This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ალტეპლაზა
Alteplase
ა.თ.ქ. კლასიფიკაცია:
	
 
S01XA13	
S პრეპარატები გრძნობის ორგანოების დაავადებების მკურნალობისათვის
	
01 პრეპარატები თვალის დაავადებების მკურნალობისათვის
	
X სხვა პრეპარატები თვალის დაავადებების მკურნალობისათვის
	
A სხვა პრეპარატები თვალის დაავადებების მკურნალობისათვის
B01AD02	
B სისხლწარმოქმნა და სისხლი
	
01 ანტიკოაგულანტები
	
A ანტიკოაგულანტები
	
D ფერმენტული პრეპარატები
ანოტაცია:
	
	
დოზირება და მიღების წესი:
	
ინდივიდუალურია, კლინიკური სიტუაციის მიხედვით.
ფარმაკოლოგიური თვისება:
	
თრომბოლიზური საშუალებაა. სისხლძარღვებში არააქტიურია მანამდე, სანამ არ შეუერთდება ფიბრინს, რომელთანაც აქვს მაღალი მსგავსება; რის შემდეგაც ასტიმულირებს ფიბრინთან შეკავშირებული პლაზმინოგენის გადასვლას აქტიურ პლაზმინში. უშუალოდ მოქმედებს ფიბრინის კოლტზე და ახდენს მის დაშლას. სისხლის ფიბრინოლიზური სისტემის კომპონენტებზე მისი ზემოქმედება უმნიშვნელოა. ახასიათებს დაბალი ანტიგენური აქტივობა.
ფარმაკოკინეტიკა:
	
ბოლუსური შეყვანის შემდეგ აქტიური ნივთიერების კონცეტრაცია პლაზმაში საწყისიდან შეადგენს 50% 5წთ-ის შემდეგ; 20%-10წთ-ის შემდეგ; 10%-ზე ნაკლებს 20წთ-ის შემდეგ. ალტეპლაზა სწრაფად გამოიყოფა ცირკულირებული სისხლიდან და მეტაბოლიზდება ძირითადად ღვიძლში.
ჩვენება:
	
თრომბოლიზური თერაპია მიოკარდის მწვავე ინფარქტის (დაავადების დაწყებიდან პირველ 6-12 სთ-ში) და მწვავე თრომბოემბოლიის (მათ შორის ფილტვის არტერიის თრომბოემბოლია) დროს.
გვერდითი მოვლენები:
	
სისხლმბადი სისტემის მხრივ: შესაძლოა სისხლდენა, შემოსაზღვრული ინექციის ადგილით (არ წარმოადგენს მკურნალობის შეწყვეტის მიზეზს). ჰემორაგიული გართულებების რისკი იზრდება პრეპარატის მიღებისას 100მგ და მეტი (ერთეულ შემთხვევებში-ქალაშიდა სისხლჩაქცევა) დოზით. გულსისხლძარღვთა სისტემის მხრივ: გულის რითმის დარღვევა (მიოკარდის რეპერფუზიის სინდრომი), ადგილობრივი ემბოლია ქოლესტერინის კრისტალებით ან მიკროთრომბოემბოლია.
უკუჩვენება:
	
ჰემორაგიული დიათეზი, პრეპარატის ერთდროულად მიღება არაპირდაპირ ანტიკოაგულანტებთან, შინაგანი სისხლდენა (მათ შორის უახლოეს პერიოდში გადატანილი), ცნს-ისა და სხვა ლოკალიზაციის ახალწარმონაქმნები სისხლდენის მომატებული რისკით, სისხლძარღვების ანევრიზმა, ანამნეზში ინტრაკრანიალური ან სპინალური ქირურგიული ჩარევა, მძიმე არაკონტროლირებადი არტერიული ჰიპერტენზია, ბაქტერიული ენდოკარდიტი, პერიკარდიტი, კუჭისა და თორმეტგოჯა ნაწლავის წყლულოვანი დაავადება გამწვავებიდან 3 თვის განმავლობაში, ღვიძლის უკმარისობა, ღვიძლის ციროზი, პორტალური ჰიპერტენზია (საყლაპავის ვენების ვარიკოზული გაგანიერებით), აქტიური ჰეპატიტი.
ორსულობა და ლაქტაცია:
	
ალტეპლაზის გამოყენების კლინიკური გამოცდილება ორსულობის დროს შეზღუდულია. ექსპერიმენტულმა გამოკვლევებმა გვიჩვენა, რომ ალტეპლაზა ვერ გადის პლაცენტარულ ბარიერს ვირთხებში; ნაღოფზე უარყოფითი გავლენა არ არის აღმოჩენილი.
განსაკუთრებული მითითებები:
	
ექსპერიმენტულმა გამოკვლევებმა გვიჩვენა, რომ ალტეპლაზა ვერ გადის პლაცენტარულ ბარიერს ვირთხებში; ნაღოფზე უარყოფითი გავლენა არ არის აღმოჩენილი.
ურთიერთქმედება სხვა მედიკამენტებთან:
	
ალტეპლაზის ერთდოულად მიღებისას არაპირდაპირ ანტიკოაგულანტებთან, ანტიაგრეგანტებთან, ჰეპარინთან და სისხლის შედედების დამაქვეითებელ სხვა პრეპარატებთან, იზრდება ჰემორაგიული გართულებების რისკი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021808882 sec.