| უნიფიცირებული დასახელება: | ეპინეფრინიEpinephrine | ||
| ა.თ.ქ. კლასიფიკაცია: | |||
R03AA01 | R სასუნთქი სისტემა | ||
| 03 პრეპარატები ბრონქული ასთმის მკურნალობისათვის | |||
| A სიმპატომიმეტური საშუალებები ინჰალაციური გამოყენებისათვის | |||
| A ალფა- და ბეტა- ადრენომიმეტური საშუალებები | |||
C01CA24 | C გულ-სისხლძარღვთა სისტემა | ||
| 01 პრეპერატები გულის დაავადებების მკურნალობისათვის | |||
| C კარდიოტონური პრეპარატები (გარდა საგულე გლიკოზიდებისა) | |||
| A ადრენო- და დოპამინომიმეტური საშუალებები | |||
B02BC09 | B სისხლწარმოქმნა და სისხლი | ||
| 02 ჰემოსტატური პრეპარატები | |||
| B ვიტამინი K და სხვა ჰემოსტატური საშუალებები | |||
| C ჰემოსტატური პრეპარატები ადგილობრივი გამოყენებისათვის | |||
A01AD01 | A საჭმლის მომნელებელი ტრაქტი და ნივთიერებათა ცვლა | ||
| 01 სტომატოლოგიური პრეპარატები | |||
| A სტომატოლოგიური პრეპარატები | |||
| D სხვა პრეპარატები ადგილობრივი გამოყენებისათვის პირის ღრუს დაავადებების დროს | |||
| ანოტაცია: | |||
| დოზირება და მიღების წესი: | მიღების წესი და დოზირება დგინდება ინდივიდუალურად. იგი გამოიყენება კანქვეშ, ხანდახან - კუნთებში, ვენაში (ნელა) და ინტრაკარდიულად. კლინიკური სიტუაციის მიხედვით ერთჯერადი დოზა მოზრდილებ-ში შეადგენს 0.2 მგ-დან 1 მგ-მდე, ხოლო მაქსიმალური სადღეღამისო 5 მგ. ბავშვებ-ში ერთჯერადი და მაქსიმალური დღეღამური დოზა შეადგენს: 6 თვემდე ასაკის ბავშვებში - 0.1 მგ (0.3 მლ); 6 თვიდან 1 წლამდე - 0.15 მგ (0.5 მგ); 1-დან 3 წლამდე ასაკის ბავშვებში - 0.2 მგ (0.6 მგ); 3-დან 4 წლამდე ასაკის ბავშვებში - 0.25 მგ (0.75 მგ); 5-დან 6 წლამდე ასაკის ბავშვებში - 0.4 მგ (1.2 მგ); 7-დან 9 წლამდე ასაკის ბავშვებში - 0.5 მგ (1.5 მგ); 10-დან 14 წლამდე ასაკის ბავშვებში - 0.75 მგ (2 მგ). გულის უეცარი გაჩერების შემთხვევაში 0.1%-იანი ადრენალინის ხსნარი 0.05 მლ-ის ოდენობით შეყავთ გულში სიცოცხლის 1 წელზე, ასეთივე რაოდენობით 0.1%-იანი ატროპინის სულფატის ხსნარი, რომელსაც უმატებენ 10%იანა კალციუმის ქლორიდის ხსნარს 0.3-0.5 მლ სიცოცხლის 1 წელზე. საინექციო ხსნარი შესაძლებელია გამოყენებულ იქნას თვალის წვეთების სახით. სისხლდენის შესაჩერებლად პრეპარატი ადგილობრივად გამოიყენება- ტამპონის სახით, რომელიც გაჟღენთილია პრეპარატით. | ||
| გვერდითი მოვლენები: | ეპინეფრინის კუნთებში ან კანქვეშ მოხვედრისას არსებობს ნეკროზის განვითარების საშიშროება. შესაძლებელია არტერიული წნევის მომატება, თავბრუსხვევა, მოუსვენრობა, სისუსტე, ტრემორი, თავის ტკივილი, სახის სიფერმკრთალე, ტაქიკარდია, ტკივილი გულის არეში, არითმიები, პარკუჭების ფიბრილაცია, დისპეფსიური მოვლენები. ეპინეფრინით გამოწვეული არითმიების დროს რეკომენდებულია ბეტა-ადრენობლოკატორები. | ||
| უკუჩვენება: | არტერიული ჰიპერტენზია, გამოხატული ათეროსკლეროზი, თირეოტოქსიკოზი, ანევრიზმა, შაქრიანი დიაბეტი, დახურულკუთხოვანი გლაუკომა; ნარკოზი, გამოწვეული ფტოროტანით, ციკლოპროპანით, ქლოროფორმით (არითმიის განვითარების რისკის გამო), ორსულობა. | ||
