| უნიფიცირებული დასახელება: | ინტერფერონ ბეტა-1aInterferon beta-1a | ||
| ა.თ.ქ. კლასიფიკაცია: | |||
L03AB07 | L სიმსივნის საწინააღმდეგო პრეპარატები და იმუნომოდულატორები | ||
| 03 იმუნოსტიმულატორები | |||
| A ციტოკინები და იმუნომოდულატორები | |||
| B ინტერფერონები | |||
S01AD05 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| A მიკრობების საწინააღმდეგო პრეპარატები | |||
| D ვირუსების საწინააღმდეგო პრეპარატები | |||
| ანოტაცია: | |||
| ფარმაკოლოგიური თვისება: | ინტერფერონ ბეტა-1ა ხელს უწყობს ორგანიზმის იმუნური სისტემის რეგულაციას. | ||
| ჩვენება: | ინტერფერონ ბეტა-1ა-თი მკურნალობა წარმოებს მხოლოდ ექიმის მეთვალყურეობის ქვეშ. ინტერფერონ ბეტა-1ა ნაჩვენებია მარეციდივებელი მრავლობითი სკლერიზის სამკურნალოდ, ვინაიდან იგი ანელებს დაავადების პროგრესირებას და ამცირებს რეციდივების სიხშირეს. | ||
| დოზირება და მიღების წესი: | დოზა ინდივიდუალურია და ინიშნება ექიმის მიერ. ჩვეულებრივ ინტერფერონ ბეტა1ა-ს დოზა შეადგენს 30 მიკროგრამს (6 მლნ სე), რომელიც იხსნება გამხსნელში (1 მლ გამხსნელი ხსნარი). პრეპარატის ინექცია ტარდება კუნთებში კვირაში ერთხელ. სასურველია ინექცია გაკეთდეს კვირის ერთსა და იმავე დღეს, ერთსა და იმავე დროს. ინექციის მხარე უნდა იცვლებოდეს ყოველი შემდეგი გაკეთებისას (მაგ. მარჯვენა ან მარცხენა დუნდულოს არე). ინექცია შესაძლებელია გაკეთდეს თვით პაციენტის მიერ თუ ამას ექიმი მიიჩნევს მიზანშეწონილად. ყოველი ინდივიდუალური პაკეტი შეიცავს ინტერფერონ ბეტა-1ა-ს ფლაკონს, შპრიცს გამხსნელით, მწვანე ნემსს განსაზავებლად, ლურჯ ნემსს ინექციისათვის. ხელების დაბანის შემდეგ, ყველა საჭირო საინექციო კომპონენტს აწყობენ სუფთა ზედაპირზე. ფრთხილად ხსნიან თავს პრეპარატის კოლოფს მწვანე ნემსს მოარგებენ შპრიცს გამხსნელით და ნელა ჩაუშვებენ გამხსნელს ფლაკონში. ფრთხილად ანჯღრევენ ფლაკონს, სანამ ფხვნილი მთლიანად არ გაიხსნება. არ არის საჭირო ენერგიული შენჯღრევა, ვინაიდან იგი იწვევს ქაფის წარმოქმნას. არ არის რეკომენდებული პრეპარატის გამოყენება თუ დარღვეულია ფლაკონის მთლიანობა, და ასევე თუ ხსნარი შეფერილი ან მღვრიეა. ფხვნილის სრული გახსნის შემდეგ შპრიცს მოარგებენ ლურჯ ნემსს და ფრთხილად იღებენ ფლაკონიდან ხსნარს. საინექციო ადგილას კანის ზედაპირს ამუშავებენ სპირტის ხსნარით. ინექციის შემდგომ იყენებენ სამედიცინო ემპლასტროს, თუ ეს აუცილებელია. | ||
| გვერდითი მოვლენები: | ყველაზე ხშირად გვერდითი მოვლენები: გრიპისმაგვარი სიმპტომებით არის წარმოდგენილი: თავის ტკივილი, შემცივნება, ტემპერატურის მომატება, კუნთების ტკივილი, სისუსტისა და დაღლილობის შეგრძნება. ამ სიმპტომების თავიდან ასაცილებლად ექიმის რჩევით შესაძლებელია არანარკოტიკული ანალგეზიური საშუალებების მიღება ავონექსის ინექციამდე და ყოველ 6 საათში ერთხელ 24 საათის განმავლობაში