| დასახელება: | ვარფარექსი | |
| უნიფიცირებული დასახელება: | ვარფარინის ნატრიუმი Warfarun sodium | |
| დოზა: | 5მგ | |
| ფორმა: | აბი | |
| შეფუთვა1: | პლასტიკის ფლაკონი | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 30 | |
| მწარმოებელი ქვეყანა: | ლატვია | |
| კომპანია: | გრინდექსი | |
| მწარმოებელი: | გრინდექსი | |
| რეგისტრაციის ნომერი დათარიღი: | #რ-026041 2018-08-13 - 2023-08-13 | |
| გაცემის რეჟიმი: | II ჯგუფი, გაიცემა ფორმა №3 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:თრომბოზისა და შედედების საწინააღმდეგო საშუალებები. ქვ/ჯგ.:არაპირდაპირი მოქმედების ანტიკოაგულანტები. |
|
| ა.თ.ქ. კლასიფიკაცია: | ||
B01AA03 | B სისხლწარმოქმნა და სისხლი | |
| 01 ანტიკოაგულანტები | ||
| A ანტიკოაგულანტები | ||
| A ვიტამინი K ანტაგონისტები | ||
| ანოტაცია: | ||
| სიფრთხილის ზომები: | ანტიკოაგულანტების გამოყენება ზრდის სისხლდენის განვითარების რისკს. მკურნალობის პერიოდში სისხლის შედედების მდგომარეობის კონტროლის მიზნით საჭიროა ექიმთან რეგულარული კონსულტაცია და ანალიზების ჩატარება. ვარფარექსის გამოყენებისას ექიმთან, სტომატოლოგთან ან ფარმაცევტთან მიმართვისას საჭიროა ამის შესახებ მათი ინფორმირება. საჭმლის მონელების დარღვევის დროს, რომლის თანმხლებია ღებინება, ყაბზობა, ცხელება საჭიროა ექიმთან კონსულტაცია. ვარფარექსის მკურნალობის პერიოდში დაორსულება არ არის რეკომენდებული, ამიტომ აუცილებელია თავის საიმედოდ დაცვა. პრეპარატის გამოყენებისას თავიდან უნდა ავიცილოთ ისეთი სამუშაოს შესრულება, რომელსაც შეუძლია ჭრილობის მიყენება და შემდგომში სისხლდენა. ბავშვებში პრეპარატის გამოყენების უსაფრთხოების შესახებ კლინიკური კვლევები ჩატრებულია არასაკმარისი რაოდენობით. პაციენტებმა, რომლებსაც ლაქტოზას მიმართ გააჩნიათ მომატებული მგრძნობელობა, მხედველობაში უნდა მიიღონ ის ფაქტი, რომ პრეპარატი შეიცავს 106-112 მგ ლაქტოზას. | |
| უკუჩვენება: | ორსულობა: ზოგიერთი მძიმე დაავადებების დროს სისხლდენა ან მისი განვითარების საშიშროება, ენდოკარდიტი, გადატანილი ან სავარაუდო მძიმე ოპერაციები და დიაგნოსტიკური პროცედურები, ძალიან მაღალი არტერიული წნევა. ღვიძლის ან თირკმელების გამოხატული უკმარისობა, ობტურაციული სიყვითლე, აგრეთვე შაქრიანი დიაბეტი, პრეპარატის მიმართ მომატებული მგრძნობელობა, სისხლის შედედების მდგომარეობის არასაკმარისი შეფასების შესაძლებლობა ლაბორატორიული მეთოდების მეშვეობით. | |
| ორსულობა და ლაქტაცია: | ვარფარექსის გამოყენება არ შეიძლება ორსულობის დროს. მიუხედავად იმისა, რომ პრეპარატი უმნიშვნელო რაოდენობით გადადის დედის რძეში, მისი გამოყენება ლაქტაციის პერიოდში გამოიყენება სიფრთხილით და ექიმის მკაცრი რეკომენდაციით. | |
| განსაკუთრებული მითითებები: | სატრანსპორტო საშუალებების მართვის უნარზე ზემოქმედება: არ არსებობს სატრანსპორტო საშუალებების მართვის უნარზე პრეპარატის ურყოფითი ზემოქმედების შესახებ მონაცემები. | |
