This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ეტოპოზიდი
Etoposide
ა.თ.ქ. კლასიფიკაცია:
	
 
L01CB01	
L სიმსივნის საწინააღმდეგო პრეპარატები და იმუნომოდულატორები
	
01 სიმსივნის საწინააღმდეგო პრეპარატები
	
C ალკალოიდები მცენარეული წარმოშობის
	
B პოდოფილოტოქსინის წარმოებულები
ანოტაცია:
	
	
ფარმაკოლოგიური თვისება:
	
პრეპარატი წარმოადგენს პოდოფილოტოქსინის წარმოებულ სიმსივნის საწინააღმდეგო საშუალებას, რომლის ციტოტოქსიკური მოქმედების მექანიზმი განპირობებულია დნმ-ზე ზემოქმედებით. ეტოპოზიდი სპეციფიკურად მოქმედებს მიტოზური ციკლის ფაზებზე და აბლოკირებს GT ფაზას და გვიან S-ფაზას. იგი არ აინჰიბირებს მიკრიმილაკების “შეკრებას”. მაღალი კორცენტრაციის დროს (10 მკგ და ზევით). პრეპარატი მიტოზის დასაწყისში იწვევს უჯრედის ლიზისს, ხოლო დაბალ კონცენტრაციებში (0.3-10 მკგ/მლ) თრგუნავს უჯრედთა შეღწევას პროფაზაში.
ფარმაკოკინეტიკა:
	
ვენაში შეყვანის შემდეგ ეტოპოზიდის მაქსიმალური კონცენტრაცია პლაზმაში და მრუდი ”კონცენტრაცია-დრო” ხასიათდება მნიშვნელოვანი ინდივიდუალური მერყეობით. პლაზმის ცილებთან მისი შეკავშირების ხარისხი შეადგენს დაახლოებით 90-ს (10 მკგ/მლ კონცენტრაციის დროს) განაწილების მოცულობა წონასწორული კონცენტრაციის მიღწევის შემდეგ ვარირებს 7-დან 17 ლ/მ 2 მოზრდილებში და 5-დან 10 ლ/მ 2 ბავშვებში. პრეპარატი აღწევს პლევრის სითხეში, ნერწყვში, ღვიძლის ქსოვილში, მიომეტრიუმში და ტვინის ქსოვილში (მათ შორის სიმსივნურში). მონაცემები პრეპარატის დედის რძეში შეღწევის შესახებ არ არსებობს. იგი გაივლის პლაცენტურ და ჰემატოენცეფალურ ბარიერებს. ზურგის ტვინის სითხეში აღინიშნება პრეპარატის პლაზმაში არსებული კონცენტრაციის 5%. არსებობს მონაცემები იმის შესახებ, რომ ეტოპოზიდი ტვინის სიმსივნურ ქსოვილში უფრო სწრაფად აღწევს, ვიდრე ჯანმრთელ ქსოვილში. ასევე დადგენილია, რომ ეტოპოზიდის კონცენტრაცია ფილტვების ჯანმრთელ ქსოვილში უფრო მეტია, ვიდრე ფილტვის მეტასტაზებში, ხოლო მისი დონე მიომეტრიუმის პირველად სიმსივნეებში, მიომეტრიუმის ჯანმრთელ ქსოვილში არსებული დონის თანაბარია. პრეპარატი აქტიურად მეტაბოლიზდება ორგანიზმში. ეტოპოზიდის ვენაში შეყვანის შემდეგ მისი ფარმაკოკინეტიკური პარამეტრები აღიწერება ორფაზიანი მოდელით. ამავე დროს, ზოგიერთი მონაცემების მიხედვით შესაძლებელია მესამე გახანგრძლივებული ფაზის არსებობაც. თირკმელებისა და ღვიძლის ნორმალური ფუნქციის მქონე მოზრდილებში პრეპარატის ნახევრადგამოყოფის პერიოდი საწყის ფაზაში შეადგენს 0.6-2 სთ-ს, ხოლო ტერმინალურ ფაზაში 5.3-10.8 საათს. თირკმელებისა და ღვიძლის ნორმალური ფუნქციის მქონე ბავ-შვებში პრეპარატის ნახევრადგამოყოფის პერიოდი საწყის ფაზაში შეადგენს 0.6-1.4 სთ-ს, ხოლო ტერმინალურ ფაზაში 3-5.8 საათს. მისი დახლოებით 40-60% გამოიყოფა უცვლელად და მეტაბოლიტების სახით შარდით 48-72 სთ-ის განმავლობაში, ხოლო 2-16%-ზე ნაკლები - ფეკალიებით 72 სთ-ის განმავლობაში.
ჩვენება:
	
