This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
უნიფიცირებული
დასახელება:
	
ჰიდროქსიქლოროქინი
Hydroxychloroquine
ა.თ.ქ. კლასიფიკაცია:
	
 
P01BA02	
P პარაზიტების საწინააღმდეგო პრეპარატები, ინსექტიციდები და რეპელენტები
	
01 პროტოზოას საწინააღმდეგო პრეპარატები
	
B პრეპარატები მალარიის მკურნალობისათვის
	
A ამინოქინოლინები
ანოტაცია:
	
	
ფარმაკოლოგიური თვისება:
	
ჰიდროქსიქლოროქინი წარმოადგენს 4-ამინოქინოლინის სტრუქტურის მქონე ანტიმალარიულ პრეპარატს. იგი იწვევს ყველა სახის პლაზმოდიების ერითროციტული ფორმების სიკვდილს. ჰიდროქსიქლოროქინი კლასიფიცირდება, როგორც შენელებული მოქმედების ანტირევმატიული პრეპარატი. მას ახასიათებს რამოდენიმე სხვადასხვა ფარმაკოლოგიური მოქმედება, რომელიც განაპირობებს მის სამკურნალო ეფექტს. ჰიდროქსიქლოროქინის ეფექტურობას განაპირობებს მისი თვისება შეცვალოს სხვადასხვა ფერმენტების აქტივობა. აღნიშნულ თვისებებს მიეკუთვნება: სულფჰიდრილურ ჯგუფებთან ურთიერთქმედება, ფერმენტების აქტივობის ცვლილებები (მათ შორის ფოსფოლიპაზის, HAD-H, ციტოქრომ C-რედუქტაზის, ქოლინესთერაზის, ჰიდროლაზების, პროტეაზების), დნმ-თან შეკავშირება, ლიზოსომების მემბრანების სტაბილიზაცია, პროსტაგლანდინების წარმოქმნის ინჰიბირება, პოლიმორფობირთვული უჯრედების ქემოტაქსისზე და ფაგოციტოზზე ზემოქმედება, შესაძლებელი ინტერფერენცია მონოციტებით ინტრელეიკინ I სინთეზის და ნეიტროფილ-სუპეროქსიდის გამონთავისუფლების დათრგუნვა.
ფარმაკოკინეტიკა:
	
პრეპარატი პერორალურად მიღების შემდეგ სწრაფად აბსორბირდება. მისი ბიოშეღეწვადობა საშუალო შეადგენს დაახლოებით 74%-ს. იგი კარგად ნაწილდება ორგანიზმში, გროვდება სისხლში და ისეთ ქსოვილებში, როგორიცაა: ღვიძლი, ფილტვები, თირკმელები და პლაზმა. ღვიძლში ჰიდროქსიქლოროქინი გარდაიქმნება აქტიურ ეთილირებულ მეტაბოლიტად და გამოიყოფა ძირითადად თირკმელების საშუალებით შეუცვლელი სახით მისი-23-25% და ნაღველთან ერთად. პრეპარატი ორგანიზმიდან ნელა გამოიყოფა, ელიმინაციის ნახევარგამოყოფის პერიოდი შეადგენს დაახლოებით 50 დღეს (მთლიანად სისხლში) და 32 დღეს (პლაზმა). ჰიდროქსიქლოროქინი გაივლის პლაცენტურ ბარიერს და შესაძლებელია მისი აღმოჩენა დედის რძეში. ჩვენებები რევმატიული და დერმატოლოგიური ჩივილები: - სისტემური წითელი მგლურა; -დისკოიდური წითელი მგლურა; -ახალგაზრდების ქრონიკული ართრიტი; - მზის სხივების ზემოქმედებით გამოწვეული ან გამწვავებული კანის დაავადებები; მალარია: - მწვავე შეტევების მკურნალობა და მალარიის პროცესის დათრგუნვა, რომელიც გამოწვეულია - Plasmodium vivax, P. ovale და P. malariae -ით, აგრეთვე. Falciparum-ის მგრძნობიარე შტამებით. P. falciparum-ის მგრძნობიარე შტამებით გამოწვეული მალარიის რადიკალური მკურნალობა.
დოზირება და მიღების წესი:
	
