| უნიფიცირებული დასახელება: | დაუნორუბიცინიDaunorubicin | ||
| ა.თ.ქ. კლასიფიკაცია: | |||
L01DB02 | L სიმსივნის საწინააღმდეგო პრეპარატები და იმუნომოდულატორები | ||
| 01 სიმსივნის საწინააღმდეგო პრეპარატები | |||
| D სიმსივნის საწინააღმდეგო ანტიბიოტიკები | |||
| B ანტრაციკლინები | |||
| ანოტაცია: | |||
| ფარმაკოლოგიური თვისება: | იგი წარმოადგენს სიმსივნის საწინააღმდეგო საშუალებას, მიეკუთვნება ანტრაციკლინის ჯგუფის ანტიბიოტიკებს. პრეპარატის ციტოტოქსიკური მოქმედება განპირობებულია მისი თვისებით გამოიწვიოს დნმის, რნმ-ის და ცილების სინთეზის ინჰიბირება. | ||
| ფარმაკოკინეტიკა: | პრეპარატი არ გაივლის ჰემატოენცეფალურ ბარიერს. მეტაბოლიზდება ღვიძლში აქტიური მეტაბოლიტის რუბიდანაზოლის წარმოქმნით. ინტრავენურად შეყვანისას ნაწილდება ორგანიზმში, განსაკუთრებით თირკმლებში, ღვიძლში და გულში. | ||
| ჩვენება: | პრეპარატი ნაჩვენებია: - მწვავე ლეიკოზის; - მწვავე ლიმფოციტური ლეიკემიის დროს; - მწვავე მიელოგენური ლეიკემიის დროს; ლიმფოგრანულემატოზის, საშვილოსნოს ქორიონეპითელიომის, ნეირობლასტომის დროს. | ||
| დოზირება და მიღების წესი: | პრეპარატი გამოიყენება მხოლოდ ინტრავენურად, ვინაიდან იგი აღიზიანებს კანს კუნთებში ან კანქვეშ შეყვანისას. დოზირება ინდივიდუალურია. სადღეღამიდო დოზა მოზრდილთათვის შეადგენს 40-60 მგ/მ 2. პრეპარატი შეჰყავთ 3-5 დღის განმავლობაში ყოველ 3-4 კვირაში. კურსობრივი დოზა შეადგენს 600 მგ/მ 2. 10-15 მლ რეკონსტიტუირებული ხსნარი 3-5 წუთის განმავლობაში შეჰყავთ ინტრავენურად. ექსტრავაზაცია თავიდან უნდა იქნას აცილებული. | ||
| გვერდითი მოვლენები: | ანემია, ლეიკოპენია, თრომბოციტოპენია, გულისრევა, პირღებინება, დიარეა, სტომატიტი, გულის უკმარისობა, არითმია, იშვიათად - მიოკარდიტი, პერიკარდიტი, ამენორეა, აზოოსპერმია, ალოპეცია, ალერგიული რეაქციები, თავის ტკივილი, ტკივილი შეყვანის ადგილას, ქსოვილის ნეკროზი (პრეპარატის შეყვანის ტექნიკური მხარის დარღვევისას). | ||
| უკუჩვენება: | ლეიკოპენია (ლეიკოციტების რიცხვი 4000/მმ 3 ნაკლებია), თრომბოციტოპენია (თრომბოციტების რიცხვი ნაკლებია 120000/მმ 3, გულის ქრონიკული უკმარისობა დეკომპენსაციის ფაზაში, ღვიძლის და/ან თირკმლების ფუნქციის გამოხატული უკმარისობა, კუჭისა და 12-გოჯა ნაწლავის წყლულოვანი დაავადების გამწვავება, ორსულობა, მომატებული მგრძნობელობა პრეპარატისადმი. | ||
| განსაკუთრებული მითითებები: | პრეპარატს სიფრთხილით უნიშნავენ ღვიძლის ან თირკმელების ფუნქციის დარღვევისას (საჭიროა პრეპარატის დოზის შემცირება). მკურნალობის დაწყებამდე აუცილებელია ღვიძლის, თირკმელების, გულის ფუნქციის, პერიფერიული სისხლის სურათის კონტროლი. კარდიოტოქსიკურობის გამოვლენის სიხშირე მატულობს თუ კურსობრივი დოზა სჭარბობს 400-550 მგ/მ 2 მოზრდილებში და 300 მგ/მ 2 ბავშვებში 2 წლის ასაკის ზევით. გულის უკმარისობის ნიშნები შეიძლება განვითარდეს დაუნორუბუცინით მკურნალობის დამთავრებიდან რამოდენიმე თვის ან წლის შემდეგ (განსაკუთრებით ბავშვებში), მკურნალობის დასაწყისში შესაძლებელია შარდის წითლად შეფერვა. | ||
| ორსულობა და ლაქტაცია: | პრეპარატი უკუნაჩვენებია ორსულობის დროს. ლაქტაციის პერიოდში საჭიროა ძუძუთი კვების შეწყვეტა. | ||
| ურთიერთქმედება სხვა მედიკამენტებთან: | პრეპარატის კომბინირება შეიძლება ციკლოფოსფამიდთან, მეტოტრექსატთან, მერკაპტოპურინთან, ვინკრისტინთან, პრედნიზოლონთან. დაუნორუბიცინის კომბინირებამ იმ პრეპარატებთან, რომელთაც გააჩნიათ მიელოტოქსიკური მოქმედება, შეიძლება გამოიწვიოს ტოქსიკური ეფექტის გაზრდა. ციკლოფოსფამიდთან ან დოქსორუბიცინთან კომბინირებისას იზრდება პრეპარატით გამოწვეული კარდიოტოქსიკურობა. დაუნორუბიცინის მეტოტრექსატთან კომბინირებისას იზრდება მისი ჰეპატოტოქსიკურობა. |
Page generation time: 0. 022112752 sec.
