This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
დისტიგმინის ბრომიდი
Distigmine bromide
ა.თ.ქ. კლასიფიკაცია:
	
 
N07AA03	
N ნერვული სისტემა
	
07 სხვა პრეპარატები ნერვული სისტემის დაავადებების მკურნალობისათვის
	
A პარასიმპათომიმეტური საშუალებები
	
A ანტიქოლინესტერაზული პრეპარატები
ანოტაცია:
	
	
ფარმაკოლოგიური თვისება:
	
პრეპარატი წარმოადგენს აცეტილქოლინესთერაზას ინჰიბიტორს. აცეტილქოლინი - მედიატორი, გამოიყოფა თითქმის ყველა პარასიმპათიკური და ზოგიერთი სიმპათიკური ნერვულ სინაფსებში (მაგ. საოფლე ჯირკვლების მაინერვირებელ ნერვულ დაბოლოებებში), აგრეთვე ნერვ-კუნთოვან სინაფსებში. უშუალოდ ნერვული დაბოლოებებიდან გამონთავისუფლებული აცეტილქოლინი იშლება ქოლინესთერაზას მეშვეობით და ამით განიცდის ინაქტივაციას. დისტიგმინი ქოლინესთერაზასთან წარმოქმნის შექცევად კომპლექსებს და აქედან გამომდინარე აძლიერებს აცეტილქოლინის მოქმედებას. იგი აძლიერებს კუჭ-ნაწლავის ტრაქტისა და შარდგამომყოფი ორგანოების ტონუსსა და პერისტალტიკას, სალივაციას, იწვევს გულის მუშაობის შენელებას და პერიფერიული სისხლძარღვების გაფართოვებას, ავიწროვებს გუგას და ამცირებს თვალშიდა წნევას, ზრდის ჩონჩხის კუნთების ტონუსს.
ფარმაკოკინეტიკა:
	
ისევე როგორც ქოლინესთერაზას ზოგიერ-თი სხვა ინჰიბიტორები, იგი ასევე წარმოადგენს მეოთხეული ამონიუმის შენაერთს, რის გამოც ხასიათდება უჯრედის მემბრანაში ცუდი განვლადობით, ვერ აღწევს ჰემატოენცეფალურ ბარიერში, იგი არ ხასიათდება ცნს-ზე ზემოქმედებით და არ გამოირჩევა მნიშვნელოვანი ზეგავლენით ვეგეტატიური ნერვული სისტემის განგლიებში იმპულსების გადაცემაზე. დისტიგმინი შეიცავს ორ მეოთხეულიამონიუმის ჯგუფს, რის გამოც მისი კავშირი აცეტილქოლინესთერაზასთან უფრო მდგრადია, ხოლო ენზიმურად განპირობებული ჰიდროლიზური დაშლის შემდეგ, მისი შარდით გამოყოფა უფრო გახანგრძლივებული, ერთი ამონიუმის ჯგუფის შემცველ ქოლინესტერაზას ინჰიბიტორებთან შედარებით. პრეპარატი მეტაბოლიზმს განიცდის ჰიდროლიზით მეტაბოლიტების წარმოქმნით, რომლებიც ელიმინირდებიან შარდის მეშვეობით.
ჩვენება:
	
- ოპერაციის შემდგომი ნაწლავების ატონია; - ნაწლავთა პარალიზური გაუვალობა; - ოპერაციის შემდგომი შარდის ბუშტისა და შარდსაწვეთების ატონია; - შარდის ბუშტის სფინქტერის ფუნქციური უკმარისობა და შარდის ბუშტის ჰიპოტონია; - ატონიური და ჰიპოტონიური ხასიათის ყაბზობა, მეგაკოლონი; - განივზოლიანი კუნთების პერიფერიული დამბლა - Myasthenia Gravis Pseudoparalitica.
დოზირება და მიღების წესი:
	
