| უნიფიცირებული დასახელება: | ბაკლოფენიBaclofen | ||
| ა.თ.ქ. კლასიფიკაცია: | |||
M03BX01 | M ძვალ-კუნთოვანი სისტემა | ||
| 03 მიორელაქსანტები | |||
| B ცენტრალური მოქმედების მიორელაქსანტები | |||
| X ცენტრალური მოქმედების სხვა მიორელაქსანტები | |||
| ანოტაცია: | |||
| ფარმაკოლოგიური თვისება: | ბაკლოფენი გამაამინოერბომჟავას (გაემB) რეცეპტორების ხასიათდება მიმართ აგონისტური მოქმედებით. იგი თრგუნავს მონო- და პოლისინაფსურ რეფლექსებს ამგზნები ამინომჟავების გლუტამატის და ასპარტატის მოქმედების შემცირების შედეგად. პრეპარატი არ ცვლის ნერვ-კუნთოვან სინაფსში იმპულსის გადაცემის სიჩქარეს, გააჩნია ანალგეზიური ეფექტი. | ||
| ჩვენება: | ჩონჩხის კუნთების სპასტიური მდგომარეობისას გაფანტული სკლეროზის დროს. სპასტიური მდგომარეობა ზურგის ტვინის ინფექციური, დეგენერაციული, ტრავმული დაზიანებების შემთხვევაში − ბავშვთა ცერებრული დამბლა. | ||
| ურთიერთქმედება სხვა მედიკამენტებთან: | ბაკლოფენი აძლიერებს ცნს-ზე მოქმედი პრეპარატების, ჰიპოტენზიური საშუალებების და ალკოჰოლის მოქმედებას. ტრიციკლურ ანტიდეპრესანტებთან მისი ერთდროული დანიშვნის დროს კუნთების ტონუსი ძლიერ ქვეითდება. ლევოდოპასთან და კარბიდოპასთან ერთად ბაკლოფენის გამოყენებისას აღინიშნება აგზნება, ჰალუცინაციები და ცნობიერების დაბინდვა. | ||
| დოზირება და მიღების წესი: | ბაკლოფენით მკურნალობის დაწყება რეკომენდებულია დოზით 5 მგ 3-ჯერ დღეში. ყოველ მეოთხე დღეს დოზა იზრდება 5 მგ-ით 3-ჯერ დღეში ეფექტის მიღწევამდე. საშუალო დღიური დოზა შეადგენს 30-75 მგ-ს, შესაძლოა მისი გაზრდა 100-120 მგ-მდე. პაცენტებს, რომლებსაც მედიკამენტების მიმართ გააჩნიათ მომატებული მგრძნობელობა, ენიშნებათ საწყისი დღიური დოზა 5-10 მგ, რომლის შემდგომი გაზრდა წარმოებს თანდათან, მაქსიმალურად 100-120 მგ-მდე დღეში. თირკმლების უკმარისობის დროს რეკომენდებულია დღიური დოზა 5 მგ. 10 წლამდე ასაკის ბავშვებში დღიური დოზა შეადგენს 0.75-2 მგ/კგ-ზე, ხოლო 10 წელზე მეტი ასაკის შემთხვევაში - 2.5 მგ/კგ-ზე 4-ჯერ დღეში. დღიური დოზა დგინდება ინდივიდუალურად. პრეპარატის შემანარჩუნებელი დოზა 1-2 წლის ბავშვებში შეადგენს 10-20 მგ დღეში, ხოლო 2-10 წლის ასაკის ბავშვებში - 30-60 მგ დღეში. | ||
| უკუჩვენება: | მომატებული მგრძნობელობა ბაკლოფენის მიმართ. | ||
| გვერდითი მოვლენები: | ძილიანობა, გულისრევა, თავბრუსხვევა, პირის სიმშრალე, ყაბზობა, დიარეა, ჰიპოტენზია, აპათია, ადვილად დაღლა, სუნთქვის დათრგუნვა. იშვიათად: ეიფორია, დეპრესია, ჰალუცინაციები, ტრემორი, ნისტაგმი. გვერდითი მოვლენები უფრო ხშირად ვითარდება მკურნალობის დაწყებისას და დოზის სწრაფი ზრდის შედეგად. | ||
| განსაკუთრებული მითითებები: | ბაკლოფენის ინდივიდუალური დღიური დოზის შერჩევა რეკომენდებულია სტაციონარის პირობებში. გვერდითი მოვლენები უმეტესად ქრება დოზის შემცირებისას. ბაკლოფენის მოხსნა წარმოებს თანდათან, 1-2 კვირის განმავლობაში. პრეპარატი სიფრთხილით ინიშნება თავის ტვინის სისხლძარღვოვანი დაავადებების, ფსიქოზური მდგომარეობების, შიზოფრენიის, ღვიძლის და თირკმლების დაავადებების დროს და ხანდაზმულებში. ეპილეფსიით დაავადებულებში ბაკლოფენით მკურნალობა წარმოებს კრუნჩხვების საწინააღმდეგო პრეპარატებთან ერთად. ღვიძლის დაავადებისას და შაქრიანი დიაბეტის დროს საჭიროა პერიოდულად სისხლში ტრანსამინაზების აქტივობის და შაქრის რაოდენობის განსაზღვრა. არ არის მიზანშეწონილი ავტოტრანსპორტის და მექანიზმების მართვა ბაკლოფენით მკურნალობის პერიოდში. | ||
| ორსულობა და ლაქტაცია: | პრეპარატის დანიშვნა არ არის რეკომენდებული ორსულობისა და ლაქტაციის პერიოდში. |
Page generation time: 0. 021746455 sec.
