| უნიფიცირებული დასახელება: | ლოდოქსამიდიLodoxamide | ||
| ა.თ.ქ. კლასიფიკაცია: | |||
S01GX05 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| G დეკონგესტანტები და ალერგიის საწინააღმდეგო პრეპარატები | |||
| X ალერგიის საწინააღმდეგო სხვა პრეპარატები | |||
| ანოტაცია: | |||
| განსაკუთრებული მითითებები: | პრეპარატი ინიშნება მხოლოდ ადგილობრივად. დაუშვებელია მისი ინექციის სახით გამოყენება. მკურნალობისას, ისევე როგორც სხვა პრეპარატების გამოყენებისას, რომლებიც შეიცავენ ბენზალკონიუმის ქლორიდს, საჭიროა თავი შევიკავოთ რბილი (ჰიდროფილური) კონტაქტური ლინზების გამოყენებისაგან. ლინზების ტარება შეიძლება რამდენიმე საათის განმავლობაში პრეპარატის ჩაწვეთებებს შორის შუალედში. | ||
| ფარმაკოლოგიური თვისება: | ლოდოქსამიდი წარმოადგენს მასტოციტების სტაბილიზატორს, რომელიც თრგუნავს დაუყოვნებელი ტიპის ჰიპერმგრძნობელობის რეაქციებს, როგორც ადამიანში, ასევე ცხოველებში. მისი გამოყენება ნაჩვენებია თვალის იმ დაავადებების დროს, რომელთა პათოგენეზში მთავარ როლს თამაშობს დაუყოვნებელი ტიპის ჰიპერმგრძნობელობის რეაქციები. In vitro გამოკვლევებმა ცხადყო, რომ ლოდოქსამიდს გააჩნია მასტოციტების სტაბილიზაციისა და ჰისტამინის ანტიგენ-ინდუცირებული გამოყოფის შეწყვეტის უნარი. ამასთან ერთად, ლოდოქსამიდი თრგუნავს ანთების სხვა მედიატორების გამოყოფასაც (მაგ. ალერგიის ნელად მორეაგირე სუბსტანციის გამოყოფას, რომელიც ცნობილია როგორც პეპტიდ-ლეიკოტრიენები). ლოდოქსამიდი თრგუნავს ჰისტამინის გამოყოფას, რითაც აბრკოლებს კალციუმის მიგრაციას მასტოციტებში. ორ საკონტროლო ჯგუფზე ალერგიული ხასიათის კონიუქტივიტების სამკურნალოდ ჩატარებულ კვლევებში (გაზაფხულის, ატოპიური და ალერგიული) პრეპარატმა გამოავლინა გაცილებით მეტი ეფექტურობა 2%-იან ოპტიკრომთან შედარებით. როგორც წესი სიმპტომების დათრგუნვა აღინიშნებოდა მე-14 -21-ე დღეზე (მისი დღეში ოთხჯერ მიღებისას), ხოლო შემდგომი მკურნალობის გაგრძელება იწვევდა მდგომარეობის გაუმჯობესებას. მონიტორინგის შედეგად დადგენილი იქნა, რომ თერაპიული ეფექტი აღინიშნებოდა მკურნალობის დაწყებიდან მე-7 დღეს. ლოდოქსამიდს არ გააჩნია ჰისტამინო რეცეპტორების მაბლოკირებელი, სისხლძარღვთა შემავიწროვებელი და ციკლოოქსიგენაზას დამთრგუნველი მოქმედება. | ||
| ჩვენება: | ოფთალმოლოგიური ხსნარი ნაჩვენებია იმ შემთხვევებში, როდესაც სიმპტომატიკა განპირობებულია დაავადების ალერგიული ხასიათით, მაგ: კერატოკონიუქტივიტი, პაპილარული კონიუქტივიტი, გაზაფხულის კერატიტი და ატოპიური ან ალერგიული კერატოკონიუქტივიტი. აღნიშნული დაავადებების ეტიოლოგია უცნობია, თუმცა არსებობს ნიშნები, რომლებიც მიუთითებენ ალერგენებზე, რომელთა გადატანა ხორციელდება ჰაერის მეშვეობით. ლოდოქსამიდს შეუძლია გამოავლინოს სამკურნალო მოქმედება თვალის სხვა დაავადებების დროსაც, სადაც ანთებით პროცესში ძირითად როლს თამაშობს დაუყოვნებელი ტიპის ჰიპერმგრძნობელობის რეაქციები. | ||
| დოზირება და მიღების წესი: | დოზა მოზრდილებში და ბავშვებში - 1-2 წვეთი ორივე თვალში დღეში 4-ჯერ მუდმივი ინტერვალებით. პაციენტები საჭიროა გავაფრთხილოთ, რომ მისი მოქმედება დამოკიდებულია გამოყენების რეგულარობაზე დანიშნულების შესაბამისად. ჩვეულებრივ სიმპტომატიკის შემცირება (დისკომფორტის შესუსტება, უცხო სხეულის შეგრძნება, სინათლის შიში, თვალების მწვავე ტკივილი, ცრემლდენა, ერითემა ან შეშუპება, ზედა ქუთუთოს დაწევა) იწყება მკურნალობის დაწყებიდან რამდენიმე დღის შემდეგ. შედეგიანი მკურნალობის შემთხვევაში საჭიროა იგი გაგრძელდეს ეფექტის განმტკიცებისათვის. ოფთალმოლოგიური ხსნარის უსაფრთხოებისა და ეფექტურობის შესახებ 4 წლამდე ასაკის ბავშვებში მონაცემები არ მოიპოვება. აუცილებლობის შემთხვევაში შესაძლებელია გამოყენებული იქნას კორტიკოსტეროიდები მასთან ერთად. | ||
| გვერდითი მოვლენები: | ხასიათდება კარგი ტოლერანტობით მის მიმართ, ყველაზე გავრცელებული გვერდითი ეფექტია უმნიშვნელო და გარდამავალი თვალის წვა და ცრემლდენა. | ||
| უკუჩვენება: | უკუნაჩვენებია პაციენტებისთვის, რომლებსაც დადგენილი აქვთ ჰიპერმგრძნობელობა ლოდოქსამიდზე ან პრეპარატის სხვა კომპონენტებზე. | ||
| ორსულობა და ლაქტაცია: | გამოყენება ორსულობისა და ლაქტაციის პერიოდში: კლინიკური კვლევები ორსულებში არ არის ჩატარებული. გამოყენება ორსულებში უნდა მოხდეს განსაკუთრებული აუცილებლობის შემთხვევაში. ასევე არ არის დადგენილი, გადადის თუ არა იგი დედის რძეში, რის გამოც მისი დანიშნვა მეძუძურ ქალებში საჭიროებს სიფრთხილეს. | ||
| ჭარბი დოზირება: | ჭარბი დოზის მიღების დროს სიმპტომატიკა უცნობია. |
Page generation time: 0. 021854770 sec.
