This web site needs javascript activated to work properly. Please activate it. Here are the instructions how to enable JavaScript in your web browser, Thanks.

logo MIS
დასახელებები
კომპანიები
აქტიური ნივთიერებები
ძებნის ინსტრუქცია
მოიძებნა 1 შედეგი.

დასახელება:აცც
უნიფიცირებული
დასახელება:
აცეტილცისტეინი Acetylcysteine
დოზა:200მგ
ფორმა:ფხვნილი ორალური ხსნარის მოსამზადებლად
შეფუთვა1:პაკეტი
რაოდენობა შეფუთვა1-ში:
შეფუთვა2:
რაოდენობა შეფუთვა2-ში:50
მწარმოებელი ქვეყანა:გერმანია
კომპანია:სანდოზი
მწარმოებელი:ჰექსალი
რეგისტრაციის ნომერი და
თარიღი:
გაცემის რეჟიმი:
ფარმაკოლოგიური
ჯგუფი/ქვეჯგუფი:
ჯგ.:მუკოლიზური საშუალებები.
ქვ/ჯგ.: 
ა.თ.ქ. კლასიფიკაცია:
R05CB01	
R სასუნთქი სისტემა
	
05 ხველებისა და გაციების დროს გამოსაყენებელი პრეპარატები
	
C ამოსახველებელი პრეპარატები (ხველების საწინააღმდეგო პრეპარატებთან კომბინაციის გარდა)
	
B მუკოლიზური საშუალებები
ანოტაცია:
	