დისტიგმინის მიღებისას უნდა გავითვალისწინოთ პრეპარატის მოქმედების პროლონგირებული ლატენტური პერიოდი, მოქმედების ხანგრძლივი ეფექტი, აგრეთვე პაციენტის ინდივიდუალური რეაქცია პრეპარატზე. დოზირების საერთო პრინციპები: უფროსებში საწყისი დოზა შეადგენს საშუალოდ 0.5 მგ-ს. შემდგომი ინექცია კეთდება პრეპარატის მაქსიმალური ეფექტის დასრულებიდან .მხოლოდ 24-საათის შემდეგ. თუ საჭიროა დისტიგმინის უფრო ხანგრძლივი მოქმედება, მაშინ პრეპარატის იგივე დოზა შეიძლება შეყვანილი იქნას 23 დღის ინტერვალით. საჭიროების შემთხვებაში დოზა შეიძლება გაიზარდოს 0,1 მგ ყოველ 10კგ სხეულის მასაზე. ამ გზით ხდება მუდმივი ეფექტის მიღწევა. დოზირება სპეციალური ჩვენებების დროს: ოპერაციის შემდგომი ნაწლავის ატონია, ოპერაციის შემდგომი პარალიზური გაუვალობა. ქირურგიული ან გინეკოლოგიური ჩარევის სიმძიმის გათვალისწინებით 24-72 საათის შემდეგ შეჰყავთ 0,5 მგ დისტიგმინი. აუცილებლობის შემთხვევაში დოზა შეიძლება გაიზარდოს 0.1 მგ-ით ყოველ 10კგ სხეულის მასაზე. ინექცია შეიძლება განმეორდეს (იმავე დოზით) 1-3 დღის ინტერვალით. შარდის ბუშტისა და შარდსაწვეთის ოპერაციის შემდგომი ატონია: ოპერაციის შემდეგ დღეს (36-48 სთ.), დილას შეჰყავთ 0,5 მგ დისტიგმინი. აუცილებლობის შემთხვევაში დოზა შეიძლება გაიზარდოს 0.1 მგ-ით ყოველ 10კგ სხეულის მასაზე. დანიშნულება შეიძლება განმეორდეს 3 დღეში ერთხელ ოპერაციიდან 27 დღის მანძილზე. ოპერაციის შემდეგ რენტგენის სხივების ზემოქმედებისას რეკომენდირებულია პროცედურის დასრულებამდე დისტიგმინის 0.5 მგ აბების მიღება. შარდის ბუშტის სფინქტერის ფუნქციური უკმარისობის დროს საწყისი თერაპიული დოზა შეადგენს სა-შუალოდ 0.5 მგ-ს. აუცილებლობის შემ-თხვევაში დოზა შეიძლება გაიზარდოს 0,1მგ ყოველ 10კგ სხეულის მასაზე. შეყვანა ხდება ყოველ მე-3-4 დღეს, ეფექტის გამოვლინებამდე. სასურველი ეფექტის მიღების შემდეგ მკურნალობა შეიძლება გაგრძელდეს 5 მგ აბით. ატონიური და ჰიპოტონიური ხასიათის ყაბზობა, მეგაკოლონი - 0,5მგ კვირაში ორჯერ პერიფერიული დამბლა - 0.5 მგ დღეგამოშვებით. Myasthenia Gravis – 0.5-0.75 მგ ორ დღიანი ინტერვალით.
გვერდითი მოვლენები:
	
დისტიგმინის მიღების შემდეგ შეიძლება განვითარდეს გულისრევა, ღებინება, ფაღარათი, ნაწლავების სპაზმი, ბრონქოსპაზმი, ბრადიკარდია (60 დარტყმაზე ნაკლები წუთში), გუგების შევიწროვება, გაძლიერებული ოფლდენა, კუნთების სპაზმი, ტრემორი, კუნთების სისუსტე, ყლაპვის გაძნელება. ქალებში დროებითი დისმენორეის დროს პრეპარატმა შეიძლება გამოიწვიოს ვაგინალური სისხლდენა. პრეპარატი არ ხასიათდება შეჩვევის სინდრომით.
უკუჩვენება:
	
