკოჰოლური). | ||
| დოზირება და მიღების წესი: | პრეპარატი მიიღება პერორალურად, ინტრა/მუსკულატურად ან ინტრა/ვენურად წვეთოვნად. პერორალური მიღებისას სადღეღამისო დოზაა 800-1600მგ. ინტრა/ვენურად წვეთოვნად (ძალიან ნელა) ან ინტრა/მუსკულატურად შეყვანისას სადღეღამისო დოზაა 400-800მგ. მკურნალობის ხანგრძლივობა ისაზღვრება ინდივიდუალურად. | ||
| გვერდითი მოვლენები: | საჭმლის მომნელებელი სისტემის მხრიდან: გასტრალგია, დისპეპსია, გულძმარვა. სხვადასხვა: ალერგიული რეაქციები. | ||
| უკუჩვენება: | ორსულობის I და II ტრიმესტრი, ლაქტაციის პერიოდი (ძუძუთი კვება), ბავშვთა და მოზარდთა ასაკი 18 წლამდე, მომატებული მგრძნობელობა ადემეთიონინის მიმართ. | ||
| განსაკუთრებული მითითებები: | ადემეთიონინის მატონიზირებელი ეფექტის გათვალისწინებით, მისი მიღება ძილის წინ რეკომენდირებული არ არის. პრეპარატის გამოყენებისას პაციენტებში, რომლებსაც აღენიშნებათ ჰიპერაზოტემიის ფონზე მიმდინარე ღვიძლის ციროზი აუცილებელია სისხლში აზოტის დონის სისტემატიური კონტროლი. ხანგრძლივი თერაპიის დროს აუცილებელია სისხლის შრატში შარდოვანასა და კრეატინინის შემცველობის განსაზღვრა. |
Page generation time: 0. 021066894 sec.
