| დასახელება: | ნაზივინი | |
| უნიფიცირებული დასახელება: | ოქსიმეტაზოლინი Oxymetazoline | |
| დოზა: | 0.05% | |
| ფორმა: | აეროზოლი | |
| შეფუთვა1: | 10მლ ფლაკონი | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 1 | |
| მწარმოებელი ქვეყანა: | გერმანია | |
| კომპანია: | მერკი | |
| მწარმოებელი: | მერკი | |
| რეგისტრაციის ნომერი დათარიღი: | #რ-013659 2014-05-27 - 2019-05-27 | |
| გაცემის რეჟიმი: | III ჯგუფი, გაიცემა რეცეპტის გარეშე | |
| ფარმაკოლოგიურიჯგუფი/ქვეჯგუფი: | ჯგ.:სისხლძარღვების შემავიწროვებელი საშუალებები. ქვ/ჯგ.:ადგილობრივი. |
|
| ა.თ.ქ. კლასიფიკაცია: | ||
R01AA05 | R სასუნთქი სისტემა | |
| 01 პრეპარატები ცხვირის დაავადებების მკურნალობისათვის | ||
| A დეკოგესტანტები და სხვა პრეპარატები ადგილობრივი გამოყენებისათვის | ||
| A სიმპატომიმეტური საშუალებები | ||
| ანოტაცია: | ||
| ჭარბი დოზირება: | დოზის მნიშვნელოვანი გადაჭარბებისას ან შემთხვევით პერორალური მიღებისას შეიძლება აღინიშნოს შემდეგი სიმპტომები: გუგების შევიწროვება, გულისრევის შეგრძნება, პირღებინება, ციანოზი, ტემპერატურის მომატება, ტაქიკარდია, არითმია, სისხლძარღვოვანი უკმარისობა, არტერიული ჰიპერტენზია, სუნთქვის დარღვევა, ფილტვების შეშუპება, გულის გაჩერება. გარდა ამისა, შეიძლება განვითარდეს ფსიქიური დარღვევები, აგრეთვე ცნს-ის ფუნქციათა დათრგუნვა, რომელსაც შეიძლება თან ახლდეს ძილიანობა, სხეულის ტემპერატურის დაქვეითება, ბრადიკარდია, არტერიული ჰიპოტონია, სუნთქვის გაჩერება და კომის განვითარება. თერაპიული ღონისძიებები დოზის გადაჭარბებისას: კუჭის ამორეცხვა, გააქტივებული ნახშირის მიღება და დაუყოვნებლივი კონსულტაცია ექიმთან. | |
| განსაკუთრებული მითითებები: | შეშუპების საწინააღმდეგო საშუალებების ხანგრძლივმა ჩაწვეთებამ ცხვირის ღრუში შეიძლება შეასუსტოს მათი მოქმედება. ამ საშუალებების ბოროტად გამოყენებამ შეიძლება გამოიწვიოს ლორწოვანი გარსის ატროფია და რეაქტიული ჰიპერემია მედიკამენტური რინიტით, ასევე ლორწოვანის ეპითელიუმის დაზიანება და მისი აქტივობის დათრგუნვა. საჭიროა თავი ავარიდოთ ასეთი პრეპარატების ხანგრძლივ გამოყენებას და დოზის გადაჭარბებას. | |
| ორსულობა და ლაქტაცია: | ორსულობისა და ლაქტაციის პერიოდში რეკომენდებული დოზის გადაჭარბება დასაშვები არ არის. პრეპარატის გამოყენება უნდა ხდებოდეს დედისა და ნაყოფისთვის რისკისა და სარგებლის შეფარდების გათვალისწინებით. | |
| სიფრთხილის ზომები: | პრეპარატის გამოყენება სიფრთხილითაა საჭირო შემდეგ შემთხვევებში: არტერიული ჰიპერტენზია, გამოხატული ათეროსკლეროზი, ტაქიკარდია, მომატებული თვალისშიდა წნევა, ჰიპერთირეოზი, შაქრიანი დიაბეტი, ფეოქრომოციტომა, მაო-ს ინჰიბიტორების ერთდროული მიღება და 10 დღიანი პერიოდი მათი მიღების შემდეგ. სატრანსპორტო საშუალებებისა და ხელსაწყოების მართვაზე ზემოქმედება: ოქსიმეტაზოლინის შემცველი სურდოს საწინააღმდეგო საშუალებების რეკომენდებულ დოზაზე მეტი რაოდენობით მიღებისას ან მათი ხანგრძლივი გამოყენებისას არ არის გამორიცხული ზოგადი მოქმედება გულ-სისხლძარღვთა სისტემასა და ცნს-ზე. ამ დროს სატრანსპორტო საშუალებებისა ან მექანიზმების მართვის უნარი შეიძლება დაქვეითდეს. | |
| გამოშვების ფორმა: | 10მლ-იანი სპრეი-ფლაკონი. | |
| შენახვის პირობები: | არა უმეტეს 25ºC, ბავშვებისთვის მიუწვდომელ ადგილას. | |
| ვარგისიანობის ვადა: | 3 წელი. ვარგისიანობის ვადა მითითებულია შეფუთვაზე. არ შეიძლება პრეპარატის გამოყენება შენახვის ვადის გასვლის შემდეგ. | |
| გაცემის წესი: | რეცეპტის გარეშე. | |
