| უნიფიცირებული დასახელება: | ალუმინის ფოსფატიAluminium Phosphate | ||
| ა.თ.ქ. კლასიფიკაცია: | |||
A02AB03 | A საჭმლის მომნელებელი ტრაქტი და ნივთიერებათა ცვლა | ||
| 02 ანტაციდები, კუჭისა და 12-გოჯა ნაწლავის წყლულის საწინააღმდეგო პრეპარატები და ნაწლავებში მეტეორიზმის შესამცირებელი პრეპარატები | |||
| A ანტაციდები | |||
| B ალუმინის ნაერთები | |||
| ანოტაცია: | |||
| ფარმაკოლოგიური თვისება: | პრეპარატს გააჩნია ანტაციდური, შემომგარსველი, მააბსორბირებელი თვისება. იგი იცავს კუჭის ლორწოვანს დამაზიანებელი ზემოქმედებისაგან. პრეპარატის ანტაციდური მოქმედება ვლინდება სწრაფად და შენარჩუნებულია ხანგრძლივი დროით, რაც უზრუნველყოფს კუჭის სეკრეციის ფიზიოლოგიურ დონეს. პრეპარატის ზემოთაღნიშნული თვისებები იწვევენ ტკივილის შეგრძნების დაქვეითებას. | ||
| ჩვენება: | გასტრიტის, კუჭისა და 12-გოჯა ნაწლავის წყლულოვანი დაავადება, დიაფრაგმის თიაქარი, გასტრო-ეზოფაგული რეფლუქსი, ეზოფაგიტი, გულძმარვა და დისპეფსია, მსხვილი ნაწლავის ფუნქციური დაზიანება. პედიატრიაში პრეპარატი გამოიყენება ეზოფაგიტის, გასტრიტის, კუჭის წყლულის, კუჭისა და საყლაპავის რეფლუქსის სამკურნალოდ. | ||
| დოზირება და მიღების წესი: | მოზრდილებში ალუმინის ფოსფატი გამოიყენება 2-3-ჯერ დღეში 1 ან 2 პაკეტის ოდენობით. პრეპარატის მიღება შესაძლებელია მისი ნახევარ ჭიქა წყალში გახსნის შემდეგ, ან სუფთა სახით. მიღების წესი დგინდება დაავადების ხასიათის მიხედვით. დიაფრაგმის თიაქარის, კუჭისა და საყლაპავის რეფლუქსის დროს პრეპარატი ინიშნება უშუალოდ ჭამის შემდეგ და ღამით. წყლულოვანი დაავადების დროს ალუმინის ფოსფატი მიიღება ჭამიდან 1-2 სთ-ის შემდეგ, ასევე ტკივილის წარმოშობისთანავე. მსხვილი ნაწლავის ფუნქციური დარღვევისას პრეპარატი გამოიყენება დილით უზმოზე და ღამით. თუკი პრეპარატის მიღებებს შორის ინტერვალში აღინიშნება ტკივილი პრეპარატის მიღება უნდა გავიმეოროთ. 6 თვემდე ბავშვებში პრეპარატი ინიშნება 1/4 პაკეტის ოდენობით ან 1 ჩაის კოვზი 4 გ ყოველი 6 ჭამის შემდეგ. 6 თვის ასაკი ზევით ბავშვებში პრეპარატი ინიშნება 1/2 პაკეტი ან 2 ჩაის კოვზი ყოველი 4 ჭამის შემდეგ. პაკეტის შიგთავსი თითების მოძრაობით ავურიოთ ერთგვაროვანი გელის მიღებამდე. დავიჭიროთ იგი ვერტიკალურად, მოვაჭრათ ან მოვაცილოთ დანიშნულ ადგილას კუთხე და შიგთავსი გადმოვიტანოთ. გელი მიიღება როგორც სუფთა, ასევე განზავებული სახით ნახევარ ჭიქა წყალში. | ||
| გვერდითი მოვლენები: | ალუმინის ფოსფატის მიღების შედეგად ძალიან იშვიათად შესაძლებელია ყაბზობის განვითარება, რომლის დროსაც რეკომენდებულია წყლის მისაღები რაოდენობის გაზრდა. | ||
| უკუჩვენება: | მომატებული მგრძნობელობა პრეპარატის მიმართ. | ||
| განსაკუთრებული მითითებები: | პრეპარატის ხანგრძლივად გამოყენება ექიმის რეკომენდაციის გარეშე დაუშვებელია. F ალუმინის ფოსფატის დანიშვნა ქრონიკული და მძიმე ფორმის თირკმელების უკმარისობისას დაუშვებელია, ვინაიდან პრეპარატი შეიცავს სორბიტოლს, ამიტომ შაქრიანი დიაბეტით შეპყრობილ პაციენტებში მისი გამოყენება შესაძლებელია. თუკი პაციენტი ალუმინის ფოსფატთან ერ-თად იყენებს სხვა სამკურნალო საშულებებს, მან ამის შესახებ უნდა აცნობოს მკურნალ ექიმს, ვინაიდან ალუმინის ფოსფატი აქვეითებს ზოგიერთი პრეპარატის მოქმედების ეფექტს. |
Page generation time: 0. 020689338 sec.
