This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
მეტაციკლინის ჰიდროქლორიდი
Metacycline hydrochloride
ა.თ.ქ. კლასიფიკაცია:
	
 
J01AA05	
J მიკრობების საწინააღმდეგო პრეპარატები სისტემური გამოყენებისათვის
	
01 მიკრობების საწინააღმდეგო პრეპარატები სისტემური გამოყენებისათვის
	
A ტეტრაციკლინები
	
A ტეტრაციკლინები
ანოტაცია:
	
	
ფარმაკოლოგიური თვისება:
	
იგი ტეტრაციკლინის ჯგუფის ნახევრადსინთეზური ფართო სპექტრის ანტიბიოტიკია. მისი ბქტერიოსტატული მოქმედების მექანიზმი რეალიზდება მიკროორგანიზმის უჯრედის ცილის სინთეზის ინჰიბირებით რიბოსომების დონეზე. აქტიურია გრამდადებითი (სტაფილოკოკი, მათ შორის პენიცილინაზას მაპროდუცირებელი, სტრეპტოკოკი, პნევმოკოკი, კლოსტრიდია, ლისტერია, ციმბირის წყლულის გამომწვევი ჩხირი) და გრამუარყოფითი მიკროორგანიზმების მიმართ (ნაწლავის ჩხირი, სალმონელა, შიგელა, რიკეტსია, სპიროქეტა, კლებსიელა), ასევე ქლამიდიისა და სპიროქეტას მიმართ.
ჩვენება:
	
პრეპარატისადმი მგრძნობიარე მიკროორგანიზმებით გამოწვეული ინფექციურ-ანთებითი დაავადებები: ბრონქიტი, პნევმონია, პლევრის ემპიემა, ანგინა, ქოლეცისტიტი, პიელონეფრიტი, ნაწლავური ინფექციები, გასტროენტეროკოლიტი, ენდომეტრიტი, ენდოცერვიციტი, გონორეა, რბილი ქსოვილების ჩირქოვანი ინფექციები, ოსტეომიელიტი, პნევმონია, აბსცესი, ფურუნკულოზი, პროსტატიტი, ათაშანგი. კონიუნქტივიტი, ბლეფარიტი. პოსტოპერაციული ინფექციების პროფილაქტიკა.
დოზირება და მიღების წესი:
	
მსუბუქი და საშუალო სიმძიმის ინფექციური პროცესების დროს მოზრდილებში ინიშნება 300 მგ დღეში ორჯერ, დღიურმა დოზამ არ უნდა გადააჭარბოს 1.2 გ-ს. 8-12 წლის ასაკის ბავშვებში - 7.5-15 მგ/კგ სხეულის წონაზე განაწილებული 2 მიღებაზე. მეტაციკლინი ინიშნება ჭამამდე 1 სთ-ით ადრე ან ჭამიდან 2 სთ-ის შემდეგ. მკურნალობის კურსი შეადგენს 7-10 დღეს. მკურნალობას აგრძელებენ დაავადების კლინიკური სიმპტომების გაქრობიდან კიდევ 1-2 დღეს.
გვერდითი მოვლენები:
	
შესაძლებელია - გულისრევა, ღებინება, ანორექსია, მუცლის ტკივილი; ალერგიული რეაქციები; ხანგრძლივი გამოყენებისას შესაძლებელია განვითარდეს კანდიდოზი, ნაწლავური დისბაქტერიოზი; ნეიტროპენია, თრომბოციტოპენია, ჰემოლიზური ანემია, B-ჯგუფის ვიტამინების დეფიციტი, სისხლში ღვიძლის ტრანსამინაზების, ტუტე ფოსფატაზას, ბილირუბინის და ნარჩენი აზოტის დონის ტრანზიტული მომატება.
უკუჩვენება:
	
პრეპარატის დანიშვნის უკუჩვენებაა ტეტრაციკლინისადმი მაღალი მგრძნობელობა, ბავშვთა ასაკი 8 წლამდე, ორსულობა, ღვიძლის ფუნქციის მნიშვნელოვანი დარღვევები; ლაქტაციის პერიოდში ძუძუთი კვებას წყვეტენ.
განსაკუთრებული მითითებები:
	
მეტაციკლინის დანიშვნა ანტაციდებთან და რკინის პრეპარატებთან ერთად არ შეიძლება, რადგან ისინი ხელს უშლიან მის აბსორბციას. ღვიძლის ან თირკმლების ფუნქციის დარღვევისას პრეპარატის დოზას ამცირებენ ან ზრდიან ინტერვალს მის მიღებებს შორის. მეტაციკლინს იყენებენ აგრეთვე პენიცილინის მიმართ ტოლერანტობის დაქვეითების დროს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 020797212 sec.