| უნიფიცირებული დასახელება: | ინდომეტაცინიIndometacin | ||
| ა.თ.ქ. კლასიფიკაცია: | |||
S01BC01 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| B ანთების საწინააღმდეგო პრეპარატები | |||
| C ანთების საწინააღმდეგო არასტეროიდული პრეპარატები | |||
M01AB01 | M ძვალ-კუნთოვანი სისტემა | ||
| 01 ანთების და რევმატიზმის საწინააღმდეგო პრეპარატები | |||
| A ანთების საწინააღმდეგო არასტეროიდული პრეპარატები | |||
| B ძმარმჟავას წარმოებულები | |||
M02AA23 | M ძვალ-კუნთოვანი სისტემა | ||
| 02 პრეპარატები ძვალ-კუნთოვანი სისტემის დაავადებებისას გარეგანი გამოყენებისათვის ტკივილის სინდრომის დროს | |||
| A პრეპარატები ძვალ-კუნთოვანი სისტემის დაავადებებისას გარეგანი გამოყენებისათვის ტკივილის სინდრომის დროს | |||
| A ანთების საწინააღმდეგო არასტეროიდული პრეპარატები გარეგანი გამოყენებისათვის | |||
C01EB03 | C გულ-სისხლძარღვთა სისტემა | ||
| 01 პრეპერატები გულის დაავადებების მკურნალობისათვის | |||
| E სხვა პრეპარატები გულის დაავადებების მკურნალობისათვის | |||
| B სხვა პრეპარატები გულის დაავადებების მკურნალობისათვის | |||
| ანოტაცია: | |||
| ფარმაკოლოგიური თვისება: | იგი ანთების საწინააღმდეგო, ანალგეზიური და სიცხის დამწევი ანტიაგრეგაციული საშუალებაა. აბლოკირებს ფერმენტ ციკლოოქსიგენაზას, რაც იწვევს პროსტაგლანდინების სინთეზის დარღვევას, რომლებიც მნიშვნელოვან როლს ასრულებენ ანთებითი რეაქციის, ცხელების, ტკივილების განვითარებაში. პრეპარატი ამცირებს კაპილარების განვლადობას და ხელს უწყობს ლიზოსომური მემბრანების სტაბილიზაციას. ინდომეტაცინი ხანგრძლივად გამოყენებისას ავლენს მადესენსიბილიზირებელ მოქმედებას. | ||
| ჩვენება: | სახსრების სინდრომი (რევმატოიდული ართრიტი, ოსტეოართრიტი, მაანკილიზირებელი სპონდილიტი, პოდაგრა), ხერხემლის არეში ტკივილი, ნევრალგია, მიალგია, რბილი ქსოვილებისა და საყრდენ-მამოძრავებელი აპარატის ტრავმული ანთება, რევმატიზმი, შემაერთებელი ქსოვილის დიფუზური დაავადებები. როგორც დამხმარე საშუალება პრეპარატი გამოიყენება ყელყურცხვირის ანთებითი დაავადებების, ადნექსიტის, პროსტატის, ცისტიტის სამკურნალოდ. | ||
| უკუჩვენება: | კუჭისა და 12-გოჯა ნაწლავის წყლულოვანი დაავადება, წყლულოვანი კოლიტი, თირკმელების ფუნქციის დარღვევა, გულის მძიმე ფორმის ქრონიკული უკმარისობა, არტერიული ჰიპერტენზია, ბრონქული ასთმა, პანკრეატიტი, ჰემოფილია, ჰიპოკუაგულაცია, ფერის აღქმის დარღვევა, სმენის დაქვეითება, ვესტიბულური აპარატის პათოლოგია, ფერმენტ გლუკოზა-6-ფოსფატდეჰიდროგენაზას დეფიციტი, რინიტი, კონიუქტივიტი ან ბრონქოსპაზმი არასტეროიდული ანთების საწინააღმდეგო სამკურნალო საშუალებების მიღების ფონზე, სისხლის დაავადებები, ჰიპერბილირუბინემია, ეპილეფსია, პარკინსონიზმი, ფსიქიური დაავადებები, 14 წლამდე ასაკის ბავშვები, ორსულობისა და ლაქტაციის პერიოდი, პრეპარატის შემადგენლობაში შემავალი კომპონენტების მიმართ მომატებული მგრძნობელობა. პრეპარატი გამოიყენება მხოლოდ ექიმის რეკომენდაციით შემდეგი შემთხვევების დროს: ხანდაზმულ პაციენტებში, ღვიძლისა და თირკმელების, კუჭ-ნაწლავის ტრაქტის დაავადებების, დისპეფსიური სიმპტომების, აგრეთვე არტერიული ჰიპერტონიის, გულის უკმარისობის, ოპერაციის შემდგომ პერიოდში, პარკინსონიზმისა და ეპილეფსიის არსებობისას. ანამნეზში ალერგიული რეაქციების არსებობისას პრეპარატი გამოიყენება მხოლოდ აუცილებლობის შემთხვევაში. სიფრთხილეა საჭირო: პრეპარატით მკურნალობის პერიოდში აუცილებელია ღვიძლისა და თირკმელების ფუნქციის, ასევე პერიფერიული სისხლის სურათის სისტემატური შემოწმება. 17-კეტოსტეროიდების განსაზღვრის აუცილებლობისას პრეპარატის მიღება უნდა შეწყდეს გამოკვლევიდან 48 საათით ადრე. პრეპარატი სიფრთხილით ინიშნება მძღოლებსა და იმ პირებში, რომელთა სამუშაოები მოითხოვენ ყურადღების მაქსიმალურ კონცენტრაციას (დისპეტჩერები, ოპერატორები და ა.შ.). პრეპარატის გამოყენების აუცილებლობის შემთხვევაში ლაქტაციის პერიოდში, ძუძუთი კვება აუცილებლად უნდა შეწყდეს. პრეპარატის მიღების შემდეგ თუკი არ აღინიშნება სასურველი შედეგი, ან განვითარდება გვერდითი მოვლენები, მაშინ აუცილებელია ამის შესახებ ექიმის ინფორმირება. | ||