| განსაკუთრებული მითითებები: | არ შეიძლება ეპინეფრინის შეყვანა კარდიოგენული, ჰემორაგიული შოკის მძიმე ფორმის დროს (პერიფერიული სისხლძარღვებზე მისი სპაზმოგენური მოქმედების, პარკუჭოვანი არითმიის განვითარების საშიშროების მიოკარდის ჟანგბადის მიმართ მოთხოვნილების გაზრდის გამო). პრეპარატის გამოყენება შესაძლებელია ინტრაკარდიულად გულის გაჩერების შემთხვევაში. | ||
| ურთიერთქმედება სხვა მედიკამენტებთან: | პრეპარატისა და საგულე გლიკოზიდების, ქინიდინის, ტრიციკლური ანტიდეპრესანტების ერთდროული გამოყენებისას მოსალოდნელია არითმიის განვითარება. | ||
| ფარმაკოლოგიური თვისება: | ეპინეფრინის ჰიდროქლორიდი (ადრენალინი) მიეკუთვნება ადრენომიმეტურ საშუალებას, რომელიც ხასიათდება მასტიმულირებელი ზემოქმედებით სხვადასხვა ლოკალიზაციის ალფა1,2 და ბეტა1,2-ადრენორეცეპტორების მიმართ. პრეპარატს გააჩნია გამოხატული სისხლძარღვების შემავიწროვებელი და პრესორული ეფექტები, ასევე ბრონქოლიზური და ჰიპერგლიკემიური მოქმედება. მისი კარდიოტონული ეფექტი, გამოწვეული ბეტა1-ადრენორეცეპტორების სტიმულაციით “ინიღბება” პრესორული ეფექტის შედეგად განვითარებული რეფლექსური ბრადიკარდიით, ცთომილი ნერვის ტონუსის რეფლექსური მომატების შედეგად. იგი ზრდის: გულის სისტოლურ და წუთმოცულობას, ატრიოვენტრიკულურ გამტარებლობას, სინუსური კვანძის ავტომატიზმს, კორონარულ სისხლძარღვებში პერფუზიულ წნევას, ცენტრალურ ვენურ წნევას და პერიფერიული სისხლძარღვების წინააღმდეგობას. ამასთან ერთად თირკმელებისა და მეზენტერიულ სისხლძარღვებში ამცირებს სისხლმიმოქცევას, ზრდის მიოკარდის ჟანგბადის მიმართ მოთხოვნილება, ავიწროვებს მუცლის ღრუს ორგანოების, კანის, ლორწოვანი გარსის სისხლძარღვებს, აფართოვებს ჩონჩხის კუნთების სისხლძარღვებს, მაღალ დოზებში იწვევს სისხლძარღვთა საერთო პერიფერიული წინააღმდეგობის მომატებას. პრეპარატი ამცირებს კუჭ-ნაწლავის ტრაქტის ტონუსს და პერისტალტიკას, იწვევს მიდრიაზს, აქვეითებს თვალშიდა წნევას. ამასთან ერთად ზრდის სისხლში თავისუფალი ცხიმოვანი მჟავების შემცველობას. | ||
| ფარმაკოკინეტიკა: | ეპინეფრინის მოქმედების ეფექტი მისი ვენაში შეყვანისას აღინიშნება 1 წთ-ის შემდეგ და გრძელდება 5 წთ-ის განმავლობაში. მოქმედების ხანგრძლივობა მისი კანქვეშ შეყვანის შემდეგ გრძელდება დაახლოებით 30 წთ-ის განმავლობაში. ეპინეფრინი ორგანიზმში სწრაფად განიცდის ფერმენტულ დეგრადაციას მონოამინოქსიდაზას და კატექოლ-0-მეთილტრანსფერაზას მეშვეობით. ცილებთან მისი შეკავშირების ხარისხი შეადგენს 50%-ს. მეტაბოლიტები და ეპინეფრინის უმნიშვნელო რაოდენობა გამოიყოფა თირკმელებით. | ||
| ჩვენება: | ანაფილაქსიური შოკი და ზოგიერთი დაუყოვნებელი ტიპის სხვა ალერგიული რეაქციები (მაგალითად, ხორხის შეშუპება), მათ შორის, გამოწვეული სამკურნალო საშუალებებით, შრატებით ან სხვა ალერგენებით. პრეპარატი გამოიყენება ბრონქული ასთმის შეტევის კუპირებისათვის, ინსულინის ჭარბი დოზირებისას, სისხლდენის შეჩერებისათვის, ადგილობრივი საანესთეზიო სამკურნალო საშუალებების მოქმედების პროლონგირებისათვის, აგრეთვე ღიაკუთხოვანი გლაუკომის დროს (ადგილობრივად) თვალშიდა წნევის შესამცირებლად. |
Page generation time: 0. 023147410 sec.