ინექციის შემდეგ. აუცილებელია მკურნალობის გაგრძელება, ვინაიდან ეს სიმპტომები თანდათან ქრება. იშვიათად გამოხატული გვერდითიმოვლენებია: სიწითლე და მტკივნეულობა ინექციის ადგილას, მადის დაქვეითება, წამოხურება, სახსრების ტკივილი, გულისრევა, პირღებინება, თავბრუსხვევა, უძილობა, დიარეა, თმის ცვენა, გამონაყარი კანზე, ნევროზული მდგომარეობა, მენსტრუალური ციკლის დარღვევა, ჰეპატიტი, გულმკერდის არეში ტკივილი, ტაქიკარდია, კუნთების და სახსრების ტკივილი. იშვიათად აღინიშნება მძიმე ალერგიული რეაქციები, რაც დაუყოვნებლივ მოითხოვს ექიმის ჩარევას. იშვიათ შემთხვევებში შესაძლებელია კუნთების სისუსტე და/ან სპასტიურობა, რასაც ხშირად მიაკუთვნებენ გრიპის მაგვარ სინდრომს და ის უმეტესად აღინიშნება მკურალობის საწყის პერიოდში. მისი სიხშირე მცირდება მკურნალობის გაგრძელების დროს. გულის წასვლის ერთეული ეპიზოდები შესაძლოა განვითარდეს მკურნალობის დასაწყისში ინტერფერონ ბეტა-1ა-ს ინექციის შემდეგ. ინტერფერონებით მკურნალობა ზოგჯერ იწვევს გვერდით მოვლენებს ნერვული სისტემის, გულსისხლძარღვთა სისტემის მხრიდან, შესაძლებელია თრომბოციტების რაოდენობის დაქვეითება სისხლში და ცვლილებები სისხლის ანალიზის მხრვ. ძალზე იშვიათად აღინიშნება გულის უკმარისობა - კარდიომიოპათია, ართრიტი, ჩიყვი (ჰიპო- და ჰიპერთირეოზი), ემოციური არასტაბილობა. | ||
| უკუჩვენება: | პრეპარატი უკუნაჩვენებია იმ შემთხვევებში: - როდესაც აღინიშნება მომატებული მგრძნობელობა ბეტა-ინტერფერონის, ადამიანის შრატის ალბუმინის ან პრეპარატის რომელიმე კომპონენტის მიმართ; - ორსულობის დაგეგმვის პერიოდში ან ორსულობის დროს; - ლაქტაციის დროს; - მკურნალობისადმი მდგრადი ეპილეფსიური გულყრების დროს. | ||
| ორსულობა და ლაქტაცია: | ინტერფერონ ბეტა-1ა არ გამოიყენება ორსულებში და ლაქტაციის დროს. | ||
| განსაკუთრებული მითითებები: | ინტერფერონ ბეტა-1ა ფლაკონი შეიცავს წამლის მხოლოდ ერთ დოზას. ინტერფერონ ბეტა-1ა-ს მკურნალობის დროს ანალიზების ჩატარებისას აუცილებელია ექიმის ინფორმირება ამის შესახებ, ვინაიდან შესაძლებელია ცვლილებები ანალიზის პასუხის მხრივ. არ არის რეკომენდებული ინტერფერონ ბეტა-1ა-ს გამოყენება 16 წლამდე ასაკის პაციენტებში. აუცილებელია სასწრაფოდ ექიმის ინფორმირება განვითარებული დეპრესიის ან სუიციდური მცდელობის შესახებ, ასევე ეპილეფსიური გულყრების ან გულის დაავადების არსებობის შესახებ. | ||
| ურთიერთქმედება სხვა მედიკამენტებთან: | ინტერფერონ ბეტა-1ა ჩვეულებრივ არ ცვლის სხვა წამლების მოქმედების ეფექტს, თუმცა აუცილებელია ექიმის ინფორმირება ინტერფერონ ბეტა-1ა-თან ერთად მიღებული წამლების შესახებ. ინტერფერონ ბეტა-1ა-ს შერევა სხვა საინექციო ხსნარებთან ერთ შპრიცში ნებადართული არ არის. გამხსნელად სხვა საინექციო ხსნარების გამოყენება რეკომენდებული არ არის. |
Page generation time: 0. 026223857 sec.