| ურთიერთქმედება სხვა მედიკამენტებთან: | ანტაციდები და ქოლესტირამინი ამცირებენ პრეპარატის აბსორბციას. ინდომეტაცინი ზრდის სისხლში ლითიუმის პრეპარატებისა და დიგოქსინის კონცენტრაციას. პრეპარატი ამცირებს ურიკოზური, ჰიპოტენზიური და დიურეზული საშუალებების, ბეტაადრენობლოკატორებისა და სალურეზული საშუალებების მოქმედების ეფექტს. იგი აძლიერებს ანტიკოაგულანტების (ზრდის სისხლდენის განვითარების რისკს), ანტიაგრეგანტების, ფიბრინოლიზური საშუალებების, სულფანილშარდოვანას ნაწარმების ჰიპოგლიკემიურ მოქმედებას, ზრდის მეტოტრექსატის ტოქსიურობას, მინერალოკორტიკოსტეროიდების, გლუკოკორტიკოსტეროიდების, ესტროგენების გვერდითი ეფექტების განვითარების რისკს. | ||
| დოზირება და მიღების წესი: | მოზრდილებსა და 14 წლის ზევით ასაკის ბავშვებში პრეპარატი ინიშნება დასაწყისში 1 აბის ოდენობით (25 მგ) 2-3-ჯერ დღეღამეში ჭამის დროს ან მის შემდეგ, დაღეჭვის გარეშე. პრეპარატის არასაკმარისი ეფექტის შემთხვევაში შესაძლებელია მისი დოზის გაზრდა - 2 აბის ოდენობით (50 მგ) 3-ჯერ დღეში. პოდაგრის მწვავე შეტევის კუპირებისათვის ინდომეტაცინი მიიღება 2 აბის ოდენობით 3-ჯერ დღეში, ხოლო აღნიშნული დაავადების გამწვავების თავიდან აცილების მიზნით - 1 აბი 2-ჯერ დღეში. მაქსიმალური დღეღამური დოზა შეადგენს 200 მგ-ს. პრეპარატის ხანგრძლივად მი-ღების შემთხვევაში მისი დოზა არ უნდა აჭარბებდეს 75 მგ-ს. ხამდაზმულ და თირკმელების დაქვეითებული ფუნქციის მქონე პაციენტებში ინდომეტაცინი ინიშნება მცირე დოზით, მაგრამ არა უმეტეს 75 მგ 3-ჯერ დღეღამეში, რომელიც დამოკიდებულია პაციენტის მდგომარეობასა და ჩატარებული მკურნალობის კურსზე. დადებითი ეფექტის მისაღებად მკურნალობას აგრძელებენ იგივე ან შემცირებული დოზებით. მკურნალობის კურსი დგინდება ინდივიდუალურად და დამოკიდებულია პრეპარატის მოქმედების ეფექტურობასა და მის ამტანობაზე. მკურნალობის კურსის ხანგრძლივობა შეადგენს 2-4 თვეს. ჭარბი დოზირების შემთხვევაში ინდომეტაცინი აძლიერებს გვერდითი მოვლენების განვითარებას, პირველ რიგში - კუჭ-ნაწლავის ტრაქტის მხრივ. ჭარბი დოზირების სიმპტომების გამოვლენისთანავე დაუყოვნებლივ უნდა შევწყვიტოთ პრეპარატის მიღება, ვაწარმოოთ კუჭის ამორეცხვა, გააქტივებული ნახშირის მიღება. ამასთან ერთად საჭიროა ექიმის ინფორმირება. სპეციფიური ანტიდოტი არ არსებობს. ჭარბი დოზირების თავიდან აცილების მიზნით რეკომენდებულია მკურნალობის სქემის მკაცრი დაცვა. გვერდითი მოვლენები: გულისრევა, ღებინება, ეპიგასტრალურ მიდამოში ტკივილი, კუჭ-ნაწლავის ტრაქტის წყლულოვან-ჰემორაგიული დაზიანებები, სისხლდენა (კუჭ-ნაწლავიდან, ღრძილებიდან, საშვილოსნოდან, ჰემოროიდული), ყაბზობა, დიარეა, მადის დაკარგვა, თავის ტკივილი, თავბრუსხვევა, ძილიანობა, სმენის დაქვეითება, ყურებში შუილის შეგრძნება; თირკმელებისა და ღვიძლის ფუნქციის დარღვევა, არტერიული ჰიპერტენზია, შეშუპების განვითარება, გულის რითმის დარღევვა, თრომბოციტოპენია, ლეიკოპენია, აგრანულოციტოზი, ალერგიული რეაქციები. ხანდაზმულ პაციენტებში შესაძლებელია შემდეგი გვერდითი მოვლენები: კუჭ-ნაწლავის ტრაქტის მძიმე ფორმის დაზიანება, ფსიქიური რეაქციები. ცალკეულ შემთხვევებში აღინიშნება პერიფერიული ნეიროპათია პარეზითა და კუნთების სისუსტით. ინდომეტაცინის გამოყენებისას გვერდითი მოვლენების გამოვლენის შემთხვევაში აუცილებელია პრეპარატის მიღების დაუყოვნებლივი შეწყვეტა და ექიმთან კონსულტაცია მისი მიღების გაგრძელების მიზანშეწონილობის შესახებ. |
Page generation time: 0. 022835228 sec.
