This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
პროგესტერონი
Progesterone
ა.თ.ქ. კლასიფიკაცია:
	
 
G03DA04	
G შარდსასქესო სისტემა და სასქესო ჰორმონები
	
03 სასქესო ჰორმონები და სასქესო სისტემის მოდულატორები
	
D პროგესტაგენები
	
A პრეგნინის წარმოებულები
ანოტაცია:
	
	
უკუჩვენება:
	
პრეპარატის მიღება პერორალური გზით ღვიძლის ფუნქციის გამოხატული დარღვევის შემთხვევაში.
ფარმაკოლოგიური თვისება:
	
სინთეზური პრეპარატის ფარმაკოლოგიური მოქმედება განპირობებულია მასში ყვითელი სხეულის ჰორმონის პროგესტერონის არსებობით, რომელიც ხელს უწყობს ქალებში საშვილოსნოს ლორწოვანის გადასვლას პროლიფერაციის ფაზიდან, რომელიც გამოწვეულია ფოლიკულური ჰორმონით, სეკრეტორულ ფაზაში, ხოლო განაყოფიერების შემდეგ უზრუნველყიფს მდგომარეობას, რომელიც საჭიროა განაყოფიერებული კვერცხუჯრედის განვითარებისთვის.
ჩვენება:
	
პროგესტერონის უკმარისობით გამოწვეული დარღვევები. პერორალური გზით მისაღებად: - პრემენსტრუალური სინდრომი; - მენსტრუალური ციკლის დარღვევა დისოვულაციის ან ანოვულაციის გამო; - ფიბროზულ-კისტოზური მასტოპათია; - პრემენოპაუზა; - მენოპაუზის ჩანაცვლებითი ჰორმონოთერაპია (ესტროგენულ პრეპარატებთან კომბინაციაში). ვაგინალური გზით შეყვანა: - არამოფუნქციონირე საკვერცხეების ჩანაცვლებითი ჰორმონოთერაპია პროგესტერონის დეფიციტის შემთხვევაში (კვერცხუჯრედებით დონორობა). - ლუთეინური ფაზის შენარჩუნება ექსტრაკორპორული განაყოფიერების მომზადებისას; - სპონტანური და ინდუცირებული მენსტრუალური ციკლის დროს ლუთეინური ფაზის შენარჩუნება; - ენდოკრინული უნაყოფობა; - ნაადრევი მენოპაუზა; - მენოპაუზა და პოსტმენოპაუზა; (ესტროგენულ პრეპარატებთან კომბინაციაში). - ლუთეინური უკმარისობით გამოწვეული უნაყოფობა; - ჩვეული და მოსალოდნელი მუცლის მოშლის პროფილაქტიკა პროგესტერონის უკმარისობით გამოწვეული. - ორსულობის შეწყვეტის საფრთხე; - საშვილოსნოს მიომის პროფილაქტიკა; - ენდომეტრიოზი. ვაგინალური გზით პრეპარატის შეყვანა წარმოადგენს ალტერნატიულ გზას პერორალური შეყვანის გზასთან შედარებით შემდეგი მდგომარეობისათვის: - ძილიანობის განვითარება; - როდესაც პრეპარატის პერორალური მიღება წინააღმდეგნაჩვენებია ღვიძლის ფუნქციის გამოხატული დარღვევის შემთხვევაში.
დოზირება და მიღების წესი:
	