პრეპარატს იღებენ მხოლოდ პერორალურად ჭამის დროს ან რძესთან ერთად. რევმატიული დაავადებები: იგი ორგანიზმში განიცდის კუმულაციას, რის გამოც სასურველი სამკურნალო ეფექტის მისაღებად აუცილებელია რამოდენიმე თვიანი მკურნალობის კურსის ჩატარება. იმ შემთხვევაში, თუ 6 თვის განმავლობაში ავადმყოფის ობიექტური მდგომარეობა არ გაუმჯობესდა, საჭიროა შეწყდეს პრეპარატით მკურნალობა. რევმატიული ართრიტი: მოზრდილებში საწყისი დოზა შეადგენს 400-600მგ-ს დღეში, ხოლო შემანარჩუნებელი დოზა-200-400მგ დღეღამეში. ახალგაზრდების ქრონიკული ართრიტი: ამ დროს დოზა არ უნდა აღემატებოდეს 6,5მგ/კგ წონაზე ან 400მგ-ს დღეღამეში. ხდება უმცირესი დოზის შერჩევა. სისტემური და დისკოიდური წითელი მგლურა: მოზრდილებში საწყისი დოზა შეადგენს 400-800მგ-ს დღეღამეში. შემანარჩუნებელი დოზა-200-400მგ დღეღამეში. ფოტოსენსიბილიზაცია: მკურნალობის პროცესში საჭიროა სინათლის მაქსიმალური ექსპოზიციის პერიოდებისაგან თავის დაცვა. მოზრდილებში საკმარისია 400მგ დღეღამეში. მალარია: - მალარიის მკურნალობა: მოზრდილებში ინიშნება 400მგ კვირის ერთსა და იმავე დღეს. ახალშობილებში ყოველკვირეული სამკურნალო დოზა შეადგენს 6.5მგ/კგ წონაზე, მაგრამ წონისაგან დამოუკიდებლად იგი არ უნდა აღემატებოდეს მოზრდილთა დოზას. ხელსაყრელი პირობების არსებობის შემ-თხვევაში, შესაძლებელია “ჩამხშობი” მკურნალობის დაწყება 2 კვირით ადრე, თუმცა სხვა შემთხვევებში მოზრდილებს შესაძლებელია დაენიშნოს პრეპარატის გაორმაგებული დოზით მკურნალობა 800მგ, და ბავშვებს-12.9მგ/კგ წონაზე (მაგრამ იგი არ უნდა აღემატებოდეს 800მგ-ს), დღეში 2-ჯერ მისაღებად 6 თვიანი ინტერვალით. აღნიშნული მკურნალობა ტარდება 8კვირის განმავლობაში ენდემიური კერის დატოვების შემდეგ. მალარიის მწვავე შეტევების მკურნალობა: მოზრდილებში I დღეს ინიშნება 800მგ, შემდეგ 400მგ ყოველ 6 ან 8 სთ-ში, შემდგომში 400მგ მომდევნო 2 დღის განმავლობაში (სულ 2გ ჰიდროქსიქლოროქინი). ალტერნატიული მკურნალობის მეთოდად ითვლება ეფექტური ერთჯერადი დოზა 800მგ. ახალშობილებში საერთო დოზა შეადგენს 32მგ/კგ-ს წონაზე (იგი არ უნდა აღემატებოდეს 2გ-ს) ინიშნება 3 დღის განმავლობაში შემდგომი თანმიმდევრობით: პირველი დოზა-12.9მგ/კგ წონაზე (იგი არ უნდა აღემატებოდეს ერთჯერად 800მგ-იან დოზას). მეორე დოზა-6.5მგ/კგ წონაზე (არა უმეტეს 400მგ-ს) 6სთ-ის შემდეგ პირველი დოზის მიღებიდან. მესამე დოზა-6.5მგ/კგ წონაზე (არა უმეტეს 400მგ-ს) 18სთ-ის შემდეგ მეორე დოზის მიღებიდან მეოთხე დოზა-6.5მგ/კგ წონაზე (არა უმეტეს 400მგ-ს) 24სთ-ის შემდეგ მესამე დოზის მიღებიდან.
გვერდითი მოვლენები:
	
