This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ბიპერიდენი
Biperiden
ა.თ.ქ. კლასიფიკაცია:
	
 
N04AA02	
N ნერვული სისტემა
	
04 პარკინსონიზმის საწინააღმდეგო პრეპარატები
	
A ცენტრალური ქოლინობლოკატორები
	
A მესამეული ამინები
ანოტაცია:
	
	
ფარმაკოლოგიური თვისება:
	
პარკინსონის საწინააღმდეგო საშუალება. ახდენს ცენტრალურ м–ქოლინომაბლოკირებელ მოქმედებას, თრგუნავს ზოლიანი სხეულის (ექსტრაპირამიდული სისტემის სტრუქტურული კომპონენტის) ქოლინერგული ნეირონების გაძლიერებულ დამამუხრუჭებელ ფუნქციას. ასევე ახდენს ზომიერად გამოხატულ პერიფერიულ м–ქოლინომაბლოკირებელ, მიოტროპიულ სპაზმოლიზურ და განგლიომაბლოკირებელ მოქმედებას. იწვევს ფსიქომოტორულ აგზნებას.
ფარმაკოკინეტიკა:
	
პერორალურად მიღების დროს Cmax შეადგენს 1.01-6.53 нг/მლ და მიიღწევა 0.5-2 სთ-ის განმავლობაში. Css 2 მგ 2-ჯერ მიღების დროს მიიღწევა 15.7-40.7 სთ-ის შემდეგ. პლაზმის ცილებთან შეკავშირება შეადგენს 91-94%-ს. ბიოშეღწევადობა შინაგანად მიღებისას - 33%. პლაზმური კლირენსი - 11.6 მლ/წთ/კგ. მეტაბოლიზირდება სრულად. ძირითადი მეტაბოლიტებია - ბიციკლოჰეპტანი და პიპერიდინი. გამოყოფა ხორციელდება ორ ფაზად T1/2 1.5 სთ-პირველ ფაზაში და 24 სთ - მეორე ფაზაში. ორგანიზმიდან გამოდის თირკმელებით და ნაწლავებით. გამოიყოფა დედის რძით.
ჩვენება:
	
პარკინსონის დაავადება, პარკინსონიზმის სინდრომი (კომბინირებული თერაპიის შემადგენლობაში), ექსტრაპირამიდული დარღვევები, გამოწვეული ანტიფსიქოტიური საშუალებებით (ნეიროლეპტიური).
დოზირება და მიღების წესი:
	
მოზრდილებში შინაგანად მიღებისას მკურნალობის დასაწყისში - 1 მგ 2-ჯერ, შემდეგ მიღების სიხშირე შეიძლება თანდათან გავზარდოთ და მივიღოთ 2მგ 2-4-ჯერ. დოზა შეიძლება მომატებული იყოს 6-16 მგ- მდე. /ი/მ ან ი/ვ შეყვანისას ერთჯერადი დოზა შეადგენს 2.5-5მგ. განმეორებითი შეყვანა იგივე დოზით შეიძლება ყოველ 30 წთ-ში, მაგრამ არაუმეტეს 4-ჯერისა. მაქსიმალური დოზები: შინაგანად მიღებისას - 16მგ/; პარენტერალური შეყვანისას - 20მგ/.
გვერდითი მოვლენები:
	
ცნს-ის მხრივ: სისუსტე, ასთენია, თავბრუსხვევა, მოუსვენრობა, მახსოვრობის მოშლა, ცნობიერების დაბინდვა, ჰალუცინაციები. მხედველობის ორგანოს მხრივ: მიდრიაზი, აკომოდაციის დარღვევა. გულ-სისხლძარღვთა სისტემის მხრივ: ტაქიკარდია; იშვიათად - ბრადიკარდია; პარენტერალური შეყვანისას - არტერიული წნევის დაქვეითება. საჭმლის მომნელებელი სისტემის მხრივ: პირის სიმშრალე, დისპეპსია, შეკრულობა. ნივთიერებათა ცვლის მხრივ: ოფლისგამოყოფის შემცირება. შარდგამომყოფი სისტემის მხრივ: პაციენტებში წინამდებარე ჯირკვლის ჰიპეტროფიით - სარდის გამოყოფის გაძნელება. ალერგიული რეაქციები: გამონაყარი კანზე, ქავილი.
უკუჩვენება:
	
დახურულკუთხიანი გლაუკომა, წინამდებარე ჯირკვლის ჰიპერპლაზია, კნტ-ის ობსტრუქციული მდგომარეობა (მათ შორის ნაწლავების პარალიზური გაუვალობა), მეგაკოლონი; მომატებული მგრძნობელობა ბიპერიდენის მიმართ.
ორსულობა და ლაქტაცია:
	
ბიპერიდინის მიღება ორსულობის დროს და ლაქტაციის პერიოდში (ძუძუთი კვება) შესაძლებელია მხოლოდ მკაცრი ჩვენებით. ბიპერიდინი გამოიყოფა დედის რძით, ამიტომ მკურნალობის განმავლობაში რეკომენდირებულია ძუძუთი კვების შეწყვეტა.
განსაკუთრებული მითითებები:
	
სიფრთხილით ინიშნება ეპილეფსიით, არითმიით დაავადებულ პაციენტებში და ხანდაზმული ასაკის ავადმყოფებში. შესაძლოა წამალდამოკიდებული მდგომარეობის განვითარება. მკურნალობა უნდა შეწყდეს თანდათანობით აბსტინენციის განვითარების რისკის გამო. ბავშვებში ბიპერიდინის გამოყენების უსაფრთხოება დადგენილი არ არის, ამიტომ მისი გამოყენება არ არის რეკომენდირებული. მკურნალობის პერიოდში ალკოჰოლის მიღება არ შეიძლება. გავლენას ახდენს ავტოტრანსპორტის ტარებისა და მექანიზმებით მართვის უნარზე. სიფრთხილით ინიშნება პაციენტებში, რომელთა საქმიანობა საჭიროებს მომატებულ ყურადღებასა და ფსიქომოტორული რეაქციების სისწრაფეს.
ურთიერთქმედება სხვა მედიკამენტებთან:
	
ერთდროულად მიღებისას ანტიქოლინერგულ პრეპარატებთან შესაძლოა ცენტრალური და პერიფერიული ანტიქოლინერგული ეფექტების გაძლიერება. ერთდროულად მიღებისას ანტიფსიქოზურ (ნეიროლეფსიურ) საშუალებებთან მატულობს გვიანი დისკინეზიის განვითარების რისკი. ერთდროულად მიღებისას ბიპერიდინთან ძლიერდება ჰისტამინური Н1-რეცეპტორების ბლოკატორებისა და კრუნჩხვის საწინააღმდეგო საშუალებების მოქმედება. ერთდროულად მიღებისას ლევოდოპასთან შესაძლოა გაძლიერება м-ქოლინომაბლოკირებელი მოქმედებისა და დისკინეზიისა. ერთდროულად მიღებისას ბიპერიდენი ამცირებს მეტოკლოპრამიდის ეფექტურობას. ქინიდინთან ერთდროულად მიღებისას იზრდება დისკინეზიის განვითარების რისკი. ახდენს ეთანოლის მოქმედების პოტენცირებას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020701466 sec.