| დასახელება: | ციკლოდოლი გრინდექსი | |
| უნიფიცირებული დასახელება: | ტრიჰექსიფენიდილი Trihexyphenidyl | |
| დოზა: | 2მგ | |
| ფორმა: | აბი | |
| შეფუთვა1: | - | |
| რაოდენობა შეფუთვა1-ში: | ||
| შეფუთვა2: | ||
| რაოდენობა შეფუთვა2-ში: | 50 | |
| მწარმოებელი ქვეყანა: | ლატვია | |
| კომპანია: | გრინდექსი | |
| მწარმოებელი: | გრინდექსი | |
| რეგისტრაციის ნომერი დათარიღი: | #რ-036930 2022-11-29 - 2027-11-29 | |
| გაცემის რეჟიმი: | I ჯგუფი, გაიცემა ფორმა №2 რეცეპტით | |
| ფარმაკოლოგიურიჯგუფი/ქვეჯგუფი: | ჯგ.:პარკინსონიზმის საწინააღმდეგო საშუალებები. ქვ/ჯგ.:ცნს-ში ქოლინერგული გადაცემის დამთრგუნველი. |
|
| ა.თ.ქ. კლასიფიკაცია: | ||
N04AA01 | N ნერვული სისტემა | |
| 04 პარკინსონიზმის საწინააღმდეგო პრეპარატები | ||
| A ცენტრალური ქოლინობლოკატორები | ||
| A მესამეული ამინები | ||
| ანოტაცია: | ||
| შემადგენლობა: | ტრიჰექსიფენიდილის ჰიდროქლორიდი 2მგ. დამხმარე ნივთიერებები: საქაროზა, კარტოფილის სახამებელი, კალციუმის სტეარატი, მიკროკრისტალური ცელულოზა. | |
| ჩვენება: | პარკინსონიზმის საწინააღმდეგო საშუალება. სამკურნალო საშუალებებით განპირობებული ექსტრაპირამიდული დარღვევები. | |
| დოზირება და მიღების წესი: | დოზირება დგინდება ინდივიდუალურად. პრეპარატის მიღება რეკომენდებულია ჭამამდე ან მის შემდეგ. პრეპარატის მიღების დროს თუკი აღინიშნება პირის ღრუს სიმშრალე, მაშინ იგი სასურველია მივიღოთ ჭამამდე, წინააღმდეგ შემთხვევაში მოსალოდნელია გულისრევა. პრეპარატის მიღებას იწყებენ დღეღამეში 1მგ-ის ოდენობით. დოზას ზრდიან თანდათანობით 2მგ-ით ყოველ 3-5 დღეში ერთხელ. ჩვეულებრივი შემანარჩუნებელი დოზა დღეღამეში შეადგენს 6-10მგ-ს, რომელიც იყოფა 3-4 მიღებაზე. მძიმე შემთხვევების დროს შესაძლებელია დოზის გაზრდა 12-16მგ-მდე, რომელიც გაყოფილია 3-4 მიღებაზე. მაქსიმალური დღეღამური დოზა შეადგენს 16მგ-ს. მკურნალობის დასრულების შემდეგ ან ალტერნატიული მეთოდით მკურნალობის საწყის პერიოდში საჭიროა ტრიჰექსიფენიდილის დოზის თანდათანობით შემცირება. ციკლოდოლისა და ლევოდოპას ერთდროული გამოყენებისას აუცილებელია ორივე პრეპარატის დოზის შემცირება. აღნიშნული კომბინაციის შემთხვევაში ჩვეულებრივ საკმარისია ამ შემთხვევაში დღეღამეში ორ მიღებაზე 3-6მგ ტრიჰექსიფენიდილის გამოყენება. ხანდაზმულ პაციენტებში პრეპარატი გამოიყენება შედარებით დაბალ დოზებში, ვინაიდან ისინი უფრო მგრძნობიარენი არიან პრეპარატის მიმართ. პედიატრიულ პრაქტიკაში პრეპარატი არ გამოიყენება. | |
| უკუჩვენება: | ტრიჰექსიფენიდილის მიმართ მომატებული მგრძნობელობა, შარდის შეკავება, პროსტატის ჰიპერტროფია შარდის შეკავებით, დახურულკუთხოვანი გლაუკომა, საჭმლის მომნელებელი ტრაქტის ობსტრუქცია, ტაქიარითმია, ალკოჰოლით მწვავე ინტოქსიკაცია გამოწვეული, ფსიქოტროპული ან ოპიოიდური სამკურნალო საშუალებებით, მწვავე დელირიუმი და მანიაკალური მდგომარეობა. შენელებული დისკინეზია. | |