- ფილტვების წვრილუჯრედული კიბო; - მწვავე მონობლასტური და მიელობლასტური ლეიკოზი; - ლიმფოგრანულემატოზი; - არახოჯკინის ლიმფომები.
დოზირება და მიღების წესი:
	
მოზრდილებში პრეპარატი შეჰყავთ დღეში 50-60 მგ/მ 2 სხეულის ზედაპირზე, 5 დღის განმავლობაში, შემდგომი შესვენებით 2-3 კვირის განმავლობაში. განმეორებითი დოზის შეყვანა რეკომენდებელია მხოლოდ პერიფერიული სისხლის სურათის ნორმალიზების შემდეგ. პრეპარატის საერთო დოზა არ უნდა აღემატებოდეს 400 მგ/მ 2. ხსნარის მომზადება და შეყვანის წესი: ეტოპოზიდს უმატებენ 250 მლ ფიზიოლოგიურ ხსნარს ან 5% გლუკოზის ხსნარს. მიღებული კონცენტრაცია არ უნდა აჭარბებდეს 0.4 მგ/მლ, წინააღმეგ შემთხვევაში შესაძლებელია ნალექის წარმოქმნა. ინფუზიის ხანგრძლივობა არ უნდა იყოს 30 წთ-ზე ნაკლები. თავიდან უნდა იქნას აცილებული ბუფერულ წყალხსნართან კონტაქტი-8-ზე მეტი pH-ით.
გვერდითი მოვლენები:
	
სისხლმადი სისტემის მხრივ: ლეიკოპენია (გრანულოციტების რაოდენობის მაქსიმალური დაქვვითვბა აღინიშნება 7-14-ე დღეს, რომელიც აღდგება 20-22-ე დღეს), ანემია. კუჭ-ნაწლავის ტრაქტის მხრივ: გულისრევა, ღებინება; იშვიათად ეპიგასტრალურ მიდამოში ტკივილი, ანორექსია, დიარეა. არსებობს მონაცემები სტომატიტის განვი-თარების შესახებ; შესაძლებელია ბილირუბინის დონის, ასპარაგინტრანსფერაზასა და ტუტე ფოსფატაზას აქტივობის მომატება. ნერვული სისტემის მხრივ: პერიფერიული ნეიროპათია. გულ-სისხლძარღვთა სისტემის მხრივ: არტერიული ჰიპოტონია; არსებობს მონაცემები ცალკეული შემთხვევებში მიოკარდიუმის ინფარქტის და კარდიოტოქსიკურობის განვითარების შესახებ. თირკმელების მხრივ: პლაზმაში შარდოვანასა და შარდმჟავას კონცენტრაციის მომატება. ალერგიული რეაქციები: შემცივნება, სხეულის ტემპერატურის მომატება, ბრონქოსპაზმი. სხვადასხვა: შექცევადი ალოპეცია (66%); მაღალი დოზის მიღების შემთხვვვაში - სეპტიცემია, დისფაგია, გარდამავალი სიბრმავე. არსებობს მონაცემები ცალკეულ შემთხვევებში სხივური დერმატიტის განვი-თარების შესახებ. ადგილობრივი რეაქციების მხრივ: ფლებიტი.
უკუჩვენება:
	
- ღვიძლის ფუნქციის გამოხატული დარღვევა; - ჰემოპოეზის დარღვევა, რომელიც არ არის დაკავშირებული ავთვისებიან სიმსივნესთან (ლეიკოციტების რაოდენობა 2000/მმ 3 ნაკლები; ხოლო - თრომბოციტები - 75000/მმ 3 ნაკლები); - ორსულობა; - პრეპარტის მიმართ მომატებული მგრძნობელობა.
განსაკუთრებული მითითებები:
	