| ჭარბი დოზირება: | ვარფარექსის ქრონიკულ ჭარბ დოზირებაზე მიუთითებს ღრძილებიდან, ცხვირიდან სისხლდენა, აგრეთვე მენსტრუალური სისხლდენა, ძლიერი ან ხანგრძლივი სისხლდენა ზედაპირის მცირე დაზიანების შემთხვევაში, კანში სისხლჩაქცევების, განავალში ან შარდში სისხლის არსებობის დროს, აგრეთვე სისხლდენის სხვა ნიშნების გამოვლინებისას. ჭარბი დოზირების შემთხვევაში უნდა ეცნობოს მკურნალ ექიმს. | |
| ურთიერთქმედება სხვა მედიკამენტებთან: | საკვებ პროდუქტებში ვიტამინ K-ს (ისპანახი, სალათა და სხვა ფურცლოვანი ბოსტნეული) მაღალმა შემცველობამ შესაძლებელია შეამციროს ვარფარექსის მოქმედების ეფექტი. პრეპარატის გამოყენებისას რეკომენდებულია ბალანსირებული კვება, არ უნდა შევცვალოთ კვების რეჟიმი ძალიან მკვეთრად, ხოლო ექიმის კონსულტაციის გარეშე არ უნდა გამოვიყენოთ ვიტამინები და საკვები დანამატები. ალკოჰოლი როგორც აძლიერებს, ასევე ასუსტებს პრეპარატის მოქმედების ეფექტს, ამიტომ ვარფარექსის გამოყენების დროს თავი უნდა შევიკავოთ ალკოჰოლის მიღებისაგან. თამბაქოს მოწევამ შესაძლებელია შეამციროს პრეპარატის შედედებაზე მოქმედების ეფექტი. ვარფარექსის ეფექტი შესაძლებელია შემცირდეს მრავალი სამკურნალო საშუალებების ზეგავლენით. მკურნალობის დასაწყისში პაციენტი ვალდებულია აცნობოს მკურნალ ექიმს ყველა იმ საშუალებების შესახებ, რომლებსაც ისინი ხმარობდნენ ვარფარექსის გამოყენებამდე. პრეპარატით მკურნალობის პერიოდში პაციენტმა ექიმის რეკომენდაციის გარეშე არ უნდა გამოიყენოს და თან არ უნდა შეწყვიტოს მისი მიღება. | |
| შენახვის პირობები: | ინახება მშრალ და ბავშვებისაგან დაცულ ადგილას არა უმეტეს 25ºC ტემპერატურაზე, | |
| ვარგისიანობის ვადა: | აღნიშნულია შეფუთვაზე. მასზე აღნიშნული ვადის გასვლის შემდეგ პრეპარატის გამოყენება დაუშვებელია. | |
| გამოშვების ფორმა: | აბი #30 ან #100 შეფუთვაში. | |
| ჩვენება: | პრეპარატი გამოიყენება იმ დაავადებების პროფილაქტიკისა და მკურნალობისათვის, რომლებიც განპირობებულია სისხლძარღვებში თრომბების გაჩენით (ღრმა ვენების თრომბოზი, ფილტვების თრომბოემბოლია, წინაგულების ციმციმი, მიოკარდიუმის ინფარქტი, გულის სარქველების პროტეზირება). | |
| შემადგენლობა: | ვარფარინი (კლატრატის ფორმით) 1, 3 ან 5 მგ. დამხმარე ნივთიერებები: ლაქტოზა, მიკროკრისტალური ცელულოზა, კროსპოვიდონი, მაგნიუმის სტეარატი, საღებავები: ინდიგოკარმინი 3მგ აბებში და Ponceau 4R Lake 5მგ აბებში. | |
| ფარმაკოლოგიური თვისება: | ვარფარექსი (ვარფარინი) მიეკუთვნება არაპირდაპირი მოქმედების ანტიკოაგულანტების ჯგუფს, რომელიც აფერხებს სისხლის შედედებას და გამოიყენება ხანგრძლივად. პრეპარატი ავლენს არაპირდაპირ მოქმედებას. იგი ღვიძლში თრგუნავს იმ ფაქტორების სინთეზს, რომლებიც მონაწილეობას ღებულობენ სისხლის შედედების რეგულაციის პროცესში. ვარფარექსი არ ახდენს ზეგავლენას უკვე ფორმირებულ თრომბებზე, თუმცა ხელს უშლის მათი ზომის მომატებას და თრგუნავს ახალი თრომბების წარმოქმნას. | |
