| უნიფიცირებული დასახელება: | სულფანილამიდიSulfanilamide | ||
| ა.თ.ქ. კლასიფიკაცია: | |||
J01EB06 | J მიკრობების საწინააღმდეგო პრეპარატები სისტემური გამოყენებისათვის | ||
| 01 მიკრობების საწინააღმდეგო პრეპარატები სისტემური გამოყენებისათვის | |||
| E სულფანილამიდები და ტრიმეტოპრიმი | |||
| B სულფანილამიდები ხანმოკლე მოქმედების | |||
| ანოტაცია: | |||
| ფარმაკოლოგიური თვისება: | სულფანილამიდი (სულფანილამიდი) წარმოადგენს სულფანილამიდების ჯგუფის ერთ-ერთ პირველ ქიმიოთერაპიულ საშუალებას. იგი ავლენს ფართო სპექტრის ანტიმიკრობულ მოქმედებას. პრეპარატი განსაკუთრებით აქტიურია პათოგენური კოკების, ნაწლავის ჩხირის, შიგელას, ქოლერის ვიბრიონის, კლოსტრიდიების, ციმბირის წყლულის, დიფტერიის, კატარალური პნევმონიის, ინფლუენცას, შავი ჭირის, ქლამიდიების, აქტინომიცეტებისა და ტოქსოპლაზმოზის გამომწვევების მიმართ. იგი მოქმედებს ბაქტერიოსტატულად და ახასიათებს ხანმოკლე ეფექტი. პრეპარატის მოქმედების მექანიზმი განპირობებულია პარაამინობენზოის მჟავასთან კონკურენტული ანტაგონიზმითა და ფერმენტ დიჰიდროპტეროატსინთეტაზას კონკურენტული დათრგუნვით, რაც იწვევს დიჰიდროფოლის, ხოლო შემდგომში ტეტრაჰიდროფოლის მჟავას სინთეზის დარღვევას და ამის შედეგად ნუკლეინის მჟავების სინთეზის მოშლას. | ||
| ფარმაკოკინეტიკა: | პრეპარატი პერორალურად მიღების შემდეგ სწრაფად შეიწოვება. სულფანილამიდის მაქსიმალური კონცენტრაცია სისხლის პლაზმაში აღინიშნება 1-2 სთ-ის შემდეგ (4 სთ-ის ფარგლებში იგი იდენტიფიცირდება ზურგის ტვინის ლიქვორში). სისხლში მაქსიმალური კონცენტრაციის დაქვეითება 50%-ით აღინიშნება 8 სთ-ის განმავლობაში. პრეპარატის დაახლოვებით 95% ორგანიზმიდან გამოიყოფა თირკმელებით. | ||
| ჩვენება: | ინფექციურ-ანთებითი დაავადებები, რომლებიც გამოწვეულია პრეპარატის მიმართ მგრძნობიარე მიკროორგანიზმებით. სულფანილამიდი პროფილაქტიკის და მკურნალო ბის მიზნით ინიშნება ჭრილობით გამოწვეული ინფექციების (ჭრილობები, წყლულები, ნაწოლები), დამწვრობების, წითელი ქარის, ენტეროკოლიტების, პიელიტების, ცისტიტების, ანგინისა და სხვა ინფექციური დაავადებების სამკურნალოდ. | ||
| დოზირება და მიღების წესი: | სულფანილამიდი მიიღება პერორალურად: მოზრდილებში იგი ინიშნება 0.5 - 1.0 გ-ის ოდენობით 5-6-ჯერ დღეში (დღეღამური დოზა - 3 - 6 გ); 3-დან 5 წლამდე ასაკის ბავშვებში - 0.3 გ, 6-დან 12 წლამდე ასაკის ბავშვებში - 0.3 - 0.5 გ. მოზრდილებში მაქსიმალური დოზა შეადგენს - ერთჯერადად-2 გ; დღეღამური - 7 გ. ღრმა ჭრილობების დროს მაქსიმალურად დაქუცმაცებულ და სტერილიზებულ პრეპარატს ჩააყრიან ჭრილობის სიღრმეში (5-15 გ), ერთდროულად პაციენტს უნიშნავენ სხვა ანტიბაქტერიულ საშუალებას როგორც პერორალურად ან პარენტერულად. | ||