ოფთალმოლოგიური ეფექტები: იშვიათად: რეტინოპათია - პიგმენტაციის მხრივ ცვლილებებით და მხედველობის დაქვეითებით. დასაწყისში, მკურნალობის შეწყვეტის შემდეგ, ეს სიმპტომები შექცევადია. თუ პათოლოგიურ პროცესს მიეცა განვითარების საშუალება, მკურნალობის შეწყვეტის მიუხედავად, შესაძლებელია დაავადების პროგრესირება. აღწერილია რქოვანას შეშუპება და შემღვრევა, რაც თავის მხრივ იწვევს ორეოლებს, ფოტოფობიას, მხედველობის დაბინდვას. ეს სიმპტომები შექცევადია. შესაძლებელია აგრეთვე აკომოდაციის დარღვევის შედეგად გამოწვეული მხედველობის შექცევადი დაბინდვა, რომელიც დამოკიდებულია პრეპარატის დოზაზე. დერმატოლოგიური ეფექტები: იშვიათად ადგილი აქვს კანზე გამონაყარს; აღწერილია აგრეთვე კანზე და ლორწოვან გარსზე პიგმენტაციები. აღნიშნული ცვლილებები მკურნალობის შეწყევტის შემდეგ მალევე ქრება. აღწერილია ბულოზური გამონაყარი, ფოტოსენსიბილიზაცია და ექსფოლიატური დერმატიტის ერთეული შემთხვევები. იშვიათად - მწვავე გენერალიზებული ეკზანთემური პუსტულოზი, რომელიც საჭიროა განვასხვავოთ ფსორიაზისაგან, თუმცა ჰიდროქსიქლოროქინი იწვევს უფრო ფსორიაზისათვის დამახასიათებელ შეტევებს, რომელიც დაკავშირებულია ტემპერატურის მომატებასთან და ჰიპერლეიკოციტოზთან. აღნიშნული ცვლილებები მკურნალობის შეწყვეტის შემდეგ მალევე ქრება. კუჭ-ნაწლავის ტრაქტის მხრივ: გულისრევა, დიარეა, ანორექსია, ტკივილი მუცლის არეში, და იშვიათად, ღებინება. ც.ნ.ს-ის მხრივ: თავბრუსხვევა, ყურებში შუილი, სმენის დაკარგვა, თავის ტკივილი, ნევროზი, აგზნებადობა, ფსიქოზი, კრუნჩხვები. ნერვ-კუნთოვანი მოქმედება: აღინიშნება ჩონჩხის კუნთების მიოპათია ან ნეირომიოპათია, რომლებიც იწვევენ პროქსიმალური კუნთების სისუსტის გაძლიერებას და ატროფიებს. მკურნალობის შეწყვეტის შემდეგ მიოპათია შექცევადია, მაგრამ კუნთოვანი ტონუსის მთლიანად აღდგენა მოითხოვს მკურნალობის გაგრძელებას კიდევ რამოდენიმე თვით. აღინიშნება აგრეთვე სუსტი სენსორული ცვლილებები, მყესოვანი რეფლექსების დათრგუნვა და ნერვული გამტარებლობის ანომალიები. გულ-სისხლძარღვთა სისტემის მხრივ: იშვიათად კარდიომიოპათიები. გულის გამტარებლობის დარღვევის დროს (AV-ბლოკადა) საჭიროა მკურნალობა შეწყდეს. ჰემატოლოგიური ეფექტები: იშვიათად ძვლის ტვინის დათრგუნვა. ჰიდროქსიქლოროქინი აძლიერებს პორფირიას. ღვიძლის მხრივ: აღწერილია ღვიძლის უკმარისობის ერთეული შემთხვევები.უკუჩვენებები - მომატებული მგრძნობელობა 4-ამინოქინოლინის ჯგუფის პრეპარატების მიმართ. - ანამნეზში მაკულოპათია.
ორსულობა და ლაქტაცია:
	
ორსულობის პერიოდში ჰიდროქსიქლოროქინის გამოყენება ნებადართული არ არის, თუმცა გამონაკლის წარმოადგენს ის შემთხვევები, როდესაც დედისათვის სასარგებლო შედეგი მკვეთრად აღემატება ნაყოფზე ზემოქმედების პოტენციურ რისკს. გათვალისწინებული უნდა იქნეს ის ფაქტი, რომ 4-ამინოქინოლინები სამკურნალო დოზებში იწვევენ ც.ნ.ს-ის დაზიანებას, მათ შორის ოტოტოქსიურ ეფექტებს (სმენის და ვესტიბულური აპარატის დაზიანებებს, თანდაყოლილ სიყრუეს), რეტინულ სისხლდენებს და ანომალურ პიგმენტაციას. ჰიდროქსიქლოროქინი მცირე რაოდენობით გამოიყოფა დედის რძესთან ერთად. ცნობილია, რომ ახალშობილები განსაკუთრებული მგრძნობიარენი არიან 4-ამინოქინოლინების ტოქსიური ეფექტების მიმართ, რის გამოც ლაქტაციის პერიოდში საჭიროა ძუძუთი კვება შეწყდეს.
განსაკუთრებული მითითებები:
	
