This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ციპროტერონი
Cyproterone
ა.თ.ქ. კლასიფიკაცია:
	
 
G03HA01	
G შარდსასქესო სისტემა და სასქესო ჰორმონები
	
03 სასქესო ჰორმონები და სასქესო სისტემის მოდულატორები
	
H ანტიანდროგენები
	
A ანტიანდროგენები
ანოტაცია:
	
	
ფარმაკოლოგიური თვისება:
	
ციპროტერონი წარმოადგენს ჰორმონულ პრეპარატს, რომელსაც გააჩნია ანტიანდროგენული თვისებები. იგი აინჰიბირებს მამაკაცის სასქესო ჰორმონების (ანდროგენების) მოქმედებას, რომლებიც უმნიშვნელო რაოდენობით გამომუშავდება აგრეთვე ქალის ორგანიზმში. პრეპარატი ასევე ავლენს გესტაგენურ და ანტიგონადოტროპულ თვისებების. მამაკაცებში ციპროტერონის გამოყენების შემდეგ აღინიშნება ლიბიდოს დაქვეითება, იმპოტენცია, და სათესლე ჯირკვლების ფუნქციის დაქვეითება. აღნიშნული მოვლენები ციპროტერონის მიღების შეწყვეტის შემდეგ ქრება. ციპროტერონი, ანდროგენების მიმართ მგრძნობიარე ორგანოებს: წინამდებარე ჯირკვალს, სასქესო ჯირკვლებს და/ან თირკმელზედა ჯირკვლის ქერქს იცავს მათი ზემოქმედებისაგან. ქალებში ციპროტერონის გამოყენების შემდეგ მცირდება როგორც ჭარბთმიანობა სახესა და სხეულზე, ასევე თმის ცვენა.
ჩვენება:
	
მამაკაცებში: ანტიანდროგენული ეფექტისათვის წინამდებარე ჯირკვლის ინოპერაბელური სიმსივნის სამკურნალოდ. ასევე ციპროტერონი გამოიყენება წინამდებარე ჯირკვლის ოპერაბელური კარცინომით დაავადებულ პაციენტებში, გონადოტროპინრინიზინგ ჰორმონის აგონისტებით მკურნალობის საწყის პერიოდში, ასევე წინამდებარე ჯირკვლის ინოპერაბელური კარცინომით დაავადებულ პაციენტებში, რათა თავიდან ავიცილოთ თირკმელზედა ჯირკვლის ანდროგენების ზემოქმედება ქერქოვან შრეზე. ქალებში: ანდროგენიზაციის სერიოზული სიმპტომები - სახის და სხეულის ჭარბთმიანობა (გამოხატული ჰირსუტიზმი); თმის ცვენა გამელოტებამდე (მძიმე ანდროგენული ალოპეცია), რომელიც ხშირად მიმდინარეობს აკნეს და/ან სებორეულ დაავადებებთან ერთად.
დოზირება და მიღების წესი:
	