| სიფრთხილის ზომები: | პრეპარატი სიფრთხილით გამოიყენება ხანდაზმულ, გულ-სისხლძარღვთა, თირკმელებისა და ღვიძლის დაავადებებით შეპყრობილ პაციენტებში. სიფრთხილეა საჭირო შემდეგი შემთხვევების დროს: სახიფათო ტაქიკარდია, დემენციური სინდრომი, მყასტჰენია გრავის, წინამდებარე ჯირკვლის ჰიპერტროფია შარდის ბუშტის სრული დაცლით. არსებობს მონაცემები ფსიქიურად დაავადებულ პაციენტებში პრეპარატის ბოროტად გამოყენების შესახებ (იწვევს ჰალუცინაციებს და ეიფორიულ მდგომარეობას). მკურნალობის შეწყვეტა უეცრად დაუშვებელია. პრეპარატი მოქმედებს რეაქციის სიჩქარეზე. | |
| ფარმაკოლოგიური თვისება: | ტრიჰექსიფენიდილი წარმოადგენს სინთეზურ ქოლინობლოკატორს, რომელიც ამცირებს პარკინსონიზმისათვის დამახასიათებელ ტრემორს, კუნთების რიგიდულობასა და ბრადიკინეზიას. მას გააჩნია ძლიერი მ-ქოლინომაბლოკირებელი და სუსტად გამოხატული ნ-ქოლინომაბლოკირებელი მოქმედება. პრეპარატის მოქმედების მექანიზმი განპირობებულია პოსტსინაფსურ მემბრანაზე აცეტილქოლინთან კონკურენციით. პრეპარატი პერორალურად მიღების შემდეგ სწრაფად და მთლიანად შეიწოვება საჭმლის-მომნელებელი ტრაქტიდან. მოქმედების ეფექტი აღინიშნება 1სთ-ის განმავლობაში. მისი ნახევრადგამოყოფის პერიოდი შეადგენს 5-10სთ-ს. ვინაიდან ტრიჰექსიფენიდილს გააჩნია მაღალი ლიპოტროპულობა, იგი სწრაფად გაივლის ჰემატოენცეფალურ და პლაცენტურ ბარიერს. ტრიჰექსიფენიდილი არასპეციფიური ესთერაზების ზემოქმედებით ჰიდროლიზდება ქსოვილებში ალკოჰოლად და ორგანულ მჟავებად. ტრიჰექსიფენიდილის მცირე ნაწილი გამოიყოფა უცვლელი სახით თირკმელებით. | |
| გამოშვების ფორმა: | 2 მგ აბი #25 ბლისტერულ შეფუთვაში, 2 ბლისტერი კოლოფში. | |
| შენახვის პირობები: | ინახება ბნელ, ბავშვებისაგან დაცულ ადგილას ოთახის ტემპერატურაზე. | |
| ვარგისიანობის ვადა: | 5 წელი. | |
| ურთიერთქმედება სხვა მედიკამენტებთან: | ტრიჰექსიფენიდილის სხვა საშუალებებთან კომბინირება, მაგალითად ამანტადინი, ზოგიერთი ბუტიროფენონისა და ფენოთიაზინის წარმოებულები. ჰისტამინობლოკატორები, ტრიციკლურ ანტიდეპრესანტები ძლიერდება გვერდითი მოვლენები. მაო-ს ინჰიბიტორებთან პრეპარატის კომბინაციამ შესაძლებელია გამოიწვიოს შემდეგი გვერდითი მოვლენების განვითარება: პირის სიმშრალე, მხედველობის დაბინდვა, შარდის გამოყოფის შეკავება და ყაბზობა. ტრიჰექსიფენიდილისა და სუბლინგვალური ნიტრატების ერთდროული გამოყენებისას მცირდება ამ უკანასკნელთა მოქმედების ეფექტი (პირის სიმშრალის გამო). ნაწლავების მოტორიკის დათრგუნვამ შესაძლებელია იმოქმედოს სხვა სამკურნალო საშუალებების შეწოვაზე. ალკოჰოლისა და სხვა სამკურნალო საშუალებების დეპრესიული მოქმედების გაძლიერება მოსალოდნელია ტრიჰექსიფენიდილთან კომბინაციაში. | |
