| უნიფიცირებული დასახელება: | ნედოკრომილიNedocromil | ||
| ა.თ.ქ. კლასიფიკაცია: | |||
R01AC07 | R სასუნთქი სისტემა | ||
| 01 პრეპარატები ცხვირის დაავადებების მკურნალობისათვის | |||
| A დეკოგესტანტები და სხვა პრეპარატები ადგილობრივი გამოყენებისათვის | |||
| C ალერგიის საწინააღმდეგო პრეპარატები (კორტიკოსტეროიდების გარდა) | |||
S01GX04 | S პრეპარატები გრძნობის ორგანოების დაავადებების მკურნალობისათვის | ||
| 01 პრეპარატები თვალის დაავადებების მკურნალობისათვის | |||
| G დეკონგესტანტები და ალერგიის საწინააღმდეგო პრეპარატები | |||
| X ალერგიის საწინააღმდეგო სხვა პრეპარატები | |||
R03BC03 | R სასუნთქი სისტემა | ||
| 03 პრეპარატები ბრონქული ასთმის მკურნალობისათვის | |||
| B სხვა პრეპარატები ინჰალაციური გამოყენებისათვის ბრონქული ასთმის მკურნალობისათვის | |||
| C ალერგიის საწინააღმდეგო პრეპარატები (გლუკოკორტიკოიდების გარდა) | |||
| ანოტაცია: | |||
| ფარმაკოლოგიური თვისება: | ნედოკრომილი წარმოადგენს ალერგიისა და ანთების საწინააღმდეგო სპეციფიკურ საშუალებას. პრეპარატის მოქმედების მექანიზმი განპირობებულია მისი უნარით დათრგუნოს სასუნთქი გზების ლორწოვანი გარსის ლაბროციტების (პოხიერი უჯრედების) დეგრანულაცია და შეაფერხოს იმ მედიატორული ნივთიერებების გამონთავისუფლება, რომლებიც იწვევენ ბრონქოსპაზმს, ალერგიას და ანთებას (ბრადიკინინი, ჰისტამინი, ნელად მორეაგირე სუბსტანცია და ა.შ.). მისი ეფექტი შესაძლებელია განპირობებული იყოს ანთებითი მედიატორების რეცეპტორების ბლოკადით და ბეტა-გლუკურონიდაზის გამონთავისუფლების ინჰიბირებით მაკროფაგებიდან. პრეპარატი ხელს უშლის ბრონქების ანთებით რეაქციებში მონაწილე პოხიერი უჯრედების (მასტოციტების) პოპულაციებიდან და სხვა უჯრედებიდან ჰისტამინის, ლეიკოტრიენ C4-ის და პროსტაგლანდინ D2-ის გამონთავისუფლების პროცესს. პრეპარატის ხანგრძლივი გამოყენება ბრონქული ასთმის დროს ამცირებს ბრონქოსპაზმს, ბრონქების ჰიპერრეაქტივობას, აუმჯობესებს სუნთქვის ფუნქციას, ამცირებს ბრონქოსპაზმის შეტევებისა და ხველების ინტენსივობას და სიხშირეს. | ||
| ფარმაკოკინეტიკა: | ინჰალაციის შემდეგ ნედოკრომილის ნატრიუმის 10-18% ილექება ბრონქების კედლებზე. შეყვანილი დოზის 5% აბსორბირდება სისხლის ნაკადში, ხოლო პრეპარატის უმნიშვნელო რაოდენობა (2-3%) შეიწოვება კუჭ-ნაწლავის ტრაქტიდან. პრეპარატის სისხლის ცილებთან კავშირი შეადგენს დაახლოვებით 89%. იგი არ მეტაბოლიზდება და გამოიყოფა ორგანიზმიდან უცვლელი სახით შარდთან (70%) და ფეკალურ მასებთან (30%) ერთად. | ||
| ჩვენება: | ზომიერი სიმძიმის ბრონქული ასთმის საწინააღმდეგო შემანარჩუნებელი თერაპია, განსაკუთრებით იმ შემთხვევაში, როდესაც ბრონქოდილატატორებით მკურნალობა (ჩვენებების მიხედვით ან რეგულარულად) არ იძლევა დაავადების ადექვატური კონტროლის საშუალებას. სასუნთქი გზების შექცევადი ობსტრუქციით გამოწვეული ბრონქული ასთმის და სხვა მდგომარეობების სიმპტომატური მკურნალობა, მაგ. ქრონიკული ობსტრუქციული ბრონქიტი. პრეპარატს იყენებენ, როგორც თანმხლებ საშუალებას სტეროიდდამოკიდებული ბრონქული ასთმით და ფილტვების ქრონიკული ობსტრუქციული დაავადებებით შეპყრობილ პაციენტებში. | ||