სიფრთხილე: ჰიდროქსიქლოროქინით ხანგრძლივი მკურნალობის ჩატარების წინ საჭიროა სისტემატური ოფთალმოლოგიური კონტროლი. კერ-ძოდ: მხედველობის სიმახვილის, ფერადი მხედველობის, ოპტიკური ველის შესწავლა, აგრეთვე ფუნდოსკოპია. მკურნალობის პროცესში მხედველობის დარღვევის შემთხვევაში საჭიროა შეწყდეს პრეპარატით მკურნალობა და ანომალიის შესაძლებელი პროგრესის თავიდან აცილების მიზნით ავადმყოფებს ჩაუტარდეს სისტემატური კონტროლი. ბადურაზე ცვლილებებს (და მხედველობის დაბინდვას) შესაძლებელია ადგილი ჰქონდეს მკურნალობის შეწყვეტის შემდგომაც. ჰიდროქსიქლოროქინი სიფრთხილით ენიშნებათ კუჭ-ნაწლავის ტრაქტის დაავადებით, ნევროზით და ჰემატოლოგიური დარღვევებით შეპყრობილ ავადმყოფებს, აგრეთვე ქინინის მიმართ მგრძნობიარე და ფერმენტ გლუკოზო-6-ფოსფატდეჰიდროგენაზას დეფიციტის მქონე, პორფირიით და ფსორიაზით დაავადებულ ავადმყოფებს. პრეპარატით ხანგრძლივი მკურნალობის დროს საჭიროა სისხლის სურათის პეროდული კონტროლი და რაიმე პათოლოგიის გამოვლენის შემთხვევაში საჭიროა მკურნალობა შეწყდეს. ბავშვები განსაკუთრებით მგრძნობიარენი არიან 4-ამინოქინოლინების მიმართ, რის გამოც საჭიროა პრეპარატის შენახვა ბავშვებისაგან დაცულ ადგილას. პრეპარატით მკურნალობის პროცესში საჭიროა ჩონჩხის კუნთების და მყესოვანი რეფლექსის პერიოდული კონტროლი. მათი სისუსტის გამოვლენის შემთხვევაში საჭიროა მკურნალობის შეწყვეტა. მალარია: ჰიდროქსიქლოროქინი არაეფექტურია ქლოროქინ-რეზისტენტული შტამების P. falciparum, აგრეთვე ეგზო-ერითროციტული ფორმების P. vivax, P. ovale, P. malariae-ის მიმართ და ამიტომ პროფილაქტიკური მიზნით დანიშვნის დროს მას არ შეუძლიათ ამ მიკროორგანიზმებით გამოწვეული ინფიცირების და დაავადებების რეციდივის თავიდან აცილება. ჰიდროქსიქლოროქინი იწვევს აკომოდაციის დარღვევას და მხედველობის დაბინდვას, რის გამოც პრეპარატი სიფრთხილით ენიშნებათ ავტოტრანსპორტის მძღოლებს და იმ პირებს, რომელთა მუშაობა ტექნიკასთან მოითხოვს ყურადღების მაქსიმალურ კონცენტრაციას.
ჭარბი დოზირება:
	
განსაკუთრებით საშიშია ბავშვებში. პრეპარატის 1-2გ-საც კი შეუძლია გამოიწვიოს ფატალური გამოსავალი. სიმპტომები: თავის ტკივილი, მხედველობის დარღვევა, გულ-სისხლძარღვთა კოლაფსი და კრუნჩხვები, გულის რითმის და გამტარებლობის დარღვევა, სუნთქვის და გულის მუშაობის გაჩერებით. მკურნალობა: კუჭის ამორეცხვა, გააქტივებული ნახშირის მიღება, პრეპარატის მიღებულ დოზასთან შედარებით 5-ჯერ მეტი რაოდენობით, რომელიც ამცირებს მის შემდგომ აბსორბციას. იგი შეჰყავთ კუჭის ამოსარეცხი მილის საშუალებით და 30წთ-ის განმავლობაში პრეპარატის მიღების შემდეგ. საჭიროა დიაზეპამის პარენტერალური შეყვანა. აუცილებლობის შემთხვევაში სუნთქვის კონტროლი და შოკის საწინააღმდეგო მკურნალობის ჩატარება.
ურთიერთქმედება სხვა მედიკამენტებთან:
	
ჰიდროქსიქლოროქინის და დიგოქსინის ერთდროული დანიშვნით იზრდება დიგოქსინის კონცენტრაცია სისხლის პლაზმაში. რის გამოც საჭიროა შრატში დიგოქსინის სისტემატური კონტროლი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 021980805 sec.