ინიშნება ჭამის შემდეგ მცირე რაოდენობის სითხესთან ერთად. მამაკაცებშა ლიბიდოს და პოტენციის დაქვეითებისას პრეპარატი ინიშნება ინდივიდუალურად. ჩვეულებრივ მკურნალობის დასაწყისში პრეპარატი გამოიყენება 2-ჯერ დღეში 1 აბის ოდენობით. აუცილებლობის შემთხვევაში დოზას ზრდიან 2-ჯერ დღეში 2 აბის ოდენობით, ხოლო დროებით 3-ჯერ დღეში. მკურნალობის სასურველი ეფექტის მიღების შემდეგ დოზას ამცირებენ მინიმალურ შვმანარჩუნებელ დოზამდე. ხშირ შემთხვევაში ამისათვის საკმარისია 0.5 აბის მიღება 2-ჯერ დღეში. ამასთან ერთად, დოზა უნდა შევამციროთ თანდათანობით, რამოდენიმე კვირის განმავლობაში, რომელიც მცირდება ერთი ან ნახევარი აბის ოდენობით. სამკურნალო ეფექტის სტაბილიზაციისათვის, როგორც წესი, პრეპარატი მიიღება ხანგრძლივად, რამოდენიმე თვის განმავლობაში ფსიქოთერაპიასთან კომბინაციაში. წინამდებარე ჯირკვლის ინოპერაბელური კარცინომით დაავადებულ პაციენტებში ანტიანდროგენებით მკურნალობა: თირკმელზედა ჯირკვლის ქერქზე ანდროგენების მოქმედების თავიდან აცილების მიზნით: - ორქიომეტრიის შემდეგ პრეპარატი მიი-ღება 2 აბის ოდენობით 1-2-ჯერ დღეში (100-200 მგ); - ორქიომეტრიის გარეშე პრეპარატი ინიშნება 2 აბის ოდენობით 2-3-ჯერ დღეში (200-300 მგ). რეკომენდებული დოზის მიღება აუცილებელია მაშინაც კი, როდესაც აღინიშნება მკურნალობის სასურველი ეფექტი. მამაკაცის სასქესო ჰორმონების მომატებული პროდუქციის მიზნით გონადოტროპინრინიზინგ ჰორმონით მკურნალობა: თავდაპირველად პრეპარატი მიიღება მხოლოდ 2 აბი 2-ჯერ დღეში (200მგ) 5-7 დღის განმავლობაში, შემდეგში კი მომდევნო 3-4 კვირის განმავლობაში იმავე დოზით გონადოტროპინ-რინიზინგ ჰორმონთან კომბინაციაში. თირკმელზედა ჯირკვლის ქერქზე ანდროგენების მოქმედების თავიდან აცილების მიზნით გონადოტროპინ-რილიზინგ ჰორმონით მკურნალობისას პრეპარატი ინიშნება 2 აბის ოდენობით (100-200 მგ) 12-ჯერ დღეში. ქალებში, რომლებიც იმყოფებიან სქესობრივი მომწიფების ასაკში და გააჩნიათ გამოხატული ანდროგენიზაცია პრეპარატით მკურნალობა იწყება მენსტრუალური ციკლის პირველი დღიდან. ამენორეით შეპყრობილ ქალებში შესაძლებელია მკურნალობის დაწყება მხოლოდ ექიმის რეკომენდაციის შემდეგ, რომლის დროსაც პრეპარატის მიღებას იწყებენ მენსტრუალური ციკლის I დღეს. ანდროგენიზაციის მოვლენების არსებობისას ქალებში ციპროტერონის მიღების ჩვეულებრივი სქემა: პრეპარატი ინიშნება ყოველდღიურად ციკლის 1-დან 10 დღის ჩათვლით 2 აბის ოდენობით ერთხელ დღეში. ციკლის სტაბილიზაციის და არასასურველი ორსულობის თავიდან აცილების მიზნით გამოიყენება გესტაგენ-ესტროგენული პრეპარატი, ციკლის 1-დან 21-ე დღის ჩათვლით 1 დრაჟე ერთხელ დღეში. თუკი პრეპარატი არ იქნა მიღებული 12 სთ-ის განმავლობაში, მაშინ მისი ჩასახვის საწინააღმდეგო ეფექტი არ არის გარანტირებული. ასეთ შემთხვევაში მოცემული ციკლის დროს ვადაზე ადრე წარმო-შობილი სისხლდენის თავიდან აცილების მიზნით საჭიროა ციპროტერონის მიღება და/ან დიანე-35-ის მიღება გაგრძელდეს ექიმის რეკომენდაციით, გამოტოვებული მისაღები აბის და/ან დრაჟეს მიღების გარეშე. ამასთან, ციკლის დამთავრებამდე საჭიროა მივიღოთ დამატებით ჩასახვის საწინააღმდეგო არაჰორმონული საშუალებები (კნაუს-ოგინოს კალენდარული მეთოდის და ტემპერატურული მეთოდის გამოკლებით). მკურნალობის დაწყებიდან 21-ე დღეს საჭიროა 7 დღიანი შესვენება, რომლის დროსაც ადგილი აქვს მენსტრუალური ციკლის მსგავს სისხლდენას. ზუსტად 4 კვირის შემდეგ რეკომენდებულია დავიწყოთ მომდევნო კომბინირებული თერაპიის კურსი, იმის და მიუხედავად შეწყდა თუ არა სისხლდენა. 7 დღიანი შესვენების შემდეგ სისხლდენის არ არსებობის შემთხვევაში აუცილებელია მკურნალ ექიმთან კონსულტაცია. მკურნალობის ეფექტის მიღწევის შემდეგ შესაძლებელია დოზის დაქვეითება 0.5-დან 1 აბის ოდენობით დღეში. ცალკეულ შემთხვევებში ეფექტის შესანარჩუნებლად საკმარისია მხოლოდ გესტაგენ-ესტროგენული პრეპარატის მიღება. ქალებში მენოპაუზის ან საშვილოსნოს ამოკვეთის შემდეგ ციპროტერონი არ გამოიყენება სხვა პრეპარატებთან კომბინაციაში. დაავადების სიმძიმის მიხედვით ციპროტერონი მიიღება დღეში 0.5-დან 1 აბის ოდენობით შემტეგი სქემით: პრეპარატის 21 დღის განმავლობაში მიღება და 7 დღიანი შესვენება.
გვერდითი მოვლენები:
	
