This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
კალციუმის გლუკონატი
Calcium gluconate
ა.თ.ქ. კლასიფიკაცია:
	
 
D11AX03	
D დერმატოლოგია
	
11 სხვა პრეპარატები კანის დაავადებების მკურნალობისათვის
	
A სხვა პრეპარატები კანის დაავადებების მკურნალობისათვის
	
X სხვა პრეპარატები კანის დაავადებების მკურნალობისათვის
A12AA03	
A საჭმლის მომნელებელი ტრაქტი და ნივთიერებათა ცვლა
	
12 მინერალური დანამატები
	
A კალციუმის პრეპარატები
	
A კალციუმის პრეპარატები
ანოტაცია:
	
	
ფარმაკოლოგიური თვისება:
	
კალციუმი - მაკროელემენტია, რომელიც მონაწილეობს ძვლის ქსოვილების ფორმირებაში, სისხლის შედედების პროცესში, აუცილებელია გულის მოქმედების სტაბილურობის შენარჩუნებაში, ნერვული იმპულსების გადაცემის პროცესში. აუმჯობესებს კუნთის შეკუმშვას კუნთის დისტროფიის დროს, მიასთენიის, ამცირებს სისხლძარღვების გამავლობას. ი/ვ შეყვანის დროს კალციუმი იწვევს სიმპათიკური ნურვული სისტემის აგზნებასა და თირკმელზედა ჯირკვლიდან ადრენალინის გამოყოფის გაძლიერებას; ახდენს ზომიერ დიურეზულ მოქმედებას.
ჩვენება:
	
სხვადასხვა გენეზის ჰიპოკალციემია, ჰიპოპარათირეოზი, პარენქიმატოზული ჰეპატიტი, ღვიძლის ტოქსიური დაზიანებები, ნეფრიტი, ეკლამპსია, პაროქსიზმული მიოპლეგიის ჰიპერკალიემიური ფორმა, ანთებითი და ექსუდატიური პროცესები, კანის დაავადებები. როგორც დამატებითი საშუალება ალერგიული დაავადებებისა და წამლისმიერი ალერგიის დროს. როგორც დამატებითი ჰემოსტატიური საშუალება ფილტვიდან, კუჭ-ნაწლავიდან, ცხვირიდან, საშვილოსნოდან სისხლდენის დროს. როგორც ანტიდოტი მაგნიუმის მარილებით, მჟაუნას მჟავისა და მისი ხსნადი მარილებით მოწამვლების დროს.
დოზირება და მიღების წესი:
	
შინაგანად მისაღებად ერთჯერადი დოზაა - 1- 3გრ, მიღების ჯერადობა - 2- 3. ი/ვ ან ი/მ შეყვანისას კალციუმის გლუკონატის ხსნარი პრეპარატის ერჯერადი დოზა უნდა შეესაბამებოდეს 2.25 - 4.5 მმოლ კალციუმს. კალციუმის ქლორიდის ხსნარი შეყავთ ი/ვ ნაკადად (ნელა) ერთჯერადი დოზით 500მგ, ი/ვ წვეთობით - ერთჯერადი დოზით 0.5-1გ.
გვერდითი მოვლენები:
	
შესაძლოა: გულისრევა, ღებინება, დიარეა, ბრადიკარდია, ი/მ შეყვანისას - ნეკროზი.
უკუჩვენება:
	
ჰიპერკალციემია, მძიმე ჰიპერკალციურია, თირკმლის მძიმე უკმარისობა, მიდრეკილება თრომბოზების მიმართ, მომატებული მგრძნობელობა კალციუმის გლუკონატის მიმართ.
განსაკუთრებული მითითებები:
	
სიფრთხილით ინიშნება პაციენტებში მცირე ჰიპერკალციურიის, თირკმლის ფუნქციის უმნიშვნელო მოშლის ან ანამნეზში შარდკენჭოვანი დაავადებების დროს; მითითებულ შემთხვევებში საჭიროა კალციუმის დონის შარდით ექსკრეციის რეგულარული კონტროლი. პაციენტებს, რომლებიც მიდრეკილნი არიან შარდში კონკრემენტების წარმოქმნით რეკომენდირებულია მიღებული სითხის მოცულობის გაზრდა. ბავშვებში ი/მ შეყვანა რეკომენდირებული არ არის.
ურთიერთქმედება სხვა მედიკამენტებთან:
	
კალციუმის გლუკონატი ერთდროულად მიღებისას კალციუმის არხების ბლოკატორების მოქმედებას ამცირებს. ი/ვ შეყვანა კალციუმის გლუკონატისა ვერაპამილის მიღებამდე ან მისი მიღების შემდეგ ამცირებს მის ჰიპოტენზიურ მოქმედებას, მაგრამ არ მოქმედებს მის ანტიარითმულ ეფექტზე. კოლესტირამინის მოქმედებით კალციუმის აბსორბცია კნტ-დან ქვეითდება. ქინიდინთან ერთდროულად მიღებისას შესაძლოა პარკუჭთაშორის გამტარობის შენელება და ქინიდინის ტოქსიურობის მომატება. საგულე გლიკოზიდებით მკურნალობის დროს კალციუმის გლუკონატის პარენტერალური მიღება არ არის რეკომენდირებული, კარდიოტოქსიური მოქმედების გაძლიერებასთან დაკავშირებით. პერორალურად ერთდროულად მიღებისას კალციუმის გლუკონატისა და ტეტრაციკლინებისა ამ უკანასკნელის მოქმედება შეიძლება შემცირდეს, მათი შეწოვის შემცირებასთან დაკავშირებით.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021931496 sec.