This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
დილტიაზემი
Diltiazem
ა.თ.ქ. კლასიფიკაცია:
	
 
C08DB01	
C გულ-სისხლძარღვთა სისტემა
	
08 კალციუმის არხების ბლოკატორები
	
D კალციუმის არხების სელექტიური ბლოკატორები გულზე პირდაპირი მოქმედებით
	
B ბენზოთიაზეპინის წარმოებულები
ანოტაცია:
	
	
ჩვენება:
	
- სტაბილური სტენოკარდია; - პრინცმეტალის სტენოკარდია; - სუპრავენტრიკულური ტაქიარითმიის პროფილაქტიკური მკურნალობა; - არტერიული ჰიპერტონია.
დოზირება და მიღების წესი:
	
მოზრდილებში დილთიაზემი ინიშნება თითო აბი 3-ჯერ ღღეში ჭამამდე. აუცილებლობის შემთხვევაში შეიძლება დოზის გაზრდა თანდათანობით (ინტერვალი 1-2 დღე) 240 მგ-მდე. დილთიაზემი რეტარდი ინიშნება 1 აბი დღეში ერთხელ. საჭიროების შემთხვევაში შესაძლებელია მისი დოზის თანდათანობითი გაზრდა.
გვერდითი მოვლენები:
	
გულ-სისხლძარღვთა სისტემის მხრივ: პასტოზურობა, წვივების და კოჭების შეშუპება, არითმია. ცალკეულ შემთხეევებში, ავადმყოფებში შეგუბებითი მოვლენებით, შეიძლება განვითარდეს მიოკარდიუმის ინფარქტი. ცნს-ის მხრივ: თავის ტკივილი, ადვილად დაღლა. კუჭ-ნაწლავის ტრაქტის მხრივ: გულისრევა. ალერგიული რეაქციები: ურტიკარია, კანის ქავილი.
ფარმაკოლოგიური თვისება:
	
პრეპარატი ამცირებს კალციუმის იონების შეღწევას გულის კუნთის და სისხლძარღვების გლუვი მუსკულატურის უჯრედებში, რის გამოც იწვევს კორონარული და პერიფერიული სისხლძარღვების გაფართოებას, ამცირებს პოსტდატვირთვას გულზე და სისხლძარღვების საერთო პერიფერიულ წინააღმდეგობას. დილთიაზემი აძლიერებს კორონარულ სისხლმიმოქცევას, თრგუნავს კორონარული სისხძარღვების სპაზმს, ამცირებს არტერიულ წნევას და ტაქიკარდიას. დილთიაზემი მნიშვნელოვნად არ მოქმედებს არტერიულ წნევაზე და გულის რითმზე მათი საწყისი ნორმალური მაჩვენებლების დროს.
ფარმაკოკინეტიკა:
	
პერორალური მიღებისას დილთიაზემის აქტიური ნივთიერება აბსორბირდება კუჭნაწლავის ტრაქტიდან 80%. ბიოტრანსფორმაციას განიცდის ”პირველადი გავლისას” ღვიძლში. მისი ბიოშეღწევადობა შეადგენს 40%-ს. მაქსიმალური კონცენტრაცია სისხლის პლაზმაში აღინიშნება მიღებიდან 2-3 საათის შემდეგ, ხოლო დილთიაზემი რეტარდის მიღებიდან - 3-4 საათის შემდეგ. პრეპარატის შეკავშირება პლაზმის ცილებთან შეადგენს 80%-ს. ნახევრადგამოყოფის პერიოდი შეადგენს 3-5 საათს, ხოლო დილთიაზემი რეტარდის შემთხვევაში - 5-7 საათს. ელიმინაცია წარმოებს შარდით მეტაბოლიტების სახით და მხოლოდ 2-4% - უცვლელად.
უკუჩვენება:
	
- მომატებული მგრძნობელობა პრეპარატის მიმართ; - სინუსური კვანძის სისუსტის სინდრომი; - ატრიოვენტრიკულური ბლოკადა II და III ხარისხის: - არტერიული ჰიპოტონია; - სინუსური ბრადიკარდია.
განსაკუთრებული მითითებები:
	
პრეპარატი ინიშნება მკაცრი კონტროლის ქვეშ ბრადიკარდიისადმი მიდრეკილ პაციენტებში, რომლებსაც ეკგ-ზე აღენიშნებათ გახანგრძლივებული ინტერვალი PR, ასევე პაციენტებში მიდრეკილებით არტერიული ჰიპოტონიისადმი დილთიაზემი არ თრგუნვას მიოკარდიუმის კუმშვადობას, რის გამოც შესაძლებელია მისი დანიშვნა ავადმყოფებში მარცხენა პარკუჭის შეკუმშვის ძალის დაქვეითებით. ორსულობის და ლაქტაციის პერიოდში და ასევე ბავშვვბში პრეპარატის უსაფრთხოება და ეფექტურობა არ არის დადგენილი.
ჭარბი დოზირება:
	
სიმპტომები: ბრადიკარდია, ატრიოვენტრიკულური გამტარებლობის დარღვევა, არტერიული ჰიპოტენზია. მკურნალობა: საჭიროა კუჭის ამორეცხვა. მკურნალობა სიმპტომატურია.
ურთიერთქმედება სხვა მედიკამენტებთან:
	
დილთიაზემის და ბეტა-ადრენობლოკატორების და საგულე გლიკოზიდების ერთდროულმა გამოყენებამ შეიძლება გამოიწვიოს ატრიოვენტრიკულური გამტარებლობის შენელება. ანტაციდები და აცეტილსალიცილის მჟავა არ მოქმედებენ პრეპარატის აბსორბციაზე. დილთიაზემმა შეიძლება გამოიწვიოს კარბამაზეპინის კონცენტრაციის გაზრდა სისხლის პლაზმაში. დილტიაზემის და ღვიძლის მიკროსომული ფერმენტების ინდუქტორების (ფენობარბიტალი, ფენიტოინი, ბუტადიონი) ერთდროულმა დანიშვნამ შეიძლება გამოიწვიოს დილთიაზემის კონცენტრაციის შემცირება სისხლის პლაზმაში.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020860121 sec.