ეტოპოზიდის გამოყენება რეკომენდებულია მხოლოდ ექიმის მეთვალყურეობის ქვეშ, რომელსაც გააჩნია ციტოტოქსიკურ საშუალებებთან მუშაობის გამოცდილება. პრეპარატი სიფრთხილით ინიშნება ღვიძლის მსუბუქი და ზომიერი დაზიანების მქონე პაციენტებში, ვინაიდან მათ აღენიშნებათ მიელოტოქსიკურობის განვითარების მაღალი რისკი. თირკმელების ფუნქციური დარღვევის დროს პრეპარატი სიფრთხილით ინიშნება. რეკომენდებულია დაბალი დოზით მისი გამოყენება თირკმელების ფუმქციაზე რეგულარული კონტროლი. სისხლის საერთო ანალიზი აუცილებელია ჩატარდეს ეტოპოზიდით მკურნალობის დაწყებამდე და მისი მსვლელობის დროს. მკურნალობა უნდა შეწყდეს იმ შემთხვევაში, როდესაც თრომბოციტების რიცხვი დაქვეითებულია 50000 მმ 3-მდე, ან როდესაც ნეიტროფილების რიცხვი ნაკლებია 500/მმ 3-ზე, ხოლო ლეიკოციტების ასევე დაქვეითებულია 3000 მმ 3-მდე. მკურნალობის განახლება შესაძლებელია მხოლოდ იმ შემთხვევაში, როდესაც ზემოთაღნიშნული მაჩვენებლები დაუბრუნდება სასურველ დონეს. მხედველობაში უნდა მივიღოთ ის ფაქტი, რომ კომბინირებულმა ქიმიოთერაპიამ შესაძლებელია გამოიწვიოს ძვლის ტვინის ფუნქციის დათრგუნვა, რის გამოც იგი გამოიყენება სიფრთხილით. თუკი ეტოპოზიდით მკურნალობის დაწყებამდე ჩატარებულია სხივური ან ქიმიოთერაპია, აუცილებელია შესვენების პერიოდი ძვლის ტვინის ფუნქციის აღდგენამდე. პრეპარატის მიღებისას იზრდება ინფექციური დაავადების განვითარების რისკი. ინფუზიის დროს ჰიპოტენზიური რეაქციის შემცირება შესაძლებელია ინფუზიის ხანგრძლივობის გაზრდით. ეტოპოზიდის გამოყენებისას მოსალოდნელია ღებინება და შექცევადი გამელოტება. პრეპარატის შეყვანის ადგილას მოსალოდნელია ადგილობრივი რეაქციის განვითარება. ამ დროს აუცილებელია ინექციის შეწყვეტა და დარჩენილი დიზის ნაწილის სხვა ვენაში შეყვანა. ბავშვებში პრეპარატის უსაფრთხოებისა და ეფექტურობის შესახებ მონაცემები არ არსებობს. პოლისორბატი 80 (რომელიც შედის გამხსნელის სახით) დღენაკლულ ბავშვებში იწვევს მძიმე გვერდით მოვლენებს. ექსპერიმენტული კვლევის შედეგად დადგენილ იქნა ეტოპოზიდის ტერატოგენული, მუტაგენური და ემბრიოტოქსიკური თვისებები. რეპროდუქციულ ასაკში მყოფმა ქალებმა, რომლებიც იყენებენ ეტოპოზიდს, თავი უნდა შეიკავონ ჩასახვისაგან. ლაქტაციის პერიოდში არ არის რეკომენდებული პრეპარატის გამოყენება. პერიფერიული ნეიროპათიის წარმოშობის რისკი იზრდება, როდესაც ეტოპოზიდი ერთდროულად გამოიყენება პოტენციურ ნეიროტოქსიკურ სამკურნალო საშუალებებთან ერთად (მაგ. ვინკრისტინი). ეტოპოზიდი კონცენტრაციით 0.4 მგ/მლ-ში, რომელიც გახსნილია 5% დექსტროზას ან 0.9% ნატრიუმის ქლორიდის ხსნარში სტაბილურია 24 სთ-ის განმავლობაში 2-დან 8’C ტემპერატურაზე. ეტოპოზიდით მკურნალობისას რეკომენდებულია დამცავი ხალათის, ხელთათმანების, ნიღაბის და თვალის დამცავი საშუალებების გამოყენება. ხსნართან კანისა და ლორწოვანი გარსის შემთხვევითი კონტაქტის დროს საჭიროა დაზიანებული ნაწილის დაუყოვნებლივ დაბანა საპნით და წყლით. ორსულმა თანამშრომლებმა თავიდან უნდა აიცილონ ეტოპოზიდთან და სხვა მსგავს ციტოტოქსიკურ სამკურნალო საშუალებებთან კონტაქტი.
ჭარბი დოზირება:
	
არ მოიპოვება მონაცემები. ჰემატოლოგიური და გასტროინტესტინური მოვლენები უნდა წარმოადგენდნენ ჭარბი დოზირების ძირითად სიმპტომებს. მკურნალობა სიმპტომატურია. ანტიდოტი არ მოიპოვება.
ურთიერთქმედება სხვა მედიკამენტებთან:
	
ეტოპოზიდი შეთავსებადია 5% გლუკოზისა და ფიზიოლოგიურ ხსნართან. არ არის რეკომენდებული სხვა სამკურნალო საშუალებებთან ეტოპოზიდის შერევა.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021377167 sec.