მამაკაცებში ციპროტერონის გამოყენება იწვევს პოტენციის დაქვეითებას, რომელიც მთლიანად აღდგება პრეპარატის მიღების შეწყვეტიდან 3-4 თვის შემდეგ. ცალკეულ პაციენტებში აღინიშნება გინეკომასტია, ზოგჯერ სარძევე ჯირკვლების დაჭიმულობის შეგრძნება. ციპროტერონით მკურნალობისას შესაძლებელია განვითარდეს ღვიძლის ფუნქციის დარღვევა, დეპრესიული მდგომარეობა, შინაგანი მოუსვენრობის შეგრძნება, ყურადღების კონცენტრაციის დარღვევა, სხეულის წონის ცვლილება.
უკუჩვენება:
	
ორსულობისა და ლაქტაციის პერიოდი, ღვიძლის დაავადება, სიყვითლე, მუდმივი ქავილი ან ჰერპესი ყოფილი ორსულობის დროს, დუბინ-ჯონსონის სინდრომი, როტორის სინდრომი. მიმდინარე ან ადრე გადატანილი ღვიძლის სიმსივნე (წინამდებარე ჯირკვლის კარცინომა მხოლოდ იმ შემთხვევაში, თუ სიმსივნე არ არის განპირობებული მეტასტაზებით), კახექსია (წინამდებარე ჯირკვლის კარცინომის გამორიცხვით), მძიმე ქრონიკული ფორმის დეპრესია, ადრე არსებული ან მიმდინარე თრომბოემბოლური პროცესები, შაქრიანი დიაბეტის მძიმე ფორმა სისხლძარღვოვანი გართულებებით, ნამგლისებრ-უჯრედოვანი ანემია. წინამდებარე ჯირკვლის კარცინომით შეპყრობილ პაციენტებში, რომლებსაც აღენიშნებათ მძიმე ფორმის შაქრიანი დიაბეტი სისხლძარღვოვანი ცვლილებებით, ნამგლისებრ-უჯრედოვანი ანემია, ან ადრე არსებული თრომბოემბოლური მოვლენები, პრეპარატის მიღება მხოლოდ იმ შემთხვევაშია შესაძლებელი, როდესაც მოსალოდნელი სასარგებელო შედეგი მკვეთრად სჭარბობს ნეგატიური მოვლენების განვითარების რისკს. ქალები, რომლებსაც აღენიშნებათ გამოხატული ანდროგენული სიმპტომები, ციკლური კომბინირებული მკურნალობის დაწყებამდე აუცილებელია გაეცნონ სპეციალურ ინფორმაციას.
განსაკუთრებული მითითებები:
	
პაციენტებმა, რომელთა საქმიანობა მოითხოვს ყურადღების მაქსიმალურ კონცენტრაციას მხედველობაში უნდა მიიღონ, რომ პრეპარატის გამოყენების შემდეგ მოსალოდნელია გადაღლილობის შეგრძნება, მოდუნება, ყურადღების კონცენტრაციის დაქვეითება. პრეპარატისა და ალკოჰოლის ერთდროული გამოყენება უარყოფითად მოქმედებს მკურნალობის ეფექტზე. მკურნალობის პერიოდში აუცილებელია ღვიძლის ფუნქციისა და სისხლის სურათის პერიოდული კონტროლი. პრეპარატის გამოყენების წინ ქალებმა საჭიროა ჩაიტარონ ზოგადი სამედიცინო და გინეკოლოგიური გამოკვლევები. მკურნალობის დაწყების წინა პირობას წარმოადგენს ორსულობის არ არსებობა. ძალიან იშვიათად ციპროტერონის აცეტატის გამოყენებისას, შესაძლებელია განვითარდეს ღვიძლის კეთილთვისებიანი, ხოლო ძალიან იშვიათად ავთვისებიანი სიმსივნე.
ურთიერთქმედება სხვა მედიკამენტებთან:
	
სტეროიდული ჰორმონების ზეგავლენის დროს იცვლება ორგანიზმის გლუკოზის მიმართ ტოლერანტობა. ციპროტერონის გამოყენების შემდეგ საჭიროა ინსულინის და ანტიდიაბეტური პრეპარატების დოზების შეცვლა.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020791489 sec.