| გვერდითი მოვლენები: | ხანდახან შესაძლებელია აღინიშნოს ღებინება, ფაღარათი, კანის მხრივ ალერგიული რეაქციები. პრეპარატის მაღალი დოზით ან ხანგრძლივად მიღებისას შესაძლებელია განვითარდეს ეოზინოფილია, ლეიკოპენია, თრომბოციტოპენია, აგრანულოციტოზი, ჰემოლიზური ანემია, ტაქიკარდია, პარესთეზიები, დერმატიტები, ფაღარათი, ქოლესტაზი, კვანძოვანი პერიარტერიტი. შარდგამომყოფი სისტემის მხრივ გვერდითი მოვლენები იშვიათად აღინიშნება (კრისტალურია, ჰემატურია, თირკმლისმიერი შოკი ანურიით), ცალკეულ შემთხვევებში ადგილი აქვს მხედველობის დაქვეითებას, თავის ტკივილს, თავბრუსხვევას, პერიფერიული ნევრიტებს, ჰიპოთირეოდიზმს, ატაქსიას. | ||
| უკუჩვენება: | თირკმელების მძიმე ხარისხის უკმარისობა. სისხლმბადი სისტემის დაავადებები, გლუკოზა-6-ფოსფატდეჰიდროგენაზას დეფიციტი, ნეფრიტი, ნეფროზი, ბაზედოვის დაავადება, მწვავე ჰეპატიტი, მწვავე პორფირია, ორსულობის I და II ტრიმესტრი, ლაქტაციის პერიოდი, სულფანილამიდების მიმართ მომატებული მგრძნობელობა. | ||
| ორსულობა და ლაქტაცია: | |||
| განსაკუთრებული მითითებები: | პრეპარატის ხანგრძლივად მიღებისას აუცილებელია პერიოდულად სისხლის ანალიზის, თირკმელებისა და ღვიძლის ფუნქციების კონტროლი. სულფანილამიდის არასაკმარისი დოზით დანიშნვა ან მისი მიღების რეკომენდებულ ვადაზე ადრე შეწყვეტისას მოსალოდნელია მიკროორგანიზმების მდგრადობის მომატება სულფანილამიდების მიმართ.თირკმელების ფუნქციის დარღვევის შემთხვევაში პრეპარატი სიფრთხილით ინიშნება. მკურნალობის პერიოდში აუცილებელია დიდი რაოდენობით სითხის მიღება. მომატებული მგრძნობელობის რეაქციის ნიშნების გამოვლენისთანავე პრეპარატის მიღება უნდა შეწყდეს. | ||
| ჭარბი დოზირება: | შესაძლებელია ზემოთაღწერილი გვერდითი მოვლენების გაძლიერება. მკურნალობა: კუჭის ამორეცხვა 2% ნატრიუმის ჰიდროკარბონატის ხსნარით და გააქტივებული ნახშირის სუსპენზიით, ასევე სხვა ენტეროსორბენტებით. სასურველია ნატრიუმის ჰიდროკარბონატის ხსნარის დიდი რაოდენობით მიღება, აგრეთვე ფორსირებული დიურეზის გამოწვევა და ჰემოდიალიზი. | ||
| ურთიერთქმედება სხვა მედიკამენტებთან: | სულფანილამიდის პარაამინოსალიცილის მჟავასა და ბარბიტურატებთან ერთდროული გამოყენებისას ძლიერდება სულფანილამიდების მოქმედების აქტივობა; სალიცილატებთან - ტოქსიკურობა და აქტივობა, მეტოტრექსატსა და დიფენინთან - ტოქსიკურობა, ლევომიცეტინთან - იზრდება აგრანულოციტოზის განვითარების რისკი, არაპირდაპირი მოქმედების ანტიკოაგულანტებთან - ძლიერდება ანტიკოაგულანტების ეფექტი. სულფანილამიდისა და პარაამინობენზოის მჟავას ეთერების შემცველი პრეპარატების (ნოვოკაინი, ანესთეზინი, დიკაინი) ერთდროული გამოყენებისას ინაქტივირდება სულფანილამიდის ანტიბაქტერიული ეფექტი. |
Page generation time: 0. 020832254 sec.