მკურნალობის კურსის ხანგრძლივობა განისაზღვრება დაავადების თავისებურებითა და ხასიათით. პერორალური შეყვანის გზა: ხშირ შემთხვევაში, პროგესტერონის უკმარისობის დროს პრეპარატის სადღეღამისო დოზა შეადგენს 200-300 მგ (2-3 კაფსულა), გაყოფილს ორ მიღებაზე (დილით და საღამოს). ლუთეინური ფაზის უკმარისობის დროს (პრემენსტრუალური სინდრომი, ფიბროზულ-კისტოზური მასტოპათია, დისმენორეა, პრემენოპაუზა) დღეღამური დოზა შეადგენს პრეპარატის 2-3 კაფსულას, რომელსაც ღებულობენ 10 დღის განმავლობაში (ჩვეულებრივად ციკლის 17-დან 26-ე დღეს). ესტროგენების მიღების ფონზე მენოპაუზის ჰორმონოთერაპიით ჩანაცვლებისას პრეპარატი ინიშნება დღეში 2 კაფსულა 10-12 დღის განმავლობაში. ვაგინალური გზით შეყვანა: პროგესტერონის არ არსებობა არამოფუნქციონირე საკვერცხეების (კვერცხუჯრედით დონორობა) მქონე ქალებში: ესტროგენური თერაპიის ფონზე ინიშნება 1 კაფსულა დღეში, ციკლიდან მე-13 და მე-14 დღეს, შემდგომში 1 კაფსულა 2-ჯერ დღეში ციკლიდან მე-15 და 25-ე დღის ჩათვლით. ორსულობის განსაზღვრის შემთხვევაში დოზას ზრდიან 1 კაფსულის ოდენობით ყოველი კვირის განმავლობაში, მაქსიმუმ 6 კაფსულამდე დღეღამის განმავლობაში, გაყოფილს სამ მიღებაზე. მოცემული დოზით პრეპარატის მიღება შესაძლებელია 60 დღის განმავლობაში. L ლუთეინური ფაზის შენარჩუნება ექსტრაკორპორული განაყოფიერების ციკლის მომზადებისას: რეკომენდებულია 4-დან 6 კაფსულის მიღება დღეში, ქორიონული გონადოტროპინის ინექციიდან დაწყებული ორსულობის 12 კვირამდე. ლუთეინური ფაზის შენარჩუნებისთვის, სპონტანური ან ინდუცირებული მენსტრუალური ციკლის დროს, უნაყოფობის დროს, რომელიც დაკავშირებულია ყვითელი სხეულის ფუნქციის დარღვევასთან: რეკომენდებულია 2-3 კაფსულის მიღება დღეში, დაწყებული ციკლის მე-17-ე დღეს 10 დღის განმავლობაში. მენსტრუალური ციკლის შეჩერების ან ორსულობის შემთხვევაში მკურნალობა გრძელდება. ორსულობის შეწყვეტის საფრთხის დროს ან ჩვეულებრივი აბორტის პროფილაქტიკის მიზნით, რომელიც გამოწვეულია პროგესტერონის უკმარისობით: პრეპარატი ინიშნება 2-4 კაფსულა ყოველდღიურად ორ მიღებაზე ორსულობის 12 კვირამდე.
ურთიერთქმედება სხვა მედიკამენტებთან:
	
რიფამპიცინი და ანტივირუსული საშუალება ნევირაპინი აძლიერებენ პროგესტერონის მეტაბოლიზმს და ამცირებენ მის ეფექტს; პროგესტერონი ზრდის ციკლოსპორინის კონცენტრაციას სისხლში. პრეპარატი სიფრთხილით ინიშნება: ანამნეზში დეპრესიის დროს, შაქრიანი დიაბეტის, შაკიკის ეპილეფსიის, არტერიული ჰიპერტენზიის, გულის დაავადებების, ღვიძლის და თირკმელების ფუნქციის დარღვევის, ლაქტაციის პერიოდში.
განსაკუთრებული მითითებები:
	
პროგესტერონის პერორალურად მიღებისას რეკომენდებულია საკმარისი რაოდენობის წყლის მიყოლება, ხოლო ვაგინალური გამოყენებისას საშოში კაფსულის შეყვანა ღრმად.
გვერდითი მოვლენები:
	
ძილიანობა ან თავბრუსხვევა, რომელიც ვლინდება პრეპარატის მიღებიდან 1-3 საათის შემდეგ. მენსტრუალური ციკლის შემოკლება და შუალედური სისხლდენა. ზემოთჩამოთვლილი არასასურველი მოვლენები ვითარდება მხოლოდ პრეპარატის პერორალური მიღების შემთხვევაში. ძირითადი მითითებანი: - აღნიშნული პრეპარატი არ არის კონტრაცეპტული საშუალება; - სიფრთხილით იყენებენ 2-3 თვის ორსულობის დროს ღვიძლის ფუნქციის დარღვევის რისკის გამო; - პრეპარატის მიღებამ მძღოლებში შეიძლება გამოიწვიოს ყურადღების კონცენტრაციის უნარის დაქვეითება.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021526159 sec.