| უნიფიცირებული დასახელება: | ჰექსეტიდინიHexetidine | ||
| ა.თ.ქ. კლასიფიკაცია: | |||
G01A | G შარდსასქესო სისტემა და სასქესო ჰორმონები | ||
| 01 ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის | |||
| A ანტისეპტიკური საშუალებები და მიკრობების საწინააღმდეგო პრეპარატები გინეკოლოგიური დაავადებების მკურნალობისათვის (კორტიკოსტეროიდებთან კომბინაციის გარდა) | |||
A01AB12 | A საჭმლის მომნელებელი ტრაქტი და ნივთიერებათა ცვლა | ||
| 01 სტომატოლოგიური პრეპარატები | |||
| A სტომატოლოგიური პრეპარატები | |||
| B მიკრობების საწინააღმდეგო პრეპარატები ადგილობრივი გამოყენებისათვის პირის ღრუს დაავადებების დროს | |||
| ანოტაცია: | |||
| ჭარბი დოზირება: | ადგილობრივი ვაგინალური გამოყენებისას ჭარბი დოზირება ნაკლებად სავარაუდოა. მშრალ ვაგინაში რამდენიმე აბის მოხვედრისას ისინი კარგად არ იხსნებიან, ხოლო ვაგინაში დიდი რაოდენობით სითხის არსებობისას ჭარბი აქტიური ინგრედიენტები გამოირეცხება გარეთ. | ||
| ფარმაკოლოგიური თვისება: | პრეპარატი წარმოადგენს ანტიმიკრობულ საშუალებას. იგი მიეკუთვნება სარეზერვო ანტიბაქტერიულ პრეპარატთა ჯგუფს. მის მიმართ რეზისტენტულია: Proteus mirabilis, Klebsiella pneumoniae, Enterobacter cloacae, Pseudomonas aeruginosa. დღეისათვის არ არის ცნობილი მის მიმართ ჯვარედინი რეზისტენტობის განვითარების შემთხვევები. | ||
| ურთიერთქმედება სხვა მედიკამენტებთან: | ვაგინალურ სანთლებს ახასიათებს შეუთავსებლობა გარკვეული სახის ლატექსთან (ვაგინალური დიაფრაგმა, კონდომები) და შეუძლია გამოიწვიოს მათი სტაბილურობის შემცირება. | ||
| ფარმაკოკინეტიკა: | არ მოიპოვება მონაცემები ვაგინალური ანთებითი ლორწოვანი გარსიდან პრეპარატის აბსორბციის ხარისხის შესახებ, ისევე როგორც მისი ორგანიზმში განაწილების, მეტაბოლიზმის ან ელიმინაციის შესახებ. | ||
| ჩვენება: | პრეპარატი გამოიყენება ტრადიციული თერაპიის არაეფექტურობის შემთხვევაში, როდესაც დაავადება გამოწვეულია მის მიმართ მგრძნობიარე მიკროორგანიზმებით. მაგალითად, ვაგინიტები გამოწვეული: შერეული, არასპეციფიკური ინფექციებით, სოკოვანი ინფექციით (Candida albicans), ტრიქომონადული ინფექციებით; ანტიბიოტიკებით და სტეროიდებით მკურნალობის შემდეგ. | ||
| დოზირება და მიღების წესი: | ინიშნება 1 აბი 2-ჯერ დღეში დილას და საღამოს. აბი შეჰყავთ მწოლიარე მდგომარეობაში ღრმად ვაგინალურ არხში. მკურნალობა გრძელდება სრული 6 დღე, გვერდითი მოვლენის (ქავილი) განვითარების მიუხედავად. ხანმოკლე თერაპიამ შეიძლება გამოიწვიოს დაავადების რეციდივი. | ||
| გვერდითი მოვლენები: | იშვიათად - ალერგიული კონტაქტური დერმატიტი. | ||
| უკუჩვენება: | - მომატებული მგრძნობელობა პრეპარატში შემავალი რომელიმე კომპონენტის მიმართ; - ორსულობის პირველი ტრიმესტრი. | ||
| ორსულობა და ლაქტაცია: | არ მოიპოვება მონაცემები პრეპარატის ზემოქმედების შესახებ ნაყოფზე ორსულობის დროს, რის გამოც მისი გამოყენება შესაძლებელია მხოლოდ აუცილებელი ჩვენების არსებობისას I ტრიმესტრის შემდეგ. ლაქტაციის პერიოდში იგი გამოიყენება იმ შემთხვევაში, თუ მოსალოდნელი დადებითი შედეგი დედისათვის აღემატება პოტენციურ რისკს ახალშობილისათვის. | ||
| განსაკუთრებული მითითებები: | ზოგიერთ შემთხვევაში შეიძლება ადგილი ჰქონდეს ლოკალურ რეაქციებს კანის მხრივ, განსაკუთრებით სენსიბილიზირებულ პირებ-ში, მიდრეკილებით ალერგიული რეაქციებისადმი. მათი მანიფესტაციის შემთხვევაში საჭიროა შეწყდეს პრეპარატით მკურნალობა. მკურნალობისას ყურადღება ექცევა ექსტრავაგინალურ არეს და პარტნიორს. სწრაფი სამკურნალო ეფექტის მისაღებად საჭიროა კოიტუსისაგან თავის შეკავება. აღსანიშნავია, რომ ვაგინალურმა სუპოზიტორიებმა შესაძლოა შეამცირონ ლატექსის განსაზღვრული ნაწარმის დამცავი ეფექტი (ე. წ. ვაგინალური დიაფრაგმების ან კონდომების). მკურნალობის პროცესში აუცილებელია სპეციფიკური ჰიგიენური ღონისძიებების ჩატარება წარმატებული მკურნალობის მიზნით (პირადი ჰიგიენა, საცვლების ყოველდღიური ცვლა და ა. შ.). მკურნალობა არ წყდება მენსტრუაციის დროს და პრეპარატით მკურნალობის 6 დღის მანძილზე. თუ მკურნალობა წყდება, შესაძლებელია რეციდივის განვითარება. რეკომენდებულია, რომ პარტნიორიც დაექვემდებაროს მკურნალობას შესაბამისი საშუალებებით. პრეპარატმა შესაძლებელია გამოიწვიოს საცვლების დასვრა, რის გამოც სა-ჭიროა ჰიგიენური საფენების (არა ტამპონების) გამოყენება. |
Page generation time: 0. 021787500 sec.