| დოზირება და მიღების წესი: | მოზრდილებში (ხანდაზმული ასაკის ჩათვლით) და ბავშვებში 12 წლის ასაკის ზემოთ: საწყისი დოზა შეადგენს 2 ინჰალაციას (3,5 მგ ნედოკრომილის ნატრიუმი) 4-ჯერ დღეში დროის თანაბარი ინტერვალებით. მკურნალობის ეფექტის მიღების შემთხვევაში შემანარჩუნებელი დოზა ძირითადად შეადგენს 10,5 მგ დღეში. შემდგომში დოზა მცირდება 7 მგ-მდე ორ მიღებაზე. თერაპიული ეფექტი აღინიშნება მკურნალობის დაწყებიდან 1 კვირის განმავლობაში. 2 წლამდე ასაკის ბავშვებში პრეპარატის გამოყენების უსაფრთხოების და ეფექტურობის ზომები დადგენილი არ არის. ეფექტური მკურნალობის საფუძველს წარმოადგენს ინჰალატორის სწორად გამოყენება. პირველადი გამოყენების დროს ინჰალატორი უნდა შევანჯღრიოთ, დავაჭიროთ საჩვენებელი თითი დოზის გამანაწილებელ სარქველს 1-2-ჯერ. ინჰალაციის ჩასატარებლად მუნშტუკს უნდა მოვხსნათ სახურავი. ინჰალატორი იმყოფება ვერტიკალურ მდგომარეობაში, ხოლო დიდი საჩვენებელი თითი მოთავსებულია ბალონის ძირზე. ამ დროს საჭიროა მაქსიმალურად ამოვისუნთქოთ, შემდგომში ჩავიდოთ მუნშტუკი პირში კბილებს შორის მისი (ჩაკბეჩის გარეშე) და მჭიდროდ შემოვავლოთ ტუჩები. ვიწყებთ რა ჰაერის მაქსიმალურ ჩასუნ-თქვას პირით, საჭიროა ბალონის ძირზე ვაწარმოვოთ ზეწოლა ისე, რომ პრეპარატის დოზა გამოიფრქვეს. ერთდროულად საჭიროა გავაგრძელოთ მშვიდი და ღრმა შესუნთქვა. ინჰალაციის შემდეგ მუნშტუკს ეხურება სახურავი. ბალონის შიგთავსი იმყოფება მაღალი წნევის ქვეშ. ბალონის გახსნა ძალის გამოყენებით და მისი გაცხელება 50’C-ზე ზემოთ ნებადართული არ არის. | ||
| გვერდითი მოვლენები: | ძირითადად - თავის ტკივილი. კუჭ-ნაწლავის ტრაქტის მხრივ: გულისრევა, ღებინება, დისპეფსია, ტკივილი მუცლის არეში. რომლებიც სუსტადაა გამოხატული და მალევე ქრება. შესაძლებელია უსიამოვნო გემო პირში, რინიტი, ზემო სასუნთქი გზების ინფიცირება; ზოგჯერ - ხველება და ბრონქოსპაზმი. | ||
| უკუჩვენება: | პრეპარატის ან მასში შემავალი კომპონენტების მიმართ მომატებული მგრძნობელობა; | ||
| ორსულობა და ლაქტაცია: | პრეპარატის გამოყენება ორსულობის და ლაქტაციის დროს ხდება მხოლოდ განსაკუთრებული აუცილებლობის შემთხვევაში, როდესაც დედისათვის სასარგებლო შედეგი მკვეთრად სჭარბობს ნაყოფზე უარყოფითი მოქმედების პოტენციურ რისკს. განსაკუთრებული სიფრთხილეა საჭირო ორსულობის I ტრიმესტრში. | ||
| განსაკუთრებული მითითებები: | პრეპარატის გამოყენება ბრონქული ასთმის შეტევების კუპირებისათვის რეკომენდებული არ არის. პრეპარატის უარყოფითი მოქმედების შესახებ არ არსებობს მონაცემები ავტოტრანსპორტის მძღოლებში და იმ პირებში, რომელთა მუშაობა ტექნიკასთან მოითხოვს გაძლიერებულ ყურადღებას. | ||
| ჭარბი დოზირება: | სიმპტომატური მკურნალობა. |
Page generation time: 0. 022448678 sec.