| დოზირება და მიღების წესი: | პრეპარატი მიიღება მხლოდ ექიმის რეკომენდაციით. დოზა, რეჟიმი და ვარფარექსის გამოყენების ხანგრძლივება დგინდება ექიმის მიერ ინდივიდუალურად დაავადების სიმძიმისა და სისხლის შედედების მონაცემების მიხედვით. პრეპარატის ექიმის რეკომენდაციის გარეშე გამოყენება არ არის რეკომენდებული. ვარფარექსი მიიღება პერორალურად ერთხელ დღეში, სასურველია ერთსა და იმავე დროს. მკურნალობა ჩვეულებრივ იწყება დოზით 10-15მგ დღეში. აღნიშნულ საწყის დოზას იყენებენ პირველ 2-4 დღეს, თანდათანობით პაციენტის სისხლის შედედების ინდივიდუალური რეაქციის შესაბამისად, რომლის სასურველი დონის მიღწევის შემთხვევაში INR (2.0-3.0 ცალკეულ შემთხვევაში 3.0-4.5) ინიშნება შემანარჩუნებელი დოზა, რომელიც ჩვეულებრივ შეადგენს 2-10მგ-ს დღეში. ხანდაზმულ, დასუსტებულ ან რისკის ჯგუფის პაციენტებში პრეპარატი ინიშნება შედარებით მცირე დოზებით და მისი დოზის მომატებისას დიდი სიფრთხილეა საჭირო. ბავშვებში ვარფარექსი ჩვეულებრივ არ ინიშნება. მკურნალობის დასაწყისში სისხლის შედედების ინდივიდუალური რეაქციის ლაბორატორიულ შემოწმებას ახორციელებენ ყოველდღიურად, მომდევნო 3-4 კვირის განმავლობაში – 1-2-ჯერ კვირაში, მოგვიანებით ყოველ 1-4 კვირაში. შედარებით ხშირი დამატებითი კონტროლი აუცილებელია იმ შემთხვევებში, როდესაც იცვლება პაციენტის ჯანმრთელობა, დაგეგმილი ოპერაციის ან სხვა პროცედურების, აგრეთვე როდესაც ინიშნება ან წყვტენ სხვა სამკურნალო საშუალების მიღებას. მკაცრად უნდა დაიცვათ ექიმის მიერ მითითებული ანალიზის ჩატარების ვადები! მითითება: თუკი პაციენტს დაავიწყდა მორიგი დოზის მიღება და მას ეს იმავე დღეს გაახსენდა, მან დაუყოვნებლივ უნდა მიიღოს პრეპარატი. იმ შემთხვევაში, როდესაც წინა დოზის მიღებიდან გასულია 24სთ-ზე მეტი დრო საჭიროა გამოვტოვოთ დავიწყებული დოზა და მისი გაგრძელება მითითების შესაბამისად დოზის გაორმაგების გარეშე. | |
| გვერდითი მოვლენები: | შედარებით ხშირად აღინიშნება ორგანოებიდან და ქსოვილიდან სისხლდენები და სისხლჩაქცევები. აღნიშნული გვერდითი მოვლენების თავიდან აცილება შესაძლებელია იმ შემთხვევაში თუკი მკაცრად დავიცავთ ექიმის რეკომენდაციებს. ცალკეულ შემთხვევაში მოსალოდნელია კიდურებში ან შინაგან ორგანოებში სისხლმიმოქცევის დარღვევა. სისხლმიმოქცევის დარღვევას ყველაზე ხშირად მოწმობს ფეხის თითების ტკივილი და მათი კანის მუქი-წითელი ფერი. სხვა გვერდით მოვლენებს წარმოადგენს კანის მხრივ ალერგიული რეაქციები (ქავილი, ურტიკარია, ანთება), გულისრევა, ღებინება, ყაბზობა, მუცლის ტკივილი, ღვიძლის ფუნქციის დარღვევა (სისხლში ღვიძლის ფერმენტების დონის მომატება, სიყვითლე), ცხელება, სისუსტე, სისხლის სურათის ცვლილება, გამელოტება. ამ და სხვა გვერდითი მოვლენების განვითარების შემთხვევაში პაციენტმა უნდა აცნობოს მკურნალ ექიმს, რომელიც განსაზღვრავს პრეპარატის მიღების გაგრძელებას. |
Page generation time: 0. 050288075 sec.
