This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ესტრიოლი
Estriol
ა.თ.ქ. კლასიფიკაცია:
	
 
G03CC06	
G შარდსასქესო სისტემა და სასქესო ჰორმონები
	
03 სასქესო ჰორმონები და სასქესო სისტემის მოდულატორები
	
C ესტროგენები
	
C ესტროგენები სხვა პრეპარატებთან კომბინაციაში
G03CA04	
G შარდსასქესო სისტემა და სასქესო ჰორმონები
	
03 სასქესო ჰორმონები და სასქესო სისტემის მოდულატორები
	
C ესტროგენები
	
A ბუნებრივი და ნახევრად სინთეზური ესტროგენები
ანოტაცია:
	
	
ფარმაკოლოგიური თვისება:
	
ესტრიოლი წარმოადგენს ნატურალურ ესტროგენულ პრეპარატს, რომელიც უზრუნველყოფს საშოს ნორმალური ეპითელიუმის აღდგენას მისი ატროფიული ცვლილებების დროს პრემენოპაუზისა და მენოპაუზის პერიოდებში. იგი ხელს უწყობს აგრეთვე საშოში მიკროფლორის ნორმალიზაციის პროცესს და ამავე დროს ზრდის საშოს ეპითელიუმის წინააღმდეგობის უნარს ინფექციური და ანთებითი პროცესების მიმართ. ვინაიდან ესტრიოლი ხასიათდება ხანმოკლე მოქმედებით, პრეპარატის ერთჯერადად მიღებული დღეღამური დოზა არ იწვევს ენდომეტრიუმის პროლიფერაციას და არ საჭიროებს დამატებით პროგესტოგენურ მკურნალობას. შესაბამისად ადგილი არა აქვს პრეპარატის მოხსნის ფენომენის შედეგად განვითარებულ სისხლდენებს.
ფარმაკოკინეტიკა:
	
შეწოვა პრეპარატის ადგილობრივად გამოყენების დროს იგი სწრაფად და თითქმის მთლიანად აბსორბირდება. პლაზმაში ესტრიოლი მაქსიმალურ კონცენტრაციას აღწევს 1-2სთ-ის შემდეგ პრეპარატის ინტრავაგინალური გამოყენების დროს. პრეპარატის ინტრავაგინალური მიღების დროს მისი მაქსიმალური კონცენტრაციების მაჩვენებლები სისხლის პლაზმაში უფრო მაღალია, ვიდრე პრეპარატის პერორალურად მიღების შემთხვევაში დადგენილი კონცენტრაციების მაჩვენებლები. განაწილება პლაზმის ალბუმინებთან კავშირი შეადგენს 90%. გამოყოფა ესტრიოლის ექსკრეცია (შეკავშირებული ფორმით) ძირითადად ხორციელდება თირკმელების საშუალებით. პრეპარატის დაახლოებით 2% შეუცვლელი სახით გამოიყოფა ნაწლავების საშუალებით. ორგანიზმიდან მეტაბოლიტების გამოყოფის პროცესი შარდთან ერთად იწყება პრეპარატის მიღებიდან რამოდენიმე სთ-ის შემდეგ და გრძელდება 18სთ-ის განმავლობაში.
ჩვენება:
	
- ესტროგენული უკმარისობით გამოწვეული შარდსასქესო ტრაქტის ქვედა ნაწილში მოთავსებული ორგანოების ლორწოვანი გარსის ატროფია; - ქალებში პოსტმენოპაუზის პერიოდში საშოზე განხორციელებული ოპერაციების წინა და ოპერაციის შემდგომი მკურნალობა; - კლიმაქტერული ჩივილები, როგორიცაა: ალები, გაძლიერებული ოფლდენა განსაკუთრებით ღამის საათებში; - ცერვიკალური ფაქტორით გამოწვეული უნაყოფობა; - დიაგნოსტიკური მიზნით საშოდან აღებული ნაცხის ციტოლოგიური გამოკვლევის დროს გაურკვეველი შედეგების მიღების შემთხვევაში.
დოზირება და მიღების წესი:
	
ვაგინალური კრემი ინტრავაგინალურად კრემი ენიშნებათ ყოველდღე 0,5მკგ-იანი დოზით დღეღამეში პირველი კვირის განმავლობაში, შემდგომ თანდათან შემანარცუნებელ დოზაზე გადასვლით 0,5მგ დღეში კვირაში 2-ჯერ. ვაგინალური სანთლები ინტრავაგინალურად სანთელი ენიშნებათ ყოველდღე 500მკგ-იანი დოზით დღეში 23 კვირის განმავლობაში, შემდგომში დოზას თანდათან ამცირებენ 500მკგ-მდე დღეში კვირაში 2-ჯერ.
უკუჩვენება:
	
- ორსულობა; - თრომბოზები, ემბოლიები; - ღვიძლის ფუნქციის მკვეთრად გამოხატული დარღვევები; - საშვილოსნოს ან სარძევე ჯირკვლების ჰორმონდამოკიდებული სიმსივნეები; - უცნობი ეთიოლოგიის სისხლდენები საშვილოსნოდან.
ორსულობა და ლაქტაცია:
	
პრეპარატის მიღება ორსულობის და ლაქტაციის პერიოდში წინააღმდეგნაჩვენებია.
გვერდითი მოვლენები:
	
დოზირების დარღვევის შემთხვევაში, ხანდახან აღინიშნება სარძევე ჯირკვლების დაძაბულობა და ტკივილები, გულისრევა, კეროვანი პიგმენტაცია კანზე, ცერვიკალური ლორწოს ჰიპერსეკრეცია. იშვიათად - თავის ტკივილი, არტერიული ჰიპერტონია, წვივის კუნთების კრუნჩხვები, მხედველობის დარღვევა.
განსაკუთრებული მითითებები:
	
პრეპარატის ინტრავაგინალური გამოყენების დროს რეკომენდებული არ არის დღეში 1 სანთელზე მეტის მიღება. მკურნალობის ხანგრძლივობა მაქსიმალური დოზების მითითებით არ უნდა აღემატებოდეს რამოდენიმე კვირას. რეკომენდებულია იმ პაციენტების ხანგრძლივი კონტროლი, რომელთაც აღენიშნებათ: თრომბოემბოლიური ეპიზოდები ანამნეზში, გულის უკმარისობა, თირკმელების ფუნქციის დარღვევები, არტერიული ჰიპერტონია, ეპილეფსია, შაკიკი, ღვიძლის მძიმე დაავადებები, ენდომეტრიოზი, ფიბროზულ-კისტოზური მასთოპათია, პორფირია, ჰიპერლიპოპროტეინემია, აგრეთვე ორსულობის დროს ან სტეროიდული პრეპარატების მიღების შედეგად განვითარებული ძლიერი ქავილი ან ქოლესტაზური სიყვითლე.
ჭარბი დოზირება:
	
აღწერილი არ არის.
ურთიერთქმედება სხვა მედიკამენტებთან:
	
აღწერილი არ არის.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022039410 sec.