| შემადგენლობა: | 1მლ ხსნარი შეიცავს: ოქსიმეტაზოლინის ჰიდროქლორიდი 0,500მგ. დამხმარე ნივთიერებები: ბენზალკონიუმის ქლორიდი, ედეტინის მჟავას დინატრიუმის მარილი, ნატრიუმის დიჰიდროფოსფატი, ნატრიუმის მონოჰიდროფოსფატი. | |
| აღწერილობა: | პრაქტიკულად გამჭვირვალე, თითქმის უფერო ან ოდნავ ყვითელი ხსნარი. | |
| ფარმაკოლოგიური თვისება: | ნაზივინი მიეკუთვნება ადგილობრივი მოქმედების სისხლძარღვების შემავიწროვებელ საშუალებათა ჯგუფს (დეკონგესტანტებს). ავლენს ალფა-ადრენომიმეტურ მოქმედებას. | |
| ფარმაკოდინამიკა: | წარმოადგენს რა იმიდაზოლინის წარმოებულს, დაბალი დოზირების შემთხვევაში ავლენს ძირითადად α2-ადრენომიმეტურ მოქმედებას, ხოლო მაღალი დოზით გამოყენებისას მოქმედებს α1-ადრენორეცეპტორებზეც. მოქმედების არეში, ადგილობრივად ავიწროებს სისხლძარღვებს, ამცირებს ცხვირისა და ზემო სასუნთქი გზების ლორწოვანი გარსის შეშუპებას. ნაზალური გამოყენებისას თერაპიულ დოზებში არ იწვევს ლორწოვანის გაღიზიანებას და ჰიპერემიას. ოქსიმეტაზოლინის კვლევებმა მონიშნული რადიოაქტიური იზოტოპით გვიჩვენა, რომ ეს რინოლოგიური საშუალება, ინტრანაზალური გამოყენებისას სისტემური მოქმედებით არ ხასიათდება. | |
| ჩვენება: | მწვავე რინიტი (მათ შორის ალერგიული), ვაზომოტორული რინიტი, პარანაზალური სინუსიტი, ევსტაქიიტი, შუა ყურის ანთება და აგრეთვე ლორწოვანი გარსის შეშუპების მოხსნა დიაგნოსტიკური მიზნით (ექიმის მეთვალყურეობის ქვეშ). | |
| უკუჩვენება: | მომატებულიმგრძნობელობა შემადგენელი კომპონენტების მიმართ, ატროფიული რინიტი, დახურულკუთხოვანი გლაუკომა. 6 წლამდე ასაკის ბავშვები. | |
| დოზირება და მიღების წესი: | 0,05%-იანი ნაზივინის სპრეი განკუთვნილია ინტრანაზალური გამოყენებისთვის ბავშვებისთვის 6 წლის ასაკის ზევით და მოზრდილებისთვის. მოზრდილები და ბავშვები 6 წლის ასაკის ზევით: 0,05%-იანი ნაზივინის ნაზალური სპრეი – 1 შეფრქვევა თითოეულ ნესტოში 2-3-ჯერ დღეში. ნაზივინის 0.05%-იანი ნაზალური სპრეის გამოყენება რეკომენდებულია 3-5 დღის განმავლობაში. რეკომენდებულზე დიდი დოზით გამოყენება უნდა ხდებოდეს მხოლოდ ექიმის მეთვალყურეობის ქვეშ. როგორ უნდა ხდებოდეს ნაზივინის 0,05%-იანი ნაზალური სპრეის გამოყენება? ნაზივინის 0,05%-იანი ნაზალური სპრეის შეფრქვევა ხდება ფლაკონზე მკვეთრი დაწოლით თითოეულ ნესტოში. | |
| ურთიერთქმედება სხვა მედიკამენტებთან: | რეკომენდებული დოზით 0,05%-იანი ნაზივინის ნაზალური სპრეის გამოყენებისას არ არის ცნობილი მისი ურთიერთქმედება ტრიციკლურ ანტიდეპრესანტებთან ან მაო-ს ინჰიბიტორებთან. 0,05%-იანი ნაზივინის ნაზალური სპრეის დოზის მნიშვნელოვანი გადაჭარბებისას ან პერორალური გამოყენებისას და ტრიციკლური ანტიდეპრესანტების ან მაო-ს ინჰიბიტორების უშუალოდ ნაზივინის გამოყენების წინ მიღებისას ან მათი ერთდროული გამოყენებისას შესაძლებელია არტერიული წნევის მომატება. დღეისთვის სამკურნალო საშუალებებთან შეუთავსებლობა ცნობილი არ არის. | |
| გვერდითი მოვლენები: | ზოგჯერ ცხვირის ლორწოვანი გარსის წვა და სიმშრალე, ცემინება. იშვიათად _ ნაზივინის მოქმედების შეწყვეტის შემდეგ _ “გაჭედილი ცხვირის“ უფრო ძლიერი შეგრძნება (რეაქტიული ჰიპერემია). ადგილობრივი ნაზალური გამოყენების დროს დოზის მრავალჯერადი გადაჭარბება ხანდახან იწვევს ისეთ სისტემურ სიმპატომიმეტურ ეფექტს, როგორიცაა პულსის გახშირება (ტაქიკარდია) და არტერიული წნევის მომატება. ძალიან იშვიათად აღინიშნება მოუსვენრობა, უძილობა, დაღლილობა, თავის ტკივილი და გულისრევის შეგრძნება. |
Page generation time: 0. 050199951 sec.