| ორსულობა და ლაქტაცია: | პრეპარატი გაივლის პლაცენტურ ბარიერს და გამოიყოფა დედის რძეში, რის გამოც მისი გამოყენება ორსულობისა და ლაქტაციის პერიოდში არ არის რეკომენდებული. | |
| გვერდითი მოვლენები: | ვეგეტატური ნერვული სისტემის მხრივ: მიდრიაზი, აკომოდაციის დარღვევა, ფოტოფობია, პირის სიმშრალე, ოფლის გამოყოფის შემცირება, ყაბზობა, კუჭის არეში ტკივილი, გულისრევა. იშვიათად აღინიშნება შარდის შეკავება, ტაქიკარდია (ძალიან იშვიათად - ბრადიკარდია), მომატებული მგრძნობელობა. იშვიათად – დახურულკუთხოვანი გლაუკომის განვითარება, რაც დაკავშირებულია თვალშიდა წნევის მომატებასთან, ამიტომ აუცილებელია თვალშიდა წნევის რეგულარული შემოწმება. ცენტრალური ნერვული სისტემის მხრივ: გადაღლილობა, ძილიანობა, თავბრუსხვევა, ნერვიულობა, უძილობა. პრეპარატის მაღალი დოზით მიღების შემთხვევაში ან ხანდაზმული პაციენტების მკურნალობისას, რომლებსაც აღენიშნებათ ათეროსკლეროზი, ან რომელთაც ადრე აღენიშნებოდათ რომელიმე პრეპარატის მიმართ იდიოსინკრაზია, შესაძლებელია განვითარდეს შემდეგი გვერდითი მოვლენები: ცნობიერების დაბინდვა და სხვა ფსიქიური დარღვევები, არაბუნებრივად კარგი ხასიათი, გაღიზიანება, ღებინება ან გულისრევა. ზემოთაღნიშნული მოვლენების დროს აუცილებელია მკურნალობის შეწყვეტა. დოზის შემცირების ან მკურნალობის შეწყვეტის შემდეგ აღნიშნული გვერდითი მოვლენები ქრება. | |
| ჭარბი დოზირება: | ტრიჰექსიფენიდილის ჭარბი დოზით მიღება იწვევს პარასიმპათიკური ნერვული სისტემების პოსტგანგლიური დაბოლოებების ბლოკადას. აღნიშნულ შემთხვევაში მოწამვლა მსგავსია ატროპინით მოწამვლის (მიდრიაზი, მშრალი ლორწოვანი გარსები, ტაქიკარდია, ნაწლავებისა და სანაღვლე გზების ატონია, სხეულის ტემპერატურის მომატება და ა. შ.). ტრიჰექსიფენიდილი ასევე იწვევს ცნს-ის მხრივ დარღვევას (გაღიზიანებადობას, ცნობიერების დარღვევას, დერეალიზაციასა და სხვა ფსიქიურ დარღვევებს). შედარებით მძიმე ფორმის მოწამვლისას შესაძლებელია განვითარდეს კომა ან სასუნთქი ცენტრის დამბლა. მკურნალობა: სპეციალური ანტიდოტი არ არსებობს. აუცილებელია კუჭის ამორეცხვა და პრეპარატის შეწოვის შემცირების მიზნით სხვა დამატებითი ზომების მიღება. მკურნალობა სიმპტომატურია: ცივი კომპრესები, დიდი რაოდენობით სითხის მიღება. გულის მხრივ გართულებების თავიდან ასაცილებლად შესაძლებელია ატროპინის ანტაგონისტების გამოყენება, ასევე წარმატებით გამოიყენება ნატრიუმის ბიკარბონატი და ნატრიუმის ლაქტატი, კრუნჩხვების დროს – დიაზეპამი, დელირიუმის დროს – ფიზოსტიგმინი. |
Page generation time: 0. 051174671 sec.
