This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
თიორიდაზინი
Thioridazine
ა.თ.ქ. კლასიფიკაცია:
	
 
N05AC02	
N ნერვული სისტემა
	
05 ფსიქოლეფსიური საშუალებები
	
A ანტიფსიქოზური პრეპარატები
	
C პიპერადინული სტრუქტურის ფენოთიაზინის წარმოებულები
ანოტაცია:
	
	
ფარმაკოლოგიური თვისება:
	
ნეიროლეფსიური საშუალება. თიორიდაზინი წარმოადგენს ფენოთიაზინის პიპერიდინულ წარმოებულს. მას გააჩნია ანტიფსიქოზური, ზომიერი სედაციური, სუსტი ანტიჰისტამინური და ღებინების საწინააღმდეგო მოქმედება. იგი ასევე იწვევს ჰიპოტენზიას და ხასიათდება ანტიქოლინერგული თვისებებით. მისი მოქმედების მექანიზმი რეალიზდება თავის ტვინის მეზოლიმბურ სტრუქტურებში დოფამინო რეცეპტორების ბლოკირების შედეგად. იგი ამცირებს ჰიპოფიზის და ჰიპოთალამუსის ჰორმონების გამოყოფას, ამავე დროს ზრდის პროლაქტინის პროდუქციას. პრეპარატს გააჩნია ალფა-ადრენორეცეპტორების ბლოკირების უნარი.
ფარმაკოკინეტიკა:
	
პრეპარატის ფარმაკოკინეტიკის შესახებ მონაცემები მწირია. იგი მჭიდროდ უკავშირდება პლაზმის ცილებს და გამოიყოფა თირკმლებით და ნაღველთან ერთად.
ჩვენება:
	
შიზოფრენია, აგზნებით მიმდინარე ფსიქოზები, აგრესიულობა; შფოთვით და აჟიტირებით მიმდინარე ნევროზი, ჰანტინგტონის დაავადება.
დოზირება და მიღების წესი:
	
თიორიდაზინის დოზა ინდივიდუალურად დგინდება. რეკომენდებული დღიური დოზა 12 წლის ასაკის ზემოთ 20-800 მგ განაწილებული 2-4 მიღებაზე. მკურნალობა გრძელდება 5 კვირის განმავლობაში. მაქსიმალური დოზა მოზრდილებში შეადგენს 800 მგ დღეში. 1-5 წლის ბავშვებში რეკომენდებული დოზაა 1მგ/კგ დღეში, ხოლო 5 წლის ასაკის ზემოთ- 75-100 მგ დღეში. მძიმე შემთხვევებში დოზა იზრდება 300 მგ-მდე დღეში. დოზა ნაწილდება 2-4 მიღებაზე.
უკუჩვენება:
	
დეპრესია, კომატოზური მდგომარეობა, ც.ნ.ს. დათრგუნვა, გულ-სისხლძარღვთა სისტემის დაავადებები, 1 წლამდე ასაკის ბავშვები, მომატებული მგრძნობელობა თიორიდაზინისადმი.
გვერდითი მოვლენები:
	
აღინიშნება ძილიანობა, მოტორული აგზნება, პოსტურალური ჰიპოტენზია, მხედველობის დაბინდვა, ექსტრაპირამიდული სიმპტომები ხანგრძლივი გამოყენებისას, პირის სიმშრალე, დიარეა, ქოლესტაზი, არითმია, ეკგ-ზე Q-T-ს გახანგრძლივება, U კბილის გაჩენა, დისმენორეა, ეაკულაციის დათრგუნვა, გამონაყარი კანზე, ქავილი, იშვიათად აგრანულოციტოზი.
განსაკუთრებული მითითებები:
	
პრეპარატი სიფრთხილით გამოიყენება გულის და ფილტვების მძიმე დაავადებების დროს, პარკინსონის დაავადების, პროსტატის ჰიპერტროფიის, მიასთენიის, ეპილეფსიის და ფეოქრომოციტომის დროს; ღვიძლის დაავადებისას საჭიროა ღვიძლის ფუნქციის კონტოლი. თიორიდაზინით მკურნალობის პერიოდში არ შეიძლება ალკოჰოლის მიღება. არ არის რეკომენდებული პრეპარატის გამოყენებისას ავტოტრანსპორტის და მექანიზმების მართვა.
ორსულობა და ლაქტაცია:
	
ორსულობის დროს ინიშნება მხოლოდ სასიცოცხლო აუცილებლობის შემთხვევაში. ლაქტაციის პერიოდში ძუძუთი კვება უნდა შეწყდეს თიორიდაზინით მკურნალობის დროს.
ურთიერთქმედება სხვა მედიკამენტებთან:
	
ც.ნ.ს.-ზე დამთრგუნველად მოქმედ სხვა პრეპარატებთან და ეთანოლთან ერთად თიორიდაზინის გამოყენება აძლიერებს ც.ნ.ს.ის დეპრესიას. პრეპარატი ამცირებს გუანეტიდინის, კლონიდინის, ლევოდოპას მოქმედებას, აქვეითებს ფენობარბიტალის კონცენტრაციას პლაზმაში, ამცირებს ანტიკოაგულანტების და ანტიდიაბეტური პრეპარატების ეფექტს.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021675463 sec.