- ჰიპერმგრძნობელობა პრეპარატის კომპონენტებისადმი და ალერგია ბრომისადმი - გამოხატული ვაგოტონია (ნერვული სისტემის პარასიმპათიკური ტონუსის სიჭარბე) თანმხლები მოვლენებით: არტერიული წნევის დაქვეი-თება, გულის მოქმედების შენელება, კუჭის წვენის მჟავიანობის მომატება, კუჭ-ნაწლავის ტრაქტის მოტორიკის გაზრდა, გაძლიერებული ნერწყვდენა; - პერიფერიული სისხლმიმოქცევის მოშლა; - ნაწლავების, საშარდე და სანაღვლე გზების ტონუსის მომატება; - კუჭის წყლულოვანი დაავადება და ნაწლავების ანთება; - გამოხატული ჰიპოტონია; - კუნთის ტონუსის გაზრდა, ტეტანია, ეპილეფსია, პარკინსონის დაავადება; - ოპერაციის შემდგომი კრიზი და შოკი, გულის ქრონიკული უკმარისობა, ახლო წარსულში მიოკარდიუმის ინფარქტი; ბრონქული ასთმა; თირეოტოქსიკოზი, ირიტი.
ორსულობა და ლაქტაცია:
	
ორსულობისა და ლაქტაციის პერიოდში დისტიგმინის მიღება შეიძლება მხოლოდ მკაცრი აუცილებლობის შემთხვევაში.
განსაკუთრებული მითითებები:
	
დროებითი ფუნქციური ამენორეის დროს დისტიგმინს შეუძლია გამოიწვიოს მენსტრუაციის მსგავსი სისხლდენა. პრეპარატის მიღების პერიოდში აუცილებელია ტრანსპორტის მართვისაგან თავის შეკავება.
ურთიერთქმედება სხვა მედიკამენტებთან:
	
ანტიქოლინერგული პრეპარატები, მაგ. ატროპინი, ზოგიერთი ფსიქოტროპული და ანტიჰისტამინური საშუალებები ავლენენ ანატაგონისტურ მოქმედებას დისტიგმინს მუსკარინის მსგავსი ეფექტისადმი. დისტიგმინი წარმოადგენს კურარეს მსგავსი მიორელაქსანტების ანტაგონისტს (ოპერაციის წინ მიღების შეწყვეტა). დისტიგმინს მეშვეობით შეიძლება მოხდეს დეპოლარიზაციული მიორელაქსანტების მოქმედების პროლონგირება (მაგ. სუქსამეთონიუმი). ზოგიერთ ანტიბიოტიკს, განსაკუთრებით ნეომიცინს, სტრეპტომიცინს, კანამიცინს ახასიათებთ სუსტი მაბლოკირებადი მოქმედება ნერვკუნთოვან გადაცემაზე, რითაც ამცირებენ დისტიგმინის მოქმედების ეფექტს.
ჭარბი დოზირება:
	
სიმპტომები: გულისრევა, ღებინება, დიარეა, კუჭ-ნაწლავის ტრაქტის სპაზმი, სალივაცია, ცრემლდენა, ბრონქოსპაზმი, ბრადიკარდია, მიოზი, ოფლდენა, კუნთების სპაზმი, ფასციკულაცია, დისფაგია. ჭარბი დოზით გამოწვეული გვერდითი მოვლენების კუპირება ხდება ანტიდოტისატროპინის საშუალებით. ატროპინ სულფატი 0.5-1.0მგ ინტრავენურად, შეიძლება კანქვეშ. ქოლინერგული კრიზი საჭიროებს პაციენტის სტაციონარულ მკურნალობას.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 022806092 sec.