	
გამოყენება პედიატრიაში:6 წლამდე ასაკის ბავშვებში რეკომენდებულია პრეპარატის იმ ფორმების დანიშვნა, რომლებშიც აცეტილცისტეინი დაბალი შემცველობითაა.
შეფუთვა:პაკეტში 3გ, შეფუთვაში 6, 20, 50 და 100 ც.
შემადგენლობა:აცეტილცისტეინი 200მგ. სხვა ინგრედიენტები: ასკორბინის მჟავა, საქარინი, საქაროზა, ფორთოხლის არომატიზატორი.
ფარმაკოლოგიური თვისება:მოლეკულის სტრუქტურაში სულფჰიდრილური ჯგუფის აცეტილცისტეინის არსებობა ხელს უწყობს ნახველის მჟავე მუკოპოლისაქარიდების დისულფიდური კავშირების რღვევას, რაც იწვევს ლორწოს წებოვნების შემცირებას. პრეპარატი აქტივობას ინარჩუნებს ჩირქოვანი ნახველის არსებობისას. აცეტილცისტეინის პროფილაქტიკური გამოყენებისას აღინიშნება გამწვავებების სიხშირისა და სიმძიმის შემცირება იმ პაციენტებში, რომლებსაც აღენიშნებათ ბრონქიტი და მუკოვისციდოზი.
ფარმაკოკინეტიკა:მონაცემები პრეპარატ აცც-ს ფარმაკოკინეტიკის შესახებ არ არის წარმოდგენილი.
დოზირება და მიღების წესი:ბრონქიტის, ბრონქოექტაზიის, ბრონქიოლიტის, ლარინგიტის, ბრონქული ასთმის, სინუსიტების, შუა ყურის ოტიტის დროს მოზრდილებსა და მოზარდებში 14 წლის ასაკის ზემოთ ინიშნება 200მგ პრეპარატი დღეში 3-ჯერ ან 600მგ აცც ლონგი დღეში ერთხელ. 6-14 წლის ასაკის ბავშვებში რეკომენდებულია 200მგ-ის მიღება დღეში 2-ჯერ (400მგ/დღეში). 2-5 წლის ასაკის ბავშვებში რეკომენდებულია 100მგ-ის მიღება დღეში 2-3-ჯერ (200-300მგ/დღეში) შუშხუნა ტაბლეტების სახით. 1 წლამდე ასაკის ბავშვებში შეიძლება დაინიშნოს მხოლოდ სასიცოცხლო ჩვენებისას სტაციონარის პირობებში ექიმის კონტროლით. ახალშობილებში, სიცოცხლის მე-10 დღიდან და 2 წლამდე ასაკის ბავშვებში რეკომენდებული დოზა შიგნით მიღებისათვის – 50მგ დღეში 2-3-ჯერ (100-150მგ/დღეში). დოზა უნდა გაიზარდოს თანდათან. მუკოვისციდოზის დროს ბავშვებში 6 წლის ასაკის ზევით რეკომენდებულია 200მგ-ის მიღება დღეში 3-ჯერ (600მგ დღეში). ახალშობილებში სიცოცხლის მე-10 დღიდან და 2 წლამდე ასაკის ბავშვებში რეკომენდებულია 50მგ (1/2 პაკეტი, რომელიც შეიცავს 100მგ აცეტილცისტეინს) დღეში 3-ჯერ. დოზა უნდა გაიზარდოს თანდათან. 2-დან 6 წლამდე ასაკის ბავშვებში 100მგ დღეში 4-ჯერ (400მგ დღეში). 30 კგ-ზე ნაკლები წონის პაციენტებში მუკოვისციდოზის დროს შეიძლება დღეში 800მგ პრეპარატის მიღება. უეცარი ხანმოკლე გაცივების დროს პრეპარატის გამოყენების ხანგრძლივობა შეადგენს 5-7 დღეს. ხანგრძლივად მიმდინარე დაავადებებისას თერაპიის ხანგრძლივობა განისაზღვრება ინდივიდუალურად. ქრონიკული ბრონქიტისა და მუკოვისციდოზის დროს პრეპარატის გამოყენება უნდა მოხდეს უფრო ხანგრძლივად ინფექციის პროფილაქტიკისათვის. პრეპარატი მიიღება ჭამის შემდეგ. სითხის დამატებითი მიღება აძლიერებს პრეპარატის მუკოლიზურ ეფექტს. შიგნით მიღებისათვის ხსნარის მოსამზადებელი გრანულები (ფორთოხლის სუნით) უნდა გაიხსნას წყალში, წვენში ან ცივ ჩაიში და მიღებული უნდა იქნას ჭამის შემდეგ. ცხელი სასმლის მოსამზადებელი გრანულები (1 პაკეტი) უნდა გაიხსნას მორევით 1 ჭიქა ცხელ წყალში და დაილიოს ცხლად, რამდენადაც ეს შესაძლებელია. აუცილებლობის შემთხვევაში, მომზადებული ხსნარის გაჩერება შეიძლება 3 საათის განმავლობაში. შუშხუნა ტაბლეტები უნდა გაიხსნას 1/2 ჭიქა წყალში და მიღებულ უნდა იქნეს დაუყოვნებლივ გახსნის შემდეგ, გამონაკლის შემთხვევებში შესაძლებელია ხსნარის გაჩერება 2 საათის განმავლობაში. თერაპიის ხანგრძლივობა განისაზღვრება ინდივიდუალურად.
გვერდითი მოვლენები:საჭმლის მომნელებელი სისტემის მხრივ: იშვიათად – სტომატიტი, ცალკეულ შემთხვევაში – დიარეა, ღებინება, გულძმარვა და გულისრევა. გულ-სისხლძარღვთა სისტემის მხრივ: ცალკეულ შემთხვევაში – არტერიული წნევის დაცემა, ტაქიკარდია. სასუნთქი სისტემის მხრივ: ერთეულ შემთხვევაში – ფილტვებში სისხლდენის განვითარება, როგორც რეაქცია მომატებულმგრძნობელობაზე. ალერგიული რეაქციები: ერთეულ შემთხვევაში – ბრონქოსპაზმი (უპირატესად ჰიპერაქტიური ბრონქული სისტემის მქონე პაციენტებში ბრონქული ასთმის დროს), გამონაყარი კანზე, ქავილი და ჭინჭრის გამონაყარი. სხვა: იშვიათად – თავის ტკივილი, ხმაური ყურებში.
ვარგისიანობის ვადა:3-5 წელი.
გამოშვების ფორმა:ხილის არომატიანი გრანულები შიგნით მისაღები ხსნარის მოსამზადებლად.
უკუჩვენება:- კუჭისა და 12-გოჯა ნაწლავის წყლულოვანი დაავადება გამწვავების ფაზაში; - სისხლიანი ნახველი; - სისხლდენა ფილტვებში; - ორსულობა; - ლაქტაცია; - 6 წლამდე ასაკი (გრანულების ფორმით); - 14 წლამდე ასაკი (პრეპარატის ის ფორმები, რომლებიც შეიცავენ 600მგ აცეტილცისტეინს); - მომატებულიმგრძნობელობა აცეტილცისტეინისა და პრეპარატის სხვა კომპონენტების მიმართ. პრეპარატი სიფრთხილით გამოიყენება იმ პაციენტებში, რომლებსაც აღენიშნებათ საყლაპავის ვენების ვარიკოზული გაგანიერება, ასევე ფილტვებში სისხლდენისა და სისხლის ამოხველების განვითარების მომატებული რისკისას, ბრონქული ასთმის, თირკმელზედა ჯირკვლის დაავადებების, თირკმლებისა და/ან ღვიძლის უკმარისობის დროს. აცც ლონგი არ ინიშნება 14 წლამდე ასაკის ბავშვებში. პაციენტთა ამ კატეგორიისათვის რეკომენდებულია შიგნით მისაღები პრეპარატის ისეთი ფორმების გამოყენება, რომლებშიც აცეტილცისტეინის შემცველობა უფრო დაბალია.
ორსულობა და ლაქტაცია:ადეკვატური და მკაცრად კონტროლირებული კლინიკური გამოკვლევები პრეპარატის ორსულობისა და ლაქტაციის პერიოდში გამოყენების შესახებ არ ჩატარებულა. პრეპარატის დანიშვნა არ არის რეკომენდებული ორსულობისა და ლაქტაციის პერიოდში.
განსაკუთრებული მითითებები:ბრონქული ასთმისა და ობსტრუქციული ბრონქიტის დროს აცეტილცისტეინი სიფრთხილით ინიშნება ბრონქული გამტარობის სისტემური კონტროლით. გვერდითი მოვლენების განვითარებისას უნდა შეწყდეს პრეპარატის მიღება. პრეპარატის გახსნისას აუცილებლად გამოყენებული უნდა იყოს მინის ჭურჭელი, თავიდან უნდა იყოს აცილებული კონტაქტი ლითონებთან, რეზინთან, ჟანგბადთან, ადვილად დამჟავებად ნივთიერებებთან. გრანულების 1 პაკეტის შემცველობა 200მგ აცეტილცისტეინით შეესაბამება 0.21 ქე-ს, ხოლო 600მგ – 0.17 ქე-ს. გრანულების 1 პაკეტის შემცველობა (ფორთოხლის სუნით) 100მგ აცეტილცისტეინით შეესაბამება 0.24 ქე-ს, ხოლო 200მგ – 0.23 ქე-ს. 1 აბი შუშხუნა აცც 100 და აცც 200 შეესაბამება 0.006 ქე-ს.
ჭარბი დოზირება:სიმპტომები: შესაძლებელია დიარეა, ღებინება, კუჭის ტკივილი, გულძმარვა, გულისრევა. მკურნალობა: სიმპტომატური თერაპიის ჩატარება.
ურთიერთქმედება სხვა მედიკამენტებთან:აცეტილცისტეინისა და ხველების საწინააღმდეგო პრეპარატების ერთდროული გამოყენებისას ხველის რეფლექსის დათრგუნვის გამო შეიძლება განვითარდეს ლორწოს საშიში შეგუბება (კომბინაციის გამოყენება უნდა მოხდეს სიფრთხილით). აცეტილცისტეინისა და ნიტროგლიცერინის ერთდროული გამოყენებისას შესაძლებელია ნიტროგლიცერინის სისხლძარღვების გამაფართოვებელი ეფექტის გაძლიერება. აღინიშნება აცეტილცისტეინის სინერგიზმი ბრონქოლიტიკებთან. აცეტილცისტეინი ზრდის გლუტათიონის სინთეზს, რაც ხელს უწყობს მავნე ნივთიერებების დეტოქსიკაციას. ამით აიხსნება აცეტილცისტეინის მოქმედება ანტიდოტის სახით პარაცეტამოლით მოწამვლისას. ფარმაცევტული ურთიერთქმედება: აცეტილცისტეინი ფარმაცევტულად შეუთავსებელია ანტიბიოტიკებთან (პენიცილინები, ცეფალოსპორინები, ერითრომიცინები, ტეტრაციკლინები და ამფოტერიცინი B) და პროტეოლიზურ ფერმენტებთან. აცეტილცისტეინი ამცირებს მოცემული ანტიბიოტიკების შეწოვას, ამიტომ მათი მიღება შიგნით უნდა მოხდეს აცეტილცისტეინის მიღებიდან არაუადრეს 2 საათისა. აცეტილცისტეინის ლითონებთან, რეზინთან კონტაქტისას წარმოიქმნება სულფიდები დამახასიათებელი სუნით.
შენახვის პირობები:პრეპარატი ინახება არაუმეტეს 25C ტემპერატურაზე.
ჩვენება:ძნელად გამოყოფადი წებოვანი ლორწოს ჰიპერსეკრეციით მიმდინარე სუნთქვის ორგანოების დაავადებები, ისეთები, როგორებიცაა: - მწვავე და ქრონიკული ბრონქიტი, ობსტრუქციული ბრონქიტი; - პნევმონია; - ბრონქოექტაზია; - ბრონქული ასთმა; - ბრონქიოლიტი; - მუკოვისციდოზი; - ლარინგიტი; - მწვავე და ქრონიკული სინუსიტი; - შუა ყურის ოტიტი.







facebook
© შპს “საინფორმაციო-სამედიცინო სამსახური”
თბილისი, ჭავჭავაძის გამზ. 55
+(032)2 252272
infomis04@gmail.com
info@mis.ge

Page generation time: 0. 